“Rang Badalte Rishte”

……………………….

“Baadlon se keh do,
Aa gaya hoon mai,
Badalne uski zindagi,
Chhaa gaya hoon mai,
Gaya hoon kho,
Is naye sheher ki galiyo me,
Aankhon me uski,
Bharmar gaya hoon mai.”

Aaj aapka Nits khada hai Indore ke ek engineering college k gate pe or saath me hai wo. Haathon me bag liye, badan pe lather ki jacket, aankhon pe bina frame k najar wala chashma or chehre pe sawaliya nishan liya hue. Dekhne me moderness or simplicity ka perfect combination.  Koi bhi dekh k bata sakta hai wo is college me pehli baar pravesh lene wala hai.
Tabhi uska phone bajta hai.
“Hello”, wo phone uthata hai.
“Beta..! Pahunch gaye?”, Saamne se ek maheen si fikarmand wali awaaj aati hai.
“Haan maa, bas gate pe hi khada hoon”, Usne jawab diya.
“Theek hai, hostel me room milte hi phone karna”, Unhone fir se fikar jatayi.
“Ok maa ! Apna khayaal rakhna”, itna keh k usne jaisi hi phone rakha saamne se tej se aati ek ball usse takraati hai. Bechare ki saaf suthari jacket ab saaf nahi rahi.
“Hey buddy ! Sorry”, Saamne se daudte huye aate ek ladke ne kaha.
“Koi baat nahi...it's ok”, Usne muskura k jwaab me kaha
“Daksh jaldi ball pass kar”, Tabhi beech me se  aayi ek or awaaj ne uska dhyaan toda.
“De raha hoon yaar”, Usne ball utha k uski taraf fenka.
Usne pehli baar uski bhaari awaaj ka luft uthaya. Wo gathile badan k saath  pasine me nahaya hua apne khel ka dil se maja le raha tha Use itna to pata chal hi gaya tha k uska is naye college me bharpoor mann lagne wala hai.

@@@@

Wo computer lab me baithe computer pe apne project ki taiyari kar raha tha. Dhyaan pura usi pe tha tabhi ek awaaj ne uska dhyaan toda.
“Kya ye chair khaali hai”, ye wahi jaani pehchaani awaaj thi jo usne pehle bhi sun rakhi thi.
Usne mud k dekha to ye wahi ladka tha.
“Haan...aap le sakte hai” usne muskura k kaha.
Usne bhi chair kheenchi or uske bagal me baith gaya. Jaisi wo waha baitha saansein is or tej hone lagi. Wo bhi computer pe kaam karne me mashgool ho gaya lekin ye janaab usko tirchhi najar se abhi bhi dekh rahe the.
“Hey...I am Nayan”, Usne mann me badbadaate huye socha aise kahu ya aise kahu mera naam Nayan hai….uff bahut confusion thi. Lekin uski ye  mushkil tab asaan ho gayi jab usne khud usse baat karne ki pehel ki.
“Tum shayad yaha naye ho?”, Usne usse puchha.
Uske mann me  ajeeb se bhaav uthne lage the.
“Haan mai yaha naya, abhi last week hi maine admission liya hai...lekin aapko kaise pata?”, Nayan ne comfortable hone ki koshish ki.
“Mai is college me ek saal se hoon, har purane chehre ko jaanta hoon or tum purane bilkul nahi lagte”, Usne huste huye kaha badle me wo bhi hus diya.
“By the way..I am Shaan”. Usne haath badhate huye khud ko introduce kiya.
Usne bhi haath milake jaan pehchan badhane ki koshish ki.

@@@@

Nayan apne room phone me laga hua tha.
“Haan maa ..! Maine dinner kar liya hai, aap bas apna khayal rakhna..aapko akele chhod k aane ka mann to nahi kiya but kya karta”. Usne jawaab diya.
“Meri fikar na kar tere dad k jaane k baad tune hi to khyaal rakha hai mera ab tu apne or apni padhai k baare me soch...waise bhi mera sara time to restaurant me me hi lag jata hai “. Uski maa ne bhi jawaab diya.
“Accha...maa mai rakhta hoon” itna keh k usne phone rakh diya.

