Ehsaas Ka Utsav

Humare beech aa pahuche hai Ehsaas page k do damdar kirdar jinhe aapne kabhi bahut pasand kiya tha or aaj bhi wo kahi na kahi aapke dil me base honge. To aayiye milte hai unse..
Sarthak - Helllo mai hoon Sarthak.
Nikhil - Hello mai hoon Nikhil
Sarthak - Aap ko hum or humari kahani Mohabbat Ka Suhana Safar yaad to hogi hi.
Nikhil - To Ehsaas ka itna bada grand celebration hone wala hai to bhala hum kyu nahi aate.
Sarthak - waise humare yaha aane ki ek or wajah hai.
Nikhil chonkte huye - Kya?
Sarthak - mai jaanta tha tum budhhu k budhhu hi rahoge….aree bhool gaye..hum dono ko 1st Annual Ehsaas Story Award 2017 ka host chuna gaya hai.
Nikhil - Aree haan.
Itna kehne k baad dono chashma laga k action maarne lagte hai.
“Tenu kala chashma jachda hai
Jachda hai sone mukhde pe”
Sarthak - to as a host mai or Nikhil aap sabka swagat karte hai Ehsaas k Utsav me jaha hum or aap karenge Parde k Pichhe ki baatein.
Nikhil - Or jannege humare ehsaas k sitare Main event k liye kya kya special taiyaari kar rahe hai or saath jannege k nominate ho kar kitna jyada khush hai….to fir chale let's go.
@@@@@
Sarthak - Nikhil ..! Wo dek. Wo dekh Ritik
Nikhil - lekin ye to marr gaya tha to ye yaha bhoot ban kar kyu bhatak raha hai.
Sarthak uske sar pe maarte huye - mai jaanta tha tu bilkul budhhu ka buddhu rahega. Wo kahani me mara tha asli me nahi
Nikhil - to chal na chal na usse jaa k baat karte hai kitna hamdsom lag raha hai.
Sarthak - tu sirf mujhpe najar rakh samjha. Chal ab
Dono - Hello Ritik
Riitik - aree Sarthak Nikhil tum dono
Ritik uska naam jaanta hai ye baat sun k wo fula nahi samata hai Nikhil khushi se - aap mera naam jaante hai
Ritik - aree aapko kon nahi jaanta
Nikhil Khushi k maare Ritik k gale lag jata hai
Sarthak Nikhil ko pichhe karte huye - Door se door se.
Ritik un dono ki chubuli nok jhok dekh k Hus deta hai
Sarthak - To Ritik ji aap ka kirdar readers ne bahut pasand kiya jitne mukhy kirdar popular nahi hoye utna aapka kirdar popular hua hai to kaisa lag raha hai aapko?
Ritik - ummm...sach kahu to bahut khushi ho rahi hai k readers ne mujhe itna pyaar diya….accha lagta hai jab log aapko appriciate karte hai.
Nikhil - aap is bar 4 categories me nominated hai to kya is popularity k karan sabhi award apne naam karne me safal ho payenge aapko kya lagta hai?
Ritik - ye to readers k votes pe decided hai k unhe kon kitna pasand aaya...par haan meri dili tammna hai agar mai ek bhi award jitu to wo Nayi Soch Character ka jitu.
Sarthak - aisa kyu?
Ritik huste huye - kyuki Nayi Soch Character k liye nominate hona hi ek sanmaan ki baat hai to use jeet jana matlab mount Everest chafhne jitna barabar hai.
Nikhil - mai to chahta hoon k aap jin categories me nominate hai wo sab jeete. Or mujhe ek long drive pe le jaaye.
Sarthak khaaste huye - i think Nikhil hume chalna chahiye ok Ritik ji hum fir se Event k Red Carpet pe milenge.
Sarthak jabardasti Nikhil ka haath kheench k le jata hai.
@@@@@
Nikhil - oye tu ye binoculars se kya dekh raha hai.
Sarthak - mujhe kahi se pyaar ki khushboo aa rahi hai.
Nikhil - kya pyaaz ki khushbu?
Sarthak apna sar pitate huye - pyaaz nahi pyaar pyaaaaar.
Nikhil - o accha.
Tabhi koi un dono k picche se kaan pakadta hai.
