"Meri Kalam Hi Pehchan Hai"

Episode 1

Kehte hai ek tuta hua sitara tutne se pehle kayi logo ki dua kabool kar jata hai. Lekin jise kismat ne tod diya ho wo kaise khud ko sambhaal sakta hai.
Lekin usne khud ko sambhaala kyuki wo koi aam insaan nahi koi farishta tha. Jiska kaam tha sabko khushi dena, kisi k liye bhi dil me bair na rakhna. Har burai se khud ko door rakhna. Lekin wo pyaar ki tadap se khud ko bacha na paya... Lekin wo pyaar ki tadap thi kya use janne k liye hume kahani ki taraf jana hoga...
To mai Nits aap sabko le chalta hoon Ranikhet ki ghatiyo me. Jaha ka vatavaran Or saundary dekhne wala hota hai. Sheher chhota tha lekin usme rehne walo ki soch chhoti nahi thi. Isliye 377 hatne k baad bade dhoom dhaam k saath aaj waha first Pride Parade k aayojan hua tha.
Or us parade me LGBTQIA samudaay k logo ne badh chadh kar hissa liya hai.
Dhol taasho ki dhun pe sab khushi se naach gaa rahe the. Usi bheed me ek 21 saal ka shadharan Or thoda badsurat sa ladka tha jo apne aap me hi magan tha or apni azaadi ka jashn mana raha tha.
Tabhi us parade se door khadi ek ladki use jor jor se awaaj laga rahi hoti hai.
Wo ladki - Nilakshit... Nilakshit
Lekin wo ladka use ansuna kar apne me hi khoya hua tha.
Wo ladki - uff ye ladka khud bhi marega Or mujhe bhi marwayega.
Wo use fir se awaaj lagati hai - Nilakshit... Nilakshit...
Itni baar bulaye jaane pe use haar kar uske paas aana hota hai.
Nilakshit - Oh Oh... Kyu bula rahi ho baar baar... Kitna maja aa raha hai.
Wo ladki uske kaan kheechte huye - Ye koi tere yaar dost lo bharat nahi hai jo tu itna naach raha hai ye parade hai... Or kisi ne tujhe dekh liya to khaamkha baat ka batangad ban jayega.
Wo jabardasti apne kaan chhuda leta hai.
Nilakshit - Dekh tu mere kaan na aitha kar
Wo ladki - kyu mai badi hoon tujhse.
Nilakshit - haan lekin bas kuch hi mahine..
Wo ladki - Haan to badi hoon na bas kaafi hai...Accha chal ab... Ghar chal warna problem ho jayegi.
Wo dono muskura k haath me haath daale chale jaate hai...
To ye tha Nilaskhit Gay community ka ek chhota sa sitara jiska jikar kahani shuru hote hi hua tha. Jo Ranikhet me apni Nani, Mama, Mami Or apni mameri behen Niharika k saath rehta tha jo usse kuch hi mahine badi thi.
Nilaskhit ki maa use janam dete hi gujar gayi thi. Unke gujarne k baad uske pita ne dusri shaadi karne k chalte use apne paas rakhne se saaf inkaar kar diya kyuki kuch din ka chhota sa Nilakshit unki shadi me archan paida kar raha tha. . Isliye uski Nani Kadambari Devi ne apni ekloti beti ki nishani ko apne paas rakh k uska palan poshan karne ki thaan li thi or wo apne beti k sasuraal waalo ko dikha dena chahti thi k wo kisi se kam nahi. Bas tab se Nilaskhit ab is parivaar ka ho gaya tha.
Kadambari ne apne Nvase Or Poti ki dekhbhaal me koi kami nahi chhodi...Unhone dono bacchon ka naam bhi milta julta rakha jisse dono me koi differences na dikhe. Or uska pura shrey jata hai uske Mama Abhinav Or Mami Chaitali ko.
Abhinav Vyas Ranikhet me hi ek chhota sa publishing house chalate the. Jisme wo naye ubharte huye writers ko ek ayaam dete the. Isi se us Vyas parivaar k din acche Or shaanti se kat rahe the.
Vyas House...
Niharika Or Nilakshit ghar me pravesh karte hai. Mausam me bhi andherapan chha gaya tha.. Raat hone ko thi
Chaitali - Aa gaye tum dono kaha matargasti kar k aa rahe ho.
Dono darr kar ek dusare ko dekh rahe the.
Niharika - Kahi nahi maa... Wo bas idhar udhar ghoom k aa gaye.
Dono k chehre pe Nervesness saaf jhalak rahi thi...
Chaitali - lekin Nilaskhit k kitte wale jute dekh lagta hai k jaise ye dangal lad k aaya ho. Hmmmm
Wo jaldi se apne pair pichhe kar leta hai.
Tabhi Kadambari Devi ki awaaj aati hai.
Kadambari - kyu baras rahi hai Chaitali... Bacche hai dono.
Chaitali - maa aap k laad pyaar ne hi dono ko bigaad k rakh diya hai...khaas kar is Nilakshit ko Din bhar yaa to ghumna ya bas Niharika k phone me tipir tipir karna..
Nilakshit mann me - ab kaise batau mami k mai phone me kya kya karta hoon jis din bhi bataya sabse pehle aapko heart attack aa jayega..
Ye soch k hi use husi aa jati hai
Chaitali - dekha maa besharm hua ja raha hai.
Kadambari kathor hote huye - Nilaskhit tu kab se itna shaitan ho gaya Or Chaitali sahi keh rahi hai kya karta rehta hai phone me padhai me bhi utna hi dhyaan de...
Niharika - Deta to hai Dadi tabhi to har baar top karta hai...
Kadambari - haan haan pata hai.
Chalo jaao dono.
Dono waha se patli gali pakad k nikal lete hai
Kadmbari - Chaitali Abhinav kab tak aa raha hai...?
Chaitali - Kuch der phele wo nikal chuke hai bas aate honge.
Kuch der baad
Ek 45 saal ka shaksh haatho me sadaran sa jhola liye ghar me pravesh karta hai uske aate hi ghar ka mahaul badal jata hai... Sab apne kaam me lag jaate hai use dikhane k liye...ye or koi nahi Niharika k pita Abhinav the. Jo ek suljhe huye Or samajhdaar insaan the unka swabhaav shant tha isliye unhe shanti pasand thi.
Raat k khane pe...
Sab baith k shaanti se khana kha rahe the.
Abhinav - Maa aaj fir unka phone aaya tha. Wo fir se dhamki de rahe the.
Itna kehte hi wo Nilakshit ki taraf dekhne lagte hai.
Kadambari - na jaane kyu pareshan kar raha hai wo hume.. Jab jarurat thi tab na aaya or aaj 21 saal baad hume dhamki diye jaa raha hai.
Chaitali - de bhi kyu na maa.. Us insaan ko apni dusri biwi se beta nahi hua to ab humare bete pe najar daal raha hai.
Nilakshit samajh jata hai k yaha uske pita ki charcha ho rahi hai jo aaj tak use dekhne tak na aaya or ab use le jaane ki dhamki de raha hai lekin wo chup tha.

To be continue...

Episode 2

Nilakshit ghar ki chhat pe baitha taaro ki taraf dekh raha tha. Taaro ki taraf dekhte huye wo apni maa ko yaad kar raha tha. Yu to use jaldi unki yaad nahi aati kabhi kabhi wo pareshaan hota hai to unhe yaad kar leta hai. Tabhi Niharika aati hai.
Niharika - Upar aasmaan me dekh kar kya kar raha hai... Taare gin raha hai.
Nilakshit kuch nahi bolta dhheere se apne aansu pochh leta hai.
Niharika chonkte huye - Tu ro raha hai?
Nilakshit - Nahi to.
Niharika - Bol na kya hua?
Nilakshit - Mai kitna bura hoon na.. Paida hote hi maa ko khaa gaya, baap ne mujhe thukra diya.
Niharika - Tu bhi kya hum ladkiyon jaisa rota hai mard ban mard.. Or tujhe humse koi alag nahi kar sakta jab tak tu na chahe... Samjha Or ab rona band kar chal niche.
Nilakshit apne aansu poochhte huye - Tu jaa...mujhe computer pe apne project ki ppt banani hai. .
Niharika - kya tu daily raat ko kabhi computer khol k baith jata hai to kabhi mere phone pe tipir tipir karta rehta hai. ...Theek hai... Tu apna kaam kar mujhe nind aa rahi...Good night..
Nilakshit khud se - Sorry Niharika... Mai roj tere se jhooth bolta hoon lekin mai kya karu sach bhi to nahi bata sakta kisi ko... Lekin apne mann ko maar bhi nahi sakta. Agar kisi ko bhi pata chal gaya k mai gay hoon or mujhe ladke pasand hai to sabko bahut dukh hoga. Or mai is parivaar me kisi ko bhi meri wajah se dukh ho mai bardaasht nahi kar sakta.. Kaash aaj tu samjh paati k Pride Parade me mera hissa lena koi ittefaq nahi tha... Mai dil se jana chahta tha. Hope so ek din Tu meri baat samjhegi jisse mujhe ye daily koi bahana na banana pade.
Wo niche aakar computer ko on karta hai or rojana ki tarah Story likhna shuru kar deta hai.
Haan Nilakshit ek LGBTQIA Story Writer tha or wo do saal se kahaniyaan likh raha tha or ab uski likhaavat community k logo ko itni pasand aati thi k wo social media ka ek famous writer ban chuka tha.. Lekin na use kisi ne dekha tha na koi use jaanta tha. Yaha tak k uski behen bhi nahi. Apni kahaniyon k madhyam se wo apne sapno ko jeeta tha. Apne dil k armaan pure karta tha.... Ya kahu k use ek khushi ka ehsaas hota tha. Likhte likhte hi uski raat katati thi or agla din aa jata tha... Lihaja raat gujar gayi or naya din aa gaya.
Next day....
Abhinav ka phone bahut der se baj raha tha.
Abhinav - Hello
Samne se ek bujurg mahila ki call aati hai - Hello... Aap Kadmbari Devi k ghar se bol rahe hai.
Abhinav - Haan mai unka beta bol raha hoon.
Wo mahila - Ohh Abhinav beta... Mai Suparna bol rahi hoon teri maa ki best frnd.
Abhinav khushi se - Ohh Suparna Kaki. ..ek minute mai maa ko phone deta hoon..
Wo Kadambari ko phone deta hai.
Kadambari - kaisi hai chipkali .. Bahut saalo baad yaad kiya.
Suparna - Kya karu.... Mere bete k business k chakkar ki wajah se mai pichle kayi saalo se London me hoon. Lekin fikar na kar bahut jald mai apne pote k saath Ranikhet aa rahi hoon.
Kadambari Khushi se uchhalte huye - sach. ye to bahut acchi baat hai.
Lekin ek baat keh deti hoon tum logo ko humare ghar me hi rukna hoga..
Suparna huste huye - hahahaha ek baar aane to do fir dekhte hai... Chalo mai phone rakhti hoon jaldi milte hai.
Unka phone rakhna tha k Niharika ka waha aana hua.
Niharika - kon aa raha hai Dadi apne ghar...
Kadambari - Meri chaheti saheli... Hum school se lekar college me ek saath the.. Fir wo londr chali gayi or hun alag ho gaye... Lekin wo jald hi Ranikhet aa rahi hai.
Abhinav - ye bahut acchi baat hai maa.
London me...
Happy birthday day to you... Happy birthday day you...
Saat samundar paar kisi ka janamdin celebrate ho raha tha...
Ek ladka - many many happy return of the day mere yaar...
Dusra ladka cake khilate huye - Thank you so much Sagar... You are champ yaar.
Sagar huste huye - I Know.... I know.
Sagar Khurana... 23 saal ka ek hatta katta naujavaan...jisne abhi abhi apni padhai puri ki thi or jald hi apne pita k saath kaam me haath batane jaa raha tha..
Wo apne dost se baatein kar hi raha tha k pichhe se ek ladki aake uski aankhen band kar leti hai.
Sagar chokte huye - who's that.
Uska dost - Pehchano.
Sagar - Ravi?
Uska dost - No
Sagar - Amit
Uska dost - no
Sagar - Krishna
Uska dost - nahi yaar.
Wo ladki ab tang aa kar khud hi apna haath hata leti hai.
Wo ladki naraj hote huye - Alisha hoon .tumhaari girlfriend.
Use dekh wo chonk jata hai
Sagar bnate huye - Hahahahaha... Dekha mujhe to pehle se pata tha k tum ho. Mai to tumhe chhed raha tha.
Alisha khushi se - sach.
Wo uske gale lag jaati hai.
Kuch der baad...
Uska dost - Tu sach me bahut bada kamina hai... Apne saare ex bf k naam ginane k baad bhi usko impress kar gaya.
Sagar collor chadhte huye - ye Mera style hai..
Uska dost - Tu bisexual hai it's ok.. Lekin Tu apni ye harkate chhod kyu nahi deta...
Sagar - mera to ek hi usool hai.. Pehle istemaal karo fir vishvaas karo. Hahaha
Uska dost - kab tak do do naav pe sawari karta rahega.
Sagar kuch sochte huye - jab tak mujhe wo nahi mil jata ya jaati.
Uska dost - kon?
Sagar - pata nahi...
Uska dost sar khujate huye - haainnnnn.....
Itna keh k wo sabse alag ho jata hai.. Or apna mobile le kar usme kuch padhne lagta hai or mand mand muskurane lagta hai..

To be continue....

Episode 3

London...
Sagar apne ghar aata hai. Uska ghar foreign ka ek morden house tha jo sabhi suvidhaon se paripurn tha.
Sagar aate hi apni jacket utaar k ek servent k muhh pe fenkta hai.
Tabhi ek awaaj aati hai.
Wo awaaj - Sagar?
Wo palat k dekhta hai - Dadi..
Suparna Khurana uskr saamne khadi thi.
Suparna - Mujhe tujhse ek baat karni hai.
Sagar - haan boliye dadi... Kuch chaiye aapko?
Suparna - Mujhe India jaane ka bahut mann kar raha hai...
Sagar - bas itni si baat... Mai kal hi aapki tickets book karwa deta hoon not to worry.
Suparna - uff ladke meri baat to sun.. Mai chahti hoon k Tu bhi mere saath chale..tujhe India se Indian culture se parichit karana bahut jaruri hai.
Sagar - kya Dadi... Mai Hindi bolta hoon, India k saare festival yaha celebrate karte hai, aapke saath Mandir bhi jata hoon, Or to Or Indian Culture pe research bhi ki hai... To waha jaakar kya hoga.?
Suparna uske gaal pakadte huye - ye hoga barkhurdaar k jo chiz hum dekh sakte hai wo yaha nahi.. Bas tu bhi mere saath chal raha hai n that's final.
Sagar ne dadi ka mann rakhne k liye haan me haan mila di thi.
Ranikhet...
Nilaskhit dekhta hai ghar ka naksha badla badla sa lag raha tha Chaitali ghar ko chamkaane me lagi huyi thi.
Nilaskhit - kya baat hai Mami aaj to ghar swarg lok lag raha hai, Kon aa raha hai mami?
Chaital - Teri Nani ki best frnd aa rahi hai na jaane jab se unka phone aaya pura ghar sar pe utha rakha hai maa ne.
Nilaskhit bhaagte huye Kadambari ki room me jata hai. Jaha Niharika pehle se moajud thi or unke pair bada rahi thi.
Nilaskhit - Nani... Aapki kon si dost aa rahi hai. Mujhe aapne kabhi bataya nahi.
Kadambari - Nahi bataya to ab bata deti hoon.
Wo apni or Suparna k bachpan k din or purani shaiyaniyo k kisse un dono ko sunane lagi thi. Dono chatkaare le k Kadambari ki baat sun rahe the.
Kadambari - dekho wo log jab aayenge to tum dono mere saath chalna unhe lene theek hai.
Dono haan me sari hila dete hai.
Raat me.
Roj ki tarha Nilakshit apne readers k liye kahaniya likh raha tha. Tabhi ek Notification uska dhyaan todti hai. Wo dekh ta hai Kisi Sagar naam k ladke "Hello" ka msg aata hai.. Lekin aise msg aana uske liye koi nayi baat nahi thi.. Isliye wo use ignore kar deta hai. Or apne kaam me lag jata hai. Kuch der baad fir se msg aata hai... "I like to read your stories very much" Is baar usse raha nahi jata Or wo msg open kar dekh hi leta hai... Reply dene se behtar use laga ek baar uski profile check kar leni chahiye... Isliye wo uski pic dekhta hai...Pic me ek 23 saal k ladke ki photo lagi huyi thi... Jo dikhne me kaafi handsome Or mantrmugdh kar dene wala tha. Wo Mannmohit hua jaa raha tha uski aankhon me kho kar. Na chahte huye bhi usne use reply de diya.
Nilakshit - Hello... Thanks
Tabhi samne se ek or msg aata hai .
Sagar - Tum kaha se ho?
Nilakshit sochte huye likh hi deta hai - Ranikeht India.
Sagar - Tum kon ho? Kya mai tumhara naam jaan sakta hoon?
Uska Itna kehna tha k Nilaskhit k maathe se pasina nikalne laga wo apni pehchan batane me darr raha tha or soch raha tha k aage kya kare... Wo ruk ruk kar apna naam likhna shuru karta hai.
Nilaskhit ka Ni hi likha tha k use laga kisi bhi anjaan insaan ko bina jaane pehchane use apna naam nahi batana chahiye... Wo isi jaddo jehed me ghira hua tha k galti se usse andha adhura naam hi send ho jata hai. Wo dare jata hai ek dum se computer band kar deta hai.
Dusari taraf tha Sagar ye wahi Sagar khurana tha jo London me rehta tha. Jise pata tha k wo bisexual hai or use Aisi kahaniyaan padhna kyu pasand hai.
Sagar khud se - Tum jo koi bhi ho girlw ya boy tumahare naam ka pehla do akshar to mai jaan hi gaya hoon jald hi pura naam bhi jaan jaunga.. Ni...
Tabhi use yaad aata hai k Dadi ne use Ranikhet le jaane ki baat ki thi. Or uska fev writer bhi usi sheher se hai. To kya bas ek pal gavaye wo Dadi k saath India aane ki thaan leta hai.
Do din baad...
Platform pe train aakar rukti hai. Jaha pe pehele se hi Kadambari Niharika Or Nilakshit k saath Suparna Or uske pote ka wait kar rahe the.
Tabhi ek bujurg mahila jameen pe hai apna pehla kadam rakhti hai. Use dekh Kadambari pehchan jati hai.
Kadambari khushi se - Chipakali
Suparna apni dost ko dekh k bahut khush hoti hai. Dono khushi se saalo baad kas k gale milati hai or unhe dekh Niharika Or Nilaskhit dono husne lagte hai.
Kadambari - Tu akele aayi tera pota kaha hai?
Suparna - aaya hai na...
Wo Sagar ko awaaj lagati hai - Saaaagaarr.
Sagar naam sun k Nilaskhit thoda soch me pad jata hai k ye naam usne kahi dekha hai. Lekin jab Sagar train se utarta hai to Uski ankhein fati ki fati reh jaati hai... Wo pehchan jata hai k ye message wala ladka hi hai. Lekin wo chup rehta hai.
Idhar Sagar khud se - Aa gaya Ranikeht kitni sundar jagah hai. Tabhi to yaha k log itna accha likhte hai.
Wo palat k dekhta hai... Suparna use bula rahi hai.
Wo jaate hi Kadambari k pair chhuta hai.
Kadambari - jug jug jiyo... Videsh me rehne k baad bhi kya sanskaar diye hai tune apne bacchon ko Suparna.
Suparna - lekin tera navasa Or poti kaha hai?
Idhar Nilakshit Sagar ko bhaucakka sa ghoorta rehta hai. Use yakeen nahi ho raha tha k ye ladka uski kahaniyon ko itna pasand karta hai. Aaj use duniya sach me chhoti lagne lagi thi. Ek tarha se Wo use pehli najar me bhaa gaya tha.
Niharika - Nilakshit.... Kaha khoya hai chal dadi bula rahi hai.
Dono jaate hai or Suparna se milte hai.
Lekin jab Sagar Ki milne ki baari aati hai. To uska focus sirf or sirf Niharika pe rehta hai.. Wo use tirchhi najro se ghoore jaa raha tha.
Sagar - mann me... Kitni khoobsurat ladki hai yaar... Iske aage to Alisha kuch bhi nahi.
Nialaskshit ye chiz notice karta hai k Sagar uski taraf dhyaan na de kar Niharika ki taraf dekhe jaa raha hai.
Nilakshit udaas hote huye mann me - Tu bhi na pagal hai Nilakshit. Jaruri nshi har gay kahani padhne wala gay hi ho. Wo lgbt ka supporter bhi ho sakta hai. Or waise bhi tujh jaise badsurat insaan ko koi kyu pasand karega.
Nilakshit k mann me kayi sawal ithh rahe the, kisa jawaab wo khud hi diye jaa raha tha.. Ye uske ladakpan ka ehsaas tha jo umad raha tha.
Inhi sab me will sab Vyas House pahuchte hai.
Suparna - waah... Kadambari tune ghar kitna accha sajaya hai.
Kadambari - Ye sab Chaitali ne taiyaari ki hai.
Chaitali - Ji kaki... Aapne aane ki khushi me aaj ghar me Mata ki chonki rakhwayi hai.
Sagar utsaah se - Matha ki Jhoki... I like that.
Uski tuti futi hindi sun kar Nilakshit Or Niharika aapas me khi khi kar husne lagte hai.

To be continue....

Episode 4

Vyas house me Suparna Or Sagar ki aane ki khushi me Kadambari ne Mata ki choki ka aayojan bade hi dhoom dhaam kiya tha. Pura ghar foolo se saja hua tha Chaitali ne koi kami nahi chhodi thi Mata rani k vastro sringar me.
Abhinav - Maa..Pandit ji bhi aa gaye. Hume bhajan shuru kar dena chaiye.
Kadambari - Haan sahi keh rahe ho beta. mehmaan bhi lagbhag aa chuke hai.
Tabhi Suparna aati hai.
Suparna - waah re Kadambari.. . Kitna bhakti may vatvaran ho gaya hai. Mai humesha se chahti thi Sagar is bhartiya sanskriti se jude isliye mai use apne saath laayi hoon
Kadambari - Lekin Sagar beta hai kaha?
Idhar Sagar room me taiyaar ho raha tha.
Sagar apne me hi - Waah kitna accha costume diya hai Chaitali Aunty ne. . I real like it.
Pichhe khada koi uski baat pe gussa raha tha wo palat k dekhta hai to Nilakshit tha.
Nilakshit - Ye costume nahi hai. . It's a traditional dress.. . Ise Dhoti Kurta kehte hai. Waise tum bahut hi acche lag rahe ho isme
Sagar - Thanks... Tumhara naam Nilakshit hai na.. .
Nilakshit haan sar hilata hai.
Sagar apna haath badhate huye - mera yaha koi dost nahi hai.. Mujhse dosti karoge?
Nilakshit usse shake hand karta hai. un hum umar ki dosti ki shuruaat ho chuki thi. Usse haath milate samay Nilaky ko kuch ajeeb ka ehsaas hona shuru ho gaya tha. Lekin wo anjaan tha. Use Sagar dikhne me to accha laga hi tha lekin uska vyavhaar bhi use bha gaya tha.
Nilakshit - ummm wo niche Nani tumhe bula rahi hai... . Chale.
Dono saath me niche aate hai. Bhajan bajna almost shuru ho chuke the.
Suparna - haaye mera baccha kitna accha lag raha hai.
Sagar - Dadi.. . Nilakshit ne mujhe ready kiya hai.
Sagar k muh se apne liye tareef sun kar Nilakshit khush ho jata hai.
Chaitali Abhinav ye Niharika kaha reh hai.
Abhinav - yehi to thi.. . Wo dekho aa rahi hai.
Sagar palat k dekhta hai to Niharika ko dekhta rehta jata hai.
Aasmaani color k chudidaar me wo dhhere dheere seedhiyon se utar kar aa rahi thi. Jo bilkul pari lag rahi thi. Sagar ko najre usse hat hi nahi rahi thi.
Suparna ko shaq sa hota hai. ek dafa Niharika ko dekhti hai or dusari dafa Sagar ko dekh rahi thi jo use taak raha tha.
Kadambari - Oye Chipkali kaha kho gayi
Suparna - Kadambari wo teri Poti hai na.. Uske liye koi lvadka vadka dekha k nahi..
Kadambari - abhi to nahi.. . Lekin mata rani chahe to jald hi koi acha ladka mil jayega.
Ye sun kar k dimaag me kuch chalne lagta hai.
"Aaj hai jagrata oh oh
Aaj hai jagrata oh oh
Bhakto ki to sun le maa
Aaj tera jagrata
Bhakto ki to sun le maa
Aaj tera jagrata"
Idhar bhajan mandali bajan gaane me mashgool thi. Udhar Nilakshit ki najre Sagar pe tiki thi or Sagar ki najre Niharika pe.
Kuch der baad...
Sagar k London wale dost ka call aata hai.
Uska dost - or mere desi boy kaisa lag raha hai India jaa k
Sagar - mujhe nahi pata tha India itna khoobsurat hai Or yaha k log bhi. Khaas kar ladkiyaan.
Uska ishara Niharika ki taraf tha.
Uska dost samjh jata hai k uske dimaag me natkhatpan chal raha hai.
Uska dost - abe wo india hai waha ki ladkiyaan Alisha jaisi nahi hai.bahut sidhi Or sanskaari type hoti hai. . Wo jise apna Jeevansaathi chun leti hai to usi ki hokar rehti hai.
Sagar chhidhte huye - mai jaanta hoon yaar.waise bhi jis din wo mil jaaye mujhe kisi ko jarurat nahi. .
Uska dost - wo kon?
Sagar - koi nahi...Chal ab phone rakh. Mathaa ko jhoki chal rahi hai.
Phone rakh kar Wo jaise hi mudta hai.. Pichhe kisi se takra jata hai. Wo Niharika hi thi. Wo gir hi jaati agar Sagar use apni baaho me na sambhaal leta. Dono ko najre ek dusre se takra jaati hai.. . Niharika Sagar ko apne itne kareeb paa kar kuch alag hi ehsaas karne lagti hai.
Door khadi Suparna unhe ek saath is tarha dekh leti hai or ab uske dimaag me ek baat aa hi jaati hai. Jabki Nilakshit bhi unhe dekh raha tha lekin use kuch accha nahi lag raha tha.
Isi tarha Mata ki choki apne samapan satr pe pahuch jaati hai. Sab aarti karne aage aate hai.
Kadambari - Aao Sagar beta tum bhi Aarti karo.
Sagar aarti karne aage aata hai. Lekin pata nahi kaise uska haath halke se jal jata hai or aarti ki thali uske haath se chhut jati hai.
Pandit ji darte huye - Ye kya.. . Aarti ka diya bujh gaya ye to apshagun ho gaya.
Sagar - I'm sorry..Galti se mujhse ye ho gaya.
Sagar Or baaki sab darr jaate hai. Lekin Abhinav baat ko sambhal leta hai
Abhinav - ye sab galti se hua hai Pandit ji. Diya hi hai fir se jal jayega. Or Mata rani har galti ko shama kar deti hai.
Chaitali diya fir se jalake baaki bachi aarti puri karti hai.
Tabhi Vyaas house me kisi ka aagman hota hai. Ek aadmi tej kadmo se chal kar andar aata hai.
Wo aadmi taali bajate huye - Waah..waah yaha to pakhand chal raha hai.
Sab uski taraf dekhne lagte hai.
Abhinav Gusse se - Tum? Tumhaari jurrat kaise huyi us ghar me kadam rakhne ki.
Suparna Or Sagar k liye ye shaksh naya tha.
Suparna Kadambari se - Ye kon hai?
Kadambari - Yehi mua meri gujari huyi beti ka pati hai.
Nilakshit ko apne pita ko dekh kuch jyada khushi nahi huyi thi. Us shaksh ka naam Ketan tha.
Ketan - mai apne bete ko lene aaya hoon. Tum logo ne na jaane kitne saalo se use behla fusla k apne kabze me kar rakha hai.
Abhinav - jubaan sambhal k baat karo Ketan.. Meri behen k marte hi tumse humara rishta bhi khtam ho gaya Or Nilakshit us ghar ka beta hai samjhe tum
Ketan - mujhe samajhne ki jarurat nahi bas mujhe Nilakshit de do.. . Mai chup chaap chala jaaunga.
Ketan ki besharmi ki hadd paar ho chuki thi. Nilakshit kab se ye sab dekh sehen kar raha tha lekin ab uske aapa sambhalne ki hadd ho chuki thi.
Nilakshit jor se - Bas kijiye.. . Bahut ho gaya.
Wo apne pita k barabar aakar khada ho jata hai.
Nilakshit - nahi hoon mai aapka beta samjhe aap.. . Mujhe kahi nahi jana is ghar se door. Jab marji mujhe chhod diya jab marji lene chale aaye.. . Mai koi khilona nahi hoon.. . Or is ghar k kisi bhi sadasy ko agar koi bhi dukh pahuchaya to mujhse bura koi nahi hoga samjhe aap.
Ketan ab gusse me aa jata hai.
Ketan - Badtameez aise baat karte hai apne pita se.
Wo use thappad maarne k liye haath utha deta hai lekin Sagar beech me aa kar uska haath pakad leta hai.

To be continue..

Episode 5

Nilakshit Sagar ko mohit ho kar dekhne lagta hai. Koi to tha jo aaj uski protection me khada tha.
Ketan - Kon hai tu ladke, or mera haath pakadne ki koshish kaise ki tune.
Usne haath chhudate huye bola.
Bahar walo ko ghar k maamle me bolne ki ijajat nahi hai.
Sagar chup chaap uski jali kati baatein sun raha tha. Lekin Nilakshit k liye ye nagavar thehra.
Nilakshit - kon apna hai or kon parayan ye to aap ne us din hi bata diya tha jab mujhe khud se door kar diya tha. Behtar hoga k aap yaha se chale jaaiye nahi to pura Ranikhet kahega ek 21 saal k bete ne apne baap ki Sare aam beijjati kar di.
Ketan gusse me sabko dhamki deta hai - bahut aacha paath padhaya hai Kadambari ji aapne mere bete ko. Lekin mai apne bete ko ek din yaha se nikal apne saath le jaaunga.
Itna keh k wo chala jata hai. Mata choki me grihen jaisa lag gaya tha. Lihaja saare mehmaan bhi chale jaate hai. Nilakshit ko akela rehna tha isliye wo chhat ko taraf badh chalta tha. Sagar ko mehsoos hota hai use Nilakshit ko sahara dena chahiye. Lekin Niharika use rok deti hai.
Niharika - jaane do use Sagar wo aisa hi hai kuch der akela rehne do use.
Sagar - wo person kon tha Nilakshit k father the? Lekin wo kaise baat kar rahe the?.
Niharika - lambi kahani hai Chalo batati hoon.
Sagar Or Niharika bahar akele me baithe baatein kar rahe the. Niharika use saari daastaan batati hai.
Sagar - Yuckk... Koi apne bete k saath aisa kar sakta hai.
Niharika - bas Nilakshit tab se isi ghar ka ho k reh gaya.
Sagar - sach me Dadi ne jitna bataya tha Tumhara parivaar usse bhi kayi jyada accha hai... I like all peoples.
Sagar k itna kehne pe Niharika sharma jaati hai.
Niharika - kya tumhe sab pasand aaye?
Sagar - haan.. Uncle Aunty or tum bhi
Apna naam sun Niharika sharma k chali jaati hai Lekin Sagar ko samjh nahi aata uske dil ka haal.. Lekin Niharika k mann me kahi na kahi Sagar k liye kuch ehsaas jaagrit ho gaya tha.
In dono ko saath baithe Suparna dekh rahi hoti hai.
Suparna khud se - kam samay me kaafi ghul mil gaye hai dono. Lagta hai. In dono k mann ka haal mujhe pata lagana hi hoga.
Next day..
Sagar ko apne London wale dost ko kuch jaruri mail karna tha lekin uska Phone sahi se na chalne k karan use kuch problem ho rahi thi.
Chaitali - Kya hua Sagar beta.. Kuch chahiye.
Sagar - Aunty aas paas koi cyber cafe hai?
Chaitali - wo kya hota hai?
Sagar - Aree aunty aapko cyber cafe nahi pata.. Jaha computer pe kaam karte hai.
Chaitali - ohh to tumhe computer ka kaam hai.. Pehle batate upar hai na Niharika ka computer. Tum chahe to us pe kaam kar sakte ho.
Sagar khushi se - Really aunty... Thank you so much.
Sagar Computer pe apna kaam karne baith jata hai. Tabhi uski najre ek folder pe padti hai jispe likha hua tha STORIES.
Sagar ko kahani padhne ka shok tontha hi isliye wo bina soche samjhe folder open kar deta hai.
Thodi der padhne k baad usse joro ka jhatka lagta hai. Kyuki saari kahani uski padhi huyi thi. Wo soch me pad jata hai k ye sabhi kahaniyaan Niharika k computer me kya karu rahi hai.
Sagar khud se - Ye to wahi LGBT related stories thi jo mai har din London me padhta tha lekin ye Niharika k computer me kaise.
Sagar tej kadmo se chal kar Chaitali k paas jata hai.
Sagar - Aunty are you sure ye Niharika ka computer hai.
Chaitali huste huye - Nahi chir bazaar se tere uncle kaate hai.. Hahahahaha... Kya beta maine bataya na ye computer Niharika ka hai.
Sagar - Or uske andar ki sab chize?
Chaitali - ab Computer Niharika ka hai to sab chize bhi usi ki hongi na.
Itna keh kar wo apne kaam me lag jaati hai.
Sagar mann me - Iska matlab jiski kahaniyaan mai itni pasand karta tha wo writer Niharika hai...
Lekin ye kaise ho sakta hai Niharika ko dekh k bilkul nahi lagta k wo LGBT community ki supporter hai.
Tabhi use dhyaan hai usne ek baar apne fev writer ko msg kar uska naam puchha tha. Wo turat fir se wo msg padhta hai. Tabhi uska shak yakeen me us waqt badalta hai jab wo Apne fev writer ka pehla do akshhar padhta hai.
Ni.
Sagar khud se - Iska matlab Ni ka meaning Niharika hai. O God Mai jiski kahaniyon ka itna bada deewana tha wo Niharika hi hai.
Sagar khai na kahi Galat deni ka shikaar ho chuka tha. Usne Nilakshit k Ni ko Niharika ka Ni samjh liya tha.
Uski khushi ka thikana nahi rehta. Wo turant apane dost ko call lagata hai.
Uska dost - Hello
Sagar khushi se - Sun Alisha se keh dena mujhe bhool jaaye ab mujhe kisi ki jarurat nahi hai.
Uska dost - kyu baba... Ranikhet jaate hi sanskaar le raha hai kya?
Sagar dil pe haatb rakhte huye - Nahi yaar... Tere bhai ko uska saccha pyaar mil gaya hai. Jisse milne ki dua mai itne saalo se maag raha tha.
Uska dost - Are you serious... Dekh is baar flirting nahi... Mai tang aa gaya hoon tere roj roj k chakkar se.
Sagar - mai sach keh raha hoon Dadi ki kasam is baar mai serious hoon
Uska dost - Accha kon hai wo ladka hai ya ladki?
Sagar - ladki..
Uska dost - tab to Tu sahi hai... Tere parivaar walo ko bhi koi problem nahi hogi.... Lekin Tu ab kisi ko mat batana k Tu Bisexual hai. Or Tu bhi do naav pe sawari karna kar de band samjha.
Sagar - Haan mere dost samajh gaya.. Bas wo bhi ek baar wo bhi mujhe pasand kar le.. Fir sab set hai.
Uska dost - chal rakhta hoon fir.
Sagar jaise hi apna photo cut kar mudta hai saamne khadi Suparna ko dekh darr jata hai. Use lagta hai unhone sab baatein sun li.
Sagar Haalaate huye - Da... Daa.... Daadi aap?
Supreme - Sagar mai tujhse aaj ek bahut jaruri baat karne
Sagar - boliye dadi.
Suparna - Dekh beta ab Tu bada ho gaya hai... Apan sahi galat acche se samjhta hai or ab to apne dad k business me bhi unka haath bataane jaa raha hai.
Sagar - haan dadi ye to mujhe bhi pata hai but aap ye sab kyu keh rahi hai.
Suparna - isliye kyuki ab samay hai tujhe teri jimmedaari me baandhne ka.
Sagar - Saaf saaf kahiye dadi..
Suparna - Tujhe Niharika kaisi lagti hai?
Maine aksar tum dono saath me dekha hai....dono saath me bahut acche lagte ho, or mujhe aisa lagta hai tum dono ek dusre pasand bhi karte ho. Agar tujhe Niharika pasand hai to mai Kadambri se baat karu.
Sagar k mann me ye sun kar laddu footne lagte hai. Aisa lagta kisi ko bin maange muraad mil gayi ho lekin Sagar apne dil me umadte toofan ko shaant karne ki nakaam koshish kar raha tha.
Sagar araam se - Dadi aapne socha hai to kuch sahi socha hoga. Haan Niharika ek khoobsurat ladki hai or aaj ki soch rakhne wali hai.. Jaisa aapko sahi lage..
Itna keh k wo waha se chala jata hai Or Suparna Sagar ka ishara samjh jaati hai.
Suparna khud se - Agar aisi baat hai to mai aaj hi Kadambari se Niharika ka haath maangungi.
Sagar buri tarha galat femi ka to shikaar hua hi tha saath hi wo Niharika ki khoobsurati pe bhi mohit ho gaya tha. Ek aakarshan pyaar ka roop lene ki koshish kar raha tha. Lekin wo ladka anjaane me khud hi uljha jaa raha tha.

To be continue.....

Episode 6

Shaam ko sab mil kar chai ki cushki le ahe the. Suparna apni baat kehne ka bas ek moka dhoond rahi thi. Utne me Sagar aata hai.
Kadambari - Sagar beta kaha jaa rahe ho?
Sagar - kuch nahi dadi socha thoda Ranikhet ki sair kar aau.
Kadambari - Arre pahadi ilaake me akele kaha jaaoge.. Ek kaam karo Nilakshit ko bhi le jaao. Use sab pata hai.
Nani ne jaise Nilakshit k dil ki baat keh di ho. Wo Sagar k saath samay bitane k kiye khushi khushi chal deta hai kyuki ise accha lagne laga tha uska saath.
Road pe...
Sagar apne phone camere se sundar najaro ki tasveer le raha tha. Jabki Nilakshit use hi ghoore jaa raha tha.
Nilakshit mann me - Kya karu usse puchhu k kya wo bhi gay hai.. Nahi nahi..bahuy se straight bhi meri story padhte hai agar ye bhi unme se hua to.
Waise bhi aaj tak Isne koi bhi aisa hint nahi diya jisse mai kisi nateeje pe pahuchu.
Ye sab wo Sagar ko dekhte huye soch raha tha. Uske mann me sawalo ka bawandar macha hua tha. Tabhi Sagar ki najar uspe padti hai.
Sagar - kya dekh rahe ho?
Wo ek dum se khadbada jata hai.
Nilakshit - nahi nahi kuch nahi.
Nilakshit k mann me fir se wo sab chalne lagta hai - kitna accha hai Sagar kal isne mera kitna saath diya. Agar maine nandani me isse kuch bhi puchh liya to pata nahi mere baare me kya sochega...mujhe thoda time lena hoga.
Sagar - Nilakshit chale.
Nilakshit hosh me aata hai - haan haan
Wo mann me - ye mujhe kya ho raha mai kyu Sagar ki taraf itna kheencha chala jaa raha hoon.. Kahi mujhe usse sach me to pyaar nahi ho gaya.
Vyas house me...
Aaj Abhinav bhi kaam se jaldi ghar aa jata hai.
Chaitali - Aree aap aa gaye... Mai Niharika k haatho abhi chai bhijwaati hoon.
Suparna khud se - ye accha moka hai.. Kadambari Or Abhinav se Niharika ka haath maangne ka.
Suparna apni baat kehne ki bhoomika banana shuru karti hai. Tabhi Niharika bhi waha aa pahunchti hai.
Suparna - waise Kadambari Niharika ab badi ho gayi hai uska shaadi vaadi ka socha hai k nahi.
Kadambari - socha to hai bas ek accha sa ladka mil jaaye fir mai ganga naha loon.
Suparna - waise meri najar me ek ladka hai.
Abhinav Or Kadambari ek duje ko aacharya se dekhne lagte hai.
Abhinav - kon hai kaki?
Suparna utsukta se - Sagar
Sagar ka naam sun kar sab chonk jaate hai.
Suparna - mujhe Or Sagar dono ko Niharika bahut pasand hai. Mai use apne ghar ki bahu banana chahti hoon ...bachpan ki Humari dosti ko ek majboot rishte me baandna chahti hoon.
Lekin Abhinav thoda sankoch karta hai.
Abhinav - lekin Kaki kaha aap. Log kaha hum...
Suparna - ye sab pichhadi baatein hai beta.
Abhinav - waise Sagar to hume bhi pasand hai.. Lekin pehle Niharika bhi dil se haan kar de.
Kadambari Niharika ki taraf dekhti hai jo mann hi mann khush ho rahi thi sabke puchne pe haan me sari hila deti hai or waha se sharma k chali jaati hai.
Suparna khushi se - bas fir ho gaya faisla... Mai jald se jald apne beta bahu ko Londt se bula leti hoon.
Kadambari khushi se - Aree Chaitali jaldi se mithai laao teri beti ka rishta tay ho gaya hai...... Sach Suparna humari dosti ko naye rishte ka ayaam milega ye soch kar mai bahut khush hoon..
Pahadi pe...
Sagar Or Nilaskhit baithe door faile pahado ko dekh rahe the.
Nilakshit - Sagar pata hai ye jagah mere dil k bahut kareeb hai jab bhi mai upset hota hoon ya to ghar ki chhat pe jata hoon ya yaha aata hoon yaha aakar ek sukoon sa milta hai.
Sagar - mai samajh sakta hoon tum kyu upset hote ho... Niharika ne mujhe bataya k wo jo kal aaye the tumhare papa the..
Nilakshit gusse se uth khada hota hai - Naam mat lo us insaan ka... Wo mere kuch nahi lagta.. Mere liye bas mera parivaar hi hai jinhone mujhe bachpan se pala.
Sagar use khush karte huye - ok ok ... Ab se nahi karunga.. Lekin ek shart pe.
Nilakshit - kya?
Sagar - Tum kabhi upset nahi hoge. Or agar huye bhi to sabse pehle apne dil ki baat mujhse jarur kahoge..... Theek hai?
Nilakshit haan me sar hilata hai jawaab me Sagar use sahara dene k liye gale se laga leta hai.
Tabhi Aasmaan me Rainbow ban jata hai. Nilakshit ko jo Naya Ehsaas hona tha wo chuka tha. Use yakeen ho gaya tha k use Sagar se pyaar ho gaya hai.
Lekin dono hi samay ki sacchai se anbhigya the.
Vyas House...
Sagar Or Nilakshit wapas aate hai. Wo dekhte hai ghar me sab bahut khush the.
Chaitali khushi se - Arre aa gaye tum log. Ye le Nilaskhit mithai khaa.
Nilakshit - Mami kya hua...or ye mithai kis khushi me...
Chaitali - Teri behen ka rishta tay ho gaya hai.
Nilakshit ko is khabar pe yakeen nahi hota wo khushi se pchhta hai - Kisse maami.
Chaitali - Saaaagggaaarrr se.
Sagar ka naam sun Nilakshit ka dimaag ek dum se sunn ho jata hai. Use ek dhakka sa lagta hai. Wo Sagar ki taraf dekhta hai jo kaafi khush najar aa raha tha... Uske aankho me paani aa jata hai lekin wo khud ko sambhaal leta hai. Use pata chal chuka tha k wo jo Sagar k baare me soch raha tha bilkul galat tha. Sagar ko ladki me nahi Ladkiyon me hi interest hai.. Or uski khushi is baat ka saboot thi k wo bhi Niharika se shaadi karna chahta hai.
Kadambari - Kyu re Nilakshit chonk gaya na... Hum bhi chonk gaye the jab Suparna ne Niharika ka haath Sagar k liye manga tha.
Nilakshit samajh gaya tha k ye sab sabki rajamandi se ho raha hai isliye usne usi pal se Sagar k liye umadte pyaar ko apne jehen me dafan karne ki thaan li thi..wo waha se chup chaap chala jata hai. Sabki khushi me uski khushi thi.
"Mout na aayi
teri yaad jo aayi
Lambi judaai
Chaar dino ka
Ishq ho rabba
Lambi judaai"
Raat ko...
Nilakshit chhat oe baitha ro raha thaor kahi na kahi bhagwaan se shikayaten kar raha tha.
Nilakshit - kyu bhagwaan... Kyu karte ho tum mere saath aisa.. Kyu sabko mujhse door kar dete ho. Paida hote hai maa ko door kar diya... Baap ne khud mujhe apne se alag kar diya.. Ek Sagar ki wajah se mujhe sacche pyaar ka ehsaas hua tha use bhi pal bhar me door kar diya... Or sabse ahem mujhe gay banakar khud se hi door kar diya.
Kyu... Kyu... Kyu karte ho aisa.. Lekin mai Selfish nahi hoon mere liye mera parivaar hi sabse pehle hai jinhonen mujhe apnaya.. Apni behen k liye ek kya sau Sagar kurbaan.
Tabhi Niharika waha aa jati hai.
Niharika - kyu re Nilu.. Yaha kya kar raha hai.. Ek second Tu ro raha hai.
Nilakshit jaldi se apne aansu pochhta hai - nahi nahi.
Niharika - Tu mujhse to jhoot bol mat.
Nilakshit - wo kya hai ab teri shaadi ho jayegi or tum mujhe chhod k chali jayegi isliye rona aa gaya.
Niharika use gale lagate huye - Awwww mera chotu bhai.. Mai tujhse kabhi door nahi jaaungi. Sach me Nilakshit aaj jaise mere mann ki muraad puri ho gayi. Mujhe yakeen nahi ho raha k bhagwaan ne ek pal me mujhe itni khushi de di.
Niharika ki khushi dekh Nilakshit apne gam ko bhula baitha tha.