Nayan ki maa Suparna ek aaj k jamane ki working women. Nayan k pita k gujar jaane k baad unhone Nayan or apne pati k restaurant ko bakhoobi sambhala tha. Akhir wo restaurant unke pati ka ateet or unke bete ka bhavisya banane ka saadhan tha. Kam umar me shaadi or kacchi umar me pati ka gujar jana saath hi baho me Nayan. JimmedarIyo k bojh ne unhe waqt se pehle hi ek anubhavi mahila bana diya tha.

Filhaal Nayan unse door tha or ek sincere student ki tarha apne padhai me mann laga raha tha.

@@@@

Raat k 12 baj chuke the...hostel k sabhi kamro ki lights band ho chuki thi. Thandi hawa k saath  aasman bhi saaf tha isliye Nayan apne room me padh raha tha ya ye kahu kitaab se joojh raha tha isliye sirf uske room ki light jal rahi thi. Tabhi kuch ladko k husne ki awaaj uska dhyan bhang karti hai. Wo khidki pe jaa k dastak deta hai to dekhta hai k kuch ladke jhund bana k kuch kar rahe hai. Andhere ki chadar to bicchi huyi thi isliye kuch saaf dikh nahi raha tha. Tabhi wo us taraf tourch ki light  maarta hai. Light me use sirf ek ladke ka hi chehra najar aaya.
“Shaan”...wo chonkta hai.
Shaan apne haat pe pakadi bachi huyi cigarette sataaak se fekta hai lekin dusare haath me pakadi huyi  beer ki bottle ka kya karta jo abhi aadhi bhi khali nahi huyi thi.
Nayan jaldi se torch band karta hai or chup chaap wapas apne kamare ki taraf rukh le leta hai.

“Yaar ...usne hume dekh liya hai” ek ladke ne bola
“Kahi usne hostel warden se shikayat kar di to” dusare ne bhi chinta jatayi.
“Don't worry guys kuch nahi hoga ..mai jaanta hoon use samjha dunga” Shaan ne ruaab se kaha.
Or ye baat aayi gayi ho gayi.

@@@@

Class room me Nayan aa class shuru hone se pehle hi aa chuka tha. Wo apni seat pe baithne jaa raha tha k kisi ne uska haath thaam ke use bahar le jaane laga. Sab unhi dono ko ghoorne lagte hai.
“Shaan kya hua? Kaha le jaa rahe ho mujhe?” usne araam se pucha
“Tumse kuch jaruri baat karni hai” wo usko le jaate huye hi bola.
Akhir dono k kadam ek jagah ruk hi gaye.
“Dekho Nayan, kal raat tumne mujhe or mere dosto ko beer pite huye dekh liya tha please ye baat kisi ko mat batana khaas kar us ghusat warden ko, wo pehle khaduss mujhse pehle hi chidha baitha hai ye baat  pata chal gayu  to mujhe hostel k bahar hi utha k  fenk dega” wo ek saans me sab rattu tote ki tarha bolta chala gaya. Jabki Nayan to uska chehra hi dekh raha tha.
“Koi baat nahi Relax….mai kisi ko kuch nahi bataunga” usne usse vada kiya.
Asal me hostel se nikale jaane wali baat uske dil me ghar kar gayi kyuki wo bhi nahi chahta tha k Shaan hostel chhod k jaaye.
“Thanks dude you are my best friend” usne khushi se usko gale laga liya.
Uske gale lagte hi Nayan ko ek ajeeb sa ehsaas hua jo pehle kabhi nahi hua tha.
“Oki dude ...ab tum meri giraft se azaad ho apni class attend kar sakte ho mai baad me milta hoon” Itna keh k wo chala gaya lekin ab class ki kisko padi thi Nayan to maano indradhanushiya rang me kho gaya tha.