Dono - Ayyeeeiiiiiii
Wo picche mud k dekhte hai.
Sarthak - Aree Dadi maa or bebe aap
Dadi maa - tum dono yaha kya kar rahe ho….?
Nikhil - wo to hum bas yuhi taihel rahe the.
Preeto - oye tenu dikhda nahi peya...yaha Armaan or Nitin apne special Arial act ki rehearsal kar rahe hai main event k liye.
Sarthak - accha tabhi mai sochu k pyaar ki khushbu kaha se aa rahi hai.
Nikhil ucchalte huye - Sarthak ...Sarthak mujhe bhi Arial act dekhna hai maine aaj tak itna special dance dekha nahi
Dadi maa - oye bilkul nahi….ye sab secret hai
Nikhil - please dadi maa…. Dekhiye agar aapne hume jaane diya to hum aapko favourite Old Character ka Award jita denge.
Dadi maa khushi se - oye sacchi
Tabhi waha Maya aa jaati hai.
Maya - kya ho raha hai yaha ye sab.
Sarthak dheere se - lo ab to dekh chuke...Armaan or Nitin ka romantic dance rehearsal.
Preeto - dekh na Maya puttar ai munde jabran andar jaande paye hai.
Maya - dekho mere upar already ek murder or ek half murder ka iiljaam hai agar chahate ho k mujhpe saade teen murder ka iljaam na lage to chalo nikalo yaha se jo dekhna hai Ehsaas Story Award k satge pe dekhna or bahut enjoy karna.
Sarthak or Nikhil Maya k darr se ulte paav wapas jaate hai.
Nikhil - Maya ji ne to humari kaya hi palat di...huuuh
@@@@@
Wo log dekhte hai Nachiket udaas baitha tha.
Sarthak - wo dekho Nachiket baitha hai …
Nikhil khushi se - chalo ...Ehsaas ka koi kirdaar khaali to mila jiska hum interview le sakte hai.
Sarthak - kya hua Nachiket itne udaas kyu ho?
Nachiket - kya batau Sarthak…..Ye Shlok to ab mujhse pyaar hi nahi karte.
Sarthak - achanak aisa kya ho gaya….tum dono ki jodi to ek missaal hai or tum dono to Ehsaas Story Award me is saal Favourite Jodi k liye bhi nominate huye ho.
Nachiket dahaade maarkar rote huye - isi baat ka to gam hai. Jab se hum nominate huye hai tab se Shlok mujhse jyada Award ki trophy ko pyaar karte hai.
Nikhil chonkte huye - kya.
Nachiket - haan ...uthate uske saath hai baithate uske saath hai sote uske saath hai khaate uske saath yaha tak dho….
Sarthak ek dum se - bas bas ...mai samajh gaya.
Nachiket - tum log jaao mera dard samajhne wala koi nahi hai.
Nikhil - aisa nahi hum hai na hum karenge tumhari help
Sarthak - tu khud ki to help kar nahi sakta Nachiket ki kya karega yaad hai na Shimla Station pe kya hua tha.
Nikhil - haan haan theek hai ...ho jata hai kabhi kabhi…..Nachiket mere paas ek idea hai
Sarthak - bak jaldi..
Nikhil - Tum na award night k liye apna ek Item number ready karo… or Shlok ko aisa rijhaao aisa rijhaao k wo Award trophy ki jagah sirf tumhare dance ko dekhe….to kaisa laga mera idea.
Nachiket khushi se taali maarte huye - dekhana mai aisi performance dunga aisi performance dunga k Shlok ji dekhte reh jayenge.
Sarthak - ye huyi na baat.
Tabhi kisi k chillane ki awaarj aati hai. Wo teeno bhaag k waha jaate hai jaha se awaaj aayi thi.
Nachiket - kya hua… Arav or Amar. Kyu chilla rahe ho.
Arav darte huye - waha maine kisi ko dekha.
Nikhil - kise
Amar - kisi ladki ko uski aankhe laal or baal khuke huye the..wo hume hi ghoor rahi thi.
Nachiket - Samajh gaya.
