"Maha - नवBharat"

Episode 1

Mai hoon wo jo na kabhi dikhayi deta hai Or na kabhi sunayi deta hai. Iske baavjood meri awaaj sabse buland hai. Mai kisi se chhip nahi sakta. Mujhe to bas mehsoos kiya jaa sakta hai..

Ji haan mai hoon Ehsaas. Ehsaas khushi ka, Ehsaas darr ka, Ehsaas badle ka, Ehsaas prem ka, Ehsaas hum sabka.
Isi Ehsaas k saath mai sunane jaa raha hoon ek gatha. Gatha aisi jisne Bharat ka nav nirmaan kiya or bana diya use Maha - nav Bharat. Is gatha me Ehsaas k har rang dikhenge... Rang Dosti ka, Rang Dushmani ka, Rang Pyaar ka Rang Nafrat ka, Rang Rishto ka, Rang Rishto ki seemao ka.

Mai andekha unsuna Ehsaas le kar jaa raha hoon Haryana k Kurukshetra seher me jo jaani jaati hai  "Land of Bhagwad Gita" k roop me... Lekin aaj iska swaroop kuch badal sa gaya hai. Aaj yaha ek raili ho rahi hai Or is raili ko sambodhit kar rahe hai.... Is kshetra k ek sattadhari Bharat Vanshi...

Bharat Vanshi ek 50 saal k bujurg  rajneta jinki party ne pichhle kayi saalo se yaha k logo ki seva ki hai. Us jagah k sabse dumdaar Or sabke chahite karya karta wahi hai.

Aaj wo agaami chunavo k liye hone wale party k naye chehre ka naam ghoshit karne wale hai. Isi liye unki raili me logo ka hujum jama hua pada hai.

Bharat Vanshi stage par apna pehla kadam rakhte hai to taaliyon ki gadgadaahat k saath Jai Ho Jai Ho k naare se pura Kurukshetra ka pura maindaan gunj uthta hai. Wo sabka haath jod kar abhivaadan karte hai or shant rehne k liye kehkar apni baat kehna shuru karte hai.

Bharat - Mai aapka sevak pichhle kayi varshon se aapki seva karta aaya hoon. Lekin ab samay aa gaya hai k aapki seva karne ka saubhaagya kisi or ko bhi mile... Isliye mai Bharat Vanshi apni party k naye chehre ka naam ghoshit karne jaa raha hoon..

Sab ye sun kar bahut khush hote hai. Janta ki bheed k ek kine se bahut tej se ek awaaj baar baar aane lagti hai.... Hansh Raj..... Hansh Raj..... Hansh Raj....

Bharat Vanshi sabko apni baat aagek rhte hai.
Bharat - To agami chunavo k liye party ka naya chehra jo banne jaa raha hai us chehre ka naam hai...Us chehre ka naam hai.........Kunti Devi.

Kunti Devi ka naam sun kar jan dal me sannata pasra jata hai. Sabko Bharat Vanshi k muhh se Hansh Raj ka naam sunne ki ummeed thi... Hansh Raj unka beta tha. Jo unki party ka maha sachiv tha. Lekin unhone apni beti Kunti Devi ka naam party k naye chehre k roop me liya iske pichhe unki kya mansha thi ye kisi ko pata nahi tha.

Ek saadi saari me 25 saal mahila manch par aati hai. Wo haath jod kar sabka shukriya ada karti hai.
Sab talliya baja kar unka abhivavak karte hai.

Vanshi House me...

Bharat Vanshi apne ghar me baithak kar rahe the. Tabhi ek 30 saal ka adami jisne gale me moti sone ko chain or haatho ko har ungli me anghuthi pehni huyi thi tantanaate huye andar aata hai. Wo aise chal raha tha jaise uske pair me kuch problem ho...Uska naam Hansh Raj tha. Jo Bharat Vanshi ka beta tha.

Hansh chillate huye - pitaji ye aapne accha nahi kiya..
Sab uski taraf dekhne lagte hai.. Bharat sabko jaane la ishara karte hai.
Ab pure hall me sirf Bharat or Hansh the.
Bharat - Kya hua tum itna gusse me kyu ho?
Hansh - Mai aapka beta hoon aapki party ka chehra mujhe hona chahiye tha lekin aapne Kunti ko bana diya.
Bharat - Maine jo kiya hai Party k hit me kiya hai.
Hansh - Party ka hit ya apne hit me...
Wo us par laanchhan lagata hai.
Bharat - Sabko pata hai Hansh k tumhara ek pair nakli hai tum party ko bhaag daud sahi se sambhaal sakte...kyuki tum khud ko hi sambhaal lo to wahi kaafi hai..Isliye maine Kunti ka naam aage rakha...
Hansh - Mai dood pita baccha nahi hoon pita ji. Jitna aap kahenge bas utna hi samjhunga... Mujhe pata hai aapne Kunti ka naam isliye aage rakha kyuki Uski shaadi Bhishma Sahani se hone wali hai... Or uski party or aapki party k karta karta milne se aapki shakti dugni ho jayegi...