@@@@

Nayan apne room me baitha apni maa Suparna se baat kar raha tha tabhi uska door knock hua.
“Maa...darwaje pe koi hai aap please hold pe rehna” wo darwaja kholne jata hai. Jaise hi wo darwaja kholta hai samne shaan ko pata hai.
“Shaan” wo ek baar fir se use apne saamne paa kar sehem jata hai.
Is baar wo akela nahi tha uske dost bhi uske saath the.
“Hey … hum movie dekhne jaa rahe hai tum bhi chalo humare saath” usne frank hote huye kaha.
“Nahi ….mujhe kuch notes banane hai tum log enjoy karo” usne indirectly na kaha
“Aree chalo na buddy...bahut maja aayega” uske dosto k group me se ek ladka bola.
“Ek minute” Nayan ne dubara apni maa ko unhold kiya.
“Maa ...mai aapse baad me baat karta hu” wo bola
“Kya hua kuch problem hai?” Suparna ne fikar mand hote huye kaha.
“Nahi ...bas mere dost mujhe ghumne k liye le jaane aaye hai unhe hi mana kar raha tha “ usne apni maa tasalli di.
“ Mana kyu kar rahe ...tumhe jana chahiye isi bahane naye mahoul me  mann laga rahega tera ….ab phone rakh or jaa” unhone utsaah se kaha
“Theek hai maa apna khyaal rakhna”. Wo phone rakh k jaldi se taiyar hokar Shaan k saamne aakar khada ho gaya. Shaan bhi khush ho jata hai.

Sab theater me movie dekhe or maje karne me vyast the. Lekin ek chiz thi jo Shaan ko  bahut or baar baar pareshan kar rahi thi wo tha uska phone phone. Ksi ka baar baar uske phone pe call  aa raha tha or Shaan apna phone dekh k cut kar raha tha. Ye chiz Nayan ne bhi notice ki thi. Lekin ab call aana band hi nahi ho raha tha tang aa kar Shaan theater se bahar aa jata hai or phone uthata hai.
“Kitni baar kaha hai aapko mujhe phone mat kiya kariye mera aapse koi nata nahi” wo pehle sher ki dahada or  baad me phone cut kar diya.

Nayan pichhe khada uski baatein  sun raha tha.
“Kya hua Shaan tum pareshan lag rahe ho, kiska call tha” usne shaanti se pucha.
“Kisi ka nahi” wo use ignore kar k jaane laga. Lekin Nayan ne uska haath pakad k rok liya.
“Tumne hi us din mujhe apna best friend kaha tha na or ab tum hi apne best friend se baatein chhupane lage” Usne is andaaz me kaha k Shaan apne aap pe kaabu nahi rakh paya or uske gale lag k rone laga.

Wo ek chhote bacche ki tarha ro raha tha.  Nayan use sambhalte huye  bahar le aata hai. Fir Dono door kahi ekaant me baith jaate hai.
“Jaante ho Shaan mai tumhe yaha kyu laya kyuki yaha itni shanti hai k apne andar ka shor bhi hum araam se sun sakte hai. Mai jaanta hoon is waqt  tumhare andar ek hulchul si machi huyi hai..kya ab bhi tum nahi bataoge” usne uske haath pe apna haath rakhte huye kaha.
Shaan Nayan ko bade pyaar se dekh raha tha.
“Kya baatau...tum jaante ho jis shaks ka maine phone cut kiya itni badtamizi se baat ki wo kon tha” wo ek pal k liye ruk jata hai.
“Bolo Shaan mai hoon tumhare saath” Nayan ne bhi use dilasa diya
“wo mera baap tha….jisne paise kamane k chalte meri maa ki kabhi kadar nahi ki. Maa hamesha unse ek muskurahat ki ummeed karti thi lekin usne upari dikhawe k alawa meri maa ko kuch nahi diya. Uske liye to bas business or client hi sab the. Us insan ki isi chuppi ne meri maa ki jaan le li. Mere baap ki ignorance ne meri maa ko maar dala”
Apni kahani batate huye jaha uski aankho me gussa jhalak raha tha wahi uske chehre pe dard tha or wo dard Nayan saaf mehsoos kar raha tha.
“Mai tumhara dard samajh sakta hoon mere bhi dad nahi hai or apno k door hone ka dard mai bhi mehsoos karta hoon lekin tumhare dad to is duniya me hote huye bhi tum unse door ho ...kya tum unhe kabhi maaf nahi kar sakte? Nayan ek acche jawaab sunne ki ummeed se usse sawal kiya tha.
“Nahi” Shaan ne bhi do tuk sawal ka ek shabd me jawaab de diya.
“Lekin tumhe apne dad ko ek moka dena chahiye, ho sakta hai jaisa tum soch rahe ho waisa kuch na ho”. Shaan shaant tha Ab na kuch sunne ki jarurat thi na kuch kehne ki.