Wo chillate huye kisi ko awaaj lagata hai
Nachiket - Bahar aa jaao Richa kyu bechaaro ko dara nahi ho kabhi to apne get up se bahar nikla karo
Tabhi Richa ek dum se bahar aati hai.uska roop dekh k Sarthak or Nikhil bhi darr jaate hai
Richa - kya Nachiket kitna maja aa raha tha sabko darane me ...pata abhi abhi mai Saket or Nishaant ko bhi dara k aa rahi hoon kitna maja aa raha hai.
Nachiket - accha ye khel vel chhodo….or jaao jaa k apne folk dance ki practice karo….
Sarthak darte huye - kya ab Award k stage pe bhoot bhi nachenge kya.
Uski ye baat sun k sab husne lagne hai.
Nikhil Sarthak se - accha yaha husi majak hi karte rahoge.hum or bhi logo se milna hai or fir apni hosting ki bhi to taiyaari karni hai।
Wo dono waha se chale jaate hai.
@@@@@
Bahar Indravadhan or Suhasini ek jhule pe baith k haatho me haath daale ek purana gana gunguna rahe the.
“Pyaar hua iqraar hua hai
Pyaar se fir kyu ladarta hai dil
kehta hai dil rasta Mushkil
Maloom nahi hai kanha manjil”
Indravadhan Suhasini k gale me haath daalte huye - Suhasini..!
Suhasini- ji kahiye.
Indravadhan - in baccho ka pyaar dekh k mujhe apna jamana yaad aa gaya.
Suhasini - kya yaad aaya ji?
Indravadhan - yahi k kaise mai tumhare liye bade pyaar se gajra le kar aata tha or tum use apne baalo me sajati thi.
Suhasini sharma jaati hai
Indravadhan - aree tum to sharma gayi.
Suhasini - ji mai Sharma hoon to sharmaungi hi .
Indravadhan husne lagte hai.
Indravadhan - aaj bhi humare Ehsaas ki jodiyo me pyaar wahi hai bas gajre ki jagah flower booky ne le li or baalo ki jagah le li flower pot ne.
Suhasini - jamana chahe jo ho pyaar kabhi nahi kam hona chahiye.humare Ehsaas ki saato jodiya usi pyaar ka ehsaas dilati hai
Inddravadhan - na jaane kis jodi ko favourite jodi ka award milega.
Tabhi waha Sarthak or Nikil aa jaaye hai.
Sarthak - waah aunty waah uncle ji
Nikhil - aapke beech ka pyaar dekh k mera mann kar raha hai mai aapko hi favourite jodi ka award de du.
Suhasini or Indravadhan shrma jaate hai
Sarthak - bilkul aap dono to misaal hai jinhone apne bete ki khushi k liye na jaane kya nahi kiya.
Indravadhan - Nakul hai hi itna sanskaari beta.
Nikhil - to kya lagta hai is baar Favourite bete ka awrad Nakul jeet paayega.
Suhasini - meri bhgwan se dua hai lekin Nitin , Shlok, Dev, Nishaant, Nakshatra bhi kuch kam nahi hai. Dekhte hai kon banega Ehsaas ka favourite beta
Sarthak - Nakul fav beta bane ya nahi lekin meri dua hai k aap fav Ma or fav pita jarur bane.
Tabhi waha Vishmabhar or Ambika bhi aa jaate hai
Vishmabhar - Waah Sarthak tum to bahut chalu nikale.
Sarthak ghabra jata hai
Suhasini - kya hua Vishmabhar bhai sahab?
Ambika - waha humare favourite pita or Favourite maa banne ki dua maang raha tha or wahi line aapko chipka raha hai
Sab un dono ghurne lagte hai
Sarthak dheere se - Fas gaye Nikhil
Nikhil - yahi moka hai bhaagne ka..isse pehle ye log hum dono ki class le
Isse pehle koi kuch bol pata Sarthak or Nikhil udan chhu ho jaate hai.
@@@@@
Udhar husi majak chal raha tha or idhar humare love birds Shikhar or Nakul ek dusare ka haath thaame ek dusre ki aankho me khoye huye the.
Tabhi waha beech me Nikhil ek tapak padta hai
Nikhil chillaate huye - Surprise …
Wo dono chonk jaate hai or ghabraate huye ek dusare se alag hote hai
Nikhil - aap dono alag kyu huye dono saath me kitne acche lag rahe the.