Bharat vanshi Hansh Raj ko ghoor kar dekhte hai.
Bharat - Jab tumhe pata hai to puchh kyu rahe ho... Waise bhi tum ek sharabi or bigde huyi aulaad se jyada mere liye kuch nahi ho..isi sharab k nashe me tumne apna pair gava diya.. Mai nahi chahta k tumhari wajah se mai apna rutba bhi gava doon.... Maine jo faisla liya hai wo atal hai.

Itna keh wo waha se chale jaayege hai..
Hansh Raj gusse me apna nakli pair nikal ka fenk deta hai. Or zameen par gir jata hai uski aankho me gussa me tha.

Hansh Raj - aapne mere saath accha nahi kiya pita ji iska khamiyaja Kurukshetra k har insaan ko bhugatna padega.... Mai is Nav Bharat ko mere bina kabhi Maha bante huye nahi dekh sakta... Ab shuru hoga shadyantr ka anokha khel jiska khaamiyaza aage aane wali pushte bhi bhugtegi...

Hansh Raj.. Zameen par pada pada rone lagta hai...

Kuch din baad....

Bharat Vanshi k ghar me Shehnayi ki goonj baj rahi thi.... Kyuki aaj unki beti Kunti Devi ka vivaah ... Kurukshetra k hi ek yuva rajneta Bhishma Sahani se hone jaa raha tha.

Bhishma Sahani 27 saal k ek suljhe huye insaan the. Bharat Vanshi k baad Bhishma Sahani ka hi naam sabke labo par tika hua tha... Or ye Vivaah koi aam nahi balki do party ka maha gathbandhan tha. Jisko saabne swikaara tha sivaye Hansh Raj ne.

Vivaah mandap me Kunti Bhishma ko varmala pehnati hai. Bharat Vanshi unhe ashirwaad dete hai....
Kunti jab apne bhai se aashirvaad lene jaati hai... To wo bade pyaar se uske sar par haath rakhte hai. Lekin mann me ashirwaad ki jagah kuch or hi dua de rahe the.
Hansh Raj - mere baap ne tere pati k saath milkar mujhse mera wajeed chhina hai isliye mai tujhe dua deta hoon tere basa basaye ghar ko aag k hawale na kiya to mai bhi tera bhai nahi.

Kunti k liye ye dua na hokar baddua thi jisse Kunti or Bhishma dono hi anjaan the.

To be continue......

Episode 2

Mai Ehsaas hoon... Isi ehsaas k saath Kunti Devi or Bhishma Sahani parinay sutra me badh gaye. To kya Hansh Raj ne jo kasam khaayi hai wo kitni sarthak hai or iska parinaam kis kis par or kis prakaar se padega ye padhna rochak hoga...

Mai Ehsaas lekar fir se chalta hoon Kurukshetra ki usi zameen par jaha bharat k nav - Nirmaan ki charcha joro  shoro par hai. Kyuki aaj chunavo ka parinaam ghoshit hua hai. Or Kunti Devi   bhari mato k saath vijayi ghoshit huyin hai.

Bharat - Jug jug jiyo... Kunti.... Tumne apna kartavya bakhoobi nibhaya. Tumhare samarpan ko dekh k humne yakeen ho gaya ho gaya k humne koi galati nahi ki tumhe apni party ka naya chehra bana kar.
Kunti - bau ji... Aapki khushi k liye hi maine party join karne ka mann banaya tha. Aap khush hai to...
Bharat - Kaash... Tumhare jitna samajhdaar Hansh bhi hota.... Kahir ab tum jeet ki kursi par baithne ko taiyar ho jaao.

Unki baato ko rokte huye Kunti kuch kehna chahti thi. Lekin tabhi Hansh Raj aa jata hai.

Hansh  - Bhadhayi ho behna.... Tumne akhirkaar pita ji k dil k saath saath baaki janta ka dil jeet hi liya.
Hansh aise badhaai de raha tha k maano wo Kunti Devi ko suna raha ho.
Lekin Kunti unki baato par dhyaan na de kar apni baat aage badhati hai.