“Dard bhari aahhh meri  sun
Mann behek raha hai runjhun
Koi mita de ise hoon mai gumsum
Tu paas hai mere tu hi le sun “

Aisa hi kuch Shaan k dil ne kaha tha jise Nayan k dil ne badi bariki se sun liya tha. Fir kya wo bina soche samjhe ghane badal ki tarha Shaan pe chha gaya or use dilasa dene k liye gale laga liya. Shaan ne bhi ek ajnabee ko kisi dost ya ye kahe dost jyada bana liya tha.

@@@@

Agale din ki subha kuch rangeeniyat oddhe huye nikali thi. Aas paas ka mahoul kuch alag tha. College me Nayan ki najre shaan ko hi dhoond rahi thi or Shaan bhi Nayan k didaar ko betaab tha.
Akhir dono mil hi gaye the.
“Hello..ab kaisa feel kar rahe” usne najre milate or churate huye puchha.
“Ek gehre  dost ne dilasa diya tha to kaise na accha mehsoos karta “ Shaan ne use aankh maarte huye kaha.
Uska aankh maarna Nayan ko ye ehsaas kara jata hai k ab Shaan pehle ki traha normal tha.
“To abhi tum mere saath coffee pe chaloge” Usne bedhadak puchha jise Nayan mana nahi kar paya. Or dono coffee pine chal dete hai.

Coffee shop me…..

Dono coffee ki  chuski k saath ekdusare ki pasand na pasand ki charcha  kar rahe the. Aaj jaise dono or kareeb aane lage the. Tabhi Nayan ka phone bajta hai...wo thoda door  jaa ke baat karne lagta hai jabki Shaan use table pe hi baith k pyaar se dekh raha tha.

“Kuch baat to hai tere hone me
Darr lagta hai tujhe khone se
Kahi dil nikal na jaaye seene se
Ab jara der nahi pyaar hone me.”

Shaan k dil ne mann hi mann gawahi de di thi k use Nayan paand aane laga tha. Uski najro me lok laaj samaaj ka darr nahi tha. Lekin Nayan k haami ki muhar lage ka intezaar tha usne soch liya tha aaj wo apne dil ki baat keh hi dega.
Wo isi soch me doob gaya tha k Nayan aa jata hai.
“Shaan ..mujhe abhi ghar k liye nikalna hoga” usne fikarmand hote huye kaha
“Lekin abhi achanak sab theek to hai? “ shaan ne pucha.
“Haan theek hai ...bas maa ne kuch jaruri kaam se bulaya hai mai tumhe waha jaa k call karunga” Nayan jaldi jaldi me jaane lagta hai tabhi shaan use rokta hai. Wo palat k dekhta hai.
“Apna khyaal rakaha” uske ye kehne pe Nayan muskura deta hai.