To be continue.....

Episode 7

Der raat...

Sagar Or Niharika ki shaadi ki baat jaan kar uski nind ud chuki thi. Wo so kar nahi so paas raha tha. Kahi na kahi use bura lag raha tha lekin wo kaise bhi apne dil ko samjha raha tha. Karwat badalte huye wo ek dum se uth baithta hai Or raat ko sannate me jaa kar computer khol ke baith jata hai. Jab bhi kabhi uska mann nahi lagta tha to wo ek hi kaam karta tha kahani likhna Or aaj bhi wo apne mann ko duvidha ko door karne k liye kahaniyon ka sahaara lene chala tha.
Wo computer khol ke keyboard pe ungaliyaan ghumana shuru karta hai. Woh kahani likhne me magan tha tabhi use apne pichhe kisi k hone ehsaas hota hai. Wo pichhe mud ke dekhta hai saamne Sagar khada tha. Wo jaldi se computer shut down karta hai.
Nilakshit darte huye - Tu.. Tum yaha?
Sagar - haan mai yaha... Lekin tum itni raat ko kya kar rahe the.
Nilakshit bahana banate huye - wo wo mai college ka kuch kaam kar raha tha..
Nilakshit pasina pasina ho chuka tha.
Sagar - to isme darne ki baat kya hai.
Nilakshit - woh tum the mujhe laga koi bhoot hai.
Sagar - hahahahaha... Tum bhi ek dum bacche ho mard bano mard... Samjhe.
Nilakshit bemann se husi hua deta hai.
Sagar - accha mujhe kuch apne dost ko mail karna hai... So mai kar sakta hoon.
Nilakshit turant use mana kar deta hai.
Nilakshit - nahi abhi nahi..
Sagar ko uska is tarah mana karna bahut ajeeb lagta hai.
Sagar - lekin kyu... Tum kuch chhipa rahe ho?
Nilakshit haalaat huye - mai mai kya chhipaunga.
Sagar majak karte huye - nahi... Tumhaara chehra kuch Or keh raha hai... Koi ladki ka chakkar hai kya?.
Nilakshit k liye ab hadd ho rahi thi.
Sagar - agar teri koi girlfriend hai to mujhe bata sakte ho... Mere saath teri bhi shadi ho jjayegi. Hahahaha
Nilakshit - tum jaao... Sagar please.
Sagar jabardasti karte huye - ab to mai dekh kar jaaunga k tum kya kar rahe the. Waise bhi apni se kuch nahi chhipate... Samjhe
Wo computer resume karne ke liye aage badhta hai. Nilakshit k chehre pe 12 baj gaye the.
Nilakshit mann me - o god agar ise pata chal gaya ki wo saari kahani dwaara likhi gayi hai to bahut problem ho jayegi.
Wo itna soch raha tha ki Sagar ne computer on kar diya tha.. Ab kuch bhi chhipa rehne ki gunjaaish na thi.
Sagar kahani ka jyadatar hissa apni sarsari najar se dekh raha tha. Tabhi Nilakshit na chahte huye bhi computer ka main pluck nikal deta hai.
Nilakshit gusse me - Sagar tumhe samajh nahi aata ... Mere kaam me taang mat adaao.
Sagar bilkul shocked ho chuka tha.
Sagar - ye sab kya hai Nilakshit...tumne to kaha tha tum college ka kuch kaam kar rahe the.
Nilakshit apni najre idhar udhar karne laga tha.
Sagar - Najre mat churao.... Mujhe jawaab do tum Niharika ki likhi kahani me kya kar rahe the?
Ab chonkne ki baari nilakshit ki thi.
Nilakshit sochte huye - Niharika ki kahaniya.
Sagar - haan ye sabhi Lgbt related story Niharika ne hi likhi hai na... Jiska mai kab se fan hoon.
Nilakshit ko ab pata chal chuka tha ki wo kisi galat femi ka shikaar hua hai.
Sagar - bolo... Chup kyu ho... Tum kya kar rahe the
Nilakshit ko kuch samjh nahi aa raha tha ki kya kare... Kya kah... Wo baar baar jor diye jaa raha tha.
Sagar - bolo Nilakshit... Ye kahani Niharika ne likhi hai na..... Bolo...
Nilakshit sar jhuka k - Nahi.
Sagar ko ye sun kar jhatka lagta hai...
Sagar - fir kisne?
Nilakshit use sacchai bata nahi paa raha tha. Wo waha se jaane lagta hai lekin wo uska haath pakad kar roknleta hai.
Sagar uski baahe pakadte huye - Bolo...yu chup na raho... Mere mann me bahut si halchal chal rahi hai... Kahi maine jaldbaaji me kuch galat to nahi samajh liya... Bolo?
Nilakshit k sabar ka baandh toota chuka tha.
Nilakshit - Ye kahani... Ye kahani....Maine likhi hai... I'm Gay... Tum itne saalo se mere Fan ho. Niharika ya kisi ko bhi nahi pata kar mai gay hoon Or is tarah ki kahani likhta hoon Or mere tum jaise hazaaro log hai jo meri kahani padhte hai.
Sagar pr bihali girti hai. - kyaaaaaaaaaaa.....lekin aisa kaise ho sakta hai chaitali aunty ne ye computer Niharika ka bataya tha.?
Nilakshit - ye computer bhale hi Niharika ka hai lekin ise use mai karta hoon...
Sagar ko ab sab samjh aa raha tha.
Sagar - Iska matlab Ni Tumhare naam matlab Nilakshit ka pehla do akshar hai. Or maine Niharika ko samjh kar usse shaadi ke liyee haan kar di.
Wo apna sar pakad leta hai.
Sagar - O God... Ye maine bina soche jaldbaaji me kya kar daala...mujhe laga wo LGBT ki supporter hai to use mere Bisexual hone se bhi koi problem nahi hogi... Lekin meri nasamjhi ki wajah se sab barbaad ho gaya.
Nilakshit - Kuch barbaad nahi hua hai. Abhi bhi sab wiasa hai jo pehle tha. Tum Or Niharika ek dusre k liye perfect ho. Mujhe yakeen hai tum use khush rakhoge.
Sagar - Or meri khushi ka kya? Kal use meri Sexuality ka pata chalega to kya wo us baat ko bardaasht kar paayegi.
Nilakshit - plz tum use kuch mat batana... Na apne bi hone ki baat na mere gay hone ki baat... Jo jaisa chal raha waisa chalne do...wo ek acchi ladki tumhe har sukh degi tumhe kahi bhi bhatakne ki jarurat nahi hogi..
Sagar uska ishara samjh raha tha.
Sagar - Tum meri baat ko samajh nahi rahe ho... Haan mujhe ladke Or ladki dono pasand hai... Lekin mai humesha se aise insaan ka saath chahta tha jo meri feeling samjhe mai jaisa hoon waisa mujhe accept kare... Isliye humesha se us insaan ko pasand ko jisne wo sabhi kanhaiya likhi.
Nilakshit - Tumhare kehne ka matlab kya hai?
Sagar ab apne dil ki baat bolne jaa raha tha.
Sagar - Yehi k Mai Niharika se shaadi nahi kar sakta kyuki..... Kyuki mai tumhari kahani se hi nahi tumse bhi pyaar karta hoon. I Love You
Ye sun Usnke pair se zameen khiska jaati hai... Mann bhaari bhaari hone lagta hai.
Nilakshit chillate huye - Kya bakwaas kar rahe ho... Tumhaari meri behen se aaj hi shaadi tay huyi hai Or aadhi raat ko mujhe I Love you bol rahe hai. Dimaag kharaab ho gaya hai tumhara.
Sagar - dimaag abhi tak kharaab tha lekin ab mai sab sahi kar ke rahunga.
Nilakshit - Kuch nahi sahi karna hai... Tumhaari shaadi tay ho gayi hai yehi sach hai...
Sagar - To kya tum mujhe pyaar nahi karte..?
Nilakshit is ek dam se chup ho jata hai.
Sagar - Chup kyu ho gaye... ?
Wo najre jhuka leta hai.

To be continue.....

Episode 8

Sagar ne apne dil ki baat Nilakshit se keh daali thi. Lekin Nilakshit asmanjasya me pad gaya tha ki wo kya jawaab de. Ek taraf wo bhi use pasand tha dusari taraf uske apne the.
Sagar - Bolo Nilakshit.. Kya tum Mujhse pyaar nahi karte...?
Nilakshit baat banate huye - Ye sab sahi nahi hai Sagar.
Sagar - Mujhe bas haan ya na me jawaab chahiye...
Nilakshit kuch nahi kehta Or waha se tej kadmo se chal kar apne room ne aa jata hai. Or darwaja band kar leta hai.
Sagar - Tum mujhe aise andhura chhod kar nahi jaa sakte.
Nilakshit rote huye - Kya karu kya kahu kuch samajh nahi aa raha. Isse accha to mai gay paida hi na hua hota.
Uska dil dukh raha tha lekin ye kehna ki wo bhi usse pyaar karne laga hai uske parivaar k liye kitna kathanak saabit ho sakta hai ye use bhi pata tha.
Jaise taise jate huye dono ki raat beet jaati hai Or subha ho jaati hai.
Next Morning....
Sab saath me breakfast kar rahe the. Tabhi Nilakshit darte darte niche aata hai.
Abhinav - Aree Nilakshit kaha jaata rahe ho breakfast kiye bina.
Nilakshit dekhta hai Sagar bhi wahi baitha hai jo use hi ghoore jaa raha tha lekin wo usse najre tak nahi mila paa raha tha.
Nilakshit - Mama ji mujhe college me kuch kaam hai. Mai bahar kha lunga.
Itna keh kar wo tej kadmo se hota hua chala jata hai.
Kadambari - ye ladka bhi na humesha apne mann ki karta hai.
Sagar mann me - Lekin is baar ise mere mann ki karni hogi...tunhare muhh se sach to nikla k rahunga.
Suparna pyaar se - Niharika.. Sagar ko sabji do..
Niharika use sabji serve karne jaa hi rahi thi k wo uthh jata hai.
Sagar - Bas mera pet bhar gaya..
College ke paas....
Nilakshit college ke gate se bahar nikal raha tha. Tabhi use Sagar khada milta hai jo uska hi wait kar raha tha lekin wo najre bacha kar use andekha kar apne raaste chal padta hai.
Sagar uska pichhe karte huye - Nilakshit.... Nilakshit..... Ruko kyu kar rahe ho aisa mere saath.
Nilakshit - tum mera pichha mat karo... Mujhe kal raat ki koi baat karni.
Sagar uske aage aa kar khada ho jata hai.
Sagar - Lekin mujhe karni hai...bas tum apni mari huyi maa ki kasam kha kar keh do... Jo bhi tumhare dil me mere liye hai. Agar tumne nahi kaha to sach apne aap saamne aa jayega k u Love me too.
Nilakshit ab dharam sankat me pad gaya tha.. Kya kahe kya nahi... Kuch samajh aa rha tha.
Sagar - Aaj tumhe is luka chhupi kl khatam karna hi padega..
Nilakshit chup tha.
Sagar - Bolo... Im waiting..
Nilakshit abhi bhi chup tha.
Sagar gusse me - ab mai aakhiri baar puchh raha hoon Nilakshit n I'm damn serious.
Nilakshit k sabar ka baandh ab tut chuka tha.
Nilakshit uske gale lagte huye - Haan haan... Bahut pyaar karta hoon. Jab se tumne mujhe msg kiya tab se ek ajeeb si kashish me badh gaya hoon... Or jis din tum mere saamne aa kar khade ho gaye mujhe yakeen nahi hua karte muraadein bhi puri hoti hai. Mujhe aisa laga bhagwaan ne tumhe mere liye hi bheja hai.
Sagar uske sar pe haath shehrate huye - mai jaanta tum mujhe pasand karte ho kyuki agar mana karna hota to kal raat ko hi kar dete.
Nilakshit - Lekin ye kabhi nhi ho sakta.. Hum ek nahi ho sakte.
Nilakshit usse door hat jata hai.
Sagar - hone ko kuch bhi ho sakta hai.
Nilakshit - haan lekin hum bahut alag hai sabse..... Na mera parivaar mujhe samlangik swikarega na tumhara parivaar chahega ki tum kisi ladke ki saath.
Sagar - mai sabko mana lunga.
Nilakshit - kis kis ko maanaoge... Tumne Suparna Dadi ka utsaah nahi dekha jab tumhare liye Niharika ka haath maanga tha, tumne Niharika ki khushi nahi dekhi, Tumne Mama Mami ko sukoon ki saans lete nahi dekha.
Sagar - Mujhe kiski parvaah nahi.
Nilakshit gambhir hote huye - lekin mujhe hai. Tum itne selfish kaise ho sakte ho... Agar tumne ye shaadi todi to Suparna Dadi Or Nani ki dosti me daraar to aayegi hi Niharika ka dil tutega wo alag... Or tum nahi samajh rahe apno ko dukh pahucha kar koi sukhi nahi reh sakta... Iska udhaaharan hai mera apna baap.
Sagar - Matlab tum chahte ho ke do gharo ki khushi ke liye hum apni khushiyaan kurbaan kar dein?
Nilakshit usse najre ferte huye - agar isse Mama Mamai, Nani Or Niharika ko khushi milti hai to mai ye bhi kar lunga.
Sagar ko ab uspe gussa aane lagi thi.
Sagar taali bajate huye - Waah..Nilakshit Vyaas Waah....Tumhe sab ki khushi dikh rahi lekin meri nahi.. Pyaar mai tumse karu Or shaadi usse. Ye paap mai kabhi nahi karunga.
Nilakshit - lekin Do gharo ki khushiyaan chhenne ka paap bhi tum nahi kar sakte.
Uski is baat se Sagar nishabd ho jata hai.
Nilakshit use samjhate huye - Sagar plz haalaat ko samjho... Or mujhse door raho.
Sagar - Theek hai... Agar tumhaari yehi zidd hai to meri bhi zidd hai.. Hone do meri Shaadi Niharika k saath lekin beech mandap maine use na chhod diya... To mera naam bhi Sagar Khurana nahi... Ya to ye shaadi hone se pehle tum khud sabko humare baare bataoge... Ya Niharika ko bhare mandap me ruswa paaoge..
Or ye mera vaada hai tumse.
Sagar apna farmaan suna k waha se chala jata hai uske is pagalpan se Nilakshit bahut darr gaya tha... Use samjh nahi aa raha tha ki kaise use ko samjhaaye...
Vyaas house....
Suparna - Kadambari...! Mera beta bahu Or Sagar ka dost London se chal chuke hai... Parso tak aa jayegnge.
Kadambari - ye to bahut acchi baat hai... To mai Pandit ji ko bhi parso buland leti hoon... Dono ka roka kar denge.. Fir aage jaisa muhurat nikalega waisa tay kar lenge.
Chaitali - ye sahi kaha maa aapne...mujhe to yakeen nahi ho raha meri beti aaj itni badi ho gayi.
Tabhi Sagar aa jata hai..
Abhinav - Kaha chale gaye the Sagar beta...
Sagar - Kuch nahi Uncle... Bas Ranikhet ki vaadiyo ko nihaarne gaya tha.
Suparna husete huye - Unclt nahi... Ab papa ji bolo ... Ab tumhara is ghar se rishta jo judne wala hai. Hahahahaha
Sagar - sahi kaha aapne aapne Dadi... Is ghar se rishta to mera jid chuka hai.
Ye sab wo Nilakshit k baare me soch kar bol raha tha lekin Niharika ne apne ko samjha liya ...
Niharika dhhere se - Sagar... Agar tumhe Ranikhet ki vaadiyaan dekhni thi.. To mujhe saath le jaate mai tumhe pura Ranikhet dikha dekhi.
Sagar ko samajh nahi aa raha tha k wo kya kahe... Uski to khud ki vaadiyaan viraan padi thi.. Do din aise hi gujar jaate hai.. Nilakshit Sagar se aankh me choli khel raha tha usne saamne na aane ki Nakaamyab koshish kar raha tha Or Sagar Nilakshit ko manaane ki har sambhav koshish me laga tha.
Do din baad....
Sagar tension me idhar se idhar chakkar laga raha tha..
Sagar khud se - Kuch kar Sagar Kuch soch.... Kuch der me Mom Dad aa jayenge...or Pandit ji bhi aaj sagai Or shaadi ka muhurat nikalne wale hai... Ye Roka kaise bhi nahi hona chahiye..
Udhar Nilakshit zinda lash ki tarah apne room me khud ko band kar ke baitha tha.. Uska mann kahi bhi nahi lag raha tha.
O ajnabi mere ajnabi.
Jaane tum aaye kaha se.
Itna pyaar laaye kaha se.
Aisa kya hua Zindagi badal gayi
O ajnabi o ajnabi..

To be continue....

Episode 9

Sagar ke pita Vikram Khurana, Uski maa Arundhati Khurana Or uska jigri dost Tanmay aaj Ranikhet pahuch chuke the. Ghar me sab unka swaagat karte hai.
Arundhati - Hume jab maa ne Niharika k baare me bataya... Tab hi humne is rishte k liye haan kar di thi...Maa jo kehti hai wahi hota hai.
Vikram - Waise humari hone wali bahu hai kaha?
Chaitali Niharika ko le kar aati hai.
Sab use dekh bahut khush hote hai.
Tanmay Sagar se - Waah.... Yaar kya ladki pasand ki hai ye to sach me Alisha k aage chai kam paani hai... Teri to life set hai.
Sagar gusse me - Shut up.
Lekin uska aisa kehna Tanmay samajh nahi pata hai.
Kadambari - Pandit ji sagai ka mihuratt nikaalne shaam ko aayenge usi waqt in dono ka Roka bhi kar denge... Kyu Chipkali.
Suparna - bilkul isse acchi baat Or oya ho skti hai..
Tabhi Sagar - Dadi ye sab itni jaldi ?
Arundhati - Shubh kaam me deri nahi karni chahiye...
Tanmay dhere se - Abe jab sab saamne se khud tujhe itni sundar ladki ko saath shaadi ka laddu khila rahe hai to tu kyu muhh picchhe kar raha hai.
Sagar waha se bina kuch bole chala jata hai.
Nilakshit Sagar k saamne na aane bahut koshish kar raha tha. Lekin wo Sagar khud uska darwaja jabardasti khol kar andar aa jata hai.
Sagar chillate huye - Kyu khel rahe ho mere emotions k saath... Kis baat pe itra rahe ho tum.. Mai tumse pyaar karta hoon iska matlab samjhte ho?
Nilakshit shehensheelta se use samjhauta hai - Samajhta hoon Or ye bhi samajh gaya k tumhari pehli pasand Niharika hi thi.
Sagar ko samajh nahi aata. Wo kya kehne ki koshish kar raha hai.
Nilakshit - Yaad karo wo din jab hum sab pehli baar mile the.. Tum Niharika k saundary pe mohit ho gaye the.
Sagar - Tab ki baat alag thi... Mai humesha se aisa hi tha lekin kahi na kahi tumhari kahani ne mujhe andar andar hi badal diya hai.
Nilakshit - Meri Kalam hi meri pehchana hai..or agar meri is kalam ki syaahi mere parivaar ki ijjat pe daag lagayegi to aaj ke baad mai kabhi kahani nahi likhunga.
Sagar uske muhh pe haath rakhte huye - plz aisa mat kaho.. Pehle hi tumne kam dukh diye hai jo ab aisa keh kar mujhe Or dukhi kar rahe ho.
Nilakshit jabardasti khushi jatate huye - Shaam ko tumhara Roka hai... Mujhe bahut si taiyaari karni hai mujhe jaane do.
Lekin wo iska raasta chhodne ko ready na tha.
Tabhi Niharika Or Tanmay waha aa jaate hai.
Niharika huste huye - Sagar tumhara dost sach me bahut funny hai.
Tanmay - Ek baar aap meri bhabhi ban jaaye aage bhi aapko bahut hasaaungaa.
Uska itna kehna tha ki Sagar bhi uski haan me haan milane lagta hai. Uska uddeshy Nilakshit ko jalana tha.
Sagar Nilakshit ki taraf dekhte huye - Niharika jaisa jeevan saathi mujhe zindagi me nahi mil sakta hai. Kya kuch kho k is rishte me badhne jaa rahe hai hum.
Tanmay Or Niharika ko uski baat kuch jyada samjh me nahi aati lekin Nilakshit sab samjh raha tha use uski baatein chubh sir rahi thi lihaja wo waha se chala jata hai.
Shaam ko....
Roke ki saari taiyari ho chuki thi pandit ji bhi viraajmaan ho chuke the.
Chaitali - Pandit ji... Jald se jald sagai Or saadi ka subh muhurat nikaliye Or roke ki rasam ko shuru kariye.
Itna kehna tha k Sagar Nilakshit se najre mila or Nilakshit Sagar se najre chura raha tha.
Sagar mann me - plz Nilakshit ab to kuch bolo isse pehle k bahut der ho jaaye.
Pandit ji - Sagai ka kal ka din or Shaadi ka do din baad ka bahut hi accha muhurat hai.
Suparna - waah ye to bahut acchi baat hai... Hum bhi jaldi shaadi karna chha rahe the.... Kyu Kadambri.
Kadambri - Haan..
Sagar - lekin Dadi itni jaldi...?
Arundhati - Itni jaldi nahi beta yehi sahi waqt hai ... Shubh kaam me deri kaisi...
Tabhi Nilakshit bol padta hai - Pandit ji... Aap do din baad ka hi shaadi ka ka muhurat rakhiye... Yehi sahi hai.
Sagar mann me - De lo jitna dard mujhe dena hai lekin isse doguna dard tum seh rahe ho mujhe pata hai.
Pandit ji sabke kehne anusaar shaadi ki date fix kar dete hai.
Ab shuru hone jaa rahi thi Roke ki rasam...
Pehle Arundhti Niharika k sar pe chunri rakh k usse mithai khila k ashirwaad deti hai.
Fir baari aati hai Sagar k roke ki.
Abhinav - Sagar ko tilak laga kar use mithai khila k use apne damaad k roop me swikaar karta hai.
Tanmay - Waah....Indian tradition kitne acche hote hai...
Vikarn - Indian culture ki baat hi alag hai isliye itne saal London me rehne k baad bhi western culture apne upar haavi nahi hone diya. Warna aaj kal k bacche maa baap ki sune bina apne mann ki baat karte hai. Or na jaane kya kya kar jaate hai.
Sab uski baat me haan me haan milate hai.
Sagar Or Nilakshit unki baat dhyaan se sun rahe the.. Unhe yakeen ho jata hai is ghar me unhe samajhne wala shayad koi bhi nahi hai... Sagar ko samjh nahi aa raha tha k wo in sab se nikalne me kiski help le...
..............
Nilakshit pahadi se ghiri huyi apni pasandida jagah baitha hua tha jaaha usne Sagar ko pehli baar gale lagaya tha.
Wo apne me hi kuch soch raha tha tabhi ek awaaj aati hai.
Sagar - Teen zindagi barbaad kar k khush to bahut hoge tum
Uska dhyaan tutata hai.
Nilakshit muskurate huye - Tumhe ye dikh raha k teen zinda barbaad ho rahi hai lekin ye nahi dikh raha k do parivaaro k rishte kitne majboot ho rahe hai.
Sagar - mujhe bas tum or humara pyaar dikh raha hai.
Wo uski taraf haath aage karte huye - Chalo....Nilakshit bhaag chalte hai in sab se door... Jaha na tumhe apne mann ko maarna pade na mujhe bhut ghut kar jina pade.
Nilakshit - Tum itne swaarthi kab se ho gaye...
Sagar - zindagi kam kos rahi hai jo tum bhi... Tumhe meri selfishness dikh rahi lekin apni Behen k saath hota vishwasghaat nahi dikh raha.
Nilakshit bilkul chup ho gaya.
Sagar - tumhari khamoshi sab keh rahi hai.....Khushiy
aan manao ab tum kal meri sagai hai...
Itna keh k wo chala jata hai or ise palat k bhi dekhna gawara nahi tha use.

To be continue..

Episode 10

Aaj wo din tha jab Sagar or Niharika ki engagement hone wali thi. Pure ghar me chehel pehele machi huyi thi. Sab taiyaariyon me lage huye the. Nilakshit bhi apni behen ki sagai ko safal banane me koi kasar nahi chhodne wala tha lihaja wo sabhi kaam bakhoobi dekh raha tha.
Sagar ghar ki sajawat ko dekh kar mann hi mann ludh raha tha. Use to ye sab kisi tamasha se kam nahi lag raha tha. Lekin ab kuch kehne Or sunne k liye kuch baaki na tha.
Nilakshit - Aree Sagar... Dekho kaisa lag raha hai sab kuch... Accha hai na... Tumhe koi bhi kami lage to bata dena.
Sagar - Kami to hai..
Nilakshit - Kyaa.... Decorations me kuch kami hai.
Sagar use dekhte huye - Nahi.... Mujhme.
Nilakshit uski baato ko ignore karta hai. Nilakshit - Mujhe bahar kuch kaam hai mai wo dekh kar aata hoon.
Wo jaa hi raha tha k Sagar uska haath pakad kar rok leta hai.. Tabhi Niharika waha aa jati hai. Use kuch ajeeb sa lagta hai
Niharika - Aree Sagar tumne Nilakshit ka haath kyu pakda hai.
Nilakshit jaldi se haath chhudata hai.
Sagar haklaate huye - wo... Wo...
Nilakshit to darr se pasina pasina ho gaya tha.
Tabhi Tanmay waha aa jata hai
Tanmay - Niharika bhabhi aap yaha kaya kar rahi hai...Chaitali Aunty aap ko kab se dhoond rahi hai.
Niharika - Mai to unke paas se hi aa rahi hoon.
Tanmay - pata nahi shayad unhe fir se kaam hoga...
Wo chali jaati hai or Nilakshit Or Sagar chain ki saans lete hai. Nilakshit bhi bahana bana kar Sagar k paas se bhaag jata hai.
Lekin Tanmay ko thoda thoda shaq sa hota hai.
Tanmay - Kya boss sean kya hai?
Sagar ko kuch samjh nahi aata...
Sagar - Kya hua?
Tanmay - jab se aaya hoon Mai dekh raha hoon tu is shaadii se khush nahi hai...or jis tarah se tu Niharika bhabhi k bhai k saath behave kar raha hai...mujhe to kuch gadbad lag rahi hai .
Sagar kayi bahabe banane ki nakaami koshish karta hai lekin wo bhi uska accha dost tha uski rag rag se wakif tha.
Tanmay - Say something yaar.. Ho sakta hai mai teri kuch madad kar saku.
Sagar k sabra ka baandh toote jata hai or wo use yeh soch k sab bata deta hai k ho sakta hai k wo uski kuch help kar sake..
Sab kuch janne k baad....
Tanmay - Ye tune kon sir naadaani kar di.. Maine tujhe kaha tha jo karna soch samajh k karna . Lekin Tu to Tu hai
Sagar - Plz yaar meri help kar...
Tanmay - dekha Ek accha dost hone k naate mai to tujhse kahunga k Niharika ek acchi ladki hai usse shaadi kar le... Kyuki tere or Nilakshit k rishte ko na ye Samaj apnayega na hi dono parivaar.
Sagar k ummeed tutati huyi najar aati hai.
Tanmay - akhir dil me bhi Niharika k liye bhi to feeling hai tabhi to tune use pasand kiya tha.. Or tujhe kya problem hai tu to Bisexual hai.
Sagar ab uski baato se chidne laga tha.
Sagar - Tu dost hai ya dushman... It's not about only marriage to spend whole life... It's about commitment..
Haan mai bisexual hoon iska matlab ye nahi k jaha jayada fayeda dikhe us taraf jhuk jaaau... Ya do do naav pe sawari kar k apni life enjoy karu. I have feelings n it's about Love... Mai unme se nahi hoon jo kisi ladki se shaadi kar chhip chhip k gays ke saath enjoy karu. Commitment or loyalty naam ki bhi kuch chiz hoti hai. Kisi ko Dhoka dena maine aaj tak nahi sikha fir chahe wo kisi ko ya khud ko... Dohra jeevan jina meri fitrat me nahi hai. Mai kisi ek k saath loyal rehna chahta hoon. Or wo Nilakshit hai na k Niharika.
Tanmay uski baatein dhyaan se sun raha tha
Tanmay - Waah mere dost... Jis tarha teri soch hai waisi soch agar sabhi bisexual ki ho jaaye to koi na abhi kisi gay ka na dil togeda na kabhi kisi ladki ko dhokha dega.
Sagar - Wo to theek hai lekin ab mai kya karu mujhe kuch samajh nahi aa raha hai. Mai jiske liye khud se lad raha hoon sabse ladne ko taiyar hoon wohi mera saath nahi de raha.
Tanmay - Tu fikar na kar hum jaldi jarur kuch soch lenge. Ab mai bhi tere saath hoon.
Sagar - Hume jo karna hoga Sagai se pehle karna hoga.
Shaam ko..
Engagement ka muhurat aa gaya tha. Sabhi jaruri mehmaan bhi aa chuke the.
Pandit ji - Ladka ladki ko bulaayiye. Engagement ki rasam shuru ki jaaye.
Kadambari - Ji pandit..... Chaitali jaao Niharika ko le aao.
Arundhati - Ye Sagar abhi tak ready ho kyu nahi aaya.
Nilakshit mann me - O God... Ye ladka abhi to yehi tha...pata nahi kaha chala gaya...Kahi Sagar bhaavnao me beh k kuch kaand na kar dein...
Tanmay - Aunty mai bula k lata hoon..
Tanmay Sagar ko lene uske room me jata hai to dekhta hai wo Khidki se bahar pahado ko dekh raha tha.
Tanmay - Sagar tum yaha ho niche sab tumhe bula rahe hai.
Wo koi jawaab nahi deta hai.. Tanmay dekhta hai uske haath se khoon nikal raha hai.
Tanmay jaldi se - ye kya hua Ye chot kaise lagi .?
Wo apni pocket se rumal nikal k use haath me baandhta hai.
Sagar - ab dekh ta hoon ye Sagai kaise hoti hai.
Itna keh k wo niche jaane lagta hai. Tanmay bhi uske piche chal deta hai.
Sagar ko Shervaani me dekh sab bahut khush hote hai. Lekin usne haath ki chot sirf or sirf Nilakshit dekhta hai.
Wo uske paas jata hai
Nilakshit pareshan hota hua - Ye tumhe chot kaise lagi?
Sagar - Chot mujhe lagi to dard tumhe kyu ho raha hai..
Nilakshit k paas kuch kehne ko nahi tha.
Sagar - tum ziddi ho to mai bhi kam nahi hoon dekhta hoon tumhari behen kaise mujhse sagai karti hai... Ek baat dhyaan se sun lo Nilakshit ab se tumhari behen ki khushiyon ki barbaadi k zimmedaar sirf or sirf tum hoge.
Itna keh k wo stage pe jaa k baith gaya tha. Udhar Chaitali bhi Niharika ko lekar aati hai. Niharika Safed lehnge me bilkul pari jaisi lag rahi thi. Sab bahut khush the lekin Nilakshit k chehre se khushi bilkul gayab ho chuki thi...
Pandit ji - ab Sagai ki rasam shuru karni chahiye.
Arundhati apni hone wali bahu ko laal chunri udha k tilak karti hai. Or uski balayiyaan leti hai.
Pandit ji - Ab ladki ladke ko angoothi pehnayegi.
Niharika Sagar ko angoothi pehnne jaati hai lekin Sagar haath aage nahi karta. Ulta wo Nilakshit ki taraf dekhe jaa raha tha.
Suparna - Sagar haath aage karo.
Lekin wo use bhi ansuna kar deta hai.
Sab sannate me aa jaate hai.
Nilakshit darte huye - Na jaane ab kya hone wala hai.

To be continue..
Episode 11

Pandit ji ab Sagai ki rasam shuru karne ka elaan karte hai. Niharika Or Sagar ek duje k saamne aakar khade ho jaate hai.
Pandit ji - pehle ladki ladke ko anguthi pehnaayegi
Kadambri Nilakshit ko anguthi laane ko kehti hai. Nilakshit anguthi lata hai Or Niharika k haath me thama deta deta hai. Sagar to usse najre tak na mila raha tha wahi Nilakshit najre chura raha tha.
Kadambri - Niharika Sagar ko anguthi pehnao..
Niharika use ring pehanane k liye taiyaar khadi thi lekin Sagar hi haath aage nahi badha raha tha.
Arundhati - Sagar haath aage karo.
Lekin wo use ansuna kar deta hai.
Nilakshit mann me sochne lagta hai k ab ye ladka kya karne wala hai.
Tanmay dheere se uske kandhe me haath rakhte huye - Sagar haath aage karo.
Wo sachet ho jata hai kr haath aage badhta hai.. Lekin ye kya sab dekhte hai uske haath me to chot lagi hai jisme se bleeding bhi ho rahi thi.
Suparna - Ye kya ho gaya?
Sagar - wo galti se chot lag gayi.
Kadambri - koi baat nahi.. Niharika tum dusre haath me anguthi pehna do... Ungali se kya farak padta hai. Rishte to dil se judte hai na.
Niharika use dusre haath ki ungli me anguthi pehna deti hai. Sab khushi se taali bajate hai. Idhar Nilakshit mann hi mann soch raha tha k wo Sagar ko kitni takleef de raha hai. Wo chot usne jaan kar khud ko di hai.. Mai abhaaga sabko takleef dene k liye hi janma hoon.
Idhar Sagar mann hi mann keh raha tha - Tum agar ziddi ho Nilakshit to mai bhi kuch kam nahi. Jitna dard mujhe hoga usse kayi jyada dard tumhe sehen karna padega... Jab tak tum dil ki baat keh nahi dete.
Ab baari thi Sagar k anguthi pehnaane ki. Arundhati use rigved deti hai. Chaitali Niharika ka haath aage badhati hai. Sagar jaise hi use anguthi pehnaane jata hai ek cheekh ki awaaj aati hai kr sab darr jaate hai. Sab pichhew mud kar dekhte hai to Nilakshit ko zameen par gira paate hai. Sab uski taraf jaldi se bhaagte hai or unme se sabse aage tha Sagar. Ye dekh Niharika thoda sa hairaan ho jaati hai.
Sagar - Nilakshit utho kya hua tumhe...
Kadambri - Nilu... Mere bete kya hua..
Vikram - Sabse pehle ise utha k andar room me le chalo.
Abhinav - Haan mai jaldi se doctor ko bula k lata hoon.
Sagar Tanmay ki help se use utha k andar bed pe leta dete hai.
Kuch der baad...
Doctor - Tension ki koi baat nahi hai ghar me Function hai usi ki bhaag daud ki thakaan se chakkar aa gaya hoga.. Filhal to inhe araam karne dein Or time to time juice Or healthy chize khilaate rahe.
Ye sun sab chain ki saans lete hai lekin Sagar abhi bhi tension me tha. Wo sahi uska haath pakade use dekh raha tha.
Tanmay - Sagar chalo... Sagai ki rasam puri karni hai.
Sagar - Nahi jab tak Nilakshit neend se nahi jaagta mai nahi jaaunga.
Niharika ko Sagar ka aisa kehna bahut ajeeb lagta hai.
Tanmay dheere se - Pagal mat bano... Sab dekh rahe hai Niharika bhabhi kya sochegi.
Kadambari - Jaao Sagar.. Sagai ki rasam puri karni hai Nilakshit k paas mai ruk jaati hoon.
Sagar - Dadi aap hi bataiye... Ghar ka ek sadasya is haalat me hai to hum khushi ka function kaise kar sakte hai.
Sab chup ho jaate hai.
Niharika - Ji Dadi... Sagar ji bilkul theek keh rahe hai. Nilakshit mera bhai hai wahi humari engagement nahi dekh payega to kuch khaali khaali lagega.
Arundhati - Lekin beta rasam to sahi muhurat me hi puri karni padegi.
Sagar - Mom.. Aisa hai to hum sagai yehi kar lenge ek anguthi hi to pehnaani hai lekin mai Nilakshit ko is halat me chhod k nahi jaaunga.
Sagar apni pocket me se ring nikaalta hai or jabardasti Niharika ka haaath pakad kar use pehna deta hai. Sabko Sagar ka ye utaavlapan bahut alharta hai lekin sab Nazarandaaj kar jaate hai lekin Niharika k mann me kayi Prashchhin k chhap chhod jaate hai.
Niharika mann me - Akahir achanak Sagar ko hua kya hai.
Tanmay baat sambhaalte huye - Lagta hai Dhulhe raha ko apne saale sahab ki bahut jyada fikar hai or ho bhi kyu na eklote jo hai. Hahahahahah
Uska ek majak mahaul ko normal kar deta hai.
Rasam puri hote hi...Saare mehmaan bhi chale gaye the. Or raat bhi bahut ho chuki thi.
Aadhi raat ko...
Niharika nind se jagti hai or Nilakshit ko dekhne jaati hai. Lekin uske room me jaa kar paati hai Sagar waha pehle se maujood tha. Wo Chair pe baitha Sote huye Nilakshit k sirhaane sar rakh kar so raha tha or uska haath Nilakshit k haathon me tha. Niharika k dil me bahut si baatein aa rahi thi lekin wo abhi bhi sacchai se koso door thi.
Niharika use jagate huye - Sagar ji... Sagar ji.... Aap apne room. Me jaa kar so jaaiye mai yaha rukti hoon.
Sagar kacchi nind se jaate huye - Nahi tum so jaao mai hoon yaha waise bhi kal. Tumhe mehndi ko rasam k liye jaldi uthna hai.
Niharika bhi wahi baith jaati hai.
Niharika - Sagar ji ek baat puchhu?
Sagar - Hmmm?
Niharika - aap is shaadi se khush to hai na...?
Sagar najre churate huye - Aisa kyu puchh rahi ho?
Niharika - Nahi sab kuch itni jaldi ho raha hai aaj humari Sagai ho gayi parso humari Shaadi hai. Kal Mehndi Or haldi hai sab kuch ek sapna jaisa lag raha hai. Agar aapke mann me koi bhi baat ho to aap keh sakte hai.
Sagar mann me - Kehne ko to bahut kuch hai lekin samajh nahi aa raha kaise kahu.
Sagar - Aisi koi baat nahi hai. Tum ek acchi ladki ho. Tumhare saath koi bhi ladka humesha khush rahega.. Lekin...
Niharika - Lekin Kya?
Sagar bolna chha raha tha par wo baat taal deta hai.
Sagar - Raat bahut ho gayi hai tum bhi thak gayi hogi...Waise bhi kal bhi mehendi or haldi ki rasam hai..Hum kal uske baad baat karenge..abhi tum so jaao.
Niharika Nilakshit k sar pe pyaar se haath pherti hai or Sagar ko pyaar se good night keh chali jaati hai
Niharika jaate jaate palat kar dekhti hai or fir muskura k chali jaati hai. Shayad use prashno k uttar use mil chuke the.