Kunti Devi - Pita ji... Mai chahti hoon k Kurukshetra k sartaj ki kursi par mai nahi balki Bhishma baithe.
Ye baat sun kar Bharat or Hansh dono chaonk jaate hai..
Bharat - Aisa kyu keh rahi ho Kunti.... Damaad ji bhi tumhe hi is kursi par baitha dekhna chahte hai or janta bhi.
Kunti khushi se - Lekin mujhe mere hone wale bacche k liye ye kadam uthana hi padega.

Bharat - Kya... Mai.... Mai Nana banne wala hoon?
Kunti khushi se - Ji. Pita ji... Isliye mai chahti hoon k kurukshetra ki bhaag daud Bhishma sambhale. Akhirkaar unki wajah se mujhe logo ka itna pyaar mila hai. Is safalta me unka barabari ka haq hai.

Kunti ki baat Bharat vanshi ko uchit lagti hai... Isliye wo unki baat se sehmat the. Lekin Hansh Raj mann hi mann kudh raha tha wo muhh sikod kar waha se chala hai.

Sharaab Khane me...

Hansh Raj nafrat ki aag me jal raha tha wo sharab pe sharab piye jaa raha tha.
Hansh Raj - Mera haq ab us Bhishma Sahani ko milega... Ye aacha nahi hua bilkul accha nahi hua... Aaj mera haq use mile hai kal uski hone wali aulaad ko milega... Nahi mai aisa nahi hone dunga... Is nav nirmaan k khel ko mujhe rokna hoga..

Wo gusse me ladkhadate huye nikalta hai. Wo nashe me tej tej se chalne lagta hai... Tabhi ladkhada k gir jata hai..

Jaha wo gira tha waha kude ka dher pada hua tha. Us dher me ek chota sa rota bilakhta baccha pada hua tha. Hansh Raj ki najre uspar padti hai. Wo najre tarerta hua use dekhta hai or uske dimaag me shadyantr janam leta hai.
Wo us bacche ko gaud me uthata hai.

Hansh Raj - Mai itihaas ko dohrane nahi dunga. Ab ye baccha meri dhaal banega. Or un ka kaal jinhone mera haq mujhe kabhi nahi diya... Ab ye meri  kami ko pura karega...mai Kunti or Bhishma ki santaan ko mera haq lene nahi dunga.

Mai Ehsaas hoon... Ehsaas se yaad aaya Hansh Raj k badle ka Ehsaas kuch nakaratmak sa prateet ho raha tha. Lekin uski soch kitni vyavhaarik thi wo keh pana abhi thoda mushkil tha. Udhar Kunti ki rajniti ki baagh daud Bhishma k kandhon par aa gayi thi. Or wo apne hone wale bacche ka dhyaan rakhne lagi thi... Ye hi to mamta ka ehsaas hai.

Vanshi house me...

Hansh Raj ek bacche ko gaud me le kar andar aata hai.
Bharat - Ye kisko le aaye Hansh?
Hansh - Ye mera kul hai... Aaj se te meri santaan khelayega.
Bharat huste huye - Tum khud ka dhyaan to rakh nahi paate is bechaare ka kya rakhoge?.... Tumhare isi vyavhaar k karan tumse kisi ne shaadi nahi ki.

Hansh Raj chilla kar - Mere se kisi ke shaadi na karne ka karan meri apaahijta hai...
Wo apne nakli pair par maarte huye rhta hai.
Hansh - mujhe jo chahiye tha wo mujhe kabhi nahi mila... Iska matlab ye nahi k mai viyog me jeevan vyateet karu.
Bharat - Tum humesha dusro ko koste rahe isliye tumhe aaj tak kuch nahi mila... Par tumne is anaath ko paalne ka socha is baat se mujhe kuch santushti mili hai.

Bharat us bacche ko guad me lekar - Theek hai tumhari yehi zidd hai to hum ise Vanshi vanshaj ka naam denge...ho sakta hai k ise dekh kar tumhare sochne ki disha badle...Lekin mai fir bhi dua karunga ye bada hokar tumhari tarha nakaratmak soch wala na bane.

Hansh Raj mann me - Mai ise kushagra buddhi or chattaan sheel banaunga. Jo mera badla pura karega...  Meri dhaal banega.

Kuch mahine baad...

Mai Ehsaas hoon... Kehne ko to kurukshetra sheher ka naya bhavishya likha jaa chuka hai lekin abhi usme bahut se parivartan hone baaki the. Ek taraf Hansh Raj ne bhavishya ka jaal bunna shuru kar diya tha dusri taraf us jaal ko kaatne wala bhi is duniya me aane ki taiyaari me tha... Ji haan  mai baat kar raha hoon Kunti or Bhishma ki santaan ko jiska janam ho chuka hai...