Nayan hoste se apne kuch kapde le kar  apne ghar laut aata hai. Lekin uski maa ne kuch  jaruri baat karne k liye use restaurant bulaya tha isliye wo samaan ghar me rakh kar restaurant ki taraf ka rulh karta hai. Jaha restaurant khaali tha muskil se do teen table pe customer baithe huye the.
“Maa aap ne achanak mujhe yaha kyu bulaya ?” usne Suparna se sawal kiya.
“ek jaruri baat karni thi” Suparna me kaha
“Maa baat to phone pe ho jaati...aapko pata mai apne gale ki haddi muh me lekar aaya hoon” Nayan pareshan tha.
“Actually beta baat ye thi k maine tere dad k jaane k baad tujhe akele pala kisi ne bhi mera saath nahi diya  na parivar ne na samaj ne. Teri har iccha ko pura kiya...jo tune manga sab diya” Suparna ne kehna shuru kiya.
“Haan maa mai jaanta hoon...aapne mere liye bahut sacrifice kiye hai mai is janam me to kya agale janam me aapke liye karu to bhi kam padega.” Nayan ne Suparna ka haath apne haath me lete huye kaha.
“Baat ye hai beta...k ek shaksh hai jise mai tere papa ki jagah dena chahti hoon, unhi se milane k liye tujhe yaha bulaya hai” Nayan ko kuch samaj nahi aata. Wo bina kuch bole bas Suparna ko dekh raha tha.
“Haan beta mai shaadi karna chahti hoon...ab tak mai tere liye jeeti aayi hoon or ab tu khud ko sambhalne layak ho gaya hai to mai thoda apne liye jeena chahti hoon. Kya tum mere is faisle me mera saath doge?” Nayan bilkul nishabd tha use samajh nahi aa raha tha kya bole. Lekin use apni maa ki khushiyon ki parwaah thi jaise uski maa ne humesha uski khushiyon ki parwaah ki thi.
“Theek hai maa mai aapke faisale ki kadar karta hoon lekin mai pehle us shaks se milna chahunga jiske baare me aap baat kar rahi hai” Nayan ne apni icchha jaahir kar di thi.

Suparna use  khushi se gale laga leti hai
“Mai jaanti thi tum mujhe kabhi mana nahi karoge isliye maine Randhir ko pehle hi bula liya tha jisse tum dono ek dusare se mil sako” wo kisi ko bulane jaati hai or ek 40 se 45 age k shaks ko apne saath le k aati hai.
“Inse milo ye hai Randhir”  wo dono ko ek dusare se introduce karati hai. Nayan bhi unse acche milta hai or baat karta hai.
“To aap maa se pehli baar kaha mile” usne puchtach karna shuru kiya.
“Isi restaurant me ...Randhir aksar hi yaha aate rehte hai “ Suparna ne jwaab diya.
“actully mai meeting k silsile me yaha aata rehta hoon or Suparna Ji se bhi yahi mila...maine unhe kareeb se jana tab mujhe laga k ye bhi akeli hai or mai bhi apne jeevan me akela hoon isliye hume ek ho jana chahiye” Randhir ne Suparna ki baat ko aage badhate huye kaha.
“or aapki family?” Nayan ka agla sawaal yahi tha.
“meri koi family nahi hai meri wife ko gujare 3 saal ho chuke hai or meri ek aulaad hai jisne apne baap ki kabhi kadar nahi ki or is umar me mujhe akela chhod k na jaane  kaha gayab ho gaya. Aise me Suparna ne hi mujhe sambhala meri khushIyo ka karan bani nahi to mai kin andhero me jee raha hota mujhe hi pata hai .” Randhir ne apni baat kahatam ki.
Nayan kuch der sochne k baad ek natize pe pahucha k use apni maa ki khushiyon k baare me sochna chahiye isliye usne apni maa ki dusari shaadi karane ka nirnaye le liya.
Apne faisale ki ghoshna karte hi dono ne hi Nayan ko gale se laga liya. Nayan ko bhi mehsoos hone laga k uska adhoora privaar pura ho gaya hai.

@@@@

College or hostel me Shaan mara mara fir raha tha use Nayan ki yaad sata rahi thi. Use Nayan se pyaar ho gaya hai ye baat bhi usne mann hi mann  kabool kar li thi.
“jaldi se aa jaao Nayan ...jab tak tumhe apne dil ki baat na keh doon mujhe chain nahi padega” wo bawra hua jaa raha tha.

Idhar 2 -3 baad Nayan khud  apni maa ki court marriage Randhir se karata hai. Jitna khush wo dono lag rahe the utna hi khush Nayan un dono ko khush dekh k ho raha tha.
“Sach me Suparna Nayan jaisa beta bhagwan sabko de … usne meri jholi khushiyon se bhar di ek bete ki kami humesha se khal rahi thi jo mera sahara bane wo bhi aaj Nayan k roop me puri  ho gayi” Randhir Nayan ko gale se laga lete hai.

@@@@

Kuch din baad….