Sarthak - ab tum Devdas ki amma ki tarha jor se chillaoge to mara hua murda bhi uth k baith jaaye….fir ye to humare sweet cute se love birds hai
Shjkhar or Nakul unki pyaar bhari nok jhok delh k dheere se hus dete hai.
Lekin picche se aati Amma unki baatain sun leti hai
Amma - ka kaha humaar baare me.
Sarthak - kuch nahi kuch nahi hum to ye keh rahe the..aap kitni sweet hai kaash aap humari amma hoti
Amma - makkhan lagane ki jarurat nahi sab samjahti hoon tum aaj kal k ladko ko. Jaha khoobsurat kamsin ladki dekhi nahi k dore daalna shuru.
Shikhar Nakul Nikhil teeno ek saath chonk k bolte hai - Khoobsurat Kamsin ladki
Amma - or nahi to kya mai us Kanganwa se kam hoon kya
Sarthak pyaar se - Amma Kanganwa nahi Uska naam Kangna hai
Amma chdhhte huye - haan haan theek hai….mai abhi Dev or Swastik ki Water Act ki rehearsal dekh k aati hoon k sahi se ho rahi hai ya nahi ..wapas aake tumsab ki khabar leti hoon.
Amma chali jaati hai
Sab ek saath lambi saans lete huye - Ufffff….jaan bachi to laakho paaye.
Sarthak - To Nakul….is baar Milan ki Chahat ko sabne bahut pasand kiya or ye kahani bahut si category me nominated bhi hai to kya lagta hai kitne Award milenge is kahani ho?
Nakul - sabne mujhe or meri kahani ko bahut pyaar diya hai or iska mai sabka tahe dil se sukargujaar hoon or rahi baat award ki to sabne itna pyaar diya hai to yahi mere liye award bhi hai or reward bhi.Waise Devdas k sabse jyada nomination hai to e keh pana mushkil hai k Milan ki Chahat ko hi sabse jyada award milenge.
Shikhar - sahi kaha ye to Readers k upar depend karta hai k wo kise sabse jyada pasand karte hai.
Sarthak - Thank you Shikhar and Nakul hume apna keemti wqat dene k liye….ab hum chalte hai or dekhte hai k humare dusare love birds Saket or Nishaant ki taiyaari kaisi chal rahi hai
Shikhar - sure..
@@@@@
Wo jaate hai to dekhte hai...Saket or Nishaant apne kapdo ko dhyaan se dekh rahe the.
Nikhil dheere se - Sarthak .lagta hai yahi dress ye dono Award night me pehenge
Sarthak dheere se - haan...chalo puchhte hai
Sarthak Pyaar Se - hello Saket or Nishaant kaise hai aap ?
Saket - hum to bilkul change hai tussi dasso
Nikhil - lagta hai aap dono ki taiyaari joro shoro pe hai
Nishant - bilkul…..award night me wo dono jo aa rahe hai to hume bhi unke swagat ban than k karna hoga. Hai k nahi
Nikhil - Kon aa raha hai?
Saket - mai batata hoon ...Wo jo aa rahe hai…..unka naam hai ..
Saket bolne hi jaa raha tha k Raghunath jadi se use rok dete hai….
Raghunath - kya kar raha hai ladke ..Wo dono kon hai ye surprise hai Award function se pehle ye raaz nahi khulega.
Sakef darr k- ji
Raghunath Sarthak or Nikhil Se - jaao baccho aap log bhi apni hosting ki rehearsal karo….ye award function Ehsaas ki shaan hai jisme koi kami nahi rehni chahiye..
Sarthak - ji bilkul koi kami nahi rahegi.
@@@@@
Idhar Nitin bhagwan k samne haath jod k minnat kar raha tha.
Nitin - hey bhagwan ...mujhe kaise bhi kar k Favourite Second Leading ka award jita do…..mai aapko 501 k laddu ….nahi nahi laddu bahut nehbge padenge….mai aapko 101 ka nariyal chadhqunga. Please bhagwaan…..
Tabhi ek awaaj aati hai
Wo awaaj - Murkh bas nariyal itne me to Favourite second leading character ki trophy dekhne ko bhi nahi milegi.
Nitin chokte huy. Ye kon bola?