Sahani house me...

Kunti ek chhote se bacche ko gaud me liye huyi thi... Tabhi Bhishma aate hai.
Bhishma khushi se - Kunti... Kunti aaj mai bahut khush hoon tumne Sahani parivaar ko aage badhane wale ko janam diya hai.

Kunti bachche ko unke gaud me deti hai. Apne bete ko gaud me lekar wo fule nahi samaate...
Bhishma - kitna pyara hai... Or iske nain kitne salone hai.. Bilkul krishan ki tarha... Isliye iska naam bhi aaj se Shyaam hai Krishan ki chhavi Shyaam.

Use dekh kar Bhishma kurukshetra ki satta ki saari tension ek pal me bhula baithe the.

Mai ehsaas hoon...lekin Hansh Raj or Kunti k Ehsaas se kaafi alag...shayad unke Ehsaas bhi samaan nahi the tabhi...Ek taraf kaha Kunti apne bete ko prem, dulaar, or samarthak parivesh me paalne lagi thi... Wahi dusri taraf Hansh Raj apne bete ko badle, nafrat or nakaratmakta ka paath padhate huye bada kar rahe the.

HansRaj k kamre me uska dattak putra ro raha tha.. Uski cheekh Hansh ko sone nahi de rahi thi. Hansh gusse me uth kar use gaud me utahte hai.
Hansh Raj - Tujhe Rona nahi... Balki dusro ko tulana hai... Meri nind nahi unka chain chhinna hai jinhone mera sab chheen liya... Tujhe Bhishma Vanshi ki party ka naya chehra banna hai... Meri adhuri ichha ko pura karana hai meri kudhti huyi aatma ki Shuddhi karni hai isiliye mai tera naam rakhta hoon Shuddhodhan....

To be continue....

Episode 3

Ehsaaso ki kahani k saath mai Ehsaas kahani ko aage kehne jaa raha hoon. Dhyaan se suniyega... Jab jab manushya ko apne ateet se lagaav hota hai wo vartmaan me nahi jee pata Or bhavishya k dhaage nahi bun pata. Yehi haal kuch Hansh Raj ka ho gaya tha. Wo apne or Kurushetra k bhavishya ko dekh nahi paa raha tha. Isi baat se anjaan Bhishma bhi apni satta me mashgool the. Kunti Shyaam k palan poshan me vyast thi.

Dhalti umar k saath Bharat bhi apni nigaahen nahi fira paa rahe the. Unki najro k niche Suddhodhan kis tarha se bada ho raha tha unhe khabar tak na thi.

12 saal baad.....

Suddhodhan or Shyaam ab 12 saal k ho gaye the. Lekin dono ka vyavhaar bilkul vipreet tha... Chaliye Ehsaas k saath unke vyavhaar par ek ek najar daalte huye aage badhte hai.

Ek din....

Suddhodhan bajar me ghoom raha tha. Use ek khilona pasand aata hai. Wo chup chaap jaa kar wo khilona utha keta hai.
Dukandaar - Aree bhai... Ye khilona kaha le kar jaa rahe ho?
Suddhodhan garajte huye - Tumhari himmat kaise huyi mujhe rokne ki...ek baar jo chiz mujhe pasand aa gayi wo mai haasil kar k rehta hoon.
Dukaandar - Kyu mera nuksaan kar rahe ho bhai.. Iska daam de do Or le jaao.
Is baat par Shuddhodhan or bhadak jata hai.
Shuddhodhan - Tum mujhse daam maang rahe ho tumhe pata hai mai kon hoon... Mai Bharat Vanshi ka Pota hoon. Samjhe.

Tabhi waha Hansh Raj aa jata hai.
Hansh - Kya hoon Suddhodhan?
Suddhodhan - papa ji ye dukaan daar mujhse daam maang raha hai.
Hansh us  dukaandar ko tarerti huyi najro se dekhta hai. Jisse wo darr sa jata hai.
Hansh gusse me jeb se paise nikaala hai Or us dukaandar k muhh par fenkta hai.
Hansh - Ye lo... Or mere bete ko kuch bhi chahiye hota hai wo use mil k hi rehta hai. Or yaad rakhna Kurukshetra ka agla Raj neta yehi hoga.

Sab uski baat dhyaan se sun rahe the...

Dusri taraf...

Shyaam bharte huye ghar aata hai.
Kunti - Shyaam aise kyu jaldi jaldi aa raha hai?
Shyaam - Maa... Aaj pata kya hua?
Kunti - Kya?
Shyaam - Maine aaj ek ladke ki jaan bachayi... Wo talab me doob raha tha