“accha maa mai chalta hoon aapko hostel pahuch k phone karunga”’ wo wapas jaane laga tha.
“Kuch din or ruk jaate beta to accha lagta hume abhi or ghulna milna hai” Randhir ne use rokne ki iccha jaahir ki.
“Ek baar exam khatam ho jaaye dad fir to aap logo k saath hi rehna hai ..aap dono apna or ekdusare ka khyaal rakhna” wo dono se gale mil k jaane lagta hai.
“tum bhi “ dono use bida karte hai.

Use jitna dukh apne maa papa se bichadne ka tha utni hi khushi bhi thi k ab wo Shaan se milega wo bhi itne din baad.
Wo bas jald se jald college k hostel pahuch jana chahta tha Shaan ko surprise karne kyuki Usne apne aane ki khabar bhi use nahi di thi.

Akhir Kar wo hostel pahuch hi jata hai. Wo apne room me jaane se pehle Shaan k room me jata hai. Usse milne. Wo uske door pe knock karta hai lekin darwaja apne aap khul jata hai. Wo andar jaa ke dekhta hai room me koi nahi tha..
“Shayad Shaan bahar gaya hai...chalo baad me mil lenge” wo wapas loutne lagta hai lekin ek dum se ruk jata hai. Uski najar table pe rakhi ek tasveer pe jaati hai. Us tasveer me do insaan the ek Shaan tha or dusara jiske hone ki use bilkul ummeed nahi thi...or wo dusara insaan or koi nahi Randhir ji the jinse usne apni maa ki shaadi karayi hai. Ye dekh uske pair se zameen sarak jaati hai. Dimmag ki nase fatne lagati hai uska dimaag sunn ho jata hai.
Wo dheere dheere kadmo se chal kar aage badhta hai or kaanpte haatho k saath us tasveer ko uthata hai jaise hi wo use palat k delhta hai uske picche likha hua tha.
I MISS YOU….DAD.
tabhi ek jor ki bijali kadakti hai or Nayan ki aankho k aage andhera chha jata hai or uske haath se wo tasveer chhut k gir jaati hai or chaknachoor ho jaati hai jaise uska dil chaknachoor ho gaya tha. Kyuki wo jise apna dil de baitha tha wo ab uska bhai ban chuka tha. Usi k dad se usne apni maa ki shaadi kaarayi thi. Dono ka rpyaar ka rishta judne se pehle hi badal chuka tha.

Wo bhaag k apne room me jaane lagta hai uski aankho me aansu the or dil me dard.
Wo bhaagte huye kisi se takra jata hai. hosh aata hai delhta hai saamne Shaan tha.
“Tum aa gaye Nayan tum nahi jaante maine tumhe kitna miss kiya” Shaan use khushi se apni bhaaho me bhar leta hai. Wo itna khush tha k usne uske aansuon ki kahani ko bhi najarandaaz kar diya.
Shaan apni sudh kho baitha tha kyuki itne din baad usne Nayan ko apne kareeb paya tha isi madhoshi me wo Nayan ko chumne lagta hai lekin Nayan ek baar me use dhakka de k apne se alag bhaag jata hai or khud ko room me band kar leta hai.
“Nayan kya hua...agar mujhse koi gunaah ho gaya hai to mujhe maaf kar do...mai tumse pyaar karta hoon isliye tumhare  saath aisa kiya agar tumhe mai pasand nahi to koi baat nahi hum acche dost ban ke reh sakte hai” Shaan uske room ka darwaja pitate huye ye sab keh raha tha.
“Please Nayan yu chup reh k mujhe or na  tadpaao kuch to bolo” Nayan darwaje se sar ko tikaye bas roye jaa raha tha. Ab to wo use apni dil ki baat bhi nahi bata sakta tha  kyuki ab uska Rishta jo badal gaya tha usse. Rishton k maayne badal chuke the.