To be continue....

Episode 12

Next Morning...
Subha subha Sagar ki aankh khulti hai wo dekhta hai Nilakshit abhi bhi gehri nind me tha. Wo use pyaar se dekhne lagta hai.
Sagar khud se - Kaash aisi subha har din ho mai uthu Or tumhara chehra sabse pehle najar aaye lekin mai jaan gaya hoon ye mumkin nahi hai. Kal meri shaadi ho jaayegi mai kisi or ka ho jaaunga kisi or ki zimmedaari mujhse bandh jaayegi... Agar tumhari khushi isme hi hai to yehi sahi. Akhir parivaar k khatir tum apne pyaar ki kurbaani de sakte ho to tumhari khushi ki khatir mai bhi apne pyaar ki kurbaani de hi sakta hoon.
Wo muskura k uske sar pe haath geeta hai or chala jata hai. Ab usne Niharika ko tahe dil se apnane ki thaan li thi.
...............
Sab Haldi or Mehandi ki rasam ki taiyaari me lage huye the.
Tanmay - Aree Nilakshit tum kyu kaam kar rahe ho tumhari tabiyat theek nahi hai. Mai sab sambhaal lunga tum jaao rest karo.
Nilakshit - Nahi... I'm fine now... Waise bhi andar chaar diwari me mera mann nahi lag raha tha.
Tanmay - Ok....as your wish.
...................
Kadambri - Chaitali... Jaldi jaldi se Niharika ko le kar aao... Haldi ki rasam shuru karni hai
Chaitali - Abhi layi...
Chaitali Niharika ko lene jaati hai lekin room me use na paas kar soch me pad jaati hai.
Chaitali - Ye ladki kaha chali gayi?
Wo use pure ghar me dhoondhti hai par wo kahi bhi nahi milti.
Chaitali - Maa... Niharika kahi bhi nahi mil rahi hai maine pure ghar me dekh liya... Pata nahi kaha chali gayi.
Kadambri - Ghar me nahi hai lekin is tarha kisi ko bina bataye kaha jaa sakti hai.
Pure ghar walo me halla ho jata hai k Niharika kahi chali gayi hai. Nilakshit use call bhi karta hai lekin wo utha nahi rahi thi.
Sagar khud se - kal hi humare beech baat huyi thi or aaj is tarha wo kaha chali gayi kahi wo kisi musibat me to nahi hai
Nilakshit - Nani mai Niharika ko dhundne jaa raha hoon...
Sagar - Ruko... Mai bhi tumhare saath chalta hoon.
Abhinav - Haan beta... Jaise hi wo mile hume bata dena.
Sagar or Nilakshit use Ranikhet ki har sambhav jagah pe khojte hai.
Sagar - Nilakshit! Niharika tumhari behen hai uske baare me tumhe pata hoga. theek se socho aisi kon si jagah jaha wo jaa sakti hai.
Nilakshit - Pata nahi is samay mujhe kuch nahi soojh raha bas wo jaldi se mil jaaye... Hey mata ji Niharika bas theek thaak ho..
Mata ka naam lete hi Nilakshit k dimaag ki ghanti bajti hai.
Nilakshit - ek second... Niharika jab bhi pareshan hoti thi to ucchi pahadi k mata k mandir me jaati thi... Kahi wo waha to nahi hai.
Sagar - Ho sakta hai... Ye to ab waha jaa kar hi pata chalega.
Dono mata k mandir ki taraf rukh karte hai.
Mata ka Mandir...
Dono mandir ki dehleez pe pahuch kar hi saans lete hai to dekhte hai Niharika Mandir k andar chup chaap baithi thi.
Nilakshit - Thank God Tu theek thaak hai... Is tarah ghar me bina bataye yaha aane ka kya matlab hai.. Pata hai sab kitne pareshaan hai..
Niharika kuch nahi bolti.
Sagar - Niharika are you ok na... Kuch hua hai kya?
Niharika halke se uth kar khadi ho jaati hai.
Niharika - Ye to tum dono hi batataoge k kya hua hai?
Dono soch me pad jaate hai or ek dusre ko dekhne lagte hai.
Niharika - Aaj hum mata k mandir me khade hai or yaha koi kabhi jhooth nahi bol sakta. Isliye aaj mai sach jaanna chaahati hoon.
Nilakshit chonkte huye - Kaisa sach?
Niharika - Jab se meri shaadi tay huyi hai aisa har pal lagta hai jaise tum dono mujhse kuch chhipa rahe ho.... Sagar bante huye- Aisa kuch nahi... Bhala hum tumse kya chhipayenge
Niharika - yehi k tum dono k beech kuch hai... Jise maine bhaap liya hai.
Nilakshit darte huye - kyaa?
Niharika Sagar or Nilakshit ka haath apne sar pe rakh kehti hai - Tum dono meri kasam khaa k kaho k tum dono ek dusre se pyaar karte ho.
Ye sun dono k hosh udd jaate hai k aakhir use ye baat kaise pata chali.
Nilakshit apna haath hatate huye - kya bakwas kar rahi hai tu... Jaldi chal ghar me sab tera intezaar kar rahe hai.
Niharika - Nahi aaj mai sach jaane bina kahi nahi jaaungi.
Wo bhi zidd pe add gayi thi
Sagar - Nilakshit ab kuch chhipane se koi fayeda nahi... Haan Niharika jaisa tum soch rahi ho bilkul sach hai. Mai ek bisexual ladka hoon or Nilakshit Gay hai or hum dono ek dusre se bahut pyaar karte hai. Humara rishta bhi ek galatfemi ki wajah se juda hai.
Ye sun uske to hosh hi udd gaye the.
Niharika - iska matlab saaf hai jo wehem mere mann me tha wo sach hai.
Nilakshit chonkte huye - kya tumhe shaq tha?
Niharika - haan.. Jab se humari shaadi tay huyi hai nai dekh rahi hoon Sagar ji kuch udaas rehne lage the Or tum bhi mere pehle wale Nilu nahi rahe the lekin Jis tarha se Sagar ji ne kal react kiya tumhare liye fikar jatayi mai samajh gayi jarur kuch galat ho raha hai.. Isliye apne sawalo ka jawaab lene mai mata ji k paas aa gayi or dekho unhone mere sabhi sawalo k jawaab de diye.
Nilakshit apne aap me bahut sharminda mehsoos kar raha tha.
Nilakshit rote huye - Mujhe maaf kar do Niharika, mai darta tha nahi to tumhe sab sach bata deta.... Lekin Sagar sirf tumhara hai mai kabhi nahi aaunga tum dono k beech.
Sagar Nilakshit ko daantte huye - Tum aisa kyu bol rahe ho... I love you... Or Niharika tum mujhe koi bhi saja de do.. Lekin mai tumse shaadi nahi kar sakta, ho sake to mujhe maaf kar dena.
Niharika gusse me - ho gaya tum dono ka ab mai bolu....
Thodi der soch kar wo fir se bolna shuru karti hai - dono parivaar bahut khush hai, unki khushiyo me aanch nahi aani chahiye...isliye Shaadi to hogi...
Ye sun Sagar dang reh jata hai wahi Nilakshit ko kuch samajh nahi aata.
Sagar chonkte huye - Kya? Tum sab jaanne k baad bhi mujhse shaadi karne k liye taiyar ho...
Niharika haste huye - Hahahahaha....haan shaadi to hogi hi... Lekin meri or aapki nahi balki aapki or Nilakshit ki...
Ab chonkne ki baari Nilakshit ki thi. Sagar ki to mann maange murat puri ho gayi thi lekin Nilu raazi nahi tha.
Nilakshit - ye kya bakwas kar rahi ho tum, Sagar Or tumhare milan se dono parivaar bahut khush hai mai nahi chahta k unki khushi me grehen lage. Koi humare rishte k liye kabhi nahi manega na hu humara parivaar nahi hi ye samaj.
Niharika - Kis Samaj ki baat kar rahe ho tum Nilu... Jab tumhare apne pita ne tumhe chhod diya tha tumhari maa ko marne ki kagaar pe laa k khada kar diya tha tab ye samaaj aaya tha tumhe sahara dene nahi na...haan Humare parivaar ne bahut kuch kiya hai isliye unhe manane ki zimmedaari meri hai...mujh na samajh ko to usi din samajh jana chahiye tha jab tum Pride parade khushi khushi jaate the..tumhare saath pali badhi hone k baad bhi mai bhi tumhare ehsaas ko kabhi nahi samjh paayi mai bhi lekin aaj k khyalaaton ki ladki hoon... Tum dono ko milane ki zimmedaari ab se meri.
Sagar uska Confidence dekh kar bahut khush ho jata hai lekin Nilakshit ko abhi bhi darr tha..

To be continue....

Episode 13

Sab ummeed lagaaye huye the k Sagar or Nilakshit Niharika ko jald se jald wapas le aayenge Or aisa hua bhi. Niharika Vyas house aa gayi thi.
Chaitali - kaha chali gayi tum Niharika pata hai hum sab kitna pareshaan ho gaye the
Arundhati pyaar se - Bahu.. is tarha se nayi dulhan ko akele ghar se nahi jana chahiye khaas kar shadi k ek din pehle.
Abhinav gusse se - Waise aisa kya jaruri kaam aa gaya k tum bina kisi ko inform kiye chali gayi....
Kadambari - Sahi kaha or Sagar or Nilakshit kaha hai wo tumhe lene k liye nikale the.
Sabne uske aage prashnon ki jhadi laga di thi jiska ek ek kar jawaab de pana mushkil sa ho raha tha.
Niharika - mai aapke saare sawL ka jawab dungi lekin usse pehle mujhe aap sabko kuch batana hai.
Sab soch me pad jaate hai.
Suparna - kya batana hai beti wo bhi is waqt.... Jaldi or mehendi ka muhurat nikla jaa raha hai?
Niharika - kuch aisa hai dadi jise aap sabko bahut pehle hi jaan lena chahiya tha. Lekin abhi bhi koi jyada der nahi huyi hai.
Kadambari - Akhir baat kya hai?
Niharika kisi ko awaaj lagati hai - Andar aa jaao..
Uske bukate hai Sagar Nilakshit ka haath thame ghar me pravesh karta hai unke gale me pholo ki mala thi or maathe pe tilak laga hua tha. Sab un dono ko is tarha dekh ek pal k liye chonk jaate hai lekin unhe theek se samjh nahi aata.
Suparna - Sagar Nilakshit... Tum dono or ye sab kya hai?
Sagar - yehi to sacchai hai Dadi.
Suparna - Kaisi Sacchai?
Nilakshit to darr se najre jhukaye hua tha wo Apni Nani or Mama Mami ko face hi nahi karna chahta tha.
Abhinav - Yaha kya ho raha hai koi samjhayega...?
Niharika - Mai samjhati hoon Papa... Hope so aap samajhenge... Dekhiye duniya badal rahi hai duniya ki soch badal rahi hai isliye hune bhi badalna hoga...Parivartan Prakriti ka niyam hai.
Vikram - tum bacche kya paheliyaan bujha rahe ho jo kehna hai saaf saaf kaho... Or ye in dono k game mala kyu hai?
Sagar gehri saans lete huye sacchai bayaan kar deta hai..
Sagar - Dad... Humare gale me ye mala isliye hai k maine Nilakshit se aaj hi shaadi kar li hai..
Ye sun sabke kaleje ko dhakka sa lagta hai. Kadambari to khud ko sambhal hi nahi paati or niche gir jaati hai jise Chaitali sambhalti hai.
Suparna - Shaadi?... Kya bakwas kar rahe ho.. Ye koi majak hai kya?
Sagar - Nahi dadi ye koi majak nahi hai mai or Nilu ek dusre se bahut pyaar karte hai. Kyuki mai Niharika se shaadi nahi karna chahta tha isliye maine Nilakshit ko jeevan saathi k roop me chun liya hai.
Vikram gusse me jata hai or Sagar ko ek jor daar thappad raeed deta hai.
Vikram - Tum hosh me to tum kya keh rahe ho?
Sagar - Hosh me to ab aaya hoon dad. Jab se khud ko pehchana hai k mujhe ladko me intrest hai..
Chaitali Nilakshit k paas aate huye - Or Tu Nilakshit ye Sagar jo keh raha hai kya wo sach hai?
Nilakshit najre jhukaye haan me sari hilata hai.
Chaitali - are Kalmuhe tujhe sharam nahi aati apni hi behen k saath aisa karte huye?
Niharika apne bhai ko Defend karti hai.
Niharika - Maa aap Nilakshit ko kuch mat bolo wo Gay hai use ladke pasand hai isme uski kya galti hai.
Chaitali - tu chup kar... Tum sabke dimaag pe patthar pad gaye hai. Ye sab kehne se pehle socha tha k samaj me humari kitni thi thi hogi. ..... Abhinav aap hi kuch boliye inko....
Abhinav sar pe haath rakh k apni kismat pr ro raha tha.
Abhinav - Kya bolu mai ise... Accha hota ye bhi apni maa k saath hi mar jata.. Kam se kam humari beti ki zindagi k saath to koi khilwaad na hota.
Abhinav k bol Nilakshit k kaleje pe chubh rahe the jiska prateek uske aansu the.
Niharika - plz aap sab samajhne ki koshish kijiye.. Do ladko ka pyaar karna galat nahi hai hum 21sadi me jee rahe hai.. Hume apni soch badalni padegi.
Suparna gusse me - Bas bahut ho gaya tamasha...ab koi behes nahi chahiye... Ye dono gharo k beech ki baat hai accha hoga k ise ghar me hi nipta diya jaaye.
Kadambari rote huye - Tu kehna kya chahti hai Suparna?
Suparna - Sagar! Tu abhi ye sab drama band kar or kal hi Niharika se shaadi kar nahi to..
Sagar bhi josh me tha - Nahi to kya dadi...?
Suparna - Tera humse koi rishta nahi...
Ye sun kar Sagar or Nilakshit pe bijali aan padi thi.
Sagar - Aisa kabhi nahi hoga mujhe Nilakshit se koi alag nahi kar sakta.
Nilakshit - Please dadi aisa mat kahiye Sagar aapke ghar ka hi chiraag hai.
Chaitali gusse se - Tu chup kar... Jo chirag ghar ki ijjat ko aag laga dein use humesha ki bujha dena chahiye. Jaise k tujhe ..
Kadambari chillate huye - Chaitali bahu...
Chaitali - Nahi maa aaj aap mujhe chup nahi kara sakti.. Maine Nilakshit ko humesha ek maa ka pyaar diya lekin mujhe kya pata tha kye meri beti ki khushiyaao ko hi khaa jayega... Aap hi ise ghar laayi thi na dekhiye aaj aapke Naati ne aapke Poti ki zindagi barbaad kar di.
Kadambari kuch bolne layak rahi na thi kyuki uska sikka hi khota nikla tha.
Lekin Niharika barabar sabko samjhane me lagi huyi thi or Tanmay uska saath de raha tha.
Niharika - Please aap sab log thande dimag se sochiye or fir kuch faisla lijiye...
Abhinav lalkaarte huye - Ab kuch sochne samajhne ko nahi bacha...
Wo Nilakshit ka collar apni mutthi se pakadte hai or ghar se dhaake maar kar bahar karne lagte hai... Lekin Sagar Nilakshit ka haath nahi chhodta wo bhi uske saath chal deta hai.
Arundhati mamta mayi hokar Sagar ko rokna chahti hai lekin Vikram ka gussa Arundhati ko hi rok deta hai...
Abhinav dono ko nikalte huye - Nikal jaao yaha se.. Or apni manhoos shakal kabhi mat dikhana tum dono ne dono parivaar k saath accha nahi kiya...
Itna keh k wo darwaja unke muhh pe maar deta hai.
.............
Shaadi k ghar me ab maatam fail chuka tha. Niharika or Tanmay sabko samjhane ki koshish kar rahe the lekin koi kuch sunne ko raazi na tha.
Suparna haath jodte huye - Kadambari mujhe maaf kar do... Na mai aone pote ko yaha laati na tere ghar se rishta jodne ka mann banati or na ye kaand hota..
Kadambari - maafi to mujhe tujhse maangni chahiye k mai apni dosti ka farz nahi nibha saki mere Nalayak navase ki wajah se tere ghar ki ijjat to gayi hi saath hi meri poti bhi neech mandap me bin bihaayi dulhan ban k reh gayi...ab kon karega usse shaadi kon jodega humse rishta..
Vikram unhe koste huye - Sach me un dono ki wajah se hum kahi kisi ko muhh dikhane layak nahi rahe...Arundhati, Maa, Tanmay sab apna samaan baandho hum aaj hi London wapas jayenge ab yaha rukne ka koi fayeda nahi...
Arundhati aansu bahaate huye - Or Sagar...
Vikram - Samajh lo marr gaya wo humare liye.
Niharika mann me - Ohh God... Maine kya socha tha or ye kya ho gaya... Mujhe laga mai sabko mana lungi lekin yaha to sara daav hi ulta pad gaya...
Flash back start....
Mandir me...
Sagar - Lekin hum ghar walo ko kaise manayenge Niharika...?
Niharika - Mere paas ek plan hai... Hum unhe ye jhooth bolenge k tum dono ne isi mandir me shaadi kar li hai iske baad unhe mannna hi padega...
Nilakshit darte huye - Lekin aisa karna jaruri hai kya?
Niharika - Shayad haan... Kyuki agar aisa nahi kiya to wo meri or Sagar ki jabardasti kara denge... Ho sakta hai emotional blackmail kare ya darate dhamkaaye.... Lekin agar unhe ye yakeen dila diya k tum dono ne shaadi kar li hai to koi kuch nahi kar sakta. Unhe tumhare rishte ki pavitrata ko samjhna hi hoga.
Sagar khushi se - you r right Niharika.... Thankyou so much... Mere paas shabd nahi hai k mai kya Tumhara ehsaan maanu... You are Angel for us... Shayad tumhe bhagwaan ne hume milane k liye bheja hai.
Niharika - Mera ehsaan manne ko koi jarurat nahi hai bas Vada karo jis raaste pe tumne chalna shuru kiya hai uski manjil tak jarur pahunchoge or mere bhai ka saath kabhi nahi chhodoge...
Sagar - Mai Durga Maa ko saakshi maan kar tumhe vada karta hoon.
Flash back End...
Niharika - Na jaane Sagar or Nilakshit pe kya beet rahi hogi... Ye sab mere stupid idea ki wajah se hua hai... Na jaane ab aage kya hoga...

To be continue.....

Episode 14

Sagar Or Nilakshit pahadi road oe kinaare ek patthar pe baithe the. Raaste me aati jaati gaadiya unhe dekh rahi thi par koi ruk nahi raha tha. Jaha Nilakshit bilkul shant tha wahi Sagar chaa raha tha k wo kuch to bole.
Sagar - Kab aise baithe rahoge Nilakshit... Mana mujhse galti huyi hai lekin itni bhi rusvaai acchi nahi lag rahi Mujhe tumhari.
Patthar pe baithe baithe Nilakshit bhi patthar ban gaya tha..
Sagar - Sorry ...mai jaanta hoon tumhe yehi lag raha hai k agar mai Niharika k plan ko manzoori na deta to aaj ye sab na hota...magar humare rishte k liye sabko manane ka ek yehi rasta tha.
Nilakshit k sabar ka baandh ab toot chuka tha.
Nilakshit - Haan saari galti tumhari hi hai.. Maine kitna kaha k bhool jaao mere pyaar ko bhool jaao meri kalam ki likhawat ko jisne tumhe mujhse pyar karne ke liye majboor kiya or kal lo Niharika se shaadi isi me dono parivaar ki bahali thi lekin tumne meri ek na suni or dekho aaj humdono ki wajah se sabko kitna dukh pahucha hai.. Mami mama jinhone humesha se mujhe maa or baap ka pyaar diya aaj mera chehra tak nahi dekhna chahte.
Itna kehte kehte uska gala bhar aata hai or wo Sagar se lipat k rone lagta hai.
Tabhi unke saamne ek gaadi aakar rukti hai or usme se ek aadmi bahar nikalta hai.
Wo aadmi - Nilakshit tum yaha baithe ho or mai tumhe ranikeht k har kone me dhoond raha hoon... Maine suna tumhe un sabne ghar se bahar nikal diya... Chalo mere saath apne ghar...
Wo najar utha k dekhta hai to saamne uska asli baap Ketan khada tha...
Nilakshit - Chale jaaiye yaha se mujhe kisi ko jarurat nahi hai..
Ketan - Aisa nahi kehte beta... Mai tumhara pita hoon... Un dogle logo ne tumhe istemaal kar k fenk diya to kya hua mai to hoon na...
Vyas parivaar k liye galat baat sun Nilakshit ka khoon khol uthta hai
Nilakshit bhadk kar - Chale jaaiye yaha se isse pehle mai apna aapa kho doon.
Sagar use sambhalta hai.
Sagar - Dekhiye aap ki umar ka lihaaj kar raha hoon isse pehle kuch ho jaaye chale jaaiye...
Ketan - Ye sab teri mili bhagat hai sabke saath tu or wo sab mujhe mere bete se alag karna chaahate ho na dekhta hoon mai bhi kaise karte ho.
Nilakshit chilla k - maine kaha chale jaaiye...
Ketan majboor ho kar chala jata hai.
Sagar - sambhalo apne aap ko...
Vyas house me...
Udaas mann k saath Arundhati, Suparna or Tanmay apna samaan baandh kar London jaane k liye nikalne lage the. Lekin Sagar k liye Vikaram ka gussa abhi bhi kam na hua tha.
Vikaram - Chalo sab log.. Flight k liye deri ho rahi hai.
Arundhati - Kya ek baar Sagar se...
Wo itna hi kehti hai k Sagar ka naam sun kar Vikaram bhadak jata hai.
Vikram - Kya abhi bhi tumhare dil me us namard k liye mamta hai. Jisne humari ijjat ko taar taar kar diya.
Suparna - Vikaram apne gusse pe kaabu rakho isme Bahu ki kya galati hai. Wo ek maa hai.
Sab jaante rahe hote hai k Chaitali, Niharika or Kadambri unse milne aate hai.
Kadambri - Jaa rahi hai chipkali
Suparna - haan...ab yaha rukne k liye koi wajah bhi nahi hai.. Kitne sapne le kar India aayi thi kya pata tha k is tarah wapas jana hoga.
Kadambri - Sahi kaha dono bacchon ne humari dosti pe grahan laga diya... Abhinav to Nilakshit ka daah sanskaar tak kar chuka hai.
Suparna - na jaane kon se janam k paapo ki saja mil rahi hai.. Khair chalti hoon.
Jaise hi Suparna jaane k liye kadam badhati hai Kadambri k andar se ek cheekh nikalti hai or wo seene pe haath rakh kar zameen pe gir jaati hai.
Sab unhe sambhaalne k liye bhaagte hai...
Niharika rote huye - Dadi kya hua aapko utho na...
Suparna pareshaan hote huye - Tanmay dekho na Kadambri kuch bol kyu nahi rahi hai.
Tanmay jaldi se unke haath nas dekhta hai or dhire se kehte hai - Da....Dadi... Dadi to gujar gayi..
Tabhi Nilakshit uth kar baith jata hai.
Nilakshit - Daaadi..
Uski saansw ukhdi huyi or maathe pe pasina tha...
Nilakshit badbadate huye -Dadi aap nahi jaata sakti Dadi aap nahi jaata sakti.
Kuch der baad wo idhar udhar dekhta hai to khud ko apne kamre k bistar pe pata hai jiske sirhaane pe Sagar gardan jhukaye so raha tha... Wo paani pita hai or khud ko sambhalta hai.
Wo jaldi se bahar aake dekhta hai to dono parivaar Haldi or Mehendi ki rasam karne ki taiyaari me lage huye the.
Iske baad se usje mann me vicharo ka jharna behne lagta hai.
Nilakshit khud se - kitna bhayanak sapna tha... Nahi is sapne ko sach nahi hone de sakta... Agar Sagar or Niharika ko shaadi nahi huyi to sab kuch khatam ho jayega..
Wo Sagar k paas aakar kehta hai - Mujhe maaf kar do Sagar ab jo mai karne jaa raha hoon usse tumhe bahut dukh pahuche wala hai lekin tumhari zidd or mera pyaar dono Parivaar ki khushiyo se bada nahi hai agar iske liye mujhe marna bhi pade to mai wo bhi kar jaaunga... Us sapne ko mai kabhi sach nahi hone dunga..tumhari or Niharika ki shaadi to ho k rahegi.
Wo Sagar k jagne se pehle sabse najre chura k ghar se bahar nikal jata hai lekin Tanmay use dekh leta hai.
Tanmay khud se - Ye Nilakshit itni subha subha is haalat me kaha jaa raha hai iski to tabiyat kharaab thi na..
Use kuch theek nahi lagta.. Isliye wo bhi uske pichhe pichhe ghar se nikal jata hai.

To be continue.....
Episode 15

Nilakshit bimaar haalat me sabse najre churaye ghar se chup chaap nikal jata hai lekin ek shakhs tha jisne use jaate huye dekh leta hai hai Or wo tha Tanmay.
Tanmay khud se - Ye Nilakshit kaha jaa raha hai iski to tabiyat kharaab thi na... Mujhe dekhna padega..
Wo bhi uska pichha karne nikal padta hai.
Vyas House me...
Sagar ki aankh khulti hai lekin wo dekhta hai k Nilakshit apne bed pe nahi tha wo pareshaan ho jata hai or idhar udhar dhoondne lagta hai. Lekin usko wo nahi dikhta.
Arundhati - Ye kya Sagar tum abhi tak ready nahi huye jaldi se taiyar ho hume haldi ki rasam karni hai.
Sagar - Mom aapne Nilakshit ko kahi dekha.?
Arundhati - Yehi kahi hoga. Lekin tum jaldi se ready ho jaao nahi to Tumhari dadi bahut gussa karengi.
Sagar ko samjh nahi aata k kya kare weh khud ko kisi zanjeero me jakda hua mehsoos karta hai.
Ghar se bahar ek pahadi pe...
Nilakshit Ranikhet ki ek uchhi pahadi ki choti k kinaare khada kuch soch raha tha. Lekin use Tanmay door se dekh leta hai.
Tanmay - Ye ladka aakhir karna kya chahta hai. Wo use awaaj bhi deta hai lekin Nilakshit use ansuna kar apni hi dhun me magan tha.
Nilakshit mann me - mai hi saare fasaad ki jad hoon agar mai khatam to Vyas parivaar ki saari tension khatam. Niharika k liye mere jaise kayi bhai kurbaan. Mujhe maaf kar dena Sagar. Hey bhagwaan mujhe agle janam me mujhe samlingi insaan mat banana.. Ek aisa jeevan dena jisme mai apni khwaishon ko khul kar jee saku na k apni kalam se likhi kahaniyon me hi ulajh kar reh jaau. Maa mai aa raha hoon.
Wo apna kadam gehri khaayi ki taraf badha deta hai tabhi ek haath uske bachaav me aage badhte hai or wo haath the Tanmay k..
Tanmay use apni taraf kheech kar apni baajuo me jakad leta hai jisse nikal pana uske liye mushkil tha.
Nilakshit chhatpatate huye - Chhod do mujhe, mujhe jeena nahi mai marna chahta hoon.
Tanmay - Pagal ho gaye ho tum. Akhur aisa kyu karna chaahate ho.
Nilakshit - Mujh jaise abhage ko jeene ka hak nahi hai. Bachpan me apni maa ko khaa gaya, pita k saya kabhi nahi mehsoos kiya, or bada ho kar apni behen ki khushiyon ka hi dushman ban baitha. Chhod do mujhe mujh jaise Gay ko jeene ka koi haq nahi hai.
Tanmay ek jor daar thappad maar kar uske sar pe sawaar pagalpan ko utaar deta hai.
Tanmay - Abhaage nahi ho tum apne aap jo pehchano. Mai Samajh sakta hoon tumhari takleef ko.
Nilakshit chullate huye - Tum kuch nahi jaante.
Mai tumhare or Sagar k baare jaanta hoon. Wo mera dost hai mujhse kuch nahi chhipata.. Lekin suicide kisi bhi problem ka solution nahi hai
Nilakshit -To tum batao mai kya karu.. Jab tak mai zinda hoon Sagar kabhi Niharika ko puri tarah se ek patni k roop me nahi apna payega. Wo mujhse beinteha mohabbat karta hai.
Tanmay - Or tum?
Nilakshit kuch nahi bolta lekin uski khamoshi ne sab kuch keh diya tha.
Tanmay use gale lagate huye - Mai sab kuch theek kar dunga. Lekin tum ye pagalpan dubara kabhi nahi karoge vada karo mujhse.
Nilakshit - Tum kya kar sakte ho...?
Tanmay kuch der sochne k baad bolta hai.
Tanmay - Sagar bahut ziddi ladka hai wo jo chahta hai use kar k hi rehta hai isliye kuch aisa karna hoga jisse wo tumhe bhool kar Niharika bhabhi ko apna lein....isme liye maine kuch socha hai
Nilakshit - Kya socha hai?
Tanmay - Bataunga lekin usse pehle tumhe vada karna hoga jo mai tumhe jo karne ke kahunga tum waisa hi karoge... Bina kisi sawaal or jawaab k.
Nilakshit - Mai vada karta hoon Niharika Or dono parivaar ki khushiyo ko salamat rakhne k liye mai kuch bhi karne ko taiyar hoon.
Nilakshit ko ab Tanmay ki dosti pe bharosa ho gaya tha k wo jarur koi na koi hal nikaal lega.
Vyas house me...
Mehendi or Haldi ki rasam dhoom dhaam se shuru ho chuki thi.. Ek taraf Sagar ko haldi lagayi jaa rahi thi or dusri taraf Niharika k haath mehendi se laal kiye jaa rahe the.
"Mehandi ni mehendi.
Mehendi ni mehendi,
Tere hatha pe khul k ni khildi,
Are bade hi naseeba naal mildi,
Ghada rang ho chadhayaa hove
Balle balle hoye oye oo o.
Mehandi ni mehendi.
Mehendi ni mehendi."
Sagar ko in sab me koi interest nahi lag raha tha. Uski najre to bas Nilakshit ko dhood rahi thi.
Niharika - Maa Nilakshit kaha hai, wo humesha kehta tha k meri shaadi me mujhe apne haath se mehendi lagayega or ja moka aaya to pata nahi kaha gayab ho gaya.
Chaitali - Haan maine bhi use subba se nahi dekha... Ruk puchhti hoon tere papa ne bheja hoga kisi kaam se.
Chaitali- Aapne Nilakshit ko dekha?
Abhinav - Nahi to.. Subha se mujhe dikha nahi, mujhe laga apne room me rest kar raha hoga.
Chaitali - Room me to nahi hai akhir Nilu gaya kaha?
Tabhi ek awaaj aati hai...
Nilakshit - Mai yaha hoon Mama - Mami.
Dono uski taraf dekhte hai. Nilakshit apna kadam ghar me badhata hai sab use dekh kar dang reh jaate hai. Dholak gaane bajane ki awaaj tham jaati hai Niharika chonkte huye khadi ho jaati hai wahi Sagar use dekh kar Bahauchkka sa reh jata hai.
Kadambari - Nilakshit ye sab kya hai?
Nilakshit k maathe pe tilak laga hua tha or gale pe phoolon ko mala viraajmaan thi. Use dekh kar andaza lagana kathin nahi tha k usne shaadi kar li.
Nilakshit - Dadi maine Shaadi kar li hai.
Ye sun sab chaunk jaate hai. Ek pal me jaise Sagar ki ummeed hi khatam ho gayi thi uska dimaag sun ho gaya tha.
Abhinav - Ye kya keh raha tu...ye koi majak hai kya?
Nilakshit - Mai koi majak nahi kar raha hoon Maine sach me shaadi kar li.
Chaitali - beta ye kya keh raha hai tu...akhir isse ki tune shaadi.
Tabhi pichhe se Tanmay ghar me daakhil hota hai uske maathe pe waisa hi tilak or gale me phoolon ki mala thi jaisa Nilakshit k maathe or gale me tha.
Tanmay - Mujhse..
Ab to sabke 440 volt ka jhatka sa lag gaya tha.
Saare mehmaan aapas me kanafoosi karne lage the.
Sagar chillate huye - Tannnmaaayyy.
Wo gusse me jata hai or Tanmay k phoolo ki mala tod kar zameen pe fenk deta hai
Sagar - Ye kya kiya tune?
Tanmay - Mai or Nilakshit ek dusre se pyaar karte hai isliye aaj humne kaali mata ko saakshi maankar shaadi kar li.
Sagar Nilakshit ki taraf dekhta hai jo najre jhukaye khada tha.
Sagar - Nilakshit keh do ye sab jhooth hai.
Nilakshit - Nahi ye sach hai.
Sach ko jaan kar Sagar apna aapa kho deta hai Tanmay ko jor daar thappad maarta hai.
Sagar uska collar pakadet huye - Tu mera dost hai ya dushman ye kya kiya tune.. Maine nahi soch tha k maine aasteen ka saanp paal rakha hai.
Vikram - Sagar sambhalo apne aap ko... Ye ghar ka maamla hai is trga se tamasha karna sahi nahi
Kadambari - Nilu... Tu aisa hai maine kabhi socha tha. Chhiii.
Nilakshit rote huye - Mai aapko bahut pehle se bata dena chahta tha lekin kabhi himmat hi nahi huyi isliye apne sach ko mai kahaniyon me pirota gaya or meri kalam meri pehchan ban k reh gayi. Haan mai gay hoon..
Ye sun kar Abhinav use chaanta raseed deta hai
Abhinav - Aacha hua meri behen gujar gayi agar aaj teri harkat dekh kar jeete ji mar jaati.
Chaitali - tune ek baar bhi humari ijjat k baare me nahi socha. Itni bhi kya jaldi thi ye ku karam karne ki kam se kam apni behen ki shaadi tak to ruk jata. Ab kya muhh dikhaaenge humhum sabko.
Sab use jali kati suna rahe the. Or wo chup chaap sun raha tha.
Tabhi... Suparna situation ko sambhaalne ki koshish karti hai.
Suparna - Kadambari, Chaitali, Abhinav... Nilakshit apna hi baccha hai isne jo kiya anjaane me kiya lekin hum to samajhdaar hai. Mai Nilakshit or Tanmay se akele me baat karna chahti hoon.
Niharika bhi apni bhai ki tarafdaari karti huyi Suparna ka samarthan karti hai. Lekin Sagar ki to duniya hi lut gayi thi uska pehla saccha pyaar adhura reh gaya tha. Wo ye sab sehen nahi kar paa raha tha isliye waha se chala jata hai.

To be continue....

Episode 16

Suparna baat ko sambhaalte huye Tanmay or Nilakshit se akele me baat karne k liye kehti hai.
Room me...
Suparna - Tanmay tum jaante ho maine tumhare or Sagar me kabhi koi fark nahi kiya. Jis traha Sagar mera pota hai tum bhi mere pote jaise ho. Lekin tumhaari is nadaani ne hum sabko bahut dukh diya hai.
Tanmay najre jhukaye khada tha.
Suparna - Or Tum Nilakshit tum aisa kaise kar sakte ho apni Nani, Mama, Mami unke baare me socha k un par kya bitegi.
Nilakshit - Mujhe maaf kar dijiye Dadi mai bina bataye ye sab nahi karna chahta tha lekin mai ek Gay hoon ye baat ghar ne koi nahi samajhta.
Suparna - Khair tum dono ki is gair jimmedaarana harkat se meri dost Kadambari ko bahut dukh pahucha hai fir bhi mai nahi chahti k Sagar or Niharika ki shaadi pe iska koi prabhaav pade. Ab jaisa mai kehungi waisa hi karoge ....Samjh rahe ho na tum dono.
Tanmay or Nilakshit - Ji Dadi.
Suparna k bahar aane ka sab intejaar kar rahe the. Tabhi wo aa bhi jaati hai.
Kadambari utsukta se - kya hua chhipkali? Kya kaha dono ne..?
Suparna - Kadambari... Jo hona tha wo ho gaya. Ab hume aage ka sochna hai.
Abhinav gusse me - Sochna kya hai Kaki abhi Nilakshit ko ghar se bahar nikalna hoon. Mera usse koi rishta nahi ab.
Vikram use samjhate huye kehta hai - Thoda hosh se kaam lijiye Abhinav ji.
Suparna - Abhinav beta... Ye shaadi ka ghar hai. Ghar me mehmaano ka aana jana bana hua hai. Hume bina kisi tamashe k baat ko sambhalna hoga.. Isliye Sagar or Niharika ki shaadi hone tak is baat ko yehi daba do. Uske baad sochenge k kya karna hai.
Abhinav - theek hai Kaki bade hone naate mai aapki baat maan leta hoon lekin mai us Napunsak ki wajah se apni beti ki khushiyo me aanch nahi aane dunga.
Kadambari rote huye - ye tu kaise bol raha hai apne bhaanje k liye.
Chaitali - Theek to keh rahe hai ye...aap hi use 21 saal pehle le kar aayi thi or dekh lijiye aaj usne is ghar ki ijjat ko mitti me mila diya. Ye apki parvarish nahi uske baap ka ganda khoon bol raha hai. accha hota k uski maa k saath wo bhi...
Kadambari kaan band karte huye - bas karo bahu..maior nahi sun sakti.
Abhinav - ab sunne ko kuch bhi nahi bacha hai...Filhal Tanmay or Nilakshit meri beti ki shaadi ka hissa nahi ban sakte. Mai uski shakal tak nahi dekhna chahta.
Niharika - lekin papa.. Nilakshit bhai hai mera..
Abhinav - maine ho keh diya to keh diya.
Apna farmaan suna kar Abhinav chala jata hai..
Suparna roti huyi Kadambari ko sambhalti hai.
Nilakshit k kiye ka pure ghar pe gehra asar pada tha. Jis ghar me khushiya naach rahi thi aaj sannate me baaki ko rasam puri ko jaa rahi thi. Lekin iska sabse gehra asar Sagar pe pada tha.
Wo ghato ghar se bahar akela baitha apne me gum tha.
Sagar mann me - ye tune kya kiya Nilakshit mere pyaar pe jara bhi bharosa nahi kiya. Apni behen ki khaatir apni zindagi barbaad kar di. Sabse nafrat modi le li. Humare milne ki wajah ko hi khatam kar dala. Lekin mere dost se mujhe ye ummeed nahi thi. Iska jawaab Tanmay tujhe dena hi hoga. Wo apne sawalo k jawaab paane nikal padta hai.
...............
Tanmay or Nilakshit ek hi room me band baithe the. Nilakshit ki khamoshi cheekh cheekh kar keh rahi tho.
Tanmay - Tum theek to ho na?
Nilakshit haan me sar hilata hai.
Tabhi Sagar jhatke se darwaja khokte huye andar aa jata hai. Or sidha aakar Nilakshit ka gala pakad leta hai.
Sagar - Kamine... Maine tujhe apni zindagi k saare sach apna samajh kar bataye or tune hi mere saath vishwasghaat kiya
Nilakshit uska haath chhudate huye - Sagar chhodo unhe. Khabardaar jo Tanmay ko kuch bhi kaha.
Sagar rote huye - Kehna kya hai? Mai sab jaanta hoon ye tumne isliye kiya jisse mai Niharika se shaadi se kar lu.
Nilakshit darte huye - Nahi aisa kuch nahi hai.
Sagar - Tumhari najre padh sakta hoon mai. Tumne apni zidd puri kar li ab meri zidd dekhoge tum. Aaj tak jitna tumse mohobbat ki hai aaj k baad nafrat karunga tumse. Kal meri or Niharika ki shaadi hai. Kal hum dono pati patni banne jaa rahe hai lekin mere or usme pati patni wala koi rishta nahi rahega.. Ab tumhare kiye ki saja tumhari behen bhugtegi wo bhi zindagi bhar
Sagar use challenge kar k chala jata hai.
Nilakshit Sagar ka pagalpan dekh darr jata hai
Nilakshit - Tanmay kuch karo Sagar kya bol k chala gaya.. Mujhe Niharika ki fikar ho rahi hai.
Tanmay - Sambhalo Apne aap ko. Sagar ne ye sab gusse me bola hai uska gussa paani k bhaap jaisa hai kuch der utar jayega. Akhir uske saath bhi to kitna galat hua hai.
Nilakshit - pata nahi sab kuch itna ulajhta kya jaa raha hai meri wajah se kitni zindgiyaa barbaad hogi. Kitne rishte tutenge.
Tanmay uske kandhe pe haath rakhte huye - Hausala rakho Nilakshit... Ek baar Sagar shaadi kar lein fir hum ye natak bhi khatam kar dein.
Nilakshit - Thank you Tanmay is mushkil ghadi me mera saath dene k liye. Mai tumhare or Sagar ki dosti todne ka bhi gunehgaar hoon. Mujhe maaf kar do. Na jaane tumhari family tak ye baat pahuchegi to unpe kya bitegi
Tanmay huste huye - unhe sab kuch pata hai... Wo humesha mere saath hai.
Nilakshit kuch nahi samjh pata.
Tanmay - mera is duniya me koi nahi hai. Mai bachpan se NGO me pala badha hoon wahi pe ek din Suparna dadi ne mujhe dekha or meri aage ki padhai ka kharcha uthane ki jimmedaari li.. Bas tabhi se Khurana's jaisi family mujhe mil gayi or Sagar jaisa dost. Isliye tumhare se shaadi karne ka khel khela kyuki jis tarha tum Vyas family ko dukhi nahi dekh sakte mai Khurana family ko dukhi nahi dekh sakta.
Nilakshit uski baatein dhyaan se sun raha tha. Use usse humdaedi hone lagi thi.
Tanmay - Hum dono ek hi naav pe swaar hai. Filhal hume ye kal tak sabse jhuth bolna hoga.
Nilakshit - kal tak nahi...
Tanmay chonkte huye - Matlab.?
Nilakshit - Mujhe Sagar k paagalpan pe koi bharosa nahi. Mai meri behen ko khush dekhna chahta hoon isliye hume ye Natak tab tak jaari rakhna hoga jab tak Sagar puri tarha se Niharika kk apna nahi leta.... Plz itna ehsaan or kar do mujhpe.
Tanmay usse haath milate huye - Dosti me ehsaan nahi hota.
Kayi halchal k saath raat beete jaati hai or ek naya Suraj ug aata hai.
Next day....
Aaj Shaadi ka din tha. Sagar or Niharika ko shaadi. Kal k incident k baad ye shaadi ab saadgi se karne ka nirnay liya gaya tha. Isliye sab mandir ki taraf nikal padte hai jaha Pandit ji ne mandap ki saari taiyaari kar rakhi thi. Lekin Nilakshit or Tanmay ko is shaadi me aane ko manzoori nahi thi.
Suparna - Kadambari .... Niharika kaha hai?
Chaitali - Niharika yaha hai Kaki...
Sab najre utha k dekhte hai Niharika dulhan k laal jode me khoob bharma rahi thi. Chaitali hss niche ke kar aati hai
Suparna - Aaj meri hone wali pota bahu or bhi sundar lag rahi hai.
Vikram - Dulhan to yaha hai lekin Dulha kaha hai?
Sagar - Dad... Mai yaha hoon.
Sagar bhi dulhe k livaas me kisi raj kumar se kam nahi lag raha tha. Aaj uske chehre pe gussa ya gam nahi balki khushi thi.
Sagar Niharika ki taraf haath badhate hai - Chale jeevan bhar saath nibhane ki kasam khaane.
Niharika bhi pyaar se uske haath me haath de deti hai.
Sab Mandir ki taraf nikalne lagte hai tabhi Niharika k paav ek dum tum jaate hai.
Chaitali - Kya hua?
Niharika - Maa....Nilakshit?
Abhinav - wo is shaadi me shaamil nahi hoga.
Niharika - Lekin papa... Wo mera bhai hai.
Tabhi Sagar phataak se bolta hai.
Sagar - Niharika... Papa ji bilkul theek keh rahe hai. Aaj bahut shubh din hai hume har pal ko jeena hai.
Kisi ko nahi pata tha Sagar ki muskaan k pichhe ek dard ek narajgi or gussa chhipa tha.
Kuch der baad..
Tanmay - Ghar me sannata hai lagta hai sab Shaadi ki rasam puri karne mandir nikal gaye.
Nilakshit udaas hote huye- Kya kismat hai meri jis behen ki liye apni khushiyaan kurbaan kar di uski hi khushiyon me shaamil hone ka moka nahi mila mujhe.
Tanmay ko samjh nahi aa raha tha k uska dulh kaise baate. Fir bhi wo use sab kuch theek hone ka dilasa diye jaa raha tha.
Mandir me...
Shaadi ki rasam shuru ho chuki thi. Sagar or Niharika saath phero k saath ek dusre k saath jeevan bitane ki kasam khane jaa rahe the.
Pandit ji - ab dulha dulhan saath phero k liye khade ho jaaye
ॐ स्वस्ति न इन्द्रो वृद्धश्रवाः।
स्वस्ति नः पूषा विश्ववेदाः।
स्वस्ति नस्तार्क्ष्यो अरिष्टनेमिः।
स्वस्ति नो ब्रिहस्पतिर्दधातु
Dono khade ho jaate hai Or agni k saat pehre lene lagte hai.
शांताकरम भुजस्शरणम
पद्मनाथम सुरेशम:
योगीविद्या कमलनयनम्
Pandit ji - Saath phere pure huye ab ladka ladki k maang me sindoor or gale me mangalsutra pehnayega..
सर्व मंगल मांगल्ये
शिवे सर्वार्थ साधिके
शरण्ये त्रयम्बके गौरी
नारायणी नमोस्तुते ।।
Sagar josh me hosh kho baithkar Niharika ko patni k roop me swikaar kar leta hai use samjh nahi aa raha tha k wo kya kar raha hai. Lekin Or kar bhi kya kar sakta tha. Use pyaar me dhoka jo mila tha.
Pandit ji - Aaj se aap dono pati patni huye Or jeevan k har sukh Or dukh me sahbhagi huye..
Pura. Parivaar unhe bhar pur aashirvaad deta hai.