Wo awaaj - hom bol rahe hai ...bhagwan
Nitin - bhagwaan….aap meri baat sun rahe hai ...jai ho prabhu ki
Wo awaaj - agar tum chahte ho k wo award tumhe mile to tumhe ek kaam karna hoga
Nitin -kya prabhu
Wo awaaj - tumhe batana hoga k Ehsaas Story Award me wo do kon aa rahe ha jiske bas charche sunne ko mil rahe hai.
Nitin - aap to antryaami hai or ye baat nahi jaante.
Wo awaaj - jyada Sawaal karoge to bhagwan ruth jaayenge or tumhara award paane ka sapna bhi pura nahi ho paayega।
Nitin khud se - hey bhgwan.. kaisa dharam sankat hai….agar unka naam bata diya to Maya aunty, Pummy aunty, KittU sab milke pata nahi mera kya haal karenge or nahi bataya to bhagwaan ruth jayenge.
Tabhi Nakshatra aa jata hai.
Nakshatra - kya hua Nitin….itna pareshan kyu ho?
Nitin - bhagwan mujhse naraj ho gaye hai
Nakshatra - kon bhagwan…
Wo awaaj - Mai bhagwan
Nakshatra - ye awaaj to kuch jaani pehchaani si lag rahi hai.
Wo murti k pichhe jaa k dekhta hai to Nikhil khada tha. Jo awaaj badal k khud ko bhgwan bata raha tha.
Nakshatra - Nikhil tum
Nitin - to tum mujhe itno der se bhagwan ban kar ullu bana rhe the.
Tabhi Sarthak bhi aa jata hai .
Sarthak - Kya Nikhil ...tumne to sare plan pe hi laddu mera matlab nariyal ka paani mera matlab Paani fer diya.
Nakshatra - aap logo ko janna hai wo dono kon hai iske liye aapko 24 December Sunday raat 8 baje tak ka wait karna hoga.
Nikhil udaas hote hai- Sarthak yaha bhi kuch kaam nahi bana chalo apni hosting ki hi taiyaari karte hai
Sarthak - haan chalo....
@@@@@
Sarthak - To hum jaate hai or aap bhi jaayiye...lekin laut k jarur aayiyega.
Nikhil - hum aapse ek baar or milenge. 1st ANNUAL EHSAAS STORY AWARD 2017 k red carpet or manch pe saath hi honge humare Ehsaas k sitare or wo saare kirdaar jinhonne kabhi aapke dil me jagah banayi thi..or aaj tak wo base huye hai….
Sarthak - Padhna na bhuliyega …..1st AESA 2017 agle Ravivaar
Raat 8 baje.
Nikhil - mai to chala apne liye bahut acchi si dreaa lene.
Sarthak - mujhse acche nahi lagoge….
Nikhil - huuh ..jaao mai tumse baat nahi karta.
Sarthak - are jaane mann ruko mai to majak kar raha tha.
Dono aise hi meethi nok jhok karte huye chale jaate hai.
Promos -
Padhiye Next Sunday...
Sujal satge pe aata hai
Sujal - so...Favourite Dialogue Award goes to .
Sab chillane lagte hai . Koi Bhoot Bhangla chillata hai koi Anjaana ishq koi Devdas Devdas chillata hai.
To kisko milega Favourite dialogue ka award.
Or padhiye kaise Nachiket ne lagaye apne Itom number se Award nights me chaar chaand
“Naach meri jaan hoke magan tu
Chhod ke saare kintu parantu
Naach meri jaan hoke magan tu
Chhod ke saare kintu parantu”
Or kya hoga sabka haal jab stage pe aa pahuchega Kittu ka judwa bhai Sittu.
Kittu (Sittu) Maya se - Maya ji aapke paas to itna dimaag hai jab dekiye plan hi banati rehti hai thoda dimaag mujhe bhi de dijiye mai bhi apke dimaag ka use kar k exam me top karunga.
Maya aankh sikodte huye - Mera dimaag na le beta nahi to tu top nahi karega ek nayi University hi khol lega.
Sab husne lagte hai….
Nits - to padhna na bhuliyega 1st Ehsaas Story Award 2017 ka main event jo aane ko taiyar hai 24 December ki raat 8 baje.
Jaha Ehsaas k sabhi kirdaar aayenge ek chhat k niche…or saath me honge do special guest jiska sabko besabri se intezaar hai.
So Keep Reading…
1st AESA 2017
Written by - Nitin Nits Admin/Writer)