Bahut der darwaja na kholne par Shaan darwaja todne ki thaan leta hai kyuki use apne sawalo k jawaab chahiye the wo jaise hi darwaja tod k andar jata hai bilkul shaant ho jata hai. Hawao ne apna rukh mod liya tha.musam me bhi berukhi chaa gayi thi, bas charo ore sannata pasra tha uss sannate ko cheerte huye aati hai to bas ek cheeek ...Shaan ki cheeek 
“Naaaaahhhiiiiii”  Shaan beshudh hokar chikhta hai.
Wo uske pairo se lipat jata hai.
Kyuki wo  jaise hi andar jata hai Nayan ko faasi se fande se jhoolta hua pata hai.
“Kyu bhgwaan kyu tu itna nirdayi ban gaya hai jisko maine chaha use tune apne paas Bula liya..pehle maa ko or ab use jisse mai pyaar kar baitha” wo khoon k aansu ro raha tha.
Tabhi uski najar Nayan k haath pe fase letter pe padti hai. Jisme likha tha …..

“Maa mujhe maaf kar dena...aapki zindgi sawar gayi hai isliye ab mujhe aapki koi fikar nahi aap apne Randhir ji k roop me  naye jeevan saath k saath khush rahengi wo ek acche insaan hai maine ye maine pehli mulakat me hi jaan liya tha. Or Shaan...mai tumse bahut pyaar karta hoon itna jitna sagar ki leher kinaro se karti hai lekin mai tumhe jeete jee nahi apna sakta tha kyuki is samaj me ek gay ladka dusare gay ladke ko apna le tab bhi ye samaj unhe jali kati sunane k baad swikar bhi le  lekin ek ladka  aise ladke se pyaar kare jiska usse Bhai ka rishta jud chuka hai iski ijajat ye samaj to kya bhagwan bhi nahi deta. Or mai tumhe apna k khud ki najro me girna nahi chahta. Na mai tumare bagair jee chahta hoon na mai tumhare saath jee paaunga isliye mout ko gale laga raha hoon ..ho sake to mujhe maaf kar dena……….abhaga Nayan.”

Shaan k saamne ab saari sacchai aa gayi thi. Sach jaan k uska dil bhi dhehel ho gaya tha. Lekin ab to bahut der ho chuki thi wo chah k bhi kuch theek  nahi kar sakta tha. .

@@@@

Jab Nayan k is tarha jaane ki  khabar Suparna or Randhir tak pchuchi to dono k sar pe dhukho ka  aasmaan tut pada  tha. Jise un dono ne huste huste bida kiya wo to is duniya se hi chala gaya tha.

Shaan k mann me har pal Nayan ka wo chehra ghoom raha tha jab wo usse pehli baar mil tha….uske mann me Nayan ki kahi  ek baat ghar kar gayi thi.

Flash back start….

“Lekin tumhe apne dad ko ek moka dena chahiye”. Isi ko dhyan me rakhe huye wo uth khada hota hai .
“Jis wajah se tumne apni jaan di hai us wajah ko hi mai kahtam kar dunga...tumari ye akhri  iccha mai puri karunga Nayan.” or wo nikal padta hai Randhir k liye purana Shaan or Suparna k liye naya Nayan bannne.

@@@@

Kuch saal baad.

Suparna dahi chini  le kar aati hai.
“Aaj mera beta apne business ki pehli deal karne jaa raha hai...god bless you khoob tarakki karo.” Suparna Shaan ko khoob ashirwad deti hai.
Randhir bhi apne bete ko kaamyaab hota dekh foole nahi samate lekin ye khushi uske wapas laut aane ki jyada thi kyuki Shaan ne uhne galat samjana chhod diya tha.

Wo din bhr office me gujarta apne dad ki madad karta or shaam ko Suparna k saath uske restaurant me uski madad karta. Jisse usne Suparna ko bhi Nayan ki kami kabhi mehsoos nahi hone di.

Lekin use Nayan ki kami humesha mehsoos hoti thi isliye wo roj raat ko khidki pe khade hokar hawao ko mehsoos karta jisme Nayan k bol ki goonj use sunayi deti. Use aisa lagta hawao k sang Nayan usse baat kar raha hai.

Bhale hi dono k  Rishton k Rang Badle ho lekin aaj bhi unka  pyaar  utna hi pavitra hai jitna pehle tha.

“Kat jaayegi teri yaado me
Ye ziindagi huste huste
Isi ka naam hai  zindagi
Jaha Rang Badalte Rishte”

.......THE END........

Writer - Nits