To be continue......

Episode 17

Ranikhet ki pahadiyon me bada gajab ho gaya tha. Ek samalingi ka jeevan abhishaap ban gaya tha. Nafraton ka pulinda har taraf thera tha. Bas ek dosti ka haath tha jo use thaame tha.
Tanmay - Kya soch rahe ho Nilakshit
Nilakshit - Ab tak to Sagar or Niharika ki shaadi ho chuki hogi, dono ek ho gaye.
Tanmay - Haan.. Lekin ab tumhe sochna hai k tumhe aage kya karna hai. Kyuki ye jaanne k baad k tum Gay ho parivaar dwaara tumhe apnaya jana bahut mushkil hai.
Nilakshit - Ye to mujhe bhi nahi pata... Kya kar diya hai maine kuch samjh nahi aa raha hai...
Tabhi room ka darwaja ek dum se khulta hai or Abhinav sher ki tarha dahadte huye andar aate hai or Nilakshit ka collar pakad kar ghaseetate huye use ghar k bahar laa khada kar dete hai jaha sab mandir me wapas aaye hi the.
Kadambari - Abhinav ye kya kar rahe ho?
Abhinav - Ghar ki gandagi saaf kar raha hoon maa. Niharika ki shaadi tak aao sabne mujhe rok liya lekin ab nahi.
Abhinav uske kapdo se bhara bag bhi uske saamne fenk deta hai.
Abhinav - Utha ise or nikal yaha se.. Tera humse ab koi nata nahi.. Mai bhi kaise bhool sakta hoon Teri rago me bhi tere baap ka hi ganda khoon daud raha hai.
Mama ki baatein uske seene me khanjar ban ke chubh rahi thi. Tabhi Niharika se ye sab saha nahi jata...
Niharika - Bas Papa bahut ho gaya. Mai or Nilakshit ki beijjati hote nahi dekh sakti. Akhir galti hi kya hai iski. Kisi ladke se pyaar karna koi gunaah nahi hai. Ye bhi insaan hi hai or agar aap ise ghar me nahi rakh sakte to koi baat nahi .... Nilakshit mere saath chalega.
Nilakshit - Nahi Niharika...
Niharika - Kyu nahi tum jaise bhi ho mere bhai ho...
Sagar Tanmay or Nilakshit ko gusse bhari najar se dekh raha tha lekin kuch nahi bolta hai.
Abhinav - Apni beti ko gale se lagata hai or daamaad ko ashirwaad deta hai.
Or ghar k andar chala jata hai. Chaitali bhi apne pati ka saath deti hai. Niharika k bidaai ki rasam puri kar wo bhi Nilakshit se kinara kar leti hai.
Kadambari ko ye dekh bahut dukh hota hai.
Suparna - kyu ro rahi hai Kadambari?
Kadambari - Dekh na Suparna jis mama ne zindgi bhar apne bhaanje pe jaan chhidki wo ab uski shakal tak nahi dekhna chahta.
Suparna - Nilakshit or Tanmay dono apne bacche hai.. Tu Nilakshit ko fikar na kar wo bhi humare saath London chalega akhir Tanmay se uska Vivaah hua hai.
Arundhati tabhi tapaak se bolti hai - Ye kya maa ab ye bhi humare hi sang chalega...
Vikaram use chup karate huye - To isme problem kya hai? Aakhir Jaha Tanmay wahi Nilakshit.
Tanmay ka Nilakshit ka naam ek saath sunkar Sagar k dil par chhuriya chal rahi thi.
Suparna - Bahu tum to aisa na bolo... In baccho ki bhaavnao ko samjho.... Tu Nischint ho jaa Kadambari... Niharika k saath saath Nilakshit ki zimmedaari bhi ab meri.
Kadambari - Mai tum sabka ehsaan kaise chukaungi...
Suparna - Ehsaan to tumne kiya hai Niharika jaisi ladki humare Sagar ko saup kar.....
Sagar mann me dono ko koste huye - Nilakshit Vyaas jitna mai tumse pyaar karta tha ab itni hi nafrat karta hoon tumse. Tumhare or Tanmay k jeevan ko durbhar na bana diya to mai Sagar Khurana nahi.. Thukra k mera pyaar ab mera inteqaam dekoge.
Nilakshit Or Niharika dono Kadambri ka pair chhute hai wo dono kaleje k tukde ko jigar se laga leti hai.
Niharika - Dadi apna khyaal rakhna..
Kadambari - Tum dono k janam ke baad ek saath is ghar me laayi thi kya pata tha tum dono ko ek saath vida karna padega.
Nilakshit rote huye - Mujhe maaf kar dena dadi.. Aap sabko itna dukh dene k liye.
Kadambari Tanmay k paas jaa kar kehti hai - Tanmay tumne agar Nilakshit ka haath thama hai to use kabhi mat chhodna vada karo... Jaise bhi halaat honge tum uska saath kabhi nahi chhodoge.
Tanmay ko samjh nahi aata wo kaya kahe sab unke dwaara kahe jhooth ko sach samajh baithe the fir bhi Tanmay Dadi se sada karta hai k wo Nilakshit ka saath marte dam tak dega..
Arundhati - Niharika bahu chalo train k liye late ho raha hai.
Tanmay bhi Nilakshit haath thaam kar chal deta hai ek jhoote safar ki taraf jiski manjil thi Sagar k dil me Niharika k liye pyaar or apne pan ko jagana. Niharika ko ghar puri tarha se basana.
.....................
Sabke liye Ranikhet or uski pahadiya pichhe chhoot jaati hai or Flight k saath samaay bhi pankh lagaye udd jata hai.
London me...
Khurana mension me...
London me Khurana's ka ghar bahut aalishaan tha. Niharika or Nilakshit k liye ye sheher k saath saath yaha ma mahaul bhi bilkul naya tha.
Arundhati apni nayi naveli dulhan ka swaagat aarti utaar kar karti hai.
Arundhati - Aao Niharika andar aao ... Aaj se tumhara bhi ghar hai. Niharika Or Sagar andar aane lagte hai unhi k saath Nilakshit bhi kadam aage badha deta hai lekin Arundhati use rok deti hai.
Arundhati - Ruko Nilakshit... Tumhara ghar ye nahi balki is ghar pichhe wala quatar hai jaha Tanmay rehta hai.
Suparna ko Arundhati ka ye vyavhaar bilkul accha nahi lagta isliye wo use tokati hai. Lekin aaj Sagar apni dadi ki nahi balki apni maa ki tarafdaari karta hai.
Sagar dono ko ghurte huye - Dadi maa ne kuch galat nahi kaha.. In dono ne shaadi ki hai to rehna bhi inko saath chahiye. Jaao Tanmay apne Jeevan saathi ko apne chhote se do room wale ghar me le jaao jise humne tumhe khairaat me diya hai.
Tanmay ne aaj apne dost ka ek alag hi roop hi dekha tha. Use uspar bahut gussa aa raha tha lekin wo Nilakshit ko khatir shaant rehta hai.
Tanmay - Chalo Nilakshit...humare ghar.
Niharika Or Nilakshit dono ki raahe ab juda sir ho gayi thi.
Tanmay ka quatar....
Tanmay - Andar aao Nilakshit... Ye ghar thoda chhota hai lekin kuch dino ki baat hai..sab kuch theek hone tak tumhe yaha adjust karna padega.
Nilakshit ghar ko ek najar me dekhta hai ghar thoda bikhra hua or chhota tha lekin jaisa bhi tha uske liye accha tha.
Tanmay - actually bahut din se band rehne k kaaran iski safai nahi huyi isliye aisa dikh raha hai tum baitho mai jaldi se sab kuch saaf kar deta hai.
Nilakshit - Aree tum akele kyu karoge mai hoon na mai bhi tumhari help karta hoon.
Dono aapas me kaam baant lete hai or khushi khushi ek duje ka saath dete huye pura ghar chamka dete hai.
Sagar unki har activity pe najar rakhe huye tha kyuki use shak tha ye dono koi natak khel rahe hai isliye wo apni room ki window se unke ghar par njare gadaye huye tha.
Tabhi Niharika aati hai.
Niharika - Kya dekh rahe hai Sagar ji....
Ohhh Tanmay or Nilakshit ko dono saath me kitne acche lag rahe hai na. Kitne pyaar se ek duje ka saath nibha rahe hai..
Niharika ki baatein use jeher jaisi lag rahi thi isliye wo waha se bina kuch bole chala jata hai.

To be continue.....

Episode 18

Niharika sochne lagti hai ki ye achanak Sagar ko kya hua wo aise kyu chala gaya lekin fir khud hi khud ko samjha deti hai ki Shayad wo apne dost se naraj hai. Akhir Nilakshit or Tanmay ne harkat hi aisi ki hai ki kisi ka bhi dil dukhega. Nilu mera bhai na hota to shayad mai bhi uski feeling na samjh paati. Sagar ko thoda time lagega lekin ek din wo bhi Nilakshit kr Tanmay ke rishte ko apna lega.
Out House me...
Tanmay pure ghar ki safai acche se kar raha tha wahi Nilakshit khud me khoya kuch soch raha tha.
Tanmay - Nilakshit! Maine ghar acche se saaf kar diya hai ab tum yaha theek se settle ho jaao or kisi bhi chi ki jarurat ho to mujhe bata dena. London naya hai tumhare liye.
Nilakshit - Thank you so much Tanmay jo bhi aapne mere liye kiya wahi bahut hai. Waise tum kahi jaa rahe ho?
Tanmay - Haan soch raha hoon...office chala jaaun. Waise bhi Sagar ki shaadi ki wajah se mai or Vikram Uncle dono office nahi jaa paaye jiski wajah se bahut kaam pending pada hoga.
Itna keh kar wo office chala jata hai.
Office me...
Tanmay office k andar jaane lagta hai k bahar guard use rok deta hai.
Tanmay - Waht happened? Something went wrong?
Guard - Sorry sir.. But you fired from your job.
Ye sun kar Tanmay chonk jaata hai.
Tanmay - Who say this? I mean how?
Tabhi Sagar office se bahar aata hai.
Tanmay - Sagar tum office me?
Sagar attitude se - mere office me mai nahi rahunga to kya tum jaisa ehsaan faraamosh insaan rahega.
Tanmay ko uska ye andaaj accha nahi lagta.
Tanmay - Ye tum kya keh rahe ho or ye Guard kya bol raha hai.
Sagar - Ye wahi bol raha hai jo maine ise kehne ko kaha tha. Dadi ki wajah se tum abhi bhi out house me ho lekin mai apne office me tumhe bardaasht nahi kar sakta. Kal se apne liye nayi job dhoond lena or yaha aane ki ya kisi ko bhi ye baat batane ki jarurat nahi hai.
Itna keh k wo andar chala jata hai. Or wo hataash sa apne ghar laut aata hai.
Apne Cabin me....
Sagar mann me - Nilakshit tumne mere pyaar ko na apna kar or meri shaadi Niharika se karwa kar jo dard diya hai use to mai seh gaya lekin tumhe or Tanmay ko mai kabhi maaf nahi karunga. Pyaar khone k dard k saath dosti tutane k dard ko mai kabhi bardaasht nahi kar sakta isliye ab tumhare kiye ki saja Tanmay bhugtega.
Barabar saja milegi.
Itnr me wo table pe rakha Flower pot haath se gira deta hai.
Khurana Mention me..
Niharika Suparna k liye coffee unke room me le kar aati hai.
Suparna - Aree abhi abhi to tum aayi ho or abhi se ghar ka kaam shuru kar diya.
Niharika huste huye - Karne dijiye na dadi mujhe Kadambari Dadi ki kami mehsoos nahi hogi.
Suparna dukhi hote huye - Kitna khushi khushi teri or Sagar ki shaadi karana chahti thi lekin kya socha tha aisa bhi hoga.
Niharika - Aap fikar na kariye dheere dheere sab theek ho jayega... Mai Nilakshit ko bahut acche se jaanti hoon usne ye jeevan chuna hai to wo iske prati samarpit bhi hoga. Wo bahut samajhdaar ladka hai
Suparna - Bilkul... Tum uska dhyan rakhna. Abhinav, Chaitali, Arundhati, Sagar sab usse naraj hai wo akela hai is waqt use bas tum hi sambhaal sakti ho baaki mai Sagar ko samajhane ki koshish karungi k apne dost ko maaf kar de or is rishte ko apna lein
Niharika khushi se - Bilkul dadi hum saath hai to sab theek kar denge.
Out House me..
Tanmay utra hua muhh lekar ghar me daakhil hota hai or hataash sa sofe pe apne haanthon me apne chehre ko bhar k baith jata hai.
Nilakshit - Tanmay aap itni jaldi aa gaye kya hua?
Tanmay - I lose my job.
Nilakshit chonkte huye - What?... Lekin kaise?
Tanmay - Sagar ne apna gussa humari dosti khatam kar k nikala hai usne mujhse resignation letter maanga hai.
Nilakshit ko ye sun bahut dukh hota hai use lagta hai k Tanmay ki life uski wajah se barbaad ho rahi hai.
Nilakshit - I'm sorry Tanmay meri wajah se aapko kya jya jhelna pad raha hai. Aise abhi Sagar se baat karta hoon use sab sach sach bata dunga k isme aapki koi galti nahi humari shaadi me hey ek naatak hai.
Nilakshit bahar jaane k liye lagbhag uth hi gaya tha k Tanmay uska haath pakad kar rok leta hai..
Tanmay - Sagar ko kuch bhi batane ki jarurat nahi hai. Agar use sach ka pata chal gaya to wo paagalpan me Niharika bhabhi se shaadi tod dega. Isse tumhaari behen ki shaadi bhi khatre me aa jayegi.
Nilakshit kuch soch ruk jata hai or wahi bagal me baith jata hai.
Tanmay - Accha hoga k ye natak yuhi jaati rehne do. Mai koi dusri job dhoond lunga.
Nilakshit - jaisa aap kehne wahi karunga lekin ek shart pe?
Tanmay - Shart?
Nilakshit - haan... Aap akele job nahi karenge... Mai bhi koi chhoti moti job karunga.
Tanmay - kya lekin kyu?
Nilakshit - Mai aap pe koi bojh nahi banna chahta or waise bhi mai yaha ghar me karunga kya isse accha hoga k koi job kar loon isse mera bhi mann laga rahega.
Tanmay ko Nilakshit ka suggestion pasand aata hai. Or wo usse vada karta hai k use job dilane me uski bhi madad karega.
Raat ko...
Khurana parivaar dinner kar raha the lekin Sagar bilkul shaant tha Niharika Sagar ka mann padhne ki koshish kar rahi thi k iske mann me kya chal raha hai isliye wo uski palte me khaana serve karne k bahane usse baat karne ki koshish karti hai.
Niharika - aap kuch lenge?
Sagar rudly - Nahi mera ho gaya tum kha lo.
Itna keh k wo khaane ki table se uth jata hai Niharika or Suparna ko uska ye behavior accha nahi lagta.
Wo ghar se bahar aa jata hai or Out House ki taraf jaane lagta hai.
Out House me...
Nilakshit - Tanmay dinner ready hai.
Tanmay khushi se - Waah Nilakshit tum to cook bhi ho.
Nilakshit - Bas Mami kabhi kabhi sikha diya karti thi to bana leta hoon. Aap lijiye na.
Tanmay uske kareeb aate huye - Aise nahi aaj mai tumhe apne haanthon se khilaunga. Aap humari us ghar me first night jo hai.
Nilakshit ko lagta hai k wo majak kar raha hai.
Nilakshit huste huye - Nahi Tanmay mai khud kha lunga.
Tanmay zidd karte huye - nahi tumhe to mai apne haathon se khilaunga..
Wo. Pyaar se khana leta hai or Nilakshit ko khilane lagta hai
Nilakshit ko Tanmay se hundardi to ho hi chuki thi lekin ab ek apna pan sa hone laga tha.
Tanmay - ab tum mujhe khilao.
Ab Nilakshit ko thoda uncomfortable feel hone laga tha. K Tanmay achanak aisa kyu kar raha hai.
Tanmay muhh khol k khada ho jata hai lihaja use usko apne haatho se khilana hi padta hai.
Tabhi achanak....

To be continue.....

Episode 19

Nilakshit Tanmay ko apne haathon se khila raha hota hai tabhi Tanmay mast magan hokar uski ungli halke se apne daato se daba deta hai.
Nilakshit - aaauuuchhhhh.
Tanmay uski ungli apne haatho me lete huye - Sorry babu.
Nilakshit ko samajh nahi aata k wo aise kyu react kar raha hai. Tabhi wo use dheere se bahar ki taraf ishara karta hai. Nilakshit palat kar dekhta hai k Sagar khidki ke bahar se un dono pe najar rakh raha tha. Nilakshit ab sab samjh chuka tha k use kya karna hai Or drama aage kaise badhana hai.
Nilakshit - Tanmay shaadi ke baad aaj apni first night hai. Aaj mujhe tumse bahut saari pyaar bhari baatein karni hai wo bhi tumhare kandhe pe sar rakh kar .
Tanmay - to chalo mere saath.
Wo uska haath pakad kar andar le jata hai. Or bahar Sagar jal bhun kar raakh ho chuka tha.
Sagar khud se - Nilakshit aise kaise kar sakta hai mere saath. Wo bhi mere se pyaar karta hai to wo itni jaldi badal kaise gaya. Wo mujhe pal bhar me kaise bhool gaya. Kya usne kabhi mujhse pyaar kiya hi nahi. Mai kabhi tum dono ko maaf nahi karunga. Kabhi nahi
Itna keh kar wo gusse me pair patakata hua apne ghar me pravesh kar jata hai. Jaha Niharika uska room me wait kar rahi thi.
Out House me....
Tanmay - Sorry Nilakshit maine us tatha behave kiya. Actually mujhe bhi bahut kharaab lag raha tha tumhare saath wo sab kar k but kya karta Sagar hum pe najar rakhe hua tha.
Nilakshit - It's ok... Don't say sorry... Tum meri tarah Gay thode hi ho. Hahaha... But use sach to nahi pata chal gaya.
Tanmay kuch der sochte huye - ummm... Mujhe lagta hai nahi tumne bahut acche se situation ko handle kiya lekin hume apna naatak ek level or upar le kar jana hoga.
Nilakshit - kaise?
Tanmay wo mai tumhe baad me bataunga... Abhi tum bed pe jaao.. Mai bahar sofe pe so jaaunga.
Nilakshit chonkte huye - Lekin bahar kyu?
Tanmay apni Pillow or blanket uthate huye - tumhe koi takleef na ho isliye... Btw good night.
Nilakshit kuch bol pata isse pehle wo room se nikal jata hai.
Jaha Tanmay apne room se bahar nikla tha wahi Sagar apne room me daakhil hota hai. Jaha Niharika uska wait kar rahi thi.
Niharika - Sagar aap kaha chale gaye the... Wo bhi khana adhura chhod k.?
Sagar fikar jatate huye - kuch nahi tumne khaya... ?
Niharika - ji.. Waise Shaadi k baad se aap bahut stress me dikhati de rahe hai. Aaj aap relax ho jaaiye aaj hamari first night hai.
Itna kehte huye wo uske kareeb aanw lagti hai. Lekin Sagar apne gusse se ubar nahi pata tha wo abhi Nilakshit k baare me hi soch raha tha.
Sagar thikate huye - Ummm... Mai thak gaya hoon mujhe nind aa rahi hai... Tum bhi so jaao.
Itna kehte huye wo sone chala jata hai. Or Niharika beech majhdhaar me khadi reh jaati hai ye sochte huye k Sagar ko kya hua hai.
Sagar aankh band kar khud se - mujhe maaf kar do Niharika jis pyaar ki hakdaar tum ho mai tumhe nahi de paa raha hoon. Kyuki mai pehle wala Sagar nahi raha jo Ladkiyon se dil fenk ishq farmata tha. Nilakshit ki kahaniyon ne mujhe badal kar rakh diya hai uski Kalam ab meri pehchan si ban gayi hai. ....mera dil abhi bhi keh raha hai k jarur kuch galat hai kuch aisa jo mujhse chhipa hua hai. mujhe unpe ek baar fir se nahar rakhni padegi.
Next morning...
Nilakshit subha ki pehli kiran k saath uthta hai wo dekhta hai Tanmay abhi bhi so raha hai.. Or suraj ki roshni use pareshaan kar rahi thi. Wo use ballet odhata hai.
Nilakshit - Sagar bahut khush kismat hai use tum jaisa dost mila. Bhale maine Sagar ko kho diya hai lekin tum jaisa dost jarur paya hai.
Itna keh kar wo nahane chala jata hai.
Lekin use ye nahi pata tha k Tanmay aadhi nind me uski baato ko sun raha tha. Uski baatein uske kaano me mithaas ghol gayi thi.
Tanmay sochte huye- Ye Nilakshit ko subha subha kya hua usne aisa kyu kaha.
Dono breakfast karne k baad job search karne k liye ek saath ghar se nikal jaate hai. Sagar apni balcony se unhe saath me jaate huye dekh leta hai.
Tanmay ek do jagah jaa kar apne or kayi dosto ki madad or source se ek chhoti job paa leta hai jisme acchi job na milne tak uska gujara ho sakta tha lekin sawal tha Nilakshit ki job ka.. Na use work experience tha, na wo London se tha. ....Kayi jagah haath pair maarne par bhi kuch haath na laga tha.
Nilakshit niraash hota hua - Ye London itna bada sheher hai lekin ek bhi acchi job nahi hai isse accha to humara Ranikhet tha ... Chutki baajte hi nokariyo ki line lag jaati.
Videsh me Uska desi andaaz dekh Tanmay ki to hasi nikal jaati hai. Wo uski company sach me enjoy karne laga tha.
Nilakshit - Tum has rahe ho ab ye socho k kya kare?
Itna kehna hi tha k Nilakshit ki najar ek Patrol pump pe padti hai jaha likha tha Employees Vacancy.
Nilakshit - Ho gaya kaam wo dekho waha Rahi meri job.
Tanmay dekhta hai - Tum pagal ho gaaye ho....petrol pump pe kaam karoge. Nahi nahi mai tumhe itni cheep job nahi karne dunga.
Nilakshit - Aree kuch nahi se tonye accha hai na. Karna hi kya hoga Petrol hi bharna hai or Nani humesha kehti thi k koi bhi kaam chhota ya bada nahi hota.. Chalo baat karwaao meri us angrej se . Tanmay petrol pump owner se job ki baat karta hai. Or khushnaseebi se use wo job mil jaati hai lekin owner ki sharto ko use aaj hi se hi join karna tha.
Tanmay - Chalo tum apna kaam shuru karo mai tumhe shaam ko lene aaunga.
Nilakshit - Aree koi jarurat nahi hai mai khud aa jaaunga ab mujhe ghar ka raasta pata hai. Tum apni job ki preparation karo kal tumhara pehla din hoga.
Tanmay huste huye - accha sir ji... Jaise aap kahe.. Suno theek se aana or dinner ki tension na lena mai sab kar lunga.. Bye.
Nilakshit bhi use pyaar se bye karta hai.
Kuch der baad.......
Sagar ki car usi petrol pump pe aa kar rukti hai jis par Nilakshit petrol bhar raha tha... Owner Nilakshit ko car me petrol bharne ke liye kehta hai . Pehle to dono ek dusre pe dhyaan nahi dete hai... Lekin kuch der baad.
Sagar chonkte huye - Nilakshit...tum?
Nilakshit bhi use dekh sann reh jata hai.
Sagar taunt maarte huye - Tum yaha ye sab kar rahe ho?... Ohh Tanmay k saath rahoge to yehi sab karna padega.
Nilakshit - Sagar plz ye mera job place hai yaha koi tamasha nahi karna.
Sagar gusse me - Tamasha to tumne bana diya hai mere jeevan ka. Meri or Niharika ki shaadi karwa kar. Tumhaari wajah se na wo khush hai na mai.
Nilakshit najre churate huye - Mujhe is baare me koi baat nahi karni.
Sagar - Kyu nahi karni or najre kyu chura rahe ho kyuki tumhara or Tanmay ka rishta jhutha hai.
Nilakshit darte huye - Aisa kuch nahi humne sach me shaadi ki hai. Or humara rishta waisa hi hai jaisa ek jeevan saathi ka hona chahiye, or tum apni shaadi shuda jeevan ki taraf dhyaan do Niharika hi ab tumhare liye sab kuch hai. Mera pichha chhodo
Sagar use chunoti dete huye - nahi chhodunga jab tak mujhe yakeen nahi ho jata.
Itna keh kar Sagar car me baith kar chala jata hai or Nilakshit thaga sa khada reh jata hai.

To be continue.....

Episode 20

Raat hone ko thi Nilakshit k ghar jaane ka samay ho chuka tha. Aas paas na jaane ka saadhan na na hi use London ki koi jyada jaankari thi isliye wo paidal hi ghar tak ka raasta naapne k liye majboor tha. Uske kadam ghar ki taraf badh rahe the tabhi kisi k hone ka ehsaas use hota hai. Wo rukta hai palat k bhi dekhta hai lekin koi na tha. Isliye wo fir se aage badhne lagta hai.
Kuch kadam chalne k baad ab ghar ki manjil door na thi lekin use abhi bhi aisa lag raha tha k koi us par najar rakh raha hai. Ab usne apne kadam tej kar diye the. Kuch duri par chal kar ab Out House najdeek dikahyi dene laga tha.. Use dekh uski saans me saans aayi.
Wo jaldi se door bell bajata hai.
Tanmay door kholte huye - Arre Nilakshit tum aa gaye or itna haaf kyu rahe ho?
Nilakshit bahar ko taraf ishara karta hai lekin kuch bol nahi paa raha tha..
Nilakshit - Wo koi hai waha?
Tanmay bahar jhaank k dekhta hai...
Tanmay - Koi to nahi hai waha... Tumhara wehem hoga. Andar aao dinner ready hai.
Nilakshit ko bhi lagta hai k kuch to gadbad hai isliye wo ek baar fir se check karne jata hai to paas k ek ped me chhipa use ek saya dikhayi deta hai. Use yakeen ho jata hai k koi to hai.
Wo. Gor se dekhta hai to shocked reh jata hai.. Wo Sagar tha jo uspe najar rakh raha tha.
Nilakshit mann me - Ye to Sagar hai. Iska matlab ye abhi bhi mujhpe najar rakh raha hai. Mujhe kuch to karna hoga. Wo jaldi se out house k andar chala jata hai.
Sagar andar ka najara khidki se jhaank k dekh raha tha.
Tanmay - Ye kya tumne abhi change nahi kiya.
Nilakshit bina kuch bole Tanmay ko jaa kar kas k gale laga leta hai. Wo dono itna paas k hawa bhi paas nahi ho rahi thi. Tanmay to putla ban jata hai use samjh nahi aata kya or kaise react kare. Nilakshit apni aankhe band kar Tanmay ko cuddle karne lagta hai. Uske dono haanth apni peeth pe laa kar chhod deta hai.
Tanmay dheere - Nilakshit ye kya.?
Usne utna hi kaha tha k Nilakshit apni ungli uske hontho pe tika deta hai.
Nilakshit - Aaj na kuch kehne nahi bas ehsaas karne ki raat hai.
Sagar ko ye sab dekh kar accha nahi lag raha tha use dukh bhi ho raha tha or gussa bhi aa rahi thi. Kahi na kahi use Tanmay or Nilakshit k rishte pe yakeen aane laga tha.
Andar Nilakshit dheere dheere apni shirt utaarne lagta hai. Tanmay k to maano hosh hi udd gaye the.
Tanmay - Nilakshit...tumne koi nasha kiya hai?
Nilakshit madhoshi se - Ssshhhh... Nasha to tumne karaya hai apne pyaar se. Us Sagar ki khoobsurati me itna dam nahi jitna tumhare me hai isliye to maine use chhod kar tumse shaadi ki.
Sagar ye sun kar apni saari ummeed tod deta hai. Wahi Tanmay Nilakshit k roop ko dekh kar thoda sa machalne laga tha
Wo Dheere dheere Tanmay ki shirt k button bhi kholne lagta hai ab wo use rok bhi nahin raha tha. Tanmay bhi apni aankhe band kar leta hai. Nilakshit apne honth uske honth k kareeb laa raha tha lekin ek aankh Sagar k upar thi.
Sagar khud se - Mujhe taras aata hai khud par jo maine is ladke se... Chhii. Iske liye maine Niharika jaisi ladki ki kadar nahi samjhi.
Sagar k dil me uske liye nafrat utar chuki thi ek taraf nafrat utar rahi thi to dusri taraf pyaar utar raha tha.
Tanmay ne kahi na kahi Nilakshit ko puri chhut de di thi. Lekin Nilakshit ne uske saath kabhi hadd paar karne ka nahi socha tha wo bas natak khel raha tha.. Or ab us natak ka aakhiri padaav aane wala tha jaha Sagar Nilakshit se judi saari ummeed tod kar aag babula hokar apne ghar ki taraf badh jata hai.
Out House me...
Tanmay apni aankhe band but bana khada tha. Sagar k jaane k baad Nilakshit chain ki saans leta hai.
Nilakshit - Tanmay wo Sagar...
Tanmay fataak se apni aankhe kholta hai.
Nilakshit - Wo Sagar hum par najar rakh rahe the isliye.. Sorry for everything.
Itna keh kar wo jaldi se andar chala jata hai.. Lekin Tanmay k mann me ek naye bhaav ka upaj hota hai.
Tanmay khud se - Ye kya ho gaya hai mujhe. Kyu maine Nilakshit ko nahi roka. Kyu uska yu paas aana mujhe accha lag raha tha. Kyu uske ang ki chhuan mujhe khud se juda kar rahi thi. Mai jaanta hoon k mai straight hoon fir kyu mujhe Nilakshit ki fikar hoti hai ye dosti hi ya.....
Use kuch kehne ki jarurat nahi thi usne apne sawalo k jawaab khud hi de diye the.
Khuran House me...
Niharika ko chhod kar Ghar k baaki log so chuke the jab Sagar ghar me pravesh karta hai. Wo sidhe ghar k bar area me jata hai or sharaab ko bottal khol kar puri sharaab gatak jata hai use lagta tha wo nashe ka sahara le kar Nilakshit k chehre ko bhula paayega. Ek k baad ek sharaab pine ka silsila jaari thi tabhi Niharika aakar use rokti hai.
Niharika - Ye kya kar rahe aap?
Sagar nashe me - Aree tum soyi nahi?
Niharika - Aapke saath khaane ka wait kar rahi thi... Aap itna kyu pi rahe hai?
Sagar baccho ki tarah usse gale lag rone lagta hai.
Niharika kuch na samjhte huye - Aap ro kyu rahe hai kya hua hai.... Chaliye room me chaliye yaha Dadi ne dekh liya to unhe accha nahi lagega.
Room me...
Sagar ka aanshu bahana chalu tha
Sagar - Aisa kyu hota hai jo humara hota hai uski kadar hum nahi karte or uske pichhe bhaagte bhaagte rehte hai jo humara kabhi nahi ban sakta.
Niharika - Mai kuch samjhi nahi.
Sagar pura nashe me tha.. Or Niharika ka sahara use ek sukoon de raha tha wo bekaabu ho kar Niharika ko chumane lagta hai.
Sagar - Mujhe maaf kar do....
Wo use paglo ki tarha gaalo pe maathe pe chum raha tha.
Niharika ko Sagar ka kareebi bahut bhaa rahi thi. Dono ek dusre ko dekh rahe the jaise kuch hone wala tha un dono k beech.
Sagar - Kal kya maine aaj tak tumhe wo pyaar naahi dikhaya jiski tum hakdaar thi. Kal k liye I'm sorry.
Itna keh k wo Niharika ko bed pe pyaar se liya deta hai or uska haath apne haath me le kar uske hontho ko chum leta hai. Ab baari thi Niharika ki apna patni dharam nibhane ki wo Sagar ko khud ko samarpit kar deti hai.
Yu to Sagar ka uske kareeb aana Nilakshit ko bhulane ka jariya tha lekin ab dono me pyaar umad aaya tha. Dono ek chadar me simat gaye the. Pure kamre me bas pyaar tha or saath hi saath ek duje se tan or mann mil rahe the. Aaj Niharika Sagar ka pyaar paa kar bahut khush thi or apne aap ko bahut saubhaagyashaali mehsus kar rahi thi.
Out House me...
Dono dinner kar apni apni jagah so gaye the lekin Tanmay k aankho se neend ojhal ho chuki thi wo abhi usi khumari me khoya tha. Wo dheere se uthta hai or room me jata hai. Jaha Nilakshit gehri nind me soya tha.
Wo pyaar se uske baalo me haath ferte huye - Kitne maasoom ho tum, apni behen k liye koi itna kaise kar sakta hai. Tum is dukh k hakdaar nahi ho sakte tumhe ek aisa jeevan saathi milna chahiye jo tumse bahut pyaar kare. Tum duniya ki sabhi khushi paane k hal daar ho. Or mai tumhe kabhi dukh k ghere me nahi aane dunga. Bahut khyaal rakhunga tumhara.
Nilakshit thoda sa hilta hai wo jag na jaaye isliye wo jaldise bahar sofe pe aakar let jata hai. Wahi ab uske chere pe ek ajeeb si muskurahat thi jaise kuch to hua hai.
Tanmay k saath saath Niharika or Sagar ki puri raat jaagte huye biti thi. Us raat me pyaar ka ehsaas tha jisne sabke dil ko chhu rakha tha.
"Kya hua ye, kyu hua ye,
Dil bhi na jaane kyu hua ye.
Tab hua ye, ab hua ye,
Dil bhi na jaane kab hua ye.
Dhadakne bhi bin,
pucche tham gayi.
Saari hado k paar hai,
kuch or nahi pyaar hai."

To be continue....

Episode 21

Next Morning...
Us raat ki subha ho gayi thi or ye subha kuch naye ehsaas k saath uday huyi thi. Nilakshit aakho par surajki sunheri roshni padne se jag jata hai. Wo pure ghar me Tanmay ko talaash raha tha lekin wo kahi na dikha dikha to bas ek letter.. Wo us letter ko khol k dekhta hai jisme likha tha...
Tanmay (Letter me) - Good morning... Tum so rahe the isliye tujhe uthana theek nahi samjha. Aaj job ka pehla din hai isliye mai jaldi nikal gaya jisse late na ho jaau... Breakfast table pe ready hai kha lena...
Nilakshit table ko taraf dekhta hai or fir aage padhne lagta hai.
Tanmay (in letter) - office me call receive karne ka time shayad na mile isliye letter me hi bata raha hoon k aaj shaam ko ready rehna hum bahar dinner pe jayenge meri taraf se tumhe job milne ki khushi me treat... Jyada kaam mat karna apna khayal rakhna... Tumhara dost Tanmay..
Letter padh kar Nilakshit hakla sa muskura deta hai ..
Nilakshit khud se - ye ladka bhi na kitna khyaal rakhta hai sabka....
Khurana house me..
Niharika or Sagar ek chadar me simte so rahe the. Tabhi Niharika ko nind tutati hai wo dekhti hai subha ho chuki hai. Palat k wo Sagar ko dekhti hai jo Masumiyat se so raha tha . Wo pyar se uske maathe ko chumati hai or uth jaati hai.
Hall me...
Arundhati - Niharika... Aaj pata hai na kya hai?
Niharika - kya hai maa ji.
Arundhati - aaj maine naye navele jode yaani Tumhare or Sagar k liye hawan rakhwayi hai.... To samay se taiyaar ho jana or Sagar ko bhi bata dena.
Niharika - Jarur maa...
Arundhati jaane lagti hai... Tabhi
Niharika - maa aapse ek chiz puchh sakti hoon.
Arundhati pyaar se - haan pucho?
Niharika - Kya mai Hawan me Tanmay or Nilakshit ko bhi bula sakte hai?
Un dono naam sun kar Arundhati ka muhh ban jata hai wo abhi bhi do ladko k aise rishte ko apna nahi paa rahi thi.
Arundhati - lekin Niharika, tum to jaanti ho na samaj me humari kitni ijjat hai ye London hai to kya hua yaha bhi log taane maarne se baaj nahi aate.. Isliye aisi khwaish ko chhod do.
Apne bhai k liye aisi baat sun kar Niharika ka muhh utar jata hai.
Tabhi Suparna aa jaati hai.
Suparna - apni soch badlo Arundhati... Wo bhi ab is ghar ka hissa hai. Or ghar ki puja me unhe aane ka bhi pura haq hai.
Arundhati - lekin maa?
Suparna - Log kya kehenge kya nahi wo hum baad me dekhenge filhal Niharika tum Tanmay or Nilakshit ko bhi bula sakti ho..
Niharika khushi se - Thankyou Dadi.
Suparna k aage Arundhati kuch nahi bol paati.
Room me...
Sagar jaldi se khadbada k uth jata hai wo apne badan se nadarad kapde Or aas paas bikhari bistar ki silwato se samjh jata hai k kal raat usne nashe ki haalat me kya kiya hai.
Tabhi Niharika aa jati hai.
Niharika - uth gaye aap jaldi se ready ho jaaiye aaj maa ne hum dono k liye ghar me havan rakha hai..
Sagar - Tum theek to ho?
Niharika huste huye - theek... Mai bahut khush hoon. Lekin Ab aap jaldi se ready ho jayiye.
Sagar kuch der sochne k baad apna phone uthata hai or us jagah se khud ko block karta hai jaha wo Nilakshit ki likhi kahaniyon ko padhta tha.
Sagar mann me - kal raat wo Sagar marr gaya jisko Nilakshit ki kahaniyon ne pehchan di thi or aaj us Sagar ka janam hua hai jisko Niharika k pyaar ne janma hai. Mai sone ki chamak me anadha ho gaya tha jisne Hire ko najar andaaz kar diya lekin ab aisa nahi hoga.
Out House..
Nilakshit petrol pump pe jaane k liye ghar se nikal raha tha tabhi use darvaaje pe hi Niharika mil jaati hai.
Niharika ko dekh wo bahut khush ho jata hai.
Nilakshit uske gale lagaakar - Niharika.. Kaisi hai meri behen... Khush to hai na.
Niharika - Haan Nilu... Tumhari behen bahut khush hai Sagar mera har tarha se bahut khyaal rakhte hai.
Niharika ki khushi dekh kar use bhi sukoon milta hai.
Niharika - Tum itni subha kaha jaa rahe ho?
Nilakshit - mujhe job mil gayi hai...
Niharika khushi se - sach.. Mujhe yakeen nahi ho raha tum kab itne bade Or itne samajhdaar ho gaye.
Nilakshit - waise aaj yaha kaise aana hua?
Niharika - wo Maa ne aah ghar pe aaj havan rakha hai isliye tujhe or Tanmay ko bulane aayi thi.. Time pe aa jana.
Nilakshit us ghar me nahi jana chahta tha jaha use Sagar ka saamana karna pade.. Kyuki use Sagar pe shak tha k wo kaise react karega.. Lekin wo Niharika ko bhi mana nahi kar paya.
Nilakshit - Tanmay to office k liye nikal gaya hai.. Lekin mai jarur aaunga.
Niharika - Mai wait karungi.
Khurana house....
Havan or puja ki rasam chal rahi thi jab Nilakshit ne ghar me darte - darte kadam rakha use lag raha use dekh Sagar koi tamsha na kar de... Use dekh Suparna or Niharika bahut khush ho jaate hai jabki Arundhti ka muhh ban jata hai lekin Sagar jara bhi apni najre nahi firata. Nilakshit Sagar ko hi dekhe raha tha aaj usme kuch badla badla lag raha tha.
Havan khatm hone ko aaya tha. Sagar Or Niharika ghar k sabhi bado ka ashirwaad lete hai.
Nilakshit prasaad lete huye - Accha Niharika mai chalta hoon.
Niharika - itni jaldi abhi to tumse bahut baatein karni hai.
Nilakshit - Nahi kal hi badi mushkil se ek job mili hai aaj nahi jaaunga to problem ho jayegi
Aap hi boliye na Sagar ise rukne ko.
Nilakshit - Sagar ki taraf dekhta hai.
Sagar normal hote huye - Jaane do Niharika agar Saale Sahab rukna nahi chahte to unhe mat roko waise bhi bahut busy insaan hai ye.
Uski baato se Nilakshit saaf samjh jata hai k wo use apne ghar se hi nahi balki jeevan se bhi bahar nikal jaane ko keh raha hai.
Nilakshit Niharika se mil kar chup chaap bahar aa jata hai. Uske pichhe pichhe Sagar bhi aa raha tha.
Nilakshit use dekh kar - Sagar mujhe ab tumse koi baat nahi karni...
Uski baat khatam bhi nahi huyi thi k Sagar ne kehna shuru kar diya.
Sagar - Aaj se tum azaad ho Nilakshit. Ab mai tumhare pichhe kabhi nahi aaunga... Jaao tumhara Tanmay tumhara intezaar kar raha hai uske saath khush raho or mai Niharika ko..... Kal raat tan se use khushi de di aab aajeevan mann se bhi khush rakhunga.
Nilakshit ko ye sun apne kaano le yakeen hi nahi hota hai.
Sagar haath jod kar - Mujhse aaj tak koi bhi galti huyi ho to mujhe maaf kar dena.
Sagar ka hriday parivartan dekh Nilakshit ko accha lagta hai k uski behen ka bhavishya ab sahi haatho me hai.
Itna keh kar wo chala jata hai. Or Nilakshit ko apna maksad pura hote najar aa raha tha. Aaj wo bahut khus tha. Ye khushkhabari wo Tanmay ko bhi jald se jald batana chahta tha. Lihaja wo raat hone ka utsukta se wait karne laga.

To be continue.....

Episode 22

Nilakshit k saath saath Niharika ka bhi pura din khushi khushi beet raha tha. Dono ko wo khushi mil gayi thi jo wo chahte the. Ek taraf Nilakshit ka maksad pura hota najar aa raha tha dusri taraf Niharika ko Sagar ka saath mil raha tha. Sagar ab Niharika ko apna keemati waqt dene laga tha. Use khush rakhne ki puri koshish kar raha tha.
Havan k baad Sagar Niharika ko London ghumane le jata hai. Dono khushi khushi saath pal enjoy kar rahe the. Tabhi Sagar ki car us petrol pump k paas se gujarti hai jaha Nilakshit kaam karta tha. Sagar to jaldi se aage badha deta hai lekin Niharika ki najar Nilakshit pe cars me petrol bharte huye pad jaati hai.
Niharika - Sagar jaldi gaadi roko, wo dekho wo Nilakshit hai na...
Sagar car rokte huye - Haan...shayad wo yaha kaam karta hai.
Sagar ko sab pata tha fir bhi wo Niharika k saamne anjaan banta hai.
Niharika - Chalo usse milte hai.
Wo jaldi se car se utar kar usse milne chali jaati hai.
Nilakshit use dekh chonk jata hai - Niharika tum yaha ?
Niharika - haan maine tujhe dekha to socha aa k dekhu mera bhai kaisi jagah kaam kar raha hai?
Nilakshit - waise to Tanmay ne mujhe mana kiya tha kaam karne k liye par maine time pass k liye ye job join kar li.
Niharika - acchi baat hai dono ek dusre ka kitna khyaal rakhte ho.
Nilakshit ye sun apni bhare churane lagta hai.
Niharika - waise ek baat kahu... Tu Or Tanmay na ek baar India chala jaa. Shayad ab maa or papa ka gussa kam ho gaya ho or wo tujhe maaf kar k apna le.
Nilakshit - mai bhi yehi soch raha hoon yaha aane ka mera maksad to pura ho bhi ho gaya.
Niharika ek dum se - Kaisa maksad.
Nilakshit baato baato me sach bol baitha fir bhi wo baat ghumane me ustaad tha.
Nilakshit - Wo sab chhod Tu ye bata yaha akeli kya kar rahi hai?
Niharika - Mai akeli nahi hoon tere jiju bhi saath hai.
Niharika Sagar ko door se aane ka ishara karti hai... Lihaja use aana padta hai.
Sagar normally usse milta hai - Kaise ho Nilakshit....?
Nilakshit ek smile pass kar deta hai.
Sagar - Agar isse job ki chahiye to mujhe batana.
Nilakshit - mujhe to nahi chahiye lekin agar Tanmay ke liye kuch ho sakta hai?
Nilakshit Sagar ko fir se job pe rakhne ki taraf ishara karta hai jise wo samjh jata hai.
Sagar - ummmmm apne Tanmay ko bolna k office aakar mere Personal Assistant se baat le.
Niharika bahut khush thi k sab kuch dheere dheere theek ho raha hai Tanmay k prati Sagar ki nafrat kam ho rahi hai. Wahi Nilakshit bhi khush tha k uski wajah se Tanmay ne apni job khoyi ab usi ne use job wapas dilane me ehem bhoomika nibhaayi.
Nilakshit khushi se - Thank you so much Sagar ji.
Sagar pyaar se - Humesha khush rehna...
Nilakshit - aap bhi Niharika ko bahut khush rakhiyega humesha.
Sagar - Bilkul... Tumhri behen k saath saat vachan liye hai use nibhana to padega hi isliye aaj raat hi hum ek mahine k liye world tour pe jaa rahe hai apne honey moon k liye.
Nilakshit chonkte huye - Sach
Niharika khushi se - haan re...
Dono Nilakshit se vida lete hai or chale jaate hai. Wahi dono ko saath jaate dekh Nilakshit ki aankho se khushi k aansu chalak uthate hai.
Raat ko...
Petrol pump k band hone ka samay ho chuka tha. Nilakshit Tanmay k aane ka besabri se wait kar raha tha k dono saath dinner pe jaaaye jaha wo use do do khushkhabari de sake.. Ek to unka plan kaamyaab hone ki khushi dusra Tanmay ko uski job wapas milne ki khushi... Isi soch me dube Nilakshit k saamne Tanmay prakat ho jata hai.
Tanmay - chale dinner pe?
Nilakshit - Haan bilkul... Mujhe tumhe bahut badi good news deni hai.
Tanmay - abhi nahi pehle pet puja fir koi kaam duja..
Dono dinner k liye ek restaurant me jaate hai. Restaurant ka mahaul thoda romantic tha kyuki ye jagah couples k liye famous thi or saath me jalti candle or madhyam surile music ka kya kehna...
Nilakshit - kya baat hai Tanmay dinner music n all job milne ki khushi me ya koi or baat hai?
Tanmay sharmaate huye - Baat to hai lekin abhi nahi baad me bataunga.
Tanmay mann me soch raha tha k aaj wo use dil ki baat keh de lekin wo thoda or waqt lena chahta tha.
Nilakshit - lekin mere paas do good news hai.
Tanmay utsukta se - haaan batao na.
Nilakshit - pehla k humara plan kaamyaab jo gaya... Sagar Or Niharika ek ho gaye.
Tanmay khushi se uchhalte huye - sach... Kaise..
Nilakshit use aaj ki saari kahani batata hai saath me ye bhi bataya hai dono aaj hi would tour pe jaa rahe hai
Tanmay - ye to bahut badi khabar hai.... Or dusri?
Nilakshit - dusri ye k Sagar ne tumhe fir se job pe rakhne ka faisla kar liya gai or tumhe unke PA se milne k liye bulaya hai.
Ye news use thodi nagavara sir lagti hai. Uska chehra utar jata hai.
Nilakshit - kya hua?
Tanmay - mai jaanta hoon Sagar ko usne khud ye faisla nahi liya hoga jarur tum bhi usme shaamil ho... Or jaha se mujhe nikala gaya mai waha dubara nahi jana chahta isliye mai apni nayi job me khush hoon.
Nilakshit - Nahi... Jo hua use bhool jaao..Tumhe jana chahiye nahi to mujhe bahut bura lagega k meri wajah se tumhari life barbaad ho gayi.
Nilakshit k baar baar insist karne pe wo haan kar deta hai.
Tanmay - ok baba.. Tum jeete mai hara... Mai jaaunga lekin ek shart pe.
Nilakshit - Shart... Lekin kya?
Tanmay - tumhe mere saath dance karna padega..
Wo Nilakshit k mana karne pe bhi use jabardasti utha leta hai or uske saath naachne lagta hai. Aaas paas baithe log un dono ko hi dekh rahe the. .lekin dono apni hi duniya me mast the.
Tanmay - maja aa raha hai na
Nilakshit huste huye - bahut ... Aaj se jayada khushi mujhe kabhi nahi mili.
Tanmay bhi uski muskurahat me kho sa gaya tha or ek madhoshi me chala gaya tha... Or tabhi achanak bina kuch soche samjhe Nilakshit k hotho pe apne honth rakh deta hai.

To be continue.......

Episode 23

Nilakshit to Tanmay k kiss karne se bilkul sann reh jata hai k ye kya hone laga.. Lekin Tanmay uske hontho ko aone hontho me dabaye choose jaa raha tha. Aas paas k log hua rahe the lekin use kisi parvaah nahi thi.. Kyuki uski aankhe band thi. Wahi Nilakshit ko samjh nahi aaya wo kya kare. Kareeb 30 sec k liplock kiss k baad aakhir Nilakshit use jhatke se door karta hai. Tab Tanmay ko hosh aata hai k usne kya kar diya hai.
Nilakshit aas paas k logo ka saamana nahi kar paa raha tha isliye wo sidha bahar ki taraf bhaagta hai or Tanmay uske pichhe....
Bahar road pe....
Nilakshit tej tej kadmo se chal raha tha or ro raha tha
Tanmay uska pichha karte huye - ruk jaao Nilakshit ... Ek baar meri baat suno.
Nilakshit - mujhe kuch nahi sunna... Akela chhod do mujhe.
Tanmay gidgurate huye - jaanta hoon galti huyi hai mujhe lekin mai kya karu... I love you... Mujhe tumse tumhare bhole pan se pyaar ho gaya hai.
Nilakshit uske pyaar k ijhaar se ruk jata hai.
Nilakshit - kya pyaar?
Tanmay - haan aaj jo hua wo ek dum se nahi hua... I love you mai tumse pyaar karta hoon jiska ehsaas mujhe bhi kal hua wo dosti wo apnapan wo saath samay bitana un sab se mujhe pyaar hua.
Nilakshit k hosh ab udd chuke the.
Tanmay - mai jaanta hoon mujhse galti ho gayi lekin ab mai kya karu bolo.
Nilakshit use rokte huye - nahi.. Tanmay isme tumhari koi galati hai... Galti meri hai maine apne saath saath tumhe bhi gay bana diya. ... O God ye maine kya kar diya.... Na mai tumhaare saath rehta Or na tum aaj meri tarha bante..
Ye sun Tanmay zameen pe guthne tek deta hai -tum khud ko dosh kyu de rahe ho? Ye straight bi gay mai nahi jaanta mai bas us feeling ko jaanta hoon jo aaj mai tumhare liye mehsoos kar raha hoon.
Nilakshit uske pagalpan ko utarne k liye thappad maar deta hai.
Nilakshit rote huye - tum jaante ho k maine Sagar se pyaar kiya or usi ki khatir ye sab kiya... Or ab mai tumhe dusra Sagar bante nahi dekh sakta... Or na dusra Nilakshit banana chahta hoon...tumhare din me jo bhi feeling hai use bahar nikal fenk do. Tum ek acche ladke ko tumhe koi bhi acchi ladki mil jayegi.
Tanmay haath jodte huye - please.. Aisa mat kaho.. Please...
Tanmay kuch samjhna hi nahi chahta tha Nilakshit bhi use samjhate samjhate k thak chuka tha... Wo waha se bhaag kar chala jata hai. Or Tanmay wahi road kirane baitha aansu baha raha tha.
"Pyaar hai ya saja, aie mere dil bata
Tutata kyu nahi, dard ka silsila
Hai pyaar me hote, jaane kitne intehaan
Ye pyaar likhe kaisi kaisi daansta
Yaa rabba de de koi jaan bhi agar
Dilbar pe ho na dilbar pe ho na koi asar"
Tanmay ko khud samajh nahi aata k wo aisa kaise ho gaya. Bahut der sochne k baad wo ek baar fir se Nilakshit se najre milane ki himmat juta paya tha.
Tanmay uljhe baalo Or bikhare kapdo k saath ghar me daakhil hota hai.
Tanmay - Nilakshit.... Nilakshit....
Wo use awaaj lagata hai lekin koi bhi response nahi aata. Wo use ghar k har ek kone me dhudhta hai.
Tanmay hadbadi me - ye Nilakshit kaha chala gaya.. Wo apna sar pakad k sofe pe baith jata hai.
Tanmay pareshaan hota hua - kya karu kaha dhundu tumhe, maine tumhe nahi khona chahta..
Tabhi uski najar paas rakhe ek letter pe padti hai wo jaldi se use uthata hai or padhne lagta hai.
Tanmay...
Ek letter aapne mere liye likha tha ek khat mai aapke liye chhod k jaa raha hoon. Aap bahut acche insaan hai aapko duniya ka sabse accha insaan mil sakta hai. Lekin mai nahi mujhme wo pyaar hi nahi bacha jo mai aapko de saku. Isliye sab kuch chhod k jaa raha hoon. Kaha jaa raha hoon ye kisi ko kabhi pata nahi chalega. Please aap mera pichha ya mujhe dhundne ko koshish bilkul mat kjiyega mai jaha rahunga aapka bahut shukrguzaar rakhunga.. Lekin ab aapko pyaar dene ki himmat mere me nahi hai. Please bada kijiye Sagar ko ye sach kabhi nahi pata chalega k hum jeevan saathi hone ka khel khel rahe the or na hi Niharika ko kabhi pata chalega k Maine or Sagar ne ek dusre se kabhi pyaar kiya tha..vada kijiye......
Mai ek Gay hoon ye mai accept karta hoon lekin aap meri wajah se gay bane mai ye kabhi bardaasht nahi kar paaunga.. Aap ek acchi si ladki se shaadi kar lijiyega or khush rahiyega. Ye soch kar mai bhi duniya k kisi kone me khush hoon... Aapka pyaar or sirf dost Nilakshit....
Nilakshit k shabd padh kar Tanmay ka dil beh jata hai wo foot foot k rone lagta hai. Usne apna pyaar kho diya tha. Lekin dosti abhi salamat thi isi dosti k liye wo Nilakshit ki har baat ko dil me ghar kar leta... Or use jaane deta hai ye soch k pyaar paane ka nibhane ka naam hai.
Tanmay aansu pochhte huye - Nilakshit tum ek deviy maanav ho or tumhari divyta ko mai salute karta hoon. Mal tumpe apna pyaar thopna nahi chahta lekin ye bhi sach hai k tumhe mai bhoolunga bhi nahi.
Flight me...
Nilakshit aankhe band kar baitha tha. Wo Sagar se milne se lekar Tanmay se bichhadne tak apne sabhi acche bure palo ko yaad kar raha tha. Uski aankhon me aansu bhi the or or chehre pe muskurahat bhi. Wo Niharika or Sagar k liye jitna khush tha Tanmay k liye utna dukhi bhi. Lekin use ab aage badhna tha jisse uski gay life kisi or k jeevan ko prabhaavit na kare... Wo side me baithe ek bujurg insaan se phone maangta hai or Jaha se apni kahaniyaan likhta waha se apni saari kahaniyon ko khushi khushi delete kar deta hai jisse Sagar ya Tanmay use dhoond na sake.
Nilakshit mann me - Ye kahaniyaan hi meri pehchan thi ab se ye meri pehchan nahi rahegi...aaj k baad mujhe log mere ateet se nahi mere bhavishya se mujhe pehchanenge. Ab mai apni nayi pehchan khud banaunga.
Isi k saath wo apni pocket se kalam nikalta hai.
Nilakshit - Ab se ye Meri Kalam hi meri pehchan hai.
Ek saal baad.....
London ka ek bada hospital....
Hospital k ek room me ek bacche k rone ki kilkaariyaan sunayi de rahi thi. Ek nurse Niharika k haath me ek bacche saupte huye kehti hai -Your child is so cute...
Bagal me khada Sagar or Niharika apne bacche ko bahut pyaar se gaud me lete hai.
Sagar dulraate huye - humara beta kitna pyaara hai na?
Niharika - bilkul tumpe gaya hai.
Suparna - Arre mujhe bhi apne par pote ka muhh dekhne do...
Tabhi Side me kadambari bacche ko lete huye - bilkul nahi bacche ko uski par nani sabse pehle dekhegi.
Suparna naak sikodte huye -aaj saabit ho gaya chhipkali mai nahi tu hai...
Paas khade Abhinav, Chaitali, Vikram Or Arundhti sab husne lagte hai.
Niharika udaas hote huye - kaash is shubh ghadi me Nilakshit or Tanmay bhi humare saath hote.. Na jaane wo kaha chale gaye
Nilakshit or Tanmay ka naam sun Jaha Arundhati, Chaitali Or Abhinav ka muhh utar jata hai wahi Sagar udaas ho jaata hai.
Kadambri aansu tapkaate huye - jaane kaha chala meri beti ki aakhiri nishani saal hone ko aaya lekin un dono ka kuch pata nahi.
Niharika - Na jaane kya hua k un dono ne raato raat out house chhod diya or ek saal me unki koi khabar nahi mili.
Sagar udaasi se - ye sab meri wajah se hua hai maine un dono k rishte ko swikaar hi nahi kiya or apne dost or Nilakshit k saath bahut bura bartaav kiya. Agar mai yaha hota to mai apne pyaare dost or Nilakshit ko kahi bhi jaane na deta.
Niharika - tum din chhota na karo I'm sure wo jaha bhi honge saath bahut khush honge.
Sagar ko kya pata tha k us raat un dono k jeevan me kaisa tufaan aaya tha.
Sagar mann me - kitna dhoodne ki koshish ki tum dono ko pata nahi kaha chale tum dono. Ho sake to mujhe maaf kar dena. Plz bhagwaan mere pyara dost or mera pehle pyaar ko ek baar fir se mere saamne laa khada kar do.
Wahi dusri taraf....
India me...
Pahadiyo se ghire Ranikhet me ek ladka gumsum sa baitha tha. Uski najre kisi ko dhund rahi thi jo shayad kabhi na milne wala tha.
Tanmay - Nilakshit ek saal me Tumhe maine dhoondne ki koshish nahi ki kyuki tumne vada liya tha lekin mai tumhe bhula bhi nahi paya isliye Ranikhet chala aaya kyuki yahi hum pehli baar mile the. Inhi hawaon me tumhari khushboo bikhri huyi hai jise mai mehsoos karta hoon jiske sahaare mai har roj jeeta hoon. Fiza me faili shaam ki rangeeli uski udasi ko bhi laalima me bhigo rahi thi. Tabhi bagal me baitha Nilakshit ka saja uska haath thaamta hai.
"Badle raaste jharne or nadi,
Badle barkha ki rimjhim.
Chhede zindagi dhun koi nayi,
Badle deep ki tim tim.
Badalengi rituyein adaa,
Par rahunga sada.
Usi tarah tere haatho me haath daal ke,
Har lamha har pal. "
Vancouver me...
Ek stadium me bheed ekkatha thi jisme jyada se jyada Indians hi the. Wo sab ek event attend karne aaye the Jisme har saal chunninda writers ko unki writings ko launch karne ka moka milta hai. Or aaj ye moka ek bahut kam umar wale writer ko milne jaa raha tha isliye sab use dekhne aaye the.
Host - aaj tak is satage pe bahut bade bade writers ko sammanit kiya jaa chuka hai lekin aaj ek writer aise hai jinhone bahut kam umar me is satage pe aane tak ka safar tay kar liya wo bhi apni lekhni ki badaulat plz welcome....Mr. Samay. Jo aaj matra 22 saal me hi bade bade writers k saath ye satage sanjha karenge.
Ek ladka jiski daadhi or mucche badi huyi thi suit pehne or lenses lagaye gambheer mudra me chal kar stage pe aata hai. Or haath jod kar sabka abhivaadan karta hai. Uska look bahut different tha.
Samay - thank you aap sabka jo meri kitaab ki launching k liye yaha aaye hai.
wo jhuk kar sabka abhivaadan karta hai.
Samay - Dosto.... Aaj mai aapke saamne apni khaas lekhani launch karne jaa raha hoon.
Wo ek book ko uncover karta hai Or sabko dikha k kehta hai...
Samay - To pesh hai meri pustak jiska naam hai ..."Meri Kalam Hi Pehchan Hai"
Sab taali baaja k uska abhinandan karte hai lekin Samay k liye ye pal tham sa gaya tha.. Kyuki wo Nilakshit tha jo Sagar or Tanmay k naam se janma ek naya vyaktitv tha. Chhoti jagaho pe likhne wala aaj ek professional writer ban gaya tha. Usne apne jeevan ko
Ek pustak me utaar diya tha. Kaise wo pehle apni maa se bichhda Or fir uske baap ne use tyaag diya, fir uske parivaar ne bhi usse muh mod liya..itna hi nahi use apne pyaar Sagar se or ek anokhe dost Tanmay se bhi alag hona pada...or aaj gumnaami k andhero me gum hokar naam kama raha tha. Bas Uski kalam hi uski pehchan ban kar reh gayi thi isliye usne apni pustak ka naam hi rakha tha.......
Meri Kalam Hi Pehchan Hai.
"Ranikhet ki pahadiyo me,
Simta alhad sa ek ladka.
Likhta tha kahaniya tab,
Dil tha ro padta.
London ki chaka chondh me aaya,
Rakhi ka farz nibhane.
Pyaar ko tyaag kar,
Apne dukho ko haraane.
Dosti me bhi na khara,
Utar saka wo beete samay.
Nilakshit naam tha uska,
Jisko kehte hai ab sab Samay."

To be continue.......

Episode 24

Sagar Or Niharika ki shaadi ko ek saal se jyada ho chuke the Or ab unki goud me ek beta bhi tha jiska naam Akash rakha gaya tha. Jaha Tanmay gumnami k andheron me kho sa gaya tha wahi Nilakshit Samay ban kar duniya me ek lekhak k roop me naam kama raha tha.
Vancouver...
Ek Indian reporter - Samay, aap kaisa feel kar rahe hai is sammaan ko pata kar.. Aap pehle bhartiya hai jinhe ye sammaan mila hai.
Nilakshit - bahut accha lag raha hai ye jaan kar ki meri likhawat ko itna pasand kiya jata hai..
Indian Reporter - To aap apne desh kab jaa rahe hai apne logo ka saamne se shukriya ada karne..
Wapas jaane k naam se Nilakshit thoda udaas ho jata hai. Usne nirnay liya tha ab wo kabhi wapas nahi jaayega kyuki wo kisi k liye bojh nahi banna chahta tha.
London....
Khurana House...
Suparna Niharika k room me jaati hai jaha Niharika bacche ko khila rahi hoti hai..
Suparna - O ohh... Niharika tum Or Sagar kab Ranikhet jaaoge. Kadambri ne to meri naak me dam kar diya hai ye bol bol k chipkali par daadi bante hi bacche pe hi sari mamta luta rahi hai.
Niharika huste huye - Jald hi jaaungi dadi... Maa papa bhi apne navase se milne k liye kitne utaavle ho rahe hai..
Itna bolte bolte wo udaas ho jaati hai.
Suparna - kya hua?
Niharika - kuch nahi Ranikhet jaane ka naam sun kar Nilakshit ki yaad aaa gayi... Na jaane wo hume chhod k kaha chala gaya, ek Tanmay hi bata sakta tha uske baare me lekin wo bhi gumanaami k andheron me gum ho gaya.
Suparna use samjhate huye - Tum chinta na karo wo jaha bhi saath honge Or khush honge.
Niharika - kaash Sagar bhi samjh paate... Roj Nilakshit Or Tanmay ki photo k aage ghanto kya sochte rehte hai.
Office me...
Sagar aone cabin me akela khada tha wo Nilakshit Or Tanmay ki photo ki Or delh raha tha.
Sagar - tum dono kaha chale gaye.. Mana maine bahut galti ki iska matlab ye nahi k tum dono mujhe itni badi saja do. Maine apne pyaare dost Or pehle pyaar ko kho diya.
Wo Nilakshit ki photo ki taraf dekhte huye - Mana maine Niharika k parti ek accha pati hone saare farz nibhaye hai lekin pyaar mai aaj bhi Nilakshit tumse karta hoon.. Or roj kosta hoon khud ko k maine kyu tumhari khushi me saath nahi diya or tumhare or Tanmay k rishte ko nahi apnaya.... Na jaane zindagi itni ulajh kyu gayi hai..
Ranikhet....
Sadak kinaare ek aadmi badi der se khada tha shayad wo kisi ka intezar kar raha tha tabhi ek taxi aakar uske saamne rukti hai.
Wo aadmi - kitni der pehle taxi book ki thi or tum ab aa rahe ho?
Texi driver - sorry sir aap to jaante hai ye pahadi sadak kitni ghumaav daar hai.
Wo aadmi andar baithte huye - lagta hai naye ho... Naam kya hai tumhara?
Texi driver - Tanmay sir...
Wo aadmi - naam to accha hai or dikhne me bhi padhe likhe lagte ho to ye texi kyu chalate ho?
Tanmay - Yaha or koi kaam bhi to nahi hai sir tourist aate hai to texi se hi khrach nikal aata hai.
Wo aadmi - to Ranikhet chhod kisi bade city kyu nahi chale jaate.. Yaha kya kar rahe ho?
Tanmay - Kisi ka intejaar kar raha hoon sir...
Wo aadmi - kiska?
Tanmay- apni kismat ka... Koi hai apna jiske milne ki ummeed mujhe Ranikhet chhod k jaane hi nahi deti or mujhe yakeen hai k ek din wo mujhe yahi milega.
London...
Khurana House...
Sagar late night office se ghar aata hai.
Sagar - Aaksh so gaya?
Niharika - haan... Dinner laga doon?
Sagar - nahi mann nahi.?
Niharika sagar ka mood theek karne k liye Ranikhet jaane ki baat chhed deti hai.
Niharika - wo Kadambri Dadi ka Suparna Dadi k paas phone aaya tha Maa or Papa Akash ko dekhna chahte hai... Chahte hai hum Ranikhet aa jaaye kuch din k liye.
Sagar - theek hai mai tumhare jaane ka intezaar kar deta hoon.
Niharika - Agar aap nahi aayenge to unhe accha nahi lagega.
Kuch der sochne k baad Sagar saath jaane k liye haami bharat deta hai. Ek saal me wo kabhi Ranikhet nahi gaya kyuki wo is jagah nahi jana chahta tha jaha wo Nilakshit se pehli baar mila tha kyuki purane jakham gir se hare ho jaate..
Vancouver...
Nilakshit hotel k room me araam se kuch likh raha tha tabhi ek Servent aata hai.
Servent - Sir... Aapke China jaane ka intezaam jo gaya hai. Waha aapki International Publishers k saath meeting hai na.
Nilakshit - haan... Mai kal hi waha k liye ravana ho jaaunga..... Thank you
Nilakshit mann me - pata nahi aaj Ranikhet ki itni yaad kyu aa rahi hai. Mama mami Nani mere saath hote to aaj meri success dekh kar kitne khush hote or Niharika wo to khushi se phooli na samati.. Mujhe maaf kar do Niharika k mai tumhe bina bataye London chhod k yaha bhaag aaya lekin Tumhare, Sagar Or Tanmay k jeevan k liye yehi sahi tha. Ab tak to Sagar k dil me tumhare liye jagah ban chuki hogi or Tanmay usne bhi mujhe bhool kar kisi acchi si ladki se shaadi kar li hogi.. Sab accha chal raha hoga mere wapas aane se sab bikhar jaayega yehi soch kar mai aaj tak tum sab se milne ki koshish nahi ki.
London Airport...
Niharika apne maayeke jaane ko lekar bahut khush thi wahi Sagar gumsum tha use Nilakshit Or Tanmay ki bahut yaad aa rahi thi. Purane saare pal fir se aankhon k saamne najar aane lage the.
" Shuru huyi fir se kahani
Aakhon me hai sabke paani
Ab ye kahani rahegi na adhuri
Pyaar ko kahani hogi puri "

To be continue.....

Episode 25

Ranikhet
Niharika or Sagar Ranikhet pahuch chuke the or Station k bahar ghar jaane k liye texi ka wait kar rahe the.
Niharika - ye Texi abhi tak kyu nahi...Aakash pareshaan ho raha hai.
Sagar - maine 15 min pehle book ki thi ab tak to aa jaani chahiye thi.
Tabhi ek texi unki taraf aati hai lekin ek dum se beech raate me ruk jaati hai. Us texi ka driver Tanmay tha. Sagar Or Niharika ko dekh kar uske hosh ud jaate hai.
Tanmay - ye to Sagar or Niharika hai. Mai inka driver hoon. Agar Inhone mujhe dekh liya to problem ho jaayegi. Or Nilakshit k baare me puchha to... Nahi nahi mujhe inke saamne nahi aana hai.
Wo jaldi se back gair laga texi ghuma leta hai.
Idhar Sagar deri hone k karan dusri texi book kar leta hai jo 5 min me unko aakar le jaati hai.
Tanmay unhe jaate huye dekh raha tha. Or Niharika ki gaud me unka baccha dekh uska mann prafullit ho uthta hai.
Tanmay khushi se - Sagar Or Niharika ka baccha... Agar Nilakshit use dekhta to kitna khush hota. Kaha ho tum Nilakshit ek saal hone wala hai...bas ek baar mil jaao.
Vancouver airport...
Nilakshit China jaane k liye flight me baith chuma tha or flight ne udaan bhi bhar li thi.
Kareeb kuch ghato baad ek announcement hoti hai. K flight me kuch kharaabi hone k kaaran flight ki emergency lending karayi jaa rahi.
announcement sun kar Nilakshit air hostage ko bulata hai
Nilakshit - Hum kaha pahunche hai?
Air hostage - sir we are reaching in Nainital...India.
Nainital me flight ki emergency lending ko baat sun kar Nilakshit gambhir ho jata hai. Aaj ek saal baad kismat use wahi le aayi thi jaha usne sab chhoda tha.
Nilakshit - Nainital.... Ranikhet yaha se jyada dur nahi hai. Hey bhagwaan ye kaisa khel kehl raha hai tu... Mai jaha kabhi nahi aana chahta tha aaj mujhe yaha wapas la khada kar diya.
Na chahte huye bhi saare passenger k saath use flight se utarna padta hai
Ranikhet....
Niharika Or Sagar ghar pahuchte hai. Abhinav Or Chaitali apni beti Or navase se mil kar phule nahi samnate.
Abhinav - Sagar beta bahut aacha kiya k tum bhi yaha aa gaye... Tum sab se milkar bahut accha lag raha hai.
Sagar to bas pure ghar me najar dauda raha tha or chaa raha tha k bas ek baar Nilakshit use aakar gale laga le. Use sab puraana yaad aa raha tha.
Tanmay ek baar fir pahad pe rakhi bench pe aakar kar baith jata hai jaha wo aksar aa kar baithta tha jab bhi khud ko akela feel karta tha. aaj ek saal baad Sagar ko dekh kar use gale laga lena chahta tha lekin use lagta tha k aaj bhi Sagar usse nafrat karta hai kyuki usne uske pyaar ko cheen liya tha.
Vyas house...
Sagar Nilakshit k room me aata hai or dekhta hai uska room pura khali tha. Pichhe se Kadambri bhi aa jati hai.
Kadambri - kya dekh rahe ho beta?
Sagar - Dadi Sagar ka room khaali kyu hai?
Kadambri - kya batau beta... Abhinav ko uske gay hone ki baat itni hurt kar gayi k usne gusse me uska sara samaan jala diya ek bhi yaad uski is ghar me nahi bachi. Na jaane Nilakshit kaha hai is duniya me bhi ya nahi.
Sagar ek dum se unhe kehne se rok deta hai.
Sagar - nahi dadi Nilakshit ko kuch nahi ho sakta mujhe yakeen hai ek din wo hum sabko jarur milega...
Airport pe..
Nilakshit apni flight fir se theek hone ka wait kar raha tha k announcement hoti hai k mausam kharab hone ki wajah se ab koi bhi flight Nainital se udaan nahi bhar sakti. Ye sun wo jaldi se courter pe puchhne jata hai.
Nilakshit - excuse me.. Dekhiye mera Kal tak China pahuchna bahut jaruri hai kya koi bhi flight nahi hai.
Counter par - Sorry sir... Mausam kharaab hobe ki wajah se saari flight radd kar di gayi hai...ab jab tak mausam theek nahi hoga tab tak aap nahi jaa sakte.
Nilakshit - Ohh no... Mera jana bahut jaruri tha.
Counter par - Aap ek kaam kar sakte hai chahe to aap texi book karwa sakte hai. Jisse aap Delhi pahuch kar waha se flight le sakte hai.
Nilakshit ko kuch nahi soojhta... Karta kya na karta isliye wo online ek texi book karwa deta hai. Jo kuch der me aane wali thi.
Kuch der baad...
Texi driver - Hello... Sir mai Nainital pahunchne wala hoon aap kaha hai?
Nilakshit - mai airport pe hoon aap mujhe yehi se pick kar lijiye.
Texi driver ek dum se chup ho jata hai.
Nilakshit - Hello hello...
Texi driver or koi nahi Tanmay tha.
Tanmay khud se - ye awaaj to jaani pehchani lag rahi hai... Nilakshit ki awaaj jaisi.
Tanmay ustsukta se pucbhta hai - sir aapka naam kya hai?
Nilakshit - Samay..
Samay naam sun uske mann ki utsukta dher ho jaati hai. Use lagta hai ye uske mann ka wehem hai.
Nilakshit - hello aap aa rahe hai na?
Tanmay - Ji sir... Bas thodi der me pahuch raha hoon..
Nilakshit phone cut kar deta hai. Use lagta bhi Texi driver ki awaaj thodi suni suni si lagti hai par wo China pahunchne ki itni tension me tha k dhyaan hi nahi deta.

To be continue....

Episode 26

Nilakshit airport pe khada bahut der se texi ka wait kar raha tha.
Nilakshit - Itni der ho already ho gayi hai Or ye texi driver abhi tak najar nahi aa raha hai.... Lagta hai China ka publishars event mujhe cancel karna padega..
Tanmay ko nahi pata tha k wo apni manjil ki taraf badh raha hai. Wo ek saal se Nilakshit ki raah dekh raha tha or pahadi mata ne use uske najdeek la khada kar diya hai. Bas use milne ki der hai.
Vyas house me..
Abhinav - Kya baat hai dmaad ji aap jab se aaye hai bahut bujhe bujhe lag rahe hai.
Sagar juthi husi huste huye - aisi koi baat nahi hai...
Abhinav - dekho beta agar koi baat hai to bejhijak keh sakte ho ye tumhara hi ghar hai.
Sagar ko lagta hai k Abhinav ka mood accha hai.
Sagar - Papa ji... Kya aap Nilakshit ko maaf nahi kar sakte...?
Nilakshit ka naam sun Abhinav ka muhh utar jata hai.
Abhinav - mare huye logo ko yaad karne se koi fayeda nahi.
Sagar - please aisa na kahiye. Bhagwaan na kare k use kuch ho. Mai har roj dua karta hoon k wo hume mil jaaye
Abhinav - kaise apna loon beta. Tumhe pata nahi uske wajah se hune kitni jillat uthani padi. Uske gay hone ki baat se sab hume taane maarte hai yaha tak ki uska baap jo maa k saamne jubaan nahi kholta tha wo hum par iljaam laga k gaya k humne use samlangik banaya hai. Tum hi bolo uski wajah se Ranikhet me rehna mushkil ho gaya hai.
Sagar - lekin papa.. Hum kyu dusro ki sun rahe hai hume apno ki parvaah jyada honi chahiye na k dusro ki baaton ki or aaj kal sab normal hai.
Abhinav kathor hote huye - ye sab tumhare London me normal hoga ye Ranikhet hai yaha log jeena durbhar kar dete hai..
Itna kehte huye wo jaane lagte hai.
Sagar pichhe se - Agar Nilakshit ki jagah mai hota tab bhi aap aisa hi kehte.
Abhinav k kadam ruk jaate hai.
Abhinav mudte huye - Kya?
Sagar - agar mai Gay ya Bisexual hota tab bhi aap apni beti ka haath mere haath me dete.
Jaane anjaane hi sahi lekin Sagar ne apne dil ki baat Abhinav se keh daali thi. Lekin Abhinav k paas koi jawaab nahi hota.
Abhinav - Mujhe is vishay me koi baat nahi karni...
Wo chale jaate hai or Sagar dukhi aankhon k saath unko jaate huye dekhne lagta hai.
Lekin koi tha jo un dono ki baat sun raha tha wo thi Niharika.
Niharika mann me - Ye Sagar ko kya hua aaj aisi baatein kyu kar rahe hai. Nilakshit k liye mai bhi pareshan hoon lekin Sagar ko itna desperate maine aaj tak nahi dekha.
Nainital...
Bahut der ho jaane par Nilakshit apne driver ko phone lagane hi wala tha k us number ki gaadi aate huye use dikhayi deti hai jise usne book karwayi thi. Texi uske saamne aakar rukti hai or bina samay gavaye texi me baithne lagta hai. Wo kitna jaldi me tha k driver ko shakal tak nahi dekhta.
Nilakshit badbadate huye - kya bhaiya kitni der laga di agar aap or late hote to mai aapki texi hi cancle kar deta.
Tanmay ko apne passenger ki awaaj thodi jaani pehchaani lagti hai wo front mirror se back seat ki taraf dekhta hai to dekhta hi reh jata hai. Jiski ek baras se talaash thi aaj wo puri ho gayi thi. Nilakshit uske saamne tha. Uski khushi ka thikana na tha. Uske chehre k bhaav yu ho rahe the k wo bahut kuch bolna chaa raha tha lekin bol nahi paa raha ho.
"Aaya fir se wo najar aise
Baat chhidne lagi ho jaise
Aankhon me chubhta hai
Kal ka dhua.
Pal ye fir kyu nam sa hai
Is khushi me kyu gam sa hai
Wo mila gaya hai
Jaise subha."
Tanmay khushi se palat k pichhe dekhta hai. Nilakshit ki najar bhi Tanmay pe padti hai or wo bhi use dekhta reh jata hai.
Dono aankho me hi baat kar rahe the. Lekin Nilakshit ka chehra saaf bata raha tha k Tanmay ko dekh kar use bilkul khushi nahi huyi thi jitna Tanmay ko use dekh kar huyi thi. Nilakshit chahta tha k ye sapna ho par ye haqikat tha.
Wo jaldi se car se utar kar jaane lagta hai. Tanmay use rokne ki koshish karta hai.
Tanmay bahar aa kar - Nilakshit ruko... Tum itne saalo baad mujhe mile ho tumhe pata bhi maine kitna tumhe dhonda kitna intejaar kiya.
Nilakshit nahre churane laga tha. Lekin Tanmay bhi khushi se use gale laga leta hai.
Tanmay - mUjhe pura yakeen tha agar tum mujhe mil sakte ho to sirf yehi isliye tumhare door jaane k baad mai yehi aakar bas gaya or London humesha humesha k liye chhod diya.
Tabhi achanak....
Nilakshit - chhodo mujhe...
Tanmay chonk jata hai.
Nilakshit khud ko door karte huye - maine kaha chhodo mujhe...
Nilakshit gusse me - Tumhe kya lagta hai mai tumhari in baaton me aa jaaunga. Mai tumhare ghar raha tumne meri help ki to kya apna jabardasti wala pyaar thopoge mujh par...
Tanmay - ye kaisi baat kar rahe ho tum ek saal me tum itna badal gaye?
Nilakshit - haan badal gaya hoon... Ab mere dil me kisi k liye pyaar nahi hai suna tumne.. Or maine kaha tha mujhe bhool kar kisi ladki se shaadi kar lo lekin tumne aisa nahi kiya to meri koi galati hai.... Tumhe lagta hai meri majboori ki keemat tumhara pyaar thi to ye tumhari galatfemi hai.
Tanmay Nilakshit ka ye roop dekh kar chonk jata hai.
Tanmay - theek hai tumhe mujhse pyaar nahi karna mat karo lekin humare beech dosti ka rishta tha jo in sab se bahut upar tha uska khyaal bhi tumne nahi kiya or bina bataye London chhod kar pata nahi kaha gum ho gaye.
Nilakshit apna banawati roop jyada der nahi sambhal pata or uske bhaavnaao ki garmaahat dekh pighal gaya.
Nilakshit - kyu kar rahe ho tum aisa? Kyu mere liye apni zindagi barbaad kar ho ye jaankar bhi k mai tumse nahi Sagar se pyaar karta hoon or tumhe kabhi khushi nahi de paunga...akhir kyu?
Tanmay muskurate huye - kyuki yehi to pyaar hai pagle... Jo slefless hai. Jisme hum apni nahi dusro ki khushi dekhte hai. Jaise tumne Niharika k liye Sagar ko kurban kar diya usi tarha maine tumhare liye bina kuch soche apna jeevan kurbaan kar diya.
Nilakshit Tanmay ki baato pe nihaal jaa raha tha.
Tanmay - Ye mat samajhna k mai iske badle me tumse kuch chahta hoon bas tum khush raho isi me meri khushi hai. Mai to bas ek baar tumhe dekhna chahta tha k tum theek ho k nahi. Wo vinti bhagwaan ne aaj sun li ab iske baad tumhe jaha jana hai tum jaa sakte ho mai nahi rahunga tumhe... Lekin yaad rakhna mai humesha tumhare liye khada hoon.
Nilakshit ko Tanmay ki baato pe vishvas ho raha tha lekin wo khud ko roke hua tha. Wo use chhod kar jaane lagta hai. Tanmay use muskra kar jaate huye dekh raha tha. Lekin ek Samay aaya k wo na jaa paya. Usme kadam ruk gaye or palat k dauda aata hai or Tanmay ko kas k gale laga kar foot foot kar rone lagta hai.
Tanmay - are tum ro kyu rahe ho?
Nilakshit - aaj rone do Tanmay mujhe bahut dino se mujhe kisi apne ka kandha nahi mila aaj ek dost ka kandha mila hai to ro lene do jee bhar k.
Tanmay bhi uske saath bhavnaao me beh gaya tha or dono ek saal k akelepan ka malaal ro kar nikal rahe the.
Kuch der baad... Der raat
Dono pahad kinare baithe the jaha chaadni apni rangat bikher rahi thi or taare timtima rahe the.
Tanmay - waah... Tum ek bade writer ho gaye. Chalo mujhse door jaane ka ek fayeda to hua k tum apne sapno k kareeb aa gaye. Hmmmm
Nilakshit - Mujhe nahi pata tha k tum bhi itna bada pagal pan dikahoge or Khurana's ka ghar chhod kar yaha Texi driver ban jaaoge.. Mujhe laga kisi acchi si ladki se shaadi hogayi hogi Tumhari.
Tanmay huste huye - hahaha kaise karta jab tumse pyaar ho gaya.
Nilakshit use aankhe dikhata hai.
Tanmay - ok baba... No pyaar shyaam only dosti.
Nilakshit - Good boy... Waise bhi tum straight ho meri tarha gay nahi...or ye kabhi na bhoolna.
Tanmay mann me - Tumhe kaise batau k mujhe ab sirf tum pasand hoon na ladkiyaan... Lekin tum mere saath ho to dosti ma rishta bhi tahe dil se nibhaunga ye mera va ada raha.
Nilakshit - Kaha kho gaye?
Tanmay - kaha nahi.. Tum ye batao ghar kab jaa rahe ho?
Ghar ka naam sunkar Nilakshit udaas ho jata hai.
Nilakshit - Ghar.... Jis ghar k darvaaje mere liye band ho gaye waha ab dubara kabhi nahi jaaunga.
Tanmay use udaas dekh kaise bhi khush karne ki koshish karta hai
Tanmay mann me - Agar maine ise ye bataya k maine Sagar or Niharika k saath unke bacche ko Ranikhet me dekha to ye kabhi ghar jaane k liye raazi nahi hoga. Nahi nahi agar Nilakshit ko uske parivaar se milana hai to thoda jhooth bolna padega.
Nilakshit use hilaate huye - ye kaha tum baar baar kho jaate ho?
Tanmay - kuch nahi kuch nahi.... Tum ghar jaane se kyu mana kar rahe ho... Wo tumhara parivaar hai... Or tumhe apne ghar jana hai I'm sure Abhinav mama or Chaitali mami ka gussa abhi tak shaant ho gaya or Kadambri Nani sang sab tumhe apna lenge.
Nilakshit - lekin... ?
Tanmay - lekin vekin kuch nahi maine tumhari baat maani ab tum meri baat jaaoge Or mere saath kal hi Ranikhet chaloge.. Mai sabse baat karunga... Unhe bhi to pata chale k unke Nilu ki kalam uski pehchan ban chuki hai jo ab pure vishv me naam kama rahi hai.
Tanmay dwaara diye motivation se Nilakshit apne vichaar badal leta hai or Ranikhet jaane ko ready ho jata hai.

To be continue....

Episode 27

Next Morning...
Tanmay or Nilakshit Ranikhet jaane kya liye nikal chuke the. Tanmay apni texi me use khud uske parivaar se milane ke liye le jaaya raha tha.
Tanmay - Kya hua Nilu... Aaj itna chup kyu ho?
Nilakshit - Kitne mahinon baad aaj mai sabse milunga. Mujhe darr lag raha hai. Pata nahi mai unhe kaise face karunga. Wo mujhe apnayenge ya nahi?
Tanmay - apne ghar jana hai to isme darrne wali baat kya hai...unki narajgi khatam ho gayi hogi
Nilakshit kuch nahi bolta kyuki use khud nahi pata tha ki kya hone wala hai.
Tanmay mann me - Bas ek baar Vyas parivaar tumhe apna le. Fir mai chain se marr sakunga. Atleast tum akele to nahi rahoge. Or tumhari khushi dungi ho jaayegi jab tumhe pata chalega k tum mama ban gaye ho.
Nilakshit use hilate huye - Ab tum kaha kho gaye?
Tanmay muskura k - kahi nahi.
Wo car ki speed or tej kar deta hai.
Tanmay mahaul ko halka karne k liye or Nilakshit ka dhyan baatne k liye tej volume k saath music chala deta hai.
"Hum jo chalne lage
Chalne lage hai ye raaste
Haan haan manjil se behtar
Lagne lage hai ye raaste
Aao meelon chale
Jana kaha na ho pata
Haan haan kho jaaye hum
Ho jaaye gum na ho pata"
Tanmay utsaah se - Maja aa raha hai na... Aaj mai bahut khus hoon tum mujhe mil gaye.
Wo utsaah me car ki speed or tej kar deta hai.
Nilakshit - araam se Tanmay ye pahadi raasta hai.
Tanmay - Mujhe ek saal me practice ho gayi hai in raasto pe gaadi chalate ki don't worry.
Vyas House...
Sab daining table pe baithe ek saath breakfast kar rahe the.
Sagar - Papa ji kal jo baat...
Abhinav unki baat ko taal deta hai.
Abhinav - Marre huye logo ki baat subha subha nahi karte Sagar beta..
Niharika abhi bhi Sagar ka mann padhne ki koshish kar rahi thi k wo Nilakshit ko le kar itna desperate kabhi nahi dekha.. Use na pata tha k Ranikhet ko fizao k paas aa kar Sagar Nilakshit k or najdeek aa gaya hai.
Kuch der baad...
Niharika - Sagar mai dekh rahi hoon jab se hum yaha aaye hai tum papa k Nilakshit ko na maaf karne ki baat se bahut jyada tension me ho.. Sab theek to hai na?
Sagar baat ghumate huye - Haan sab theek hai. Bas Yaha aakar Nilakshit ki dabi yaadein taaja ho gayi hai isliye..
Niharika - haan mujhe bhi yaha aakar uski bahut yaad aa rahi hai... Bachpan se lekar bade hone tak hum saath rahe or ab use is ghar me nahi dekhti to ghar accha nahi lagta.
Sagar gusse me - Pata nahi wo kaha chala gaya... Jis din mil gaya na use kabhi khud se door nahi jaane dunga.
Sagar k gusse k bhaav use ajeeb se lagte hai.
Niharika use samjhate huye - Aab fikar na kariye... Wo jaha bhi hoga Tanmay k saath khush hoga.
Sagar Tanmay or Nilakshit ko saath me Imaging nahi kar pata lekin sacchai to yehi thi k dono sabki najar me jeevasathi the.
..................
Tanmay or Nilakshit Ranikhet ki seemao me enter ho chuke the or kisi bhi waqt Vyas house pahuchne wale the.
Ghar k paas pahunch uski saansein tej or bachpan ki yaado se ankhein nam ho jaati hai.
Tanmay - All the best Nilakshit. Hum ghar pahucne wale hai.
Kuch der baad.
Chaitali - Niharika batao aaj khane me kya banau... Damad ji ko kya pasand hai?
Niharika - Kuch bhi bana lijiye maa Sagar ji sab kuch khaa lete hai.... Aap apni marji se bana lijiye.
Kadambri dulaar se - Tab to Akaash se hi puchna padega...
Apni par Nani ki baato se saal bhar ka Aakash khilkhila k hus padta hai.
Wo sab Aakash k saath khel rahe the tabhi ek car unke darvaaje aakar rukti hai. Akaash apni nanhi ungli se bahar ko taraf ishara karta hai.
Chaitali - itni khadi dopaher me kon aaya hoga... Wo bhi car se?
Kadambri - pata nahi... Chalo dekhte hai...
Wo teeno bahar ki taraf aane lagte hai tabhi unke kadam ek dum se thitak jaate hai jab wo Tanmay or Nilakshit ko car se utarta hua dekhte hai.
Niharika chilla kar - Nilakshit...
Kadambri ko ankhein apne navase ko dekh bhar aati hai. Nilakshit ka mann bhi bhar aata hai un sabko dekh kar.
Nilakshit aansu liye - Nani....
Wo andar aane lagta hai tabhi ek awaaj aati hai jisse
Abhinav - Ruk jaao wahi par...
Nilakshit wahi sthir ho jata hai.
Wo dheere uske paas aata hai.
Nilakshit pyaar se - Mama ji..
Abhinav pehle use fir Tanmay ko ghoor kar dekhte hai jo najre jhukaye khada tha.
Abhinav - Teri himmat kaise huyi yaha aane ki... Maine kaha tha k kabhi apni shakal na dikhana.
Pichhe se Kadambri use rokti hai lekin Abhinav kisi ki sunne ke mood me na the. Lekin Tanmay Nilakshit ka pura saath dene ko taiyar tha.
Tanmay - Mama ji..ek baar aap Nilakshit ki baat sun lijiye...
Abhinav - Tu kuch mat bol ladke... Tune hi ise behlaya hai mai jaanta hai.
Wo use bhi khari khoti sunaane lagte hai.
Nilakshit rote huye - plz mama ji...
Abhineta uska haath pakad kar bahar ka raasta dikhane wale hote hi hai k koi unhi ka haath pakad kar rok leta hai...

To be continue....

Episode 28

Abhinav Nilakshit par apna sara gussa barsa rahe the. Tabhi koi unka haath pakad kar rok deta hai wo tha Sagar.
Sagar - ye kya kar rahe papa ji.. Ye aapka bhanja hai bete jaisa... Or bade to chhoto ki galati ek pal me bhula dete hai or aap ek saal me nahi bhula.
Sagar Nilakshit ko dekh kar fula nahi samaata..
Sagar uske paas jaa kar - Bahut tadpaya tumne hum sabko. Har din tumhari raah dekh dekh kar aabkhein thak chuki thi. Or tum mile bhi to yaha.
Fir wo Tanmay ki taraf dekhta hai.
Sagar haath jod kar - Maine tumhare dost kehlaane ka haq to cheen hi liya hai. Ho sake to mujhe maaf kar dena. Us waqt maine tumhaari shaadi ko dil se nahi apnaaya tha lekin aaj tahe dil se manzoori deta hoon.
Shaadi ki baat sun Tanmay or Nilakshit ek dusre ko dekhne lagte the. Unhe pata tha sab sach se anjaan hai.
Niharika bhaag kar Nilakshit ko gale se laga leti hai..
Abhinav sabko pyaar se un dono se milta dekh chup chaap khade the.
Niharika rote huye - tumhe pata Nilakshit.... Sabne kaha tumhe kuch ho gaya hai isliye tum humse milne nahi aaye lekin mujhe yakeen tha k tum ek din jarur miloge or dekho aaj tum mere saamne khade ho.... Lekin kya in mahino me tumhe humari yaad nahi aayi?
Nilakshit - bahut yaad aayi... Lekin paristhitiyon ne mujhe jakad liya tha.
Niharika - koi baat nahi aaj mai tumhe ek shakhs se or milati hoon.
Niharika Akaash ko uske gaud me daal deti hai.
Niharika - apne bhaanje se milo.
Use dekh Nilakshit ka dil bhar aata hai wo use bahut dulrata hai.
Kadambri un dono ki najre utaarte huye - Jo hua use bhool jaao. Aage sab accha hi hoga.. Chaitali jaao aarti ki thaali le aao...
Abhinav - ek minute maa - ye dono aise ghar me nahi aa sakte.
Abhinav ki naraj dekh sab sann ho kar khade ho jaate hai..
Abhinav - meri ek shart hai. Tabhi mai in dono ko apnaunga.
Sagar - kaisi shart.. Papa ji?
Abhinav - in dono ne humari marji k khilaaf shaadi ki thi... Jise mai bilkul nahi maanta. Isliye inhe humare saamne ek baar fir se shaadi karni hogi. Tabhi inke rishte ko manzoori milengi.
Sab unki ye shart sun bahut khush ho jaate hai. Unhe lagta hai k Abhinav ka dil pighal raha hai. Lekin Shadi ki baat sun Tanmay or Nilakshit k chehre par 12 baj jaate hai. Jise Niharika bhaanp leti hai.
Niharika mann me - sab khush hai lekin ye jinki shaadi ki baat chal rahi hai wo dono khush kyu nahi.
Nilakshit mann me - hey bhagwaan ye kya nayi musibat hai. Nakli shaadi ki baat chhupane k liye ab asli shaadi karni padegi..
Tanmay mann me - ye kya ho gaya Nilakshit mujhse khushi khushi shaadi kabhi nahi karega. Accha hoga k ye natak khatam kar diya jaaye.
Tanmay - lekin in sabki kya jarurat hai?
Tanmay bolne jata hai lekin Nilakshit use rok leta hai.
Sagar utsaah se - kyu jarurat nahi hai.....Thank you papa ji aapne un dono ko ek moka diya or inki shaadi ki baat chhed kar mere mann ki baat chheen li.
.................
Nilakshit apne room me khada khidki se bahar dekh raha tha.
Nilakshit - ab mai kya karu... Agar sabko sach batata hoon to Niharika or Sagar ka basa basaya ghar ujad jata hai fir Aakash ka kya hoga...Or nahi bataya to meri or Tanmay ki shaadi alsi me ho jaayegi... jo mai kabhi nahi kar sakta kya karu kuch samajh nahi aa rhaa...Tabhi Tanmay aata hai..
Tanmay - Nilakshit...?
Nilakshit peeche palat k dekhta hai.
Tanmay - Tum tension na lo...tumhe jabardasti mujhse shaadi karne ki koi jarurat nahi hai. Abhi ye natak chalne do fir kuch din baad mai yaha se bhaag jaaunga to sabko lagega k mai hi nakara nikla isse sab tumhe apna bhi lenge or Sagar or Niharika ki shaadi bhi bachi rahegi...
Tanmay ki ye baat sunkar wo hairaan reh jata hai..
Nilakshit - Matlab tum jaan bujh kar apne aap ko sabki nigaahon me giraoge. Nahi kabhi nahi.
Tanmay muskura kar - or koi raasta hai,... Nahi na.... Mujhe to tumse milna tha apne dil ki baat kehni thi jo mai London me nahi keh saka...ab mujhe saare pal mil gaaye unhi k sahaare mai aage ki life jee lunga.
Nilakshit - lekin?
Tanmay zidd karte huye - no if no but... Ab jaisa maine socha hai waisa hi hoga...
Nilakshit naa chahate huye bhi uski baat maan leta hai.
Raat me...
Nilakshit chhat pe khada chaand ko dekh raha tha. Tabhi Sagar waha aa jata hai.
Sagar - Chaad dekh rahe ho?
Nilakshit chonk jata hai.
Sagar hua kar - mai bhi chaand bahut dekhta tha. Lekin Aakash k aane k baad sab kuch simat gaya.
Nilakshit - tumhe or Niharika ko khush dekh mai bahut khush hoon. Tumne sach me uska bahut dhyaan rakha hai... Or Aakash ka bhi ...Thank you. Jo bhi tumne kiya.
Sagar - kaise na rakhta.. Kisi ne mujhse vada jo liya tha.. K uski behen ko saari khushiyaan doon.
Nilakshit - kabhi kabhi aisa kyu hota hai jo hum chahte hai wo nahi milta.?
Sagar chaand ko dekh kar - pata hota us din hi bhagwaan se jawaab maang leta jab maine tumse pyaar ki bheekh maangi thi lekin tum Tanmay k hogaye or mere haath me Niharika ka haath thama diya.
Nilakshit najre jhuka leta hai.
Nilakshit - purani baat ukhaadne ka ab kya fayeda.
Sagar haath aage badha kar - hmmmm.... Chalo aaj se hum ek naye rishte ki shuruaat karte hai ek dosti ko pehle karte hai..
Nilakshit usse khushi khushi haath mila leta hai.
Tabhi Aakash k rone ki awaaj aati hai.
Sagar - mai chalta hoon Aakash ro rahe hai...
Itna keh kar wo chala jata hai.
Nilakshit usme jaane k baad - mai kyu kamjor pad jata hoon jab bhi tum mere saamne aate ho. Kyu mai tumhe nahi bhool pata. Kyu pyaar itna dard deta hai kyu?... Kyu?... Kyu?.
Uska sawaal Ranikhet ki fizaao me fail jata hai or goonj uthta hai.
Next day...
Abhinav pandit ji ko ghar ke kar aate hai.. Or Tanmay or Nilakshit ki shaadi ki date nikalne ko kehte hai. Pehle to pandit ji do ladko ki shaadi karane k liye kabhi raazi nahi hote lekin Kadambri unke saamne chaandi sone k jevar ka daan rakh deti hai or wo jhat se maan jaate hai...
Tanmay - ab to pandit ji bhi aa gaye. Lagta hai ye sab humari shaadi kara kar hi dam lenge... Accha hoga mai aaj hi yaha se bhaag jaau.
Nilakshit - Tumhe apne aap ko inki njaro me girane ki koi jarurat nahi hai. Sagar or tum fir se dost bane ho meri wajah se tumhari dosti fir se nahi tutani chahiye.
Tanmay - to fir kya karenge?
Nilakshit - pata nahi.... Mahine ab sab kuch kismat or bhagwaan par chhod diya hai.
Niharika Tanmay or Nilakshit ki taraf hi dekh rahi thi.
Niharika mann me - bahut der se dekh rahi hoon...ye log kya khusur fusur kar rahe hai....

To be continue.....

Episode 29

Niharika Tanmay or Nilakshit k paas aati hai.
Niharika - Tum log kya khusur fusur kar rahe ho?
Nilakshit - Kuch bhi to nahi...
Is baat me Tanmay uska saath deta hai.
Niharika - Nilakshit jab se tum wapas laute ho kuch badle badle se lag rahe ho... Aisa lag raha sab mujhse kuch chhipa rahe hai.
Nilakshit jhuthi husi huste huye - aisa kuch nahi hai.... Accha mujhe mami bula rahi hai mai abhi aaya.
Wo bahana bana k waha se chala jata hai.
Niharika Tanmay se - Tum hi batao Tanmay kya baat hai? Sab mujhse kya chhipa rahe ho?
Niharika k baar baar kehne par wo khud ko rok nahi pata Or usse bas itna kehta hai.
Tanmay - Niharika bhabhi.... Jo ho raha theek nahi ho raha hai?
Itna keh kar wo chala jata hai or Niharika soch me pad jaati hai k aakhir kya galat ho raha hai.
Pandit ji - Do din baad ka shubh muhurat nikalte hai usse kisi ko koi samasya nahi hoti.
Sagar - bahut accha din hai Parso ka tab tak Dadi bhi London se aa sakti hai
Kadambri - Chhipkali k bina to ye lagan ho hi nahi sakta. Bhagwaan ka laakh laakh shukar hai mere ghar ki khushiyaan wapas aa gayi.
Lekin Abhinav abhi bhi Nilakshit se naraj se wo use puri tarha swikaar nahi kar paa raha tha.
Udhar Sagar mann me kuch soch soch k khush ho raha tha.
Niharika - aap kya soch kar khush ho rahe hai?
Sagar - khushi ki to baat hai... Sab kitne din baad khush huye hai. Nilakshit k aane se humara parivaar pura ho gaya.
Niharika - Or Tanmay k aane se bhi hai na.
Sagar mann me - Huuh....Tanmay ko mai kabhi maaf nahi karunga uski wajah se Nilakshit mujhse door hua. Meri husi k pichhe kitna dard hai ye koi nahi samajh sakta. Sabko dikhane k liye maine use fir se dost banaya hai lekin mera sabse bada dushman wohi hai........mera plan sahi kaam kar raha hai. Agar us din Papa ji in dono ko ghar se bahar nikal dete to mai kabhi nahi jaan pata in dono ka rishta kitna saccha hai. Lekin ab pata laga k rahunga in dono k jeevan saathi na hone ka mera shaq kitna sahi hai kitna galat.
Sagar Pandit ji ko bahar tak chhodne aata hai.
Pandit ji - Jajmaan meri drashina...? Aapke kehne par bina muhurat k shaadi ki jhuthi tareekh nikali hai.
Sagar - aapne apna kaam bahut accha kiya hai. Bas Ek baar mera shaq door ho jaaye. Ab Nilakshit ko sach bolna padega ya Tanmay se shaadi karni padegi. mai jaanta hoon tum aaj bhi mujhse pyaar karte ho tumhari najro me mere liye wohi pyaar aaj bhi hai maine mehsoos kiya hai or mere liye hi wapas aaye ho bas tumhe apne muhh se kehna hoga.
Nilakshit apne room me baitha soch me duba tha. Tabhi Tanmay tantanaate huye waha aata hai.
Tanmay - Mai or natak nahi kar sakta. Mai sabke emotions k saath nahi khel sakta.
Nilakshit - Kya hua?
Tanmay - Mai aaj hi yaha se chala jaaunga
Nilakshit darte huye - Tum agar chale jaaoge to mai sabko kya jawaab dunga. Maine pehle bhi tumse kaha hai k mai tumhe kisi ki najro me nahi girana chahta.
Tanmay - or mera kya... Mai tumse pyaar karta hoon Nilakshit lekin har pal ye soch soch kar marr raha hoon k tumhe mujhse pyaar nahi. Us par ye shaadi ka tamasha mere dil k jakhm hare kar raha hai. Aaj Niharika bhabhi se bhi na chahte huye bhi jhuth bolna pada.
Nilakshit kuch der chup rehne k baad.
Nilakshit - Tum sahi keh rahe ho saare tamashe ki jad mai hi hoon. Tumhe agar yaha se jana hai to jaa sakte ho mai tumhe baandh k nahi rakhunga. Lekin yaad karo tumne hi ye natak karne k liye mujhe raazi kiya tha. Or ab tum chahte ho to mai sabko sach bata deta hoon.
Wo jaane k liye jaise hi aage kadam badhata hai Tanmay uska haath pakad kar rok leta hai.
Tanmay najre jhuka kar - Mujhe maaf kar do mai kuch der k liye khudgarj ho gaya tha.mai sirf Apne baare me sochne laga tha. Kya karu apni bhaavnaao pe kaabu nahi rakh paya.
Nilakshit - Nahi tumhe jo karna hai kar sakte ho...mai azaad karta hoon tumhe.
Tanmay - mujhe maaf kar do. Is tarha ruswa na karo mujhe..... Ye sach hai k mai tumse pyaar ... Lekin sach ye bhi hai k tum mere nahi ban sakte. Ye dil baccha hai kabhi kabhi samjhta nahi hai ya kahu samjhna nahi chahta.
Wo apne dil ka haal liye chala jata hai.
Nilakshit mann me - Nahi Tanmay bahut hua aankh me choli ka khel ab or nahi meri wajah se tumhe dukh nahi hoga. Ab samay aa gaya hai k hum dono ki shaadi ka sach sabke saamne aa jaaye. Mai Niharika ki khushi k liye tumhaari bhaavnao se ek saal se khelta aaya hoon. Lekin ab nahi. Mai khud Niharika ko sach bataunga... Iske baad jo hoga dekha jaayega.
Nilakshit Niharika ko sach batane k liye apne kadam aage badha deta hai.
Niharika apne room me Aakash k kapde badal rahi thi or wo maasoom si muskan liye hua raha tha. Nilakshit un dono k vatsalya k door khada pyaar se dekh raha tha.
Niharika - Aare Nilakshit waha kyu khade ho andar aao...
Nilakshit chonkta hai or andar aa jata hai.
Niharika Aakash ko dulrate huye - Dekho dekho... Kon aaya hai Aku k mama aaye hai.
Nilakshit - kitna pyara hai Aakash bilkul tumpe gaya hai.
Niharika muskura deti hai. Nilakshit apni baat kehne ko taiyaar tha.
Nilakshit - Niharika mujhe tumse kuch kehna hai...
Niharika - haan bolo na..
Nilakshit - Lekin vada karo mai jo kehne jaa raha hoon use sunne baad tumhe apne aap ko sambhaal logi.
Niharika darte huye - aisi kya baat hai?
Nilakshit - baat mujhse or Tanmay se judi hai.
Niharika - Mujhe bhi tum dono ko dekh kar kuch kuch mehsoos hota tha k kuch to baat hai jo tum dono chhipa rahe ho maine Tanmay se pucha bhi lekin usne kaha kuch to galat ho raha hai.... Jaldi batao akhir kya galat ho raha hai?
Nilakshit - yehi k.. Mai or Tanmay...
Wo bolne hi jata hai tabhi Tanmay waha aa jata hai.
Tanmay - Niharika bhabhi... Aapko chaitali aunty abhi bula rahi hai.
Niharika - bas mai jaa rahi hoon ek baar Nilakshit ki baat sun lo.
Tanmay - Baat to hoti rahegi... Lekin aunty ka kaam urgent hai.
Wo use jabardasti kar waha se bhej deta hai.
Uske jaane k baad...
Nilakshit - Tumne mujhe Niharika se baat kyu nahi karne di.
Tanmay gusse me - Tum pagal ho gaye ho... Agar unhe sach pata chal jata to Sagar or tunhare prem kahani ka bhi sach batana padta tab unpe kya bitati socha hai
Nilakshit rote huye - or jo tumpe best rahi hai uska kya...?
Ab to mujhe lagta hai mujhe tum sab ki zindagi me wapas aana hi nahi chahiye tha.
Tanmay Nilakshit k apane pan ko dekh kar use gale laga leta hai.
Tanmay - Kyu tum sabke baare me itna sochte ho. Kyu tum itne acche ho.
Tabhi Sagar waha aa pahuchta hai un dono ko itna paas dekh use accha nahi lagta lekin wo kuch nahi bolta..
Sagar khaanste huye - Andar aa sakta hoon
Wo dono jaldi se alag hote hai.
Sagar - I'm sorry maine tum dono ka private time spoiled kar diya. Lekin Suparna Dadi aa chuki hai or tum dono se milna chahti hai
Nilakshit - Suparna dadi...kitne samay baad unse milna hoga...Hum abhi aate hai.
Wo dono chale jaate hai. Or agar wahi khada reh jata hai.
Sagar khud se - Tanmay jab jab tum Nilakshit k nazdeek aaoge tab tab mujhe beeech me khada paaoge.
Tanmay or Nilakshit se milkar Suparna bahut khush hoti hai. Wo unki Ballaiyaan lene lagti hai.
Suparna - Pichhli baar tum dono ki shaadi to dhum dhaam se nahi huyi thi. Lekin is baar tumhari shaadi ki rasamo me mai apne saare armaan pure karungi.
Uski is baat me kadambari haan me haan milati hai
Sabki utsukata dekha Nilakshit or Tanmay ek dusre ko dekhne lagte hai.
Samay bitata jata hai or rasmo k saath saath Shaadi ka din bhi aa jata hai. Sab Mandir jaane k liye ready hone lagte hai.
Nilakshit dulhe k jode me khada tha - Aaj meri agni pariksha hai... Hey bhagwaan..maine aap par sab chhod diya hai. Aap ka jo bhi nirnay lenge mujhe manjoor hoga. Bas Na Niharika ka dil tutna chahiye na Tanmay.
Dusri taraf apne room me Sagar shevaani pehnate pehnate soch raha tha k aaj agar Nilakshit ne Tanmay se shaadi kar li to use paane ki aakhiri ummeed bhi wo kho dega.
Sagar mann me - Tum dua me sabke liye khushi maangte ho lekin tumne har pal mera dil dukhaya hai uska kya..?
Tabhi Aakash rone lagta hai or wo use puchkaarte huye chup karane lagta hai.

To be continue....

Episode 30

Sab dono dhulo ka niche intejaar kar rahe the. Abhinav jyada khush to nahi lag rahe the lekin wonis shaadi se muhh bhi nahi mod paas rahe the.
Nilakshit safed shervani pehne seediyo se niche utar raha tha. Kadambari use aise dekh nihaal jaa rahi thi or Niharika to Ballayiya lete na thak rahi thi. Lekin Nilakshit ka sharir hi saja tha chehra bilkul soona tha. Wo Sagar se or Sagar usse najre nahi mila paa rahe the. Thodi der me Tanmay bhi neeche a jata hai jisne sunhere rang ki sherwani pehli thi.
Chaitali - shukra hai dono dulhe raha niche to aaye pandit ji mandir me intejaar kar rahe honge jaldi chalo.
Niharika - Haan hume nikalna hai..
Wo dono ko mandir le jaane lagte hai tabhi Tanmay bolta hai
Tanmay - Kya mai or Nilakshit agal se dusri gaadi me aaye?
Kisi ko is baat se eaitraaz nahi hota. Ulta Niharika un dono ko tang kheechne lagti hai. Nilakshit ki sudh hi gayab thi k use Aisa karna pad raha hai lekin Sagar ka dil na jaane kyu chalni ho raha tha.
Sagar Akash ko lekar aage jaakar gaadi me baith jata hai or Niharika or Suparna ko baithne ko kehta hai.
Kadambari Chaitali or Abhinav bhi dusri gaadi me baith kar niklne ko taiyaar the
Teeno gaadiya line se pahadi raaste se hote huye mandir tak ka rasta tay kar rahi thi tabhi Tanmay apni car ki speed thodi dheeme kar leta hai. Wo Nilakshit ki taraf dekhta hai jo thoda khoya hua sa tha or window se pahado ka najara dekh raha tha.
Tanmay ek haath se uska haath thamta hai.
Tanmay - Nilakshit...
Wo uski taraf dekhta hai
Tanmay - Mujhe maaf kar do...
Nilakshit kuch samjh nahi pata k wo maafi kyu maang raha hai agale hi pal wo Nilakshit ko chalti car se dhakka de deta hai or Nilakshit do teen palti khaa car se bahar sadak par gor jata hai. Wo dekhta hai Tanmay use window seat se taak raha tha or uski car kayi feet gehri khaayin ki taraf badh rahi thi.
Nilakshit chillata hai - Tanmay
Wo uske pichhe bhaagta hai lekin car rukne wali nahi thi. Tanmay k chehre pe ek sukoon bhari muskaan thi Nilakshit k sari se khoon beh raha tha fir wo puri taqat k saath uske lichhe bhaagta hai us ummeed me k use suicide karne se rok le.
Nilakshit - Tanmay.... Tum aisa nahi kar sakte..
Aage jaakar car ka aage ka pahiya ek patthar se takra jata hai or car uchhal kar khaayi me gir jaati hai lekin Tanmay darwaja se bahar fhir jata hai or palti khata hua ek patthar se latak jata hai.
Nilakshit jaladi se khaayin me girne se rok leta hai.
Nilakshit - Nahi Tanmay mai tumhe aisa nahin karne dunga
Tanmay - Chhod do mujhe... Mujhe marr jaane do mera marna hi us samasya ka hal hai jo tumhare jeevan me meri wajah se aayi hai. ....
Nilakshit or the huye - aisa na bolo isme tumhari koi galti nahi hai.
Wo pura jor laga kar use upar kheenchne ki koshish kar raha tha lekin pal pal me uske haatho se Tanmay ka haath fisalta jaa raha tha.
Tanmay - Mai jaanta hoon meri hi galti hai na mai tumse shaadi karne ka jhutha natak rachta, na mujhe tumse pyaar hota or na tumhe mujhse jabardasti shaadi karni padti meri ek galati se tumhari puri life ka tamasha ban kar reh gaya hai.
Nilakshit uska haath chhod hi nahi raha tha.
Tanmay - Mai jald hi niche girne wala hoon.
Nilakshit jor lagate huye - mai tumhe upar kheench lunga.
Lekin ab kuch bhi karne ka pal Gujarat chuka tha. Tanmay niche khaayin me girne laga tha lekin Nilakshit uska haath na chhodne ki zidd pe aa gaya tha. Jiska parinaam ye hua k dono hi niche ek saath gir jaate hai. Or Ranikhet ki gehri khaayi me kahi gum ho jaate hai.
Mandir me
Sab mandir pahuch chuke the lekin Tanmay or Nilakshit ko na dekh sab hairaan the
Suparna - Dono bacche kaha reh gaye humare saath hi to the.
Niharika - Mai Nilakshit ko call lagati hu.
Usko call karne se koi fayeda na tha kyuki ab uska phone tut kar chaknachoor ho chuka tha.
Kadambari - Kya hua?
Niharika - Uska phone band aa raha hai.
Tabhi ek tej hawa ka jhokha aata hai jisse Mandir ki saari ghantiya hilkar bajne lagti hai. Sagar ek ghanti ko pakad kar rok deta hai use kisi anhoni ka abhaas jaisa ho raha tha.
Kareeb do ghante Gujarat jaane par sabko un dono ki fikar sata rahi thi.
Kadambari darte huye - Sagar beta... Jara pata karo ye dono kaha reh gaye mujhe to bahut ghabarahat ho rahi hai.
Sagar - Mai abhi jaa kar dekhta hoon.
Wo mandir se bahar nikal hi raha tha tabhi Abhinav ka phone bajta hai.
Abhinav phone sun sann reh jaate hai Or unke haath se phone niche gir jata hai
Chaitali - kya hua aapko... Kiska phone tha?
Abhinav haklaate huye - Hospital se phone tha.... Tanmay Or Nilakshit ko car khaayin me gir gayi.
Ye sun Niharika badi jo se chillaati hai.
Niharika - Nahiiiiiiii
Sagar ka to jism hi jaise dheela pad gaya tha wo wahi khada khada zameen par guthno k bal baith jata hai.
Kadambari dahdaaade maar maar kar rote huye - ye kya kar diya bhagwaan tumne... Ek khushi mil rahi thi wo bhi cheen li... Mere baccha Nilu....
Abhinav sar pitate huye - Ye sab mero badduaon ka nateeja hai kehte hai apno ki dua lagti hai lekin Mere Nilakshit ko meri baddua lag jaayegi mujhe kya pata tha.
Chaitali hadabadi se - ye waqt ye sab sochne ka nahi hai. Hum.. Hume haldi se hospital jana chahiye.
Wo sab jaldi jaldi hospital k liye nikal jaate hai.
Unke jaate hi Mandir ka apne aap bujh jata hai.
Hospital me...
Nilakshit Or Tanmay ko waha k pahadi kasbo k samudaay ne bacha to liya tha lekin dono ko gehri chot aayi thi. Dono hi ICU room memVentiletar pe apni akhiri saansein gir rahe the.
Un dono ko dekh sabka kaleja dehel jata hai
Sagar ek tak lagaye Nilakshit k khoon se lathpath sahreer ko dekh raha tha. Wahi dusri taraf kuch doctors Tanmay ko bleeding rokne ki koshish kar rahe the.
Kadambari - hey bhagwaan ye kaise din dikha raha hai. Agar Nilakshit ko kuch ho gaya to mai uski maa ko upar jakar kya muhh dikhaungi.
Suparna use dilasa dete huye - Hausala rakh Kadambari.
Kadambari - Kaise rakhu chhipakali.
Suparna - Jo haal tera hai wahi mera bhi hai. Tanmay mere liye bilkul Sagar jaisa hai. Ek saal usse door rehne par pata chala jaise mere kaleje ka hissa hi na tha Or aaj use is haalat me dekh mera dil bhi ro raha hai.
Chaitali dono ko paani dete huye - Doctor apna kaam kar rahe wo dono jald hi acche ho jayenge.
Tabhi Dono Doctor bahar aaye hai
Sagar hadabadi se - Doctor Nilakshit Or Tanmay kaise hai?
Doctor - Dekhiye pahadi se girne se unhe bahut chot aayi hai bleeding continues chalu hai hum koshish kar rahe hai.
Niharika aisa sawal puchti hai jise puchne k liye use bahut himmat ki jarurat thi.
Niharika - Wo dono bach to jayenge?
Doctor - hum koshish kar rahe hai baaki upar wale k haath me hai sab kuch.
Itna keh doctor chle jaate hai Or sab mann hi mann sab theek hone ki kaamna karne lagte hai.

To be continue....

Episode 31

Nilakshit or Tanmay dono hi hospital me maut se jung lad rahe the. Usi k saath hi Sagar Niharika or baaki sab bhagwaan se dua maang rahe the k un wo dono ki jaan bacha lein.
Abhinav - Aaj mujhe apni galti ka ehsaas ho raha hai. Kyu maine Nilakshit ko maaf nahi kiya. Kya kiya tha usne bas ek ladka hokar ek ladke se pyaar hi kiya tha. Or uske liye mai use ek saal se saja de raha hoon. Jis samaj k liye maine use nakaar diya aaj wohi samaaj muk bana baitha hai or saja mil rahi hai Nilakshit ko or uske saath Tanmay ko.
Chaitali use dilasa deti hai
Abhinav - Bas ek baar Nilakshit theek ho jaaye mai fir kabhi use kuch nahi khaunga kabhi nahi kosunga. Use is haalat me dekh kar mai samajh gaya hoon apne hi apno k kaam aate hai.
Sagar chup chaap bahar khada seeshe se andar dekh raha tha. Jaha doctor Nilakshit k behete khoon ko saaf kar rahe the ek ek katra Sagar k lahu k samaan tha.
Niharika - Sagar ! Sab theek to jayega na?
Sagar k paas koi jawaab na tha.
Niharika - Mai Tanmay ko dekh kar aati hoon.
Dusre room me Tanmay ka bhi wohi haal tha. Lekin uski chont gambhir thi.
Kuch der baad...
Nilakshit k room me doctor bahar aate hai.
Sab ek saath - Doctor Nilakshit?
Doctor - uski chote jyada hai lekin humne surgery kar di hai. Filhal use under observation rakhna padega uske baad hi kuch kaha jaa sakta hai. Lekin abhi bhi ye pal thode naajuk hai.
Doctor k kehne k anusaar musibat abhi kam huyi thi lekin tali na thi.
Wohi dusri taraf bhi Tanmay ki bhi surgery ho gayi thi lekin internal bleeding se uski haalat kharaab ho rahi thi. Lekin Doctor bhi apni puri koshish kar rahe the.
Tabhi achanak...
Tanmay dheere se aankh kholta hai.
Nurse - Doctor... mareej ko hosh aa raha hai.
Tanmay halki awaaj me kuch kehne ki koshish kar raha tha.
Doctor - don't move... Take rest.
Lekin Tanmay abhi bhi kuch kehne ki koshish kar raha tha..
Nurse - Doctor! Shayad ye kisi ko bulane ki baat kar rahe hai.
Doctor unke paas kaan lagaakar dhyaan se sunte hai to unhe Niharika shabd sunayi deta hai. Tanmay Niharika ko bulane k liye keh raha tha.
Doctor bahar aate hai.
Sab fir se umneed baandh kar puchte hai - Kya hua doctor... Tanmay theek hai.
Doctor - Unhe hosh aa gaya hai.
Sab bahut khush hote hai.
Suparna haath jod kar Bhagwaan ka laakh laakh dhanyavaad karti hai Sagar bhi chain ki leta hai.
Sagar - Kya mai usse mil sakta hoon...?
Doctor - abhi nahi...abhi unhe observation me rakha hai...Lekin wo pehle Niharika se milna chahte hai. Aapme se Niharika kon hai?
Niharika soch me pad jaati hai k Tanmay use kyu bula raha hai.
Sagar Niharika ki andar jaane ka ishara karta hai uske kehne pe wo andar jaati hai. Jaha Tanmay pattiyon se lipta leta tha bas ek saans hi chal rahi thi. Wo bhi dheere dheere...
Niharika uska haath pakadte huye - Tanmay... Mai Niharika bhabhi.
Wo dheere se aankh kholta hai.
Tanmay kuch kehne ki koshish kar raha tha.
Niharika kaan uske paas laa kar - kya?
Tanmay karhati awaaj me - Nil....Nilaks Nilakshit ko bacha lo.
Niharika use tasalli dete huye - Tum fikar mat karo Nilakshit or tum dono bahut jald theek ho jaaoge...
Tanmay - Nahi... Mera samay aa gaya hai... Mai ab nahi bach paaunga. Lekin Nilakshit ko bacha lo...
Niharika ko uski batein bahut ajeeb lag rahi thi. Fir bhi usse sunna tha.
Tanmay - Nilakshit ko kuch ho gaya to Sagar jee nahi paayega.
Ye sun Niharika k hosh ud jaate hai.
Tanmay - Mujhe mera pyaar Nilakshit ka saath nahi mil paya isliye maut mujhe gale lagane wali hai lekin Nilakshit ko uska pehla pyaar mile bina maut gale nahi laga sakti...
Niharika - Ye kehna chahte ho Tanmay jaldi bolo?
Tanmay - Mai marne wala hoon or mai jaanta hoon Nilakshit kabhi apna muh nahi kholega isliye mai ye raaz tumhe jaate jaate bata raha hoon. Nilakshit or mai shaadi suda nahi hai. Wo Sagar ka tha humesha se. Mai to bas uske pyaar or apni dosti ka haq adaa kar raha tha.
Niharika k pairo se zameen sarak jaati hai use ye baat jaan kar bahut dhakka lagta hai.
Tanmay apne aakhiri pal me use sab kuch bata deta hai k kaise Nilakshit ki gay love story padh kar Sagar ko usse pyaar ho gaya or kaise usne Uski khaatir apne pyaar ka balidaan de diya. Tanmay se shaadi ka natak or uska Nilakshit se pyaar hona.. Ye sab jaan kar Niharika ki duniya palat jaati hai.
Tabhi Tanmay ki saansein ukhadne lagti hai.
Tanmay uska haath thaam kar - Vada karo Niharika bhabhi... Aap Nilakshit ko bacha lengi... Use wo sab khushi dengi jiska wo haqdaar hai... Vada kariye.
Niharika ko samjh nahi aata wo kya bole.
Tanmay tej tej saans lekar - Vada kariye bhabhi... Mere na rehne par meri jagah aap mere pyaar ki dhaal banegi. Aap apne bhai ki khushiyon ka khyaal rakhengi ab use koi dukh nahi hone dengi. .. Vada kariye.
Niharika k muhh se achanak Haan nikal jata hai.
Niharika - Haan Tanmay jaise tum chahte ho wohi hoga.. Mere hote Nilakshit ko ab dukh ka saya nahi gherega... Mai vada karti hoon.
Itna kehte hi Tanmay ek jor ki saans leta hai or hospital k us kamre me beshudh sa bed par gir jata hai. Uske praan pakheru ud chuke the. Wo apni aakhiri saans leta hai or Niharika k vaade ne use chain se marne ki ijaajat de thi.
Niharika uske paas baithe jor jo se aansu bahane lagti hai.
Bahar sab Niharika k aane ka intejaar kar the. Kuch der baad room ka darwaja khulta hai or Niharika sar jhukaaye bahar aati hai.
Suparna khushi se - Tanmay kaisa hai kya mai usse mil sakti hoon.
Niharika k sabar ka baandh tutta hai or wo Suparna se lipat kar fut fut kar rone lagti hai
Niharika - Aapna Tanmay hum sabko chhod kar chala gaya. Dadi.
Sabko ek saath jhatka lagta hai.
Sagar chilla kar - Nahi... Ye nahi ho sakta.
Niharika - Ye ho chuka hai... Sagar... Aapka dost ab is duniya me nahi raha.
Sagar apne kadam sambhaal nahi pata or wahi ladkhada k gir jata hai.
Kadambri mann me - Tanmay nahi raha... Kahi Nilakshit bhi....
Nahi nahi Kadambri ye tu kya soch rahi hai Nilakshit ko kuch nahi hoga. Ummeed mat chhod.
Sagar k saamne Tanmay k saath bitaaye sabhi pal jhalakne lagte hai.
Sagar - mai gunehgaar hoon uski maut ka meri wajah se wo marr gaya. Meri ruswaayi uski maut ki saja ban gayi.
Wo. Pagal sa ho gaya tha or apne aapko maarne lagta hai. Niharika se uska pagal pan dekha nahi jata.
Niharika use rokte huye - Sambhalo apne aap ko Sagar abhi hume Nilakshit bacha kar Tanmay ki aakhiri iccha puri karni hai.
Sagar ruasa hota hua - Aakhiri icchha kon sir aakhiri icchha?
Niharika - Samay aane par mai tumhe jarur bataungi.
Niharika ne mann hi mann kuch karne ki thaan li thi.

To be continue.....

Episode 32

Doctor Tanmay ki body ko safed chaadar se pure muh tak dhak dete hai. Tabhi Sagar waha aa pahuchta hai.
Sagar - Doctor kya mai akhiri baar apne dost ka chehra dekh sakta hoon?
Paas khadi nurse Tanmay ka chehra khol deti hai. Use dekh Sagar khud pe kaabu na rakh pata hai or future future kar usse lipat kar rone lagta hai.
Sagar - Mujhe maaf kar do Tanmay mai apni dosti ko nahi nibha saka. Mai dosti k naam pe kalank hoon. Marna to mujhe chahiye.
Door khadi Niharika un dono ko dekh rahi thi.
Wo apne aansu pochhte huye - Ab koi khoon k aansu nahi royega. Mai sab kuch theek kar k rahungi.
Tabhi Nilakshit k doctor aate hai.
Doctor - Aap Nilakshit k saath hai?
Niharika - Ji mai uski behen hoon khaiye?
Doctor - Hume uske parents se kuch jaruri baat karni hai.
Niharika - Uske maa is duniya me nahi hai or pita ka bhi kuch aisa hai. Uske mummy papa bhi us halat me nahi k aapki baat sun sake...Mai uski behen hoon aap mujhse keh sakte hai.
Doctor - Theek hai aayiye mere saath mere cabin me.
Doctor use apne saath le jata hai kuch jaruri baat karne k liye.
..................
Doctor - Dekhiye Nilakshit ki jaan to bach gayi hai... Lekin abhi bhi wo mare huye k samaan hai.
Niharika - To kya doctor Nilakshit kabhi theek nahi ho paayega?
Doctor - Aisa nahi hai... Actually uchhai se girne ki wajah se use upari taur se jyada andhruni chote aayi hai jisme uski dono kidney 60% damage ho gayi hai. Wo zinda to hai lekin chal to kya uth bhi nahi sakta.
Niharika chonkte huye - Kya.... Doctor aap kuch kariye kya koi tarika nahi use bachaane ka. Use pehle ki tarha hona hi hoga nahi to Tanmay ki akhiri iccha adhuri reh jayegi.
Doctor - Dekhiye humne apni taraf se bahut koshish ki. Lekin hum uske parents se isliye milna chahte the kyuki maa baap ka khoon bete k khoon se milta hai or agar wo dono apni apni ek kidney donate kar dete to hum kuch kar sakte hai.
Niharika kuch sochte huye - Lekin uske maa baap... Doctor kya koi or apni kidney nahi de sakta...? Bahut saare log hai.
Doctor - Jarur de sakta hai lekin Nilakshit ka blood group O negative hai or humne apne star se kidney donar se baat ki hai lekin aisa koi bhi nahi mila jiska blood O negative ho.. Kyukinye bahut rare hota hai.
Niharika pareshaan hote huye - Fir Doctor ab kya kare?
Doctor - Agar aapki jaan pehchan me koi aisa do Donar ho jiska blood group O negative ho to un dono se ek ek kidney lekar Nilakshit k saath transplant kar sakte hai. ..... Aap koshish kariye mai bhi karta hoon.
Niharika kuch der sochne lagti hai uske dimaag me bahut si baate chal rahi thi.
Lekin use Tanmay ki akhiri khwaish puri karni thi Nilakshit ko uske haq ki khushiyaan deni thi.
Doctor jaate huye - Aap koshish kijiye mai bhi karta hoon.
Doctor jaa hi rahe the tabhi Niharika unhe rokti hai.
Niharika aansu pchhate huye - Rukiye Doctor.... Donar hai... Aap Nilakshit ko puri tarha theek karne ki taiyaari karite.
Doctor khushi se - Really kon hai wo do farishte?
Niharika thaante huye - wo do nahi ek hi insaan hai.or wo mai hoon. Kyuki mera blood group O Negative hai jo 100 logo me 3 logo ka hota hai .
Doctor uski baat sun chonk jaate hai.
Doctor - Kya..... Aap... Lekin aap aisa karengi to aapki jaan.
Niharika unhe rokte huye - Mujhe meri fikar nahi hai filhal aap Nilakshit ko bachaaiye... Ye upar wale ki mahima hi hai k mera or Nilakshit ka khoon ek hi hai.
Doctor - Nahi mai aisa nahi kar sakta.
Niharika gusse me - Aapko aisa karna hoga.. Warna mera bhai bach nahi paayega itne kam samay me koi donar na mila to.. Nahi nahi... Mujhe use kaise bhi bachaana hai... Aap kidney transplant ki taiyaari kariye.
Doctor darte huye - Are you sure.. Aap akhiri baar soch lijiye. Dono kidney dene k baad aapki jaan...
Niharika muskurate huyen - Maine soch liya hai mujhe apni jaan ki fikar nahi hai. Ab mujhe use bachaana hai jisme Sagar ki jaan basti hai. Mai Sagar or Nilakshit dono se bahut se pyaar karti hoon or unhe dukhi dekh kar kaise sukhi ho sakti ho.. Bhagwaan ne Tanmay k dwaara mujhe ye moka diya hai k mai bigde rishte fir se bana doon isme meri jaan bhi chali jaaye to gam nahi. Aap operation ki taiyaari kariye.
Doctor - Theek hai agar aap ne thaan hi liya hai to mai kya kar sakta hoon. Aapko kuch documents pe sign karne honge. Jiske baad aap pichhe nahi hat sakti.
Niharika - Mai kisi bhi documents pe sing karne k liye ready hoon lekin meri ek shart hai. Aap kisi ko bhi nahi batayenge jo mai karne jaa rahi hoon. Or mere marne k baad aap Nilakshit ko sahi salamat mere pati Sagar ko saup denge.
Doctor dheere se haan me sari hilata hai.
"Dil ki muraad ho jaaye puri
Puri ho jaaye kahani jo thi adhuri
Mil jaaye Sagar ko uska Nilakshit Chahe meri jaan deni ho jaruri."
Niharika sabhi documents pe sign kar deti hai
" Ishq me dilbar ji nahi sakta,
Kaise kahu har baar.
Teri kasam tere pyaar me sajan,
Mera hua bura haal. "
Udar Sagar Tanmay ka haath maathe se lagate ro raha tha use kya pata yaha Niharika ne kya karne ka soch kiya hai.
Bahar.....
Abhinav - Sagar Or Niharika nahi dikhaye de rahe?
Suparna rote huye - Sagar to apne dost k paas ro raha hai. Usse chhodne ko taiyar hi nahi ho raha. Samjh nahi aata kaise samjahu use k ab uska dost is duniya me nahi raha.
Kadambari - Na jaane ye bhagwaan kaise din dikha raha... Ek beta Gujarat gaya dusra maut se lad raha hai.
Chaitali - Niharika Mandir gayi hai Nilakshit k liye prathna karne.
Abhinav - Chaitali maa or kaki ko lekar ghar jaaiye... Tanmay k antim sanskaar ki bhi taiyaari karni hai. Mai or Sagar uski body ko le kar aate hai.
Sab dil bhari kar chale jaate hai unhe nahi pata tha k Niharika kya karne jaa rahi thi.
Operation theatre me...
Doctor chhip kar apna Operation shuru kar dete hai. Wo bina Sagar or uske parivaar ko khabar lage Niharika ki dono kidney Nilakshit me transplant kar dete hai.
Do ghante baad...
Abhinav Sagar k paas aate hai jo Tanmay k paas hi baitha ro raha tha.
Abhinav - Sagar chalo apne Tanmay ko antim sanskaar k liye le kar jana hai.
Sagar uski taraf dekhta hai or lipat kar fir se rone lagta hai.
Abhinav - Mat ro beta jo ho gaya so gaya hume ab Nilakshit k liye dua karni hai aisi mushkil samay me himmat se kaam lena hoga.
Sagar - Kuch nahi hoga Nilakshit ko us bhagwaan ne mere dost ko mujhse cheen liye lekin mere Nilakshit ko mujhse kabhi nahi cheen sakta hai.
Uska itna kehna tha k dusri taraf Nilakshit saans leta hai.
Nurse - sir Nilakshit hosh me aa raha hai.
Doctor Jaldi se jaate hai or use check karte hai...
Doctor - Mujhe lagta hai operation successful raha... Jaldi se Niharika ko ye khabar deni hogi.
Wo Niharika k paas jaate hai jo ek bed pe aankh moond kar leti huyi thi.
Doctor use halke se hilate huye - Niharika... Niharika ji
Lekin Niharika kuch nahi bolti. Wo uski nas check karte hai lekin uske andar kuch na bacha tha. Apne ko samarpit kar usne Nilakshit ko jeevan dan de diya tha.
Doctor k muh se bas yehi nikalta hai - O my God... Jiska darr tha wohi hua...

To be continue....

Episode 33

Doctors Niharika ko hila kar uthabe ki koshish karte hai. Lekin wo kuch nahi bolti.
Doctor - O God... Jiska darr tha wahi hua.
Wo use treat karte hai. Lekin shayad bahut der ho chuki thi. Niharika ne ab dam tod diya tha. Use apne do chahite log Nilakshit Or Sagar ko ek jo karna tha.
Dusri taraf Tanmay ki dead body ko Abhinav Or Sagar antim sanskaar k liye le jaane ko ready the
Wo hospital se nikalne ki taiyaari me the tabhi doctor unke saamne aa kar khade ho jaate hai.
Abhinav - Doctor?
Doctor - Aap ke liye ek or buri khabar hai.
Aisa sun kar Sagar besudh ho jata hai.
Wo doctor ko jhakjor kar puchhta hai - Kya hua Doctor Nilakshit.. Nilakshit theek to hai na.. Wo Nilakshit k room ki taraf bhaagte huye jaane lagta hai ye dekhne k liye kahi buri khabar ne use Nilakshit se door to nahi kar diya lekin Doctor uska haath pakad kar rok dete hai.
Doctor - Sambhaliye apne aap ko Sagar... Nilakshit bilkul theek hai. Bahut jald use hosh bhi aa jayega.
Abhinav khushi se - ye to bahut acchi baat hai isme buri khabar kya hai?
Doctor kuch der chuppi saadhne k baad - Nilakshit to theek ho gaya.. Lekin Niharika ji.
Sagar - Niharika? Kya hua use?
Doctor chup the.
Sagar - Boliye doctor mera dil baitha jaa raha hai kya hua Niharika ko?
Doctor apni jeb se ek chhitthi nikal kar Sagar ko dete hai jo Niharika be operation se pehle Doctor ko ye keh kar di thi k ye Sagar ko de dena.
Sagar ko chitthi kholne ki himmat na ho rahi thi lekin fir bhi wo dheere dheere kholta hai.
Usme likha tha...
Sagar,
Tum duniya k sabse acche pati ho shayad mai hi ek acchi patni nahi ban paayi Or tumhare dil ki baat ko nahi padh paayi. Shaayad mai ek acchi behen nahi ban paayi Or apne bhai ki kalam ki likhawat ko nahi samajh paayi. Lekin mujhe jo bhi galti huyi hai anjaane me hi sahi wo sahi karne ka waqt aa gaya hai. Waqt aa gaya hai Tanmay ki akhiri iccha jo ab meri bhi akhiri iccha hai use pura karne ka. Mujhe jana hoga kyuki Nilakshit ko theek hona hoga. Ye niyati ka khel hai ise tumhe samjhna hoga. Aakash Or Nilakshit ka dhyaan rakhna.
Sagar chitthi padh kar sadme me aa jata hai.
Doctor - Unhone Nilakshit ko bachaane k liye khud apni jaan jokhim me daali hai.
Doctor ki baat use inritate kar rahi thi wo gusse me uska gala pakad leta hai.
Sagar gusse me chillane lagta hai.
Sagar - Tune sab kuch tanha kar diya.. Pehle tune mera dost mujhse chheen liya, Nilakshit ko bhi abhi tak theek nahi kar paya Or ab ye manhoos khabar lekar aaya hai.
Doctor - plz plz mera gala chhodiye... Nurse ward boy mujhe bachao
Abhinav jaldi se jaakar Sagar ko pichhe karte hai.
Abhinav - Kya ho gaya hai tumhe Sagar beta. Kyu aisa kar rahe ho, kya likha is chhithi me.
Sagar na chahte huye bhi Niharika ki kurbani ki daastan Abhinav ko bata deta hai. Abhinav wo sun kar thitak se jaate hai.
Abhinav - Meri beti... Meri Niharika ne apni jaan khatre me daal kar Nilakshit ki jaan bachai hai.
Wo dard bhare swar k saath jameen par gir jaate hai.
Abhinav - Ye sab kya ho raha hai. Ye kaisi pariksha le raha hai tu bhagwaan.
Chaitali use pata chalega wo to ye sadma bardaasht nahi kar paayegi..
Sagar tum kuch karo mujhe meri beti laa do.
Sagar kya karta wo khud but ban chuka tha. Wo rote bilkhte Abhinav ko chhod kar us taraf chala jata hai Niharika ki desh body thi.
Sagar andhere kamre me jata hai. Uske chehre pe koi bhaav nahi the. Waqt than chuka tha. Wo pyaar se uske sari pe haath ferta hai.
Sagar - Tumne mujhe sabse bade guilt me daal diya hai. Kaash mai tumse shaadi na karta kaash Nilakshit ko majboor na karta or na wo Tanmay se shaadi ka dikhawa karta... To aaj Tanmay zinda hota, tum bhi is halat me na pahucnti. Meri zidd ne sabki zindgi barbaad kar di. Aaj samjh nahi aa raha kaha jaau... Sab mujhse door hai akela khada hoon is duniya me. Koi nahi mere saath. Mai marr jana chahta hoon.
Tabhi wo aankh band kar leta hai or use Aakash ka khyaal aata hai. Nanha Aakash uski taraf matakte huye chala aa raha tha. Usme use Niharika ki chhavi dikhayi de rahi thi. Wo achanak se apni aankh khol leta hai. Wo marna chahta tha lekin Aakash ka khayaal uske kadam rok lete hai.
Sagar mann me - Ye mai kya kar raha hoon. Mere bina Aakash ka kya hoga.
Wo turant bahar aata hai. Or Nilakshit k paas jata hai jaha Nilakshit behoshi me leta tha. Wo use ek najar dekhta hai or Tanmay or Niharika ko lekar ghar chala jata hai.
"Mushkil hai ye ghadi
Kaisi samasya aa padi
Aansuon ki lagi hai jhadi
Wahi aag seene me jal padi. "
Vyas house...
Abhinav Or Sagar Do bodies lekar gaadi se utarte hai.
Sab samjhte hai k Nilakshit ko bhi kuch ho gaya. Lekin jab Wo Niharika ko dekhte hai to unpe dukho ka pahaad tut padta hai. Chaitali ki gaud ujad chuki thi.
Kadambari Abhinav ka collar pakadte huye - Ye sab kya hai Abhinav?
Abhinav najre jhukate huye - Niharika ne Nilakshit ki jaan bachaane k liye khud ki jaan kurbaan kar di maa...
Ye sun Chaitali besudh ho kar Niharika se lipat jaati hai. Or rone lagti hai.
Sagar - Maa aapki beti nahi hai to kya hua mai aapka beta aapka naati to hai na.
Is mushkil ghadi me Sagar ne hi sabko sabhala tha. Wo patthar ban kar nina roye dono ko antim bidayi deta hai.
Shayad usne kuch soch liya tha ya kahe use apni zindagi jeene ka naya maksad mil chuka tha.

To be continue....


Episode 34

Ek taraf Nilakshit sabse anjaan hospital me leta hua tha dusri taraf Sagar gamgeen mahaul me Tanmay k antim sanskaar k saath Niharika ko antim vidai deta hai.
Aaj Sagar ne mann hi mann kuch than liya tha uske chehre kuch shaant bhaav kuch na kuch keh rahe the.
2 din isi soch me nikal jaate hai k itna bada haadsa un sabki zindagi me hua hai.
Di din baad...
Aakash bahut ro raha tha. Sagar use chup karane ki nakaam koshish kar raha tha lekin usne ro ro kar pura ghar sar pe utha liya tha.
Suparna - Kyu ro raha hai Aakash itna?
Sagar - Pata nahi maa... Iski tabiyat bhi theek hai.
Kadambari - Kyu na roye chipkali maa ki guad ko khoj raha hai Aakash. Ab is maasoom ko kya pata k maa ki gaud ab ise kabhi naseeb nahi hogi.
Kadambari k baat sun kar sabka mann udaas ho jata hai. Pichhe khadi chaitali jo aansu bahar rahi thi. Jaldi se apne aansu poochhti hai Or Aakash ko gaud me utha kar behlaane lagti hai. Uske saath khel kar use aisa lagne lagta hai jaise wo apni beti k saath khel kar rahi ho. Sagar se sabka dukh dekha nahi jata.. Wo waha se chala jata hai.
Chhat par..
Sagar Aasmaan ki taraf dekhta hua - Tumne mere karmo ki saja Tanmay or Niharika ko de di lekin mere do chahiye hisse Nilakshit or Aakash ko saja mat dijiye . Plz bhagwaan Nilakshit ko theek kar dijiye .
Wo yaha Uske theek hone ki dua maang raha tha tabhi uska phone bajta hai
Sagar phone uthakar - Hello........ Sach doctor Nilakshit ko hosh aa gaya. Haan mai abhi aata hoon.
Wo bhaga bhaaga sabko awaaj lagata hai
Sagar chillate huye - Dadi ... Dadi... Papa...maa.. Nilakshit ko hosh aa gaya. Nilakshit ko hosh aa gaya.
Kadambari chonkte huye - Kya... Tum sach bol rahe ho?
Sagar khushi se - Haan... Nani..
Suparna - Tab to hume jaldi hospital chalna chahiye.
Hospital...
Sagar - Doctor... Nilakshit!
Doctor - Nilakshit bilkul theek hai.
Kadambari - Kya hua usse mil sakte hai?
Doctor - Ji bilkul..
Sab bina ruke andar jaate hai. Andar Nilakshit aankhe band kar leta tha. Kadambari uske sar pe pyaar se haath ferti hai. Kadambari dheere se aankhe kholta hai.
Nilakshit - Nani...
Uski awaaj sunne ko sab taras gaye the. Sagar ki haalat aisi thi jaise sukhe me pyaase ko pani mil gaya ho. Wo muh ghuma kar aansu jhalkane lagta hai or bhagwaan ko laakh laakh dhanyavaad deta hai.
Nilakshit - Nani... Tanmay kaisa hai?
Sab ek dusre ki shakal dekhne lagte hai or sochte hai kya jawaab dein Nilakshit k sawalo ka.
Sagar ek dum se - Tanmay bilkul theek hai.
Ye sun Nilakshit ki saans me saans aati hai. Wo ek ek kar sabko pyaar se dekhne lagta hai lekin Niharika use kahi nahi dikhti.
Nilakshit - Niharika Or Mami...nahi aayin... Mujhe dekhne.
Fir se usne aise sawal puchh liye the jiske jawaab dena kathin tha.
Sagar - Wo ghar par hai Aakash ka khyaal rakh rahi hai. Or tumhare wapas aane ki taiyaari bhi.
Abhinav - Tu ek baar theek ho kar ghar aa jaa... Baaki sab baatein baad me karenge.
Apne mama ko apne kareeb dekh use accha lagta hai.
Nilakshit - Mama ji... Aap mujhe abhi bhi naraj hai?
Abhinav - Bilkul nahi beta balki meri ruswaayi k liye mai tujhse maafi maanga chahta hoon.
Suparna Sagar ko bahar aane ka ishara karti hai.
Sagar - Kya hua Dadi?
Suparna - Tune Tanmay Or Niharika k baare me jhuth kyu bola... Baad me ise pata chala to jaanta hai kya hoga?
Sagar - Baad ki baad me dekhi jayegi Dadi.. Filhal Nilakshit ko koi bhi sadma na lage is baat ka hume khaas khyaal rakhna hai.
Kadambari - Doctor hum Nilakshit ko ghar le jaa sakte hai?
Doctor - Haan lekin aaj nahi... Kal... Tab tak mai discharge ki formality puri kar deta hoon.
Next day...
Sagar Nilakshit ko apne saath le jaane aata hai or is baar wo Aakash ko bhi apne saath lekar aata hai.
Sagar - Dekho tumhe lene kon aaya hai?
Aakash ko dekh kar uska chehra khil uthta hai. Wo use puchkarne lagta hai.
Nilakshit k paas aa kar nanhe Aakash ko ek sukoon milta hai. Use dekh Sagar ki aankh bhar aati hai.
Nilakshit - Tanmay kaisa hai? Use bhi jyada chont aayi hogi na? Abhi kaha hai wo?
Sagar baat taalte huye - uff... Kitne sawal puchhoge tum...abhi ghar chalo tumhare saare sawal k jawaab ghar par hai.
Wo use araam se car me baitha kar ghar le jata hai.
Vyas House...
Sab Nilakshit k aane ki raah dekh rahe the. Tabhi uski car aati hai.
Chaitali pareshan hote huye. - Agar Nilakshit ne Tanmay or Niharika k baare me puchha to kya jawaab denge hum.
Kadambari - Sab kuch bhagwaan par chhod do wo jo karega sahi karega.
Tab tak Sagar Nilakshit ko sahaara dekar gaadi se niche utaarta hai.
Chaitali uski aarti utaarti hai
Niharika ko na dekh kar fir se uske sawaalon ki baariah chalu ho jaati hai. Jiska jawaab dena mushkil hota jaa raha tha.
Tabhi Sagar uska haath pakad kar andar le jata hai.. Or Niharika or Tanmay ki haar chadhi tasveer k saamne khada kar deta hai.

To be continue....
Episode 35

Nilakshit dono tasveer dekh kar sann reh jata hai. Use samajh nahi aata k uske pichhe kya ghatit ho gaya. Wo ladkhada k girne jata hai lekin Sagar use sambhaal leta hai.
Nilakshit - Sagar... Ye sab kya majak hai? .... Ye Tanmay Or Niharika ki tasveer par haar kyu hai?
Wo pagal hua dono tasveer se haar noch kar fenk deta hai. Sab usse sambhalne k liye aage daudte hai.
Sagar use gale lagate huye - Ye majak nahi haqeeqt hai. Tanmay Or Niharika hune chhod kar humesha k liye chale gaye hai... Or iska pramaan hai ye.
Sagar apne paas se Niharika ki likhi akhiri chitthi use deta hai. Nilakshit use jaldi jaldi padhne lagta hai.
Sagar - Tanmay ki akhiri iccha puri karne k liye Niharika ne apni jaan daav pe laga kar tumhe bachaya jisse hum ek ho sake Or Niharika se jo anjaane me bhool huyi usko wo theek kar sake.
Nilakshit ye jaan kar sehen nahi kar pata k uske liye uski behen ki jaan chali gayi. Wo apne aap ko maarne lagta hai.
Sagar - ye kya kar rahe ho?
Nilakshit - Mat roko mujhe marna hai... Mai nahi jeena chahta. Meri maa ki jaan meri wajah se chali gayi or aaj meri behen ki jaan jaane ka bhi karan mai ban baitha.
Sagar use aghosh me jakad leta hai.
Sagar - Aisa mat socho... Aisa khe k tum apni behen ki kurbaani ko zaya jaane de rahe ho.
Sab paas khade Nilakshit k dukh ko dekh kar ro rahe the.
Nilakshit Chaitali k paas aakar - Mami... Mujhe maaf kar dijiye.. Meri wajah se aapki kokh suni ho gayi. Maine apke roop me apni maa ki kami puri kar li lekin aapki beti ki kami kaise puri karunga mujhe samjh nahi aa raha hai.
Chaitali use samjhaute huye - Tumhe kuch kehne ki jarurat nahi hai beta... Sagar ne hum sabko sab kuch bata diya hai. Tumne meri beti ki khushiyon k liye apne Pyaar ko kurbaan kar diya isliye Niharika ne to uska karz uatara hai.
Abhinav uske paas aakar uske sar par haath ferte huye - mai humesha samlangik logo se chhidta raha sochta raha k wo humare culture ko kharaab kar rahe hai. Lekin tumhe dekh kar aaj mujhe garv hota hai k insaan ki kadar uski pehchan se nahi uske karmo se hoti hai... Maine ek gay k roop me kabhi swikaar nahi kiya lekin tumne apne parivaar k liye kya kuch nahi kiya.. Mujhe maaf kar do beta.
Nilakshit unke gale se lag jata hai.
Suparna - Nilakshit... Tumhe kya lagta hai Niharika chali nahi kabhi nahi... Wo aaj bhi hamare beech hai... Aakash k roop me..
Sagar Or Nilakshit dono chhote Aakaah ki taraf dekhne lagte hai. Jo Kadambari ki gaud me ro raha tha.
Nilakshit use dulrate huye apni gaud me le leta hai or pyaar se chumne lagta hai.
Kadambari - Haan Nilakshit jo bura hona tha ho gaya... Ab waqt aa gaya hai Tanmay Or Niharika ki akhiri iccha pura karne ka... Waqt aa gaya k tum Or Sagar ab ek ho jaao.
Ye sun Nilakshit k pairo tale zameen khisak jaati hai.
Nilakshit chonkte - Ye aap kya keh rahi hai Nani... Nahi kabhi nahi...
Uski manahi sunkar Sagar k saath saath sab chonk jaate hai.
Suparna - lekin kyu beta.. Jab hume kyu aapatti nahi hai to tum kyu mana kar rahe ho?
Nilakshit - Dadi... Aap logo ki soch badal gayi hai lekin is samaaj ki soch to aaj bhi wahi hai na.
Sagar - tum kabse Samaaj ki chinta karne lage.
Nilakshit - Mai samaj ki nahi Aakash ki chinta kar raha hoon... Jab wo bada hoga uske mann me kayi sawal paida honge tab tum uska kya jawaab doge.. Kabhi socha hai uspe kya asar padega.
Nilakshit k na manne par Abhinav bhi use samjhaate hai.
Abhinav - usi Aakash k liye to hum ye chahte hai k tum or Sagar ek jaao... Sagar akela Aakash ko nahi sambhaal sakta. Or uski shaadi kisi or se karane ka anjaam hum sab bhugat chuke hai. Or Aakash ki taraf dekho... Kitna maasoom lag raha hai kya ise duniya ki khushi paane ka haq nahi hai.
Nilakshit apni gaud me khelta Aakash ko pyaar se dekhta hai jo kaafi khush lag raha tha. Uski gaud me use surakshit Ehsaas ho raha tha.
Sagar - Nilakshit... Do zindgiyon ne dum tod diya... Ab kya chaahate ho k mai or Aakash bhi dum tod dein.
Uska itna kehna tha k wo uske muhh par haath deta hai.
Nilakshit - Sagar... Aisa mat kaho... Mai tumhara bhi gnehgaar hoon tumse tumhara pyaar chhina hai. Ab aisi kadvi baatein mai nahi seh sakta. . Or agar aap sab chahte hai k Aakash k liye mai ye kadam utahu... To theek hai. Jaisa aap theek samjhe.
Nilakshit ne Aakash k liye haan keh di thi... Uski haami sun sab khush ho jaate hai Sagar Niharika ki tasveer ki taraf dekhne lagta hai.
Sagar mann me - Jaisa tum chahti thi Niharika dekho waisa hi ho raha hai.
Nilakshit Tanmay ki tasveer ki taraf dekhte huye - Tanmay... Tumne apni zindgi kho kar mujhe meri khushiyaan di hai mai tumhara ehsaan kabhi nahi bhool sakta..is baat ka gam mujhe humesha rahega k .kaash tumhe mujhse pyaar na hua hota to aaj tum...
Achanak Nilakshit aansu jhalkaane lagta hai to Sagar uska sari apne kandhe par rakh kar sehlaane lagta hai.
Suparna Kadambari mann hi mann bahut khush hote hai k unki dosti ka rishta abhi bhi teesari pidhi tak kaayam hai. Niharika nahi to kya hua Nilakshit tha jo Vyaas Or Khurana parivaar ko abhi bhi ek kar k rakhe hua tha.
Chaitali Or Abhinav apni beti ko to kho chuke the isliye ab unki khushi apne naati Aakash me hi thi.
Agle din..
Arundhati Or Vikram bhi Niharika k marne ki kharab sun London se Ranikhet aa pahuche the.
Vyaas House..
Arundhati rote huye - ye sab kya ho gaya maa... Maine apni bahu ko mayeke tera k liye bheja tha agar mujhe pata to k wo humesha k liye mujhse door ho jayegi to mai kabhi use na bhejti..
Suparna - Hausala rakho bahu... Honi ko kaun taal sakta hai.
Suparna dahade maarte huye - Ab mere Bete Or pote ka kya hoga... Sagar ki to shadi suda zindgi ji tanha ho gayi..
Chaitali samjhate huye - hausala rakhiye samdhan ji.... Or Aakash ki fikar mat kijiye...hum sab hai na use sambhaalne k liye.
Arundhati Vikram se - Aakash k liye hume Sagar ki dusri shaadi kar deni chahiye... Mai Jald se jald acchi ladki dhundhugi.
Arundhati ki baat sun sab chup ho jaate hai. Kisi ne abhi tak is baat ka jikar nahi kiya tha k Sagar kya chahta hai or sabne milkar kya decide kiya hai.

To be continue.....


Episode 36

Arundhati Sagar ki dusri shaadi karne k liye ulfullahit thi. Use nahi pata tha k Sagar k mann me kya hai.
Sagar Akash ko gaud me khila raha tha. Tabhi Arundhati aati hai.
Arundhati Aakash k sar pe haath ferte huye - Papa ki gaud me kitna khush lag raha hai.
Ispar Sagar halke se muskura deta hai.
Arundhati - Beta... Baccho k liye Maa or Baap dono hi bahut pyaare hote hai lekin jo jagah ek maa ki hoti hai wo ek baap kabhi nahi puri kar sakta hai.
Sagar - Mom.. Aap kya kehna chahti ho?
Arundhati - mai bas itna chahati hoon k Tu dusari shaadi kar lein Aakash abhi bahut chhota hai isko maa ki bahut jarurat hai..
Sagar chonkte huye - ye aap kya keh rahi hai mom...
Arundhati - mai ek bahut achhi ladki dhundhugi jo tera or Aakash dono ka bahut khayaal rakhti hai. Jaise Niharika rakhti thi.
Sagar ab Nilakshit k alawa kisi or ko wo jagah nahi dena chahta jo Niharika ko de kar galti kar chuka tha.
Wo fir se wo galti dohrana nahi chahta tha isliye usne befikr hokar apne dil ki baat keh di thi...
Sagar - mom... Mai kisi or se shaadi karne ka mann pehle hi bana chuka hoon.
Arundhati khushi se - Sach... Chalo accha hai... Mai London jaate hi Ladkiyaan dekhna shuru kar deti hoon.
Sagar unke rokte huye - Lekin Mom mai kisi ladki se nahi balki Nilakshit se shaadi karna chahta hoon.
Ye baat jaan kar uske hosh udd jaate hai..
Arundhati - Kyaa. Nilakshit se... Ye kaisi baat kar raha hai tu... Wo ladka hai..
Sagar - Jaanta hoon... Lekin is baar mai apne mann ko nahi maarunga... Ek baar aap sabke liye Nilakshit k kehne par maine Niharika se shaadi ki Or iska parinaam hum sab dekh rahe hai Aakash se uski maa juda ho gayi... Lekin ab mai Niharika ki akhiri iccha ko pura karna chahta hoon.
Arundhati chonkte huye - Kya Niharika ki akhiri iccha... Ye tum anaap shnaap bole jaa rahe ho.
Sagar - Mom mujhe ladkiyon k saath ladke bhi pasand hai Or maine hamesha Niharika ki jagah Nilakshit se pyaar kiya hai jo ek gay hai.
Sagar apni maa ko saaro sacchai batana kar deta hai. Ye sun kar wp sidha bahar ki taraf bhaagti hai Or Sagar unke pichhe.
Hall me..
Arundhati bhaagte huye - Vikram Vikram... Dekhiye na Sagar kya keh raha hai..
Suparna - kya hua bhai?
Arundhati - Maa aap sunegi to aapko bhi dhakka pahuchega... Vikram... Sagar ka kehna hai k wo Nilakshit se pyaar karta hai or usse shadi karna chahta hai.
Vikram k saamne pehli baar yr sacchai aayi thi.. Lekin baaki sab shaant the.
Suparna - To usme chonkne wali baat kya hai bahu... Sagar ek bacche ka baap hai wo apna sahi galat samjhta hai. Or hum me se kisi ko koi problem nahi hai. Kyuki aisa Tanmay Or Niharika bhi chahte the.
Tab tak Nilakshit bhi dheere dheere bahar aa jata hai
Arundhati gusse me - Kya aap sab log ko pata hai fir bhi is paap k bhagidaari ban rahe hai.
Sagar - Maa ye paap nahi pyaar hai. Sab samjh gaye hai aap bhi samjha jaaniye.
Vikram bhi Arundhati ka saath dete huye - Sabka dimaag kharab ho gaya hai to kya hum apna bhi kar lein... Humne tujhe London me taleem isliye nahi di k Tu apna culture bhool jaaye.
Suparna - Vikram... Maibe tujhse jyada duniya dekhi hai or mai apne pote ki khushi me khush hoon.
Arundhati - Baat Sagar ki nahi hai baat Aakash ki hai mere pote ki. Jaise aap apne pote k baare me soch rahi hai waise hi mai apne pote k baare me soch rahi hoon.
Tabhi Kadambari baat ko sambhalane ki koshish karti hai.
Kadambari - Arundhati beta humari baat shaanti se samjho.
Lekin Arundhati ka gussa un par bhi baras jata hai - Aap shaant rahiye Kaki ye aap ke ghar ki gandgi hi hai jo mere ghar tak aa gayi. Aap ne apne naati ko sahi parvarish di hoti to aaj ye Sagar ko behlata.
Apni naani ki insult hote dekh Nilakshit se raha nahi jata - Aunty ji... Isme mere parivaar ki koi galti nahi hai k mai gay hoon.
Arundhati - tum to mere muhh na lago..Pehle tumne Tanmay ko behkaya Or ab mere bete ko behka diya hai...
Sagar Nilakshit k khilaaf ek shabd nahi sun sakta tha.
Sagar - Mom.. Nilakshit k liye kuch bhi galat mat kahiye. Mai Nilakshit se hi shaadi karunga. Agar aapko mera saath nahi dena to aap mere bina hi wapas London jaa sakti hai.
Usne Dhamki de daali thi.
Vikram Sagar k thosh faisle ko dekh pighal jaate hai lekin Arundhati apni baat pe adi thi.
Arundhati - Tu aaj apni maa ko chhodne ki baat kar raha hai. Tu mujhe chhod sakta hai lekin mai apne baccho ko nahi chhod sakti. Mujhe bas mera pota pyara hai iske liye teri manmaani bhi seh lungi.
Unhone apni narajgi me haami de di thi. Jise sun Sagar or baaki sab thode khush ho jaate hai. Lekin Arundhati k mann me kuch or hi chal raha tha.
Arundhati mann me - Accha jaadu kiya hai tune ladke sabke upar... Apne bete Or pote k liye tujhe kuch din tak jhelna padega ek baar Sagar or Aakash ko London aane dein uske baad aisi door karungi tujhe sabse k Maa or Sagar tujhe khud gha se nikaal bahar karenge.

To be continue...

Episode 37

Sagar ko zidd k saamne Arundhati or Vikram ko baar jhukana pada tha kyuki Suparna ka ashirwaad bhi uske saath tha. Or wo thera unka eklota ladka.
Kuch din me Nilakshit bhi thoda theek hone laga. Sagar uska pure mann se khayaal rakh raha tha. Wo uske khaane pine, dawaaiyon ka samay yaha tak k uske ek ek pal ka hisaab rakh raha tha. Uske sone k baad Or uske uthne se pehle ith jata. Jitna Sagar Nilakshit ka khyaal rakh raha tha utna hi Nilakshit Aakash ko pyaar de raha tha. Niharika k ansh ko wo bahut pyaar se sambhaal k rakhna chahata tha. Arundhati unhe saath dekh kar mann mann me udaas thi lekin bolti bhi kya.
Isi k saath wo din bhi aa gaya jab Nilakshit kaafi hadd tak theek ho gaya. Or sab un dono ki shaadi ki baatein bhi karne lage the.
Suparna - suna hai aaj Sagar Nilakshit ko check up karane k liye le kar gaya hai?
Kadambari - haan chhipakali....Sagar ka phone aaya tha doctor ne Nilakshit ko safar karne ki bhi ijajat de di hai.
Abhinav - tab toUn dono ki shaadi ki taiyaari bhi shuru kar deni chahiye.
Vikram - jaisa aap theek samjhe. Ab Sagar ki khushi isme hai to mujhe koi problem nahi. Kyu Arundhati
Lekin Arundhati kuch nahi bolti.
Hospital me...
Sagar - Chale Nilakshit... Aaj doctor ne bhi tumhe chhutti de di. Ab Tumhe checkup k liye nahi aana hoga.
Nilakshit khushi se haan me sar hila deta hai.
Tabhi nurse aakar Sagar se kehti hai k use Doctor ne apne cabin me kuch jaruri baat karne k liye bulaya hai.
Cabin me....
Sagar andar aate huye - Doctor aapne mujhe bulaya?
Doctor - Haan Mr. Khurana... Dekhiye Nilakshit to bilkul theek ho gaya hai lekin kuch jakham hai jo kabhi nahi jayenge... Aap meri baat samajh rahe hai na.
Sagar - aap kya keh rahe mujhe kuch samjh nahi aa raha..
Doctor - itne dino me Nilakshit ka is hospital se ek alag hi rishta jud gaya hai wo jo kisi ne bata pata mujhse keh deta hai aapke Or Uske beech ka rishta humse chhipa nahi hai.
Sagar thoda sa sharma jata hai
Doctor - isliye mai ek dost k naate aapse kehna chahta hoon... K kuch jakham body par aise hai jo aage jaakar aap dono k khushi jeevan par effect daal sakte hai. Ye batana mera farez hai...Kya aap iske liye ready hai.
Sagar unhe dilasa dete huye - mai aapki baat acchi tarha samjh raha hoon... Chahe jo bhi ho mai uski saari kamiyon ko nazarandaaj karunga... Don't worry.
Doctor - That's good ab aap use le jaa sakte hai... Good luck.
Vyas House me....
Ghar par sabme shaadi ko lekar baat abhi bhi jaati thi.
Abhinav - To fir tay raha... Hum dono ki shaadi bahut hi dhoom dhaam se karenge... Bas ek baar wo dono bhi haan kar dein...
Tabhi ek awaaj aati hai - Bilkul nahi...
Sab dekhne lagte hai.
Sagar Or Nilakshit aa chuke the...
Nilakshit - Bilkul nahi... Mujhe koi dhoom dhasaka nahi chahiye.
Sagar - Ji papa ji... Nilakshit bilkul theek keh raha hai.. Hum bas ek bhagwaan ka ashirwaad lekar ek bandhan me bandhna chahte hai.
Unki ye soch dekh kar Kadambari Or Suparna bahut khush hoti hai.
Suparna - agar aisa hai to jaisa tum dono chahte ho waisa hi hoga.
Agle hi din Sagar or Nilakshit ghar waalon ki maujoodgi me mandir me rakhe diye ko shakshi maan kar ek dusre ko Var mala pehnate hai or sabka ashirwaad le kar humesha saath rehne ki kasam khate hai jisme ek kasam thi K Aakash ko wo har khushi denge jiska wo haqdaar hai.
Wo ek ek kar sabka ashirwaad lete hai. Lekin Arundhati k pair chhute hi wo sirf Sagar k sari par haath ferti hai. Uska aisa karna Nilakshit ko is baat ka ehsaas kara deta hai k wo Khurana Parivaar me Niharika ko jagah kabhi nahi le sakta..
Usi raat Nilakshit Sagar or Aakash k saath London ki udaan bhar deta hai jaha wo ek baar fir se apna naya jeevan shuru karne wala tha wo Jeevan or Tanmay or Niharika ki den thi.
London.... Khurana House.
Nilakshit us room me kadam rakhta hai jo kabhi Niharika or Sagar tha. Or chalte chalte ek dum se ruk jata hai.
Sagar - Kya hua ruk kyu gaye?
Nilakshit - Sagar... Is ghar me Kya mai Niharika ki jagah kabhi le paaunga...?
Sagar kuch der ruk kar - Nahi... Niharika ki jagah koi nahi le sakta.. Ye tum bhi jaante ho.. Lekin tum Nilakshit bankar apni jagah jarur bana sakte ho.
Fir dekhna Mom bhi tumhe pure mann se apna lengi.. Tum tumhare jaise ho tumhe is ghar me kisi se apni tulna karne ki jarurat nahi hai.
Sagar ki baatein Nilakshit ko motivated karti hai wo khushi se use gale laga leta hai.
Nilakshit - Kitne saalo baad ye pal naseeb hua hai kitna sukun hai is pal me.
Sagar - aao fir is pal ko humesha k liye yaad gaar bana dete hai.
Itna keh kar wo Nilakshit k maathe pe pyaar se chumta hai lekin wo sharma jata hai.
Sagar fir uske honton ki taraf badhta hai is baar Nilakshit bhi pichhe nahi hata Or dono ne pehli baar ek dusre ko kareeb se chhua.. Tabhi Aakash janaab ro dete hai or wo dono sapno ki duniya se nikal kar haqeeqat me aa jaate hai.
Nilakshit - Aaksh ro raha hai.
Dono hi Aakash k jhule k paas baithkar use pyaar s use selaane lagte hai.
Jhula dheere dheere hil raha tha. Aakash so raha tha or uski chain bhari neend ko dekh unke mann me bhi chain pad raha tha. Isi pal ko jeete huye raat gujar jaati hai or Samay bhi pankh ban kayi saalo ki udaan liye udd jata hai.

To be continue.....

Episode 38

Sagar ki lehron sang Nilakshit beh chuka tha. London me dono ne apna Aakash tale basera bana liya tha. Khurana house me khushiyaan thi to Niharika ki yaadein bhi thi saath hi Tanmay k hone ka wajood jab jab Nilakshit khidki se bahar out house ki taraf dekhta use Tanmay k saath bitaye wo teen chaar din yaad aa jaate Or uski aankhon se aansu jhalak uthate.
Sagar - Kya hua kyu ro rahe?
Nilakshit aansu pochhte huye - kuch nahi.
Sagar sab samajh raha tha.
Sagar - tumhe Tanmay ki yaad abhi bhi satati hai na.
Nilakshit - itna pyara dost jab ek dum se saath chhod jaaye to dukh to hoga hi na.
Sagar - sahi kaha... Tanmay humare jeevan me ek angel ban kar aaya tha kehne ko to mera dost tha lekin dosti ka asli farz usne tumhare liye nibhaya hai.
Wo dono purani yaadon me kho se gaye the tabhi Aakash paiyaan paiyaan chal kar bahar jaane lagta hai. Ye uske jeevan ki pehli chaal thi jo usne kisi sahaare k chali thi.
Uski taraf dhyaan jaate hi Sagar or Nilakshit khushi se phule nahi samaate.
Nilakshit guthano pe baith kar use apni taraf pyaar se haaath faila kar bula raha tha or Sagar uski pehli baar chalne ki video ko camere me kaid karne laga tha.
Nilakshit - Akku aao mere paas.... Idhar aao baccha.
Lekin Aakash khilkhilaate huye chala hi jaa raha tha. Wo ruk k pichhe dekhta hai jaha Nilakshit Or Sagar use apni taraf aane ka ishara karte hai lekin wo or tej se husta hua aage badh jata hai or daudne lagta hai.
Daudte daudte uski chal Or tej ho jaati hai chaal k saath samay bhi teji se ghoom jata hai or Aakash k nanhe kadam ab bade ho chuke the. Aakash ab 1 saal ka baccha nahi raha tha ab wo 18 saal ka navyuvak ban gaya tha. Jo aaj apni pehli school race ko jitne k bilkul najdeek tha.
Audience me baithe sabhi log Aakash Aakash chilla rahe the. Nilakshit ki awaaj bhi unme se ek thi wo aaj apne bete ko cheer up karne aaya tha.
Nilakshit chillate huye - come on Aakash...
Tabhi Nilakshit ka phone bajta hai.
Sagar - hello...kaisa daud raha hau mera sehjada...?
Nilakshit muhh banate huye - aap to aaye nahi apne bete ki race dekhne Or ab meri muhh jubani uski tareef sunna chahte ho.
Sagar - kya karu office me kaam hi itna hai jab se dad ne sara kaam mujhe saupa hai tab se fursat hi kaha milti hai.
Nilakshit - ye bahane aap apne paas hi rakho. Mai bhi International level ka Writer hoon mujhe bhi kitne blog likhne hai kitne article submit karne hai lekin apne bete k liye aa hi sakta hoon.
Wo dono ki nokjhok aapas me chal ji rahi thi utni der me Aakash finishing line cross kar race jeet leta hai.
Pure stadium me shor mach jata hai or Nilakshit bhi bahut khush hota hai.
Khurana house me...
Nilakshit ne pehle hi ghar aakar sabko Aakash ki jeet ki khabar suna di thi. Sab uske aane ka intejaar kar rahe the.
Tabhi ek sports car ghar k bahar aakar rukti hai. Usme se ek lambe bal rakhe angrej sa dikhne wala ladka leather ki jacket Or high heels k shoes pehle utatra hai jo apni umar k hisaab se kaafi handsome tha. Haan ye Aakash hi tha. Wo andar daakhil hota hai.
Aakash - Daadi mai aa gaya...
Wo aakar Arundhti se lipat jata hai Uske haath me victory trophy bhi thi.
Arundhti khush hokar - haaye mera baccha... God bless you... Aise hi safal hote raho.
Nilakshit bhi bahut khush tha wo use gale lagane k liye aage badhta hai lekin Aakash uski taraf dhyaan na dete huye najre fira kar sidhe Niharika ki tasveer k saamne jaakar wo trophy rakh deta hai.
Aakash - Mom... Meri jeet ki khushi mai sabse pehle aapke saath baatna chahta hoon. Dad k paas to mere liye time hi nahi hai isliye Aapko kabhi maine dekhte huye bhi humesha khud me mehsoos karta hoon.
Wo itna keh kar andar jaane lagta hai tabhi Nilakshit use pichhe se awaaj deta hai.
Nilakshit - Aakash kuch khaoge...?
Aakash kade shabdo me - mujhe bhook nahi mai dosto k saath party kar k aaya hoon.
Itna keh wo apne kamre me chala jata hai or Nilakshit ka mann Aakash ki rushwai se ek baar fir udaas ho jata hai.
Pichhe khadi Arundhti ye dekh mann hi mann khush hoti hai.
Arundhti mann me - Nilakshit tumne mere bete ko mujhse chheena tha waise hi maine Aakash ko tumse door rakha hai. Accha hua maine Vikram se sara business Sagar ko saupne k liye kaha. Isse Sagar usme uljha raha Or maine Aakash k mann me uski apni maa k liye pyaar or tumhare liye jeher ghol diya. Tumhe to is ghar se nahi nikal paayi lekin is ghar me kisi haq se rehne k liye bhi nahi chhoda.
Aaj 17 saal baad... Khurana house k mahual badal chuka tha.
Arundhti ne Aakash ko sab kuch bata diya tha k uski maa Niharika thi jisne Nilakshit ki wajah se apni jaan di thi. Taaki wo or uske Dad ek ho sake. Ise Aakash ne nakaratmak roop me le liya tha. Use ab lagta hai Nilakshit ne apni khushi k liye use uski maa se door kiya hai or usi ne uske pita ko behkaya hai isliye aaj wo Sagar ko to apna pita maanta hai lekin Nilakshit ko kuch nahi samjhta. Or Nilakshit humesha se isi koshish me rehta hai k wo apnepan se Aakash ka dil jeet lein Or uski saari nakhushi door kar dein.
Raat ko daining table par...
Sab baith kar dinner kar rahe the.
Sagar - Aaj dekho mai kya laya hoon?
Arundhti - kya hai?
Sagar jeb se ek chabhi nikalta hai. Jo ek sports bike ki thi.
Use dekh kar Aakash bahut khush ho jata hai.
Aakash - wow.. Dad ye mere liye..?
Sagar - Haan... Mera beta aaj race jeet kar aaya hai uske liye itna to banta hai.
Aakash khushi se pagal hokar Sagar k gale lag jata hai sab bahut khush the lekin Nilakshit ko kuch nahi lag raha tha use lag raha tha k sab Aakash ki aadat kharaab kar rahe hai.
Nilakshit - Sagar! Aakash k paas already ek sports car hai use bike dilaane ki kya jarurat hai.
Sagar bolta isse pehle Aakash badtameezi se jawaab deta hai.
Aakash - aapko nahi hogi lekin mujhe hai...
Itna keh kar wo khana aadha chhod kar chala jata hai.
Arundhti - Nilakshit tumhe baap beto k beech bolne ki kya jarurat thi dekha wo khana chhod kar chala gaya.
Nilakshit chup ho jata hai Sagar use isharo me tasalli deta hai or shaant rehne k liye kehta hai.
Aadhi Raat ko....
Nilakshit ko nind nahi aa rahi thi. Usse Aakash ki ye kadwahat sahi nahi jaati thi. Wo har raat ki tarha soch raha tha kaise wo Aakash ko ek aisa insaan banaye jaisa Niharika apne bete ko banana chahti thi. Kaise wo Aakash ko samjhaye k gay hona bilkul galat nahi hai. Pehle Jo hua wo bas bhagwaan ki leela thi.
Isi soch me Nilakshit dooba tha tabhi Sagar ki aankh bhi khul jaati hai.
Sagar - kya hua tum soye nahi abhi tak?
Nilakshit - kuch nahi nind nahi aa rahi.
Sagar - mai samajh raha hoon tumhari pareshaani ka sabab.
Nilakshit apne dil ki baat leh hi deta hai - Sagar kabhi kabhi lagta hai k hum mile hi ma hote to accha tha. Na Niharika humse door hoti na uske jaane k baad Aakash mujhse khafa hota.
Sagar use tasalli dete huye - tum kyu sochte ho itna?
Nilakshit - dil nahi maanta... Samajh nahi aata k lab Aakash humare rishte ko sahi najar se dekhega.
Sagar uska sat apne seene par rakh leta hai.
Sagar - Tum fikar mat karo... Ek din sab theek hoga... Mai koshish kar raha hoon tumhe uske kareeb karne ki. Mai jaan kar late kyu hota hoon taaki uski jarurat k samay tum uske paas pehle pahucho taaki use Ehsaas ho k wo tumhare liye kya mayene rakhta hai.
Nilakshit use cozzy hug dete huye - hmmmm
Sagar ko ab mahual ko theek karne k liye thodi si shaitani dikhti hai.
Sagar - To ab ek kiss do?
Nilakshit huste huye - machine purani hoti jaa rahi lekin engine abhi bhi garam hai.
Nilakshit k is majak se Sagar chhidh jata hai or uske saath bed par athkheliyaan karne lagta hai. Unki awaaje bahar tak aa rahi thi jise bahar se gujarta Aakash sun leta hai.
Aakash mann me - O God.... Ye husi... Huuh...
Or wo muhh bana k apne room me chala jata hai.

To be continue.....

Episode 39

Aakash ab bada ho ho chuka hai. Lekin Arundhti ki badaulat wo Nilakshit se nafrat si karne laga hai. Use lagta hai uski wajah se uski maa yaani Niharika usse humesha k liye door huyi hai.
Next day...
Aakash roj ki taraha college niklane ko bekaraar tha.
Nilakshit - Aakash breakfast to kartee jaao.
Aakash usse rudely reply deta hai.
Aakash - I'm not hungry... Mujhe late ho raha hai.
Uske is tarha ka behavior aksar hi Nilakshit k saath hota tha jise Sagar bhi napasand karta tha. Lekin Nilakshit k kehne par wo chup tha.
College me...
Kuch ladke college ground me ekkatha the. Unme se ek Aakash bhi tha. Dekhne se lag raha tha wo sab Aakash k dost hai Or sab aapas me chill maar rahe hai.
Maddy - To aaj raat Aakash aaj tu mere birthday party me aa raha hai na? Dekh tu nahi aayega to party me maja nahi aayega Or na hi mai cake karunga.
Aakash - Of course....mere dad ne mujhe new sports bike gift ki hai usi se aaunga..
Usne apna rutba jamaya.
Maddy utsaah se - ye huyi na baat.
Maddy Aakash ki age ka yaani 18 saal ka ek bhartiya mool ka British ladka tha isi wajah se Aakash or uski dosti kaafi gehri thi.
Shaam ko....
Aaksh bilkul ban than k ghar se nikalne laga tha tabhi Nilakshit use rokta hai.
Nilakshit - Aakash kaha jaa rahe ho?
Aakash chidhte huye - Uff kitni baar kaha hai mujhe ye rok tok bilkul acchi nahi lagti...
Nilakshit - Maine to bas isliye puchha... Jaha bhi jaa rahe ho jaldi ghar aa jana warna tumhare dad mujhse puchenge.
Aakash - Haan theek hai... Dad puchhe to unhe keh dena. Mai Maddy ki birthday party me Night Club jaa raha hoon..
Itna keh kar wo jaldi se nikal jata hai isse pehle Nilakshit kuch or puchh lein
Night Club...
Neeli roshni se jagmag club tej sound ki awaaj me gum tha. Sab bas behke behke se jhoom rahe the...
Aakash - wish you a very happy birthday buddy..
Maddy khushi se - Thanks... Tu aa agaya.. Ab party me maja aayega... Waise mera gift kaha hai?
Aakash - Ruk ja ruk ja.. Pehle cake to cut ka lein uske baad aaj tujhe tera mann pasand gift dunga.
Maddy ye sun bahut khush ho jata hai.
Party ka daur shuru hota hai. Cake cutne k baad sab music me Or magan hokar jhumne lagte hai.
Maddy - Chal dance karte hai?
Aakash - Aise maja nahi aa raha yaar.
Maddy - Mai jaanta hoon tujhe kisne maja aayega.
Wo ek beer ka cane uske haath me dete huye kehta hai - Ye or enjoy kar..
Aakash beer pi kar shaam ka luft Or jyada uthane lage tha. Wo ye sab Sagar or Nilakshit se chhup kar raha tha. Angreji mahaul k neech usme bhartiya sanskaar kahi gum hote najar aa rahe the.
Khurana House....
Nilakshit baar baar Aakash ko phone laga raha tha lekin wo phone nahi utha raha tha.
Nilakshit khud se - Raat k 12 baj gaye abhi tak Aakash nahi aaya.
Ek hadd k baad wo khud Night Club jaane ka decide karta hai.
Nilakshit khud se - Sagar or Maa ne Aakash ko kuch jyada hi chhoot de rakhi hai. Lekin mujhe Use bigadne se bachaana hoga.
Wo night club jaane k liye chup chaap ghar se nikal jata hai.
Wahi Night club me..
Sab party ka luft itha rahe the. Sharaab Or Music me magan sab jhoom rahe the. Dusri taraf Aakash or Maddy ko beer kaafi chadh so gayi thi.
Maddy - let's go for dancing yaar..
Maddy Aakash ko khich kar dance floor par le aata hai.
Dono dance karne lagate hai. Dance karte karte Aakash ko kuch hone lagta hai
Aakash - Chal mere saath?
Maddy - Kaha?
Aakash - Tujhe tera gift chahiye ki nahi?
Aakash jabardasti uska haath pakad kar kone me le aata hai jaha koi nahi tha or saath saath sannata pasra hua tha.
Maddy - Tu mujhe yaha kyu laya hai akhir gift me aisa kya hai?
Aakash - Batata hoon... Batata hoon..
Aakash dheere dheere uske paas jata hai. Jise dekh Maddy kuch samajh nahi pata.
Aakash - Today.... I want to kiss you..
Ye sun jaise Maddy aise react karta hai jaise uski dili tammana puri ho gayi ho.
Maddy - really...
Aakash - Yes...
Dono nashe me ghum the. Kisi ko andaja nahi tha dono kya karne jaa rahe h. Aakash Or Maddy dono dost se jayda the. Ye baat sabse chhipi huyi thi. Kyuki dono hi is baat ko accept karne se darte the. Shayad isliye Aakash Sagar or Nilakshit k rishte ko accept karne se darta tha ... Kyuki kahi nahi kahi wo khud ko accept karne se darta tha.
Aakash aankh band kar Maddy ko kiss karne jata hai tabhi ek awaaj aati hai.
Wo awaaj - Aakash..
Aakash ek dum se ruk jata hai.. Wo pichhe mud kar dekhta hai. Pichhe Nilakshit khada tha.
Nilakshit tej kadmo se chal kar uske paas aata hai. Wo gusse me tha wo use thappad maarne k liye apna haath utha hi deta hai lekin agle pal apna haath rok leta hai.

To be continue.....

Episode 40

Nilakshit Aakash ko thappad maarne k liye apna haath utha hi deta hai lekin agle pal uske mann me ek khyaal leher ban kar uthta hai.
Nilakshit mann me - Ye mai kya kar raha hoon. Mai apne bete ko us chiz k liye saja dene jaa raha hoon jo mai khud hoon. Agar meri najro me ye chiz sahi hai to mere bete k liye mujhe gussa kaise aa sakta hai.
Lihaja Nilakshit haath niche kar leta hai Or uska haath pakad kar apne saath le jata hai.
Nilakshit - Chalo mere saath.
Aakash bhi najre jhukaye uske saath chal deta hai. Maddy badhavaas sa un dono ko jaante hue dekh raha tha.
Raaste me..
Nilakshit sirf sidhe dekhte huye car chala raha tha. Uske mann me kayi sawaalon Or bhaav umad rahe the par wo chup tha wo samajh nahi paa raha tha k is situation ka saamana kaise kare. Aaj use apne mama Abhinav ki halat acche se samajh aa raha rahi thi jab unhe pata chala tha k Nilakshit gay hai. Woh usi chiz khud jiyega ye usne sapne me bhi nahi socha tha.
Wahi Aakash bagal wali seat par najre jhukaye baitha tha. Use bahut sharam aa rahi thi.
Club se Khurana house tak ka raasta bhi pura ho chuka tha par dono ne najre tak nahi malayi thi.
Khurana House....
Nilakshit car se utarte huye - Ghar aa gaya... Utro
Aakash - lekin meri baat suniye.
Nilakshit uski baat sune bina andar aane lagta hai Or Aakash uske pichhe pichhe tha.
Aakash - Please meri baat suniye...?
Nilakshit ruk kar - Khabardaar tumne kisi se kuch bhi kaha... Chup chaap nadar chalo..
Aakash ye sun shocked ho jata hai ise laga tha Nilakshit sabko bata dega lekin yaha Nilakshit ne khud ye baat chhipa kar rakhne ko kaha.
Wo dono ghar me aate hai. Jaha Sagar unka intejaar pehle se kar raha tha.
Sagar - Nilakshit itni raat ko tum kaha chale gaye the... Maine kitna call kiya or Aakash tumhare saath kaise?
Aakash bolne jaa raha tha tabhi Nilakshit uska haath jaldi se pakad kar rok deta hai.
Nilakshit huste huye - Wo Aakash ki car kharab ho gayi thi. Isliye isne mujhe call kiya k mai ise aakar le jaau.
Sagar chonk kar - Aakash ne tumhe call kiya... Sacchi.
Nilakshit or Aakash ek duje ka chehra dekhne lagte hai.
Aakash darte huye - Ji dad..
Nilakshit - Aakash tum apne room me jaa kar so jaao bahut raat ho gayi hai.
Itna keh kar Nilakshit Sagar ko lekar chala jata hai wahi Aakash akela khada sochne lagta hai. Is baar Aakash k mann me Nilakshit k liye kuch respect aa gayi thi.
Agli subha...
Sab ek saath breakfast kar rahe the lekin Aakash nadarad tha.
Arundhati - Aakash kaha hai? Aakash Aakash...
Nilakshit - Maa mai use bula kar lata hoon.
Nilakshit use buland uske room me jata hai. Jaha wo dekhta hai Aakash bed par pada aansu baha raha tha.
Nilakshit - kya hua Aakash?
Aakash use gale se laga leta hai
Aakash rote huye - Mujhe maaf kar dijiye... Maine aaj tak aapke saath bahut badasluki ki lekin aap ne humesha mera bhala chaha... Mujhe maaf kar dijiye... Kal raat jo hua uske baad mai khud se najre nahi mila paa raha hoon. Aapke Or dad k rishte ko kabhi accept nahi kiya lekin wahi galati maine khud ki hai.
Nilakshit use ek dum se rokte huye - Tumne koi galati nahi ki hai Aakash. Aisa kabhi mat sochna k same gender se pyaar hona koi galat kaam hai. Haan jis umar me tum ho usme ye sab karna theek nahi hai. Lekin tumhe samjhna hoga har chiz ka sahi waqt hota hai.
Aakash - Iska matlab aap mujhse naraj nahi hai?
Nilakshit - Bilkul nahi.. Maine kal raat tumpe isliye haath nahi uthaya k tumhe ladko ko prati akarshan hai. Balki isliye haath uthaya k is age me kisi anjaan ladke ki saath ye sab karna sahi nahi hai. Pyaar do pal do ki khushi nahi ek jeevan bhar ka rishta hai. Or aajkal ise alag roop me dekh kar log iska naam kharab kar rahe hai. Iska reason hai S*x education Or gender education me kami.
Aakash ko Nilakshit ki kahi har ek baat samajh aa rahi thi.
Aakash - Mujhe khud nahi pata k mai sahi hoon ya nahi. Mai gay hoon ya nahi. Lekin mujhe Maddy ka saath accha lagta hai.
Nilakshit use samjhte huye - Listen my child... Jis umar me tum ho wo age jharne ki tatha hoti hai jisme bahut ufaan hota hai lekin aage chal kar wahi jharna ek shaant nadi ban jata hai fir usme gandgi bhi dilhayi dene lagti hai jo wo raaste me ekktha kar k laati hai.
Tum bhi jharne ki tarah ho agar tum abhi se dhyaan nahi doge ya apne orientation k liye sure nahi hoge to ek choti si galti tumhe aage chal kar bahut bhari lag sakti hai.
Aakash uski ek ek baat ko dil se samajh raha tha. Wo Samajh raha tha k Nilakshit use sahi Or galat me fark karna sikha raha hai. Kahi na khai wo use ek maa ki tarah samjha raha tha isi chiz ko Aakash humesha miss karta tha Or Niharika ki tasveer ke aage apne dil ki baat kehta tha. Jisse Aakash Or Nilakshit me kabhi kareebiya nahi aayi.
Nilakshit - Kya soch rahe...?
Aakash - Dad k baare me ki wo kya sochenge? Unhe dukh hoga.
Nilakshit muskura kar - pehle tum sirf apne baare me socho... Me socho kitna tum kya chahte ho kya tumhe ladke sach me pasand hai ya ye bas samay ka khel hai. Tumhe pata hai mai humesha se sure tha k mujhe ladke pasand hai. Lekin Tumhare Dad kabhi sure nahi ho paaye. Iska nateeja ye hua humne do kareebi zindagiyaan kho di. Ek Tumhari maa Or dusra ek aisa dost jiski kami koi puri nahi kar sakta.
Aakash ko Nilakshit ki baatein sunna ab accha lagne laga tha wo Uski kahani intrest k saath sun raha tha.
Aakash - Kon tha wo?
Nilakshit - Tanmay... Tumhare dad ka dost Or mera well wisher.
Aakash - Pata nahi kyu aaj tak mujhe aisa kabhi feel nahi hua lekin aaj mujhe aapki kahani sunne ka mann kar raha hai.
Nilakshit huste huye - tumhe aaj tak aisa kabhi isliye feel nahi hua na tum mere saath do pal baitha na hi tumne kabhi mujhse sidhe mujh baat ki.
Aakash ab khud ko sharminda mehsoos kar raha tha.
Nilakshit - Oye Rajkumaar... Upar dekho.. Chalo tumhe mai kahani sunata hoon. Fir tum hi decide karna kya sahi hai Or kya galat.
Niche hall me...
Arundhti - Ye Nilakshit Aakash ko bukane gaya hai ya khud upar rehne gaya hai.
Sagar - Mom mai dekh kar aati hoon.
Aakash ka room...
Nilakshit use apni taraf se saari kahani suna deta hai. Kaise wo ek Gay Story Writer bana. Use Sagar mila. Sagar pr Niharika ki Shadi hona, Tanmay ka Nilakshit ki help karna wo use sab kuch bata deta hai.
Aakash - Sach jaane kya baad bilkul shocked ho jata hai.
Aakash mann me - Ye sab to Dadi ne mujhe kabhi nahi bataya. Unhone to har chiz ghuma kar batayi.
Nilakshit - Kya soch rahe ho... Yehi na tumhe ye sab nahi pata tha.
Aakash - haan... Lekin aapne ya Dad ne mujhe ye kyu nahi bataya?
Nilakshit - Tumhare Dad to tumhe humesha batana chahte the. Mere prati tumhari ruswai unse sahi nahi jaati tha. Lekin maine hi unhe rok rakha tha. Mai chahta tha jis din tum saamne se mujhse puchoge us din mai apni tarf se apni kahani bataunga. Kaise Meri Kalam Meri Pehchan Bani.
Aakash - Really.... Mai bahut galat sochta tha aapke baare me.
Nilakshit huste huye - Jaanta hoon asha hai ab nahi sochoge... Ab chalo tumhare Dad tumhara wait kar rahe hai breakfast kar liye.
Nilakshit uth kar jaane lagta hai lekin Aakash uska haath pakad kar rok leta hai.
Aakash - Kya mai aaj se aapko Papa bula sakta hoon.
Uske mujh se papa sun Nilakshit ki aankhe bhar aati hai Or Aakash ko gale se laga leta hai.
Tabhi room me darwaje par Sagar aa pahuchta hai wo un dono is tarah dekh bahut khush hota hai. 19 salo me Pehli baar Aakash ne Nilakshit ko gale lagaya tha. Lekin wo soch raha tha ki ye chamatkaar hua to hua kaise.
Sagar khaaste huye - kya mai andar aa sakta hoon?
Nilakshit Or Aakash uski taraf dekhta hai.
Aakash daud kar Sagar ko bhi gale se laga leta hai.
Sagar - Aree kya hua mere Raj kumar ko aaj?
Nilakshit Sagar se - Aapka beta aaj se bada ho gaya hai..
Aakash Sagar ki taraf dekhne ke baad Nilakshit ki taraf dekh kar - Haan... Kyuki aaj se mai sirf aapka nahi balki Nilakshit Papa ka bhi beta hoon.
Ye sun Sagar or Nilakshit ka mann prafullit ho uthta hai. Wo teeno ek duje ko gale se laga lete hai un teeno ko dekh kar aisa lag raha tha jaise unki Happy Family aaj puri ho gayi ho.
Nilakshit khud se - Aaj Niharika jaha bhi hai bahut khush ho rahi hogi.. Finally maine uski hasrat puri kar di. Uske parivaar ko ek ayaam de diya.
Teeno niche aate hai... Jaha Aakash beech me tha Or usne Sagar Or Nilakshit ka haath apne haath me liya hua tha. Unhe dekh Arundhati sannate me aa jati hai.
Arundhati - Aakash itni der se upar kya kar rahe the?
Aakash - Bas Dadi... Apno ki likhi Kalam padh raha tha.
Arundhati uski badi badi baatein samajh nahi paa rahi thi lekin ek Nilakshit tha jo bahut acche se samajh raha tha.

To be continued.....
Episode 41

Anjaane me hi sahi Aakash ab Nilakshit k kareeb aa chuka tha. Ye dekh Sagar jaha khush tha wahi Arundhti chup. Lekin Aakash k liye Nilakshit abhi bhi pareshaan tha. Usne jo Maddy or Maddy ka rishta uske liye sawal ban k khada tha k kya wo seaoni najro me sahi kar raha hai ya ye bas sapne sunane ladakpan k hai. Lekin Uske samjhane k baad or Aakash k tasalli dene k baad bhi uska mann tarha tarha k sawal kar raha tha. Lekin Aakash ne kuch to soch rakha tha.
Breakfast k baad.
Aakash - Dadi... Mai jaa raha hoon.
Nilakshit jaldi se aakar use rok leta hai.
Nilakshit - Kaha jaata rahe ho?
Aakash - College... Aapko ko to pata hi hai mai is waqt college hu jata hoon.
Nilakshit preshan hokar - Theek se jana or apna khyaal rakhna.
Aakash uska haath thaam kar - Aap fikar mat kariye....
Wo fir dheere se kehta hai - Mai aisa kuch bhi nahi karunga jisse mujhe aapko ya Dad ko koi bhi problem aaye. Aapne jo mujhe samjhaya hai mai acche se samajh chuka hoon.
Nilakshit dheere se - baat mere samjhane k nahi hai Aakash jaruri ye hai k tum kya chahte ho?
Aakash - Bharosha rakhiye
Un dono ko khusur fusur karta dekha Arundhti bol hi padti hai.
Arundhti - Ye kya tum dono baatein karne me lage ho? Nilakshit Aakash ko der ho rahi hogi.
Arundhti k kehne par Aakash Nilakshit ka thana haath chhod kar chala jata hai or Nilakshit lambi saans lekar apne article likhne chala jata hai.
College me...
Aakash college me pravesh karta hai. Tabhi Maddy use pichhe se aakar pakad leta hai jisse wo chonk jata hai.
Maddy - Kitni der kar di tumne...tumhe pata mai kitna pareshaan tha.
Aakash - Kyu?
Maddy - Kal tere uncle ne hume dekh liya wo tujhe aise le gaye k mujhe laga tu ab kabhi college nahi aayega.
Aakash - Mai theek hoon...
Wo aage badhne lagta hai.
Maddy - Kya hua tujhe... Tu aaj ukhada Ukhda kyu hai?
Aakash - Kuch nahi bas kisi ne mujhe zindgi se rubaru kara diya jiski wajah se mai ek dum bada ho gaya.
Maddy - Mai kuch samjha nahi.
Aakash thodi si husi hus deta hai.
Aakash - ek baat batao... Humare beech jo rishta hai kya use tum abhi sabke samne eilaan kar sakte ho?
Ye sun Maddy chonk jata hai.
Maddy - Ye tum kya keh rahe ho?
Aakash - Bolo?
Maddy ek pal k liye chup ho jata hai.
Maddy dheere se - Mai aisa nahi kar sakta.. Tum jaante ho sab kya sochenge...
Uski ye baat sun kar Aakash jor se hus deta hai. Maddy ko lagta hai wo uski insult kar raha hai.
Aakash - Agar aisa Sagar Khurana or Nilakshit Vyas ne socha hota to wo aaj Sagarkshit na bante...... Kisi bhi rishte ko jodne se pehle use nibhane ki niyat honi chahiye jo mere Dad or unke pyaar me thi. Ye baat mai samjh gaya hoon or asha hai tum bhi samajh jaaoge.
Maddy Ko uski baat aadhi samajh aati hai.
Maddy - Tum kinki baat kar rahe ho?
Aakash - Wo jaane do... Filhaal mai zindgi ko akela samjhna chahta hoon use accept karna chahta hoon jaise tum nahi kar paayein Or tum ye mat sochna k mai tumhari insult kar raha hoon. Tum kal bhi mere acche dost the Or aage bhi rahoge... Lekin sirf ek accha Dost.
Maddy Aakash ki baat bahut acche se samajhne laga tha. Wo samajh chuka tha k Aakash ab koi bhi bachpana nahi karna chahta.
Aakash chaar kadam aage badh jata hai. Tabhi ek dum se pichhe mud kar dekhta hai.
Aakash - Ek baat Or.... Kal jo aaye the wo mere Uncle nahi mere papa hai.. . . . Papa hai..... Pa hai.
Uske ye shabd hawa me ghul se gaye the. Hawaon ne apna rukh tej kar liya tha. Jisme chalte huye Aakash k baal ud rahe the. Uske chehre par ek khushi Or mann me sukun tha. Use pata chal gaya tha k use kya chahiye. 18 saal ka Aakash ab chhota nahi raha ek pal me use Niharika jaisi maturity aa gayi thi.
Nilakshit ko Aakash ki abhi bhi fikar ho rahi thi wo use call lagat hai.
Nilakshit - Hello.... Aakash tum theek ho? Tumne kuch khaya?
Aakash utsaah se - Haan. Papa... Or aap meri itni fikar na kariye... Aapka beta ab bada ho gaya hai Or thoda samajhdaar bhi. Aaj k baad se Aakash Khaana Vyas apni zindagi ko seriously lena sikh raha hai.
Nilakshit ko usse baat kar k lag raha raha tha k wo kisi or hi Aakash se baat kar raha hai. Uska Papa kehna. Apne surname me Vyas lagana, uske dwaara use papa bulana Nilakshit ko santushti k saath saath khushi bhi de raha tha. Wo ab nishchintata k saath phone rakh deta hai or kisi khyaal me kho jata hai
Wo khyaal tha Tanmay or Niharika ka.

To be continue...

Last Episode 42

Kuch din baad ...

Sagar subha subha washroom se bahar kar nikalta hai. Use office jaane me deri ho rahi thi. Wo hadbadahat me kapde pehne lagta hai. Wo itni jaldi me tha k uska dhyaan aas paas ki chijo par bhi nahi jata. Wo aaine k saamne khada hokar baal sawarne lagta hai. Tabhi use aaine me kuch dikhta hai wo pichhe mud kar dekhta hai to bed par gulaab ka booke rakha hua tha. Use samajh nahi aata ye kisne diya. Wo use utha kar dekhta hai to usme ek card bhi tha.
Sagar mann me - Ye kisne bheja hai?
Kahi Nilakshit ka to nahi...
Wo apne me hi has deta hai - Waise bhi writer sahab k kitne fan hai.
Wo card khol kar dekhta hai to card dene wale ki jagah Nilakshit ka hi naam likha hua tha. Wo ab card ko dhyaan se dekhta hai to use pata chalta hai k aaj uski or Nilakshit ki anniversary hai jo wo bhool gaya tha. Or card par likha tha Happy Marriage Anniversary my love. Tabhi pichhe se Nilakshit ki awaaj bhi aati hai.
Nilakshit - Happy Marriage Anniversary...
Sagar mid kar dekhta hai
Nilakshit huste huye - Dekha aap is baar bhi bhool gaye na... Or mai fir se jeet gaya.. Is baar bhi maine pehle wish kiya.
Sagar kaam pakad kar - Gustakhi maaf ho. Haan...mai Bhullakad hoon or tum bahut smart.
Nilakshit - Mai aapki targa business tycoon nahi writer hoon chizo ko likh kar rakhta hoon.
Sagar - Accha bas bas ab mujhe apni hi najro me giraoge ya ek hug bhi doge.
Sagar Nilakshit ko gale lagane k liye baahein faila deta hai.
Nilakshit use jaise hi gale lagane jata hai. Tabhi uska phone baj uthta hai.
Sagar - Ye kambakht phone ko bhi abhi aana tha.
Nilakshit huste huye - Heheheh... Aapke hi bete ka hai....
Sagar - dekha raha hoon jab se wo tumhare kareeb aaya hai mujhe to jaise bhool hi gaya hai... Uthao phone...
Nilakshit Aakash ka phone uthata hai.
Nilakshit udhar se awaaj sun kar hairaan pareshaan sa ho jata hai.
Nilakshit - kyaa... Kaha.... Wo theek to hai... Haan mai Abhi aata hoon.
Use pareshaan dekh Sagar bhi darr jata hai.
Sagar - Kya hua?
Nilakshit rote huye - Aakash ka road kinaare accident ho gaya hai...use bahut chot aayi hai.
Sagar bhi ye sun kar darr jata hai.
Sagar - chalo... Jaldi.
Wo dono sab bhula kar us jagah pahuchte hai jaha Aakash ka accident hua tha.
Sagar - Yaha to Aakash nahi dikha... Are you sure tumhe jisne phone kiya tha usne yehi jagah batayi thi?
Nilakshit - Haan... Mujhe yahi ka address diya tha.
Tabhi ek ladka un dono k paas aata hai.
Wo ladka - Aap dono us ladke k ghar wale hai.. Jiska accident hua tha?
Nilakshit jaldi se - Haan haan.. Uska naam Aakash hai kaha hai wo?
Wo ladka - use sar se bahut khoon beh raha tha...isliye kuch log utha kra is building k andar le gaye.. Jab tak ambulance nahi aa jaati.
Sagar Or Nilakshit bina ruke building k andar chale jaate hai. Waha jaa kar wo dekhte hai aas paas koi na tha pura sannata macha hua tha or saath me bahut andhera bhi tha.
Sagar - yaha to koi bhi nahi hai.
Tabhi aas paas ki light jalti hai or light jalne k saath hi ek jor ka dhamaka hota hai. Wo dhamaka tha balloon futne ka or saath me sabke chillane ki awaaj aati hai - Surprise...
Nilakshit or Sagar ek dam se chonk jaate hai wo dekhte hai saamne Aakash khada tha or kaafi theek thaak lag raha tha use dekh kar kahi se bhi nahi lag raha tha k uska accident hua hai.
Is baar wo akela nahi tha uske saath Vikram, Suparna, Kadambari, Abhinav or Chaitali or Arundhti bhi the.
Un sab ko dekh Sagar or Nilakshit chonk jaate hai.
Aakash daud kar aakar un dono ko gale se laga leta hai
Aakash chilla kar - Happy marriage anniversary to both of you.
Nilakshit or Sagar samajh jaate hai k ye Aakash ki hai kimigiriya thi. Unhe accident ka bahana bana kar surprise dene ka.
Sagar - To tumne humse jhooth bola
Aakash - come on dad..aaj aap dono anniversary hai or Agar aapko sach bata deta to ye khushi jo aap dono k chehre par dekhne ko mil rahi hai wo kaise milti.
Nilakshit jaldi se apne Mama mami Abhinav or Chaitali k paas jata hai..
Nilakshit - To aap log bhi Aakash k plan me shaamil hai.
Abhinav hus kar - ye sab Aakash ka hi plan tha....Hume Aakash ne ticket bhej kar urgent London bula liya or hum aa gaye tumhe surprise dene k liye. .
Wo un dono ko khushi se gale laga leta hai.
Arundhti aadhi khushi se hi in sab barabar shaamil thi.
Aakash Sagar ko laakar Nilakshit k paas khada deta hai.
Wo unke saamne cake laakar - Ab aap dono cake cut karenge.
Nilakshit Prafullit hokar - In sabki kya jarurat thi?
Kadambini - ye to hum sabka pyaar hai or ek pyaar hi to hai jo jatane se hi badhta hai..kyu Chhipakali.
Suparna - Sahi kaha bilkul tune Kadambari
Aakash - accha baatein band .... Ab aap dono cake cut kariye.
Sagar Or Nilakshit dono saath me cake cut karne jaate hai tabhi Nilakshit ek dum se ruk jata hai...
Nilakshit - Humare milan me aap sab barabar k bhagidaari hai agar aap sab mere or Sagar k rishte ko na apnaate to hum kabhi ek nahi hote. Or Aakash bhi humare rishte ko na samjh pata. Isliye is cake ko cut karne k bhagidaar aap sab bhi hai...
Sagar - Sahi kaha Nilakshit ne... Hum sab saath me cake cut karenge.
Sab ye sun kar bahut utsaahit hote hai or un dono ki zidd par sab saath me cake cut karte hai. Aaj jo bhi khushiyaan sama me bikhar rahi thi sab Aakash ko badaulat thi. Usne apni Maa k nakshe kadam par chal kar ye saabit kar diya tha k wo usi se janma hua ansh hai.
Sab saath me khushiyaan mana rahe the. Tabhi Aakash ko door rk sayad dikhata hai jo Niharika ka tha. Aakash us saate me kho jata hai.
Niharika muskura kar usse maano keh rahi ho Shaabaash Aakash jo mai humesha se chahti thi wo tumne kar dikhaya. 19 saalo ka Sagakshit ka rishta tumhari wajah se aaj bhi kayam hai. Aaj Aakash khud par bahut Proud feel kar raha tha k uske itne special parents mile hai. Jo sabke beech hote huye bhi sabse alag hai.
Sagar Or Nilakshit apne pure parivaar par balihare nahi sama rahe the. Ek taraf Sagar ko uska pyaar mil chuka tha. Or dusri taraf Nilakshit ko uski Pehchan...
Aakash - Accha ab humne saath me bahut maje kar liye ab thoda Love Birds ko akele pal bitne ka bhi moka diya jaana chaahiye...
Sab huste huye Aakash ki haan me haan milate hai. Nilakshit sharma kar Aakash ki peeth par ek thapki deta hai. Thapki pyaar ki.
Aakash Amreesh Puri ki awaaj banate huye - Jaaiye... Dad or Papa jii lijiye apni zindagi.. Hahahaha
Sab hus dete hai.
Kuch der baad...
Usi building k chhat par Sagar or Nilakshit ek dusre k haath me haath daale dubta hua suraj nihaar rahe the.
Waha se pura sheher dikhai de raha tha. Aakash me lalima samayi thi or hawa ke rukh ke saath shaanti simati huyi thi.
Nilakshit Sagar k kandhe par sar rakhte huye - Ye dubta hua Suraj kitna sukoon de raha hai na.
Sagar - Haan. Waqt kaise beet gaya pata bhi nahi chala... Subha se shaam ho gayi..
Nilakshit - Mujhe to 19 saal kaise beet gaye wo bhi nahi pata chala. 19 saal pehle hum pehli baar Ranikhet me mile the. Kitna kuch badal gaya hai ab.
Sagar - sahi kaha... Wo pehli Mulakaat mujhe humesha yaad rahegi. Kyuki Niharika k saath bhi wo pehli mulakaat thi.
Nilakshit - or Tanmay se bhi mera rishta Ranikhet me juda tha.
Pichhle pal yaad karte karte dono ki aankhe nam ho jaati hai.
Sagar - apne aansu pochh lo Nilakshit kyuki upar se Niharika or Tanmay dekhenge to unhe hum rote huye acche nahi lagenge... Wo hume humesha khush dekhna chaahate the.
Nilakshit aansu pochhte huye - Kaash wo pal fir se laut aata..
Sagar - Gujra hua waqt kabhi laut kar nahi aata de jata hai to bas apni Pehchan.
Nilakshit muskura deta hai.
Sagar - Kya hua?
Nilakshit - Writer mai hoon lekin shabdon k jaal to aap bun rahe hai.
Sagar huste huye - Hahaha... To tum hi kuch suna do apni kalam k pitaare se..
Nilakshit kuch der sochne k baad Sagar k kandhe par fir se sar rakh deta hai or dono Sunset dekhne lagte hai. Isi k saath Nilakshit ek line dohrata hai.
"Kalam kehti kuch aisa fasana,
Meri likhavat ki jaan hai;
Meri likhavat ki aan hai,
Meri likhavat ki shaan hai;
Meri Kalam Hi Pehchan Hai.
Haan.....Meri Kalam Hi Pehchan Hai."

....................The End..................
.
Writer - Nitin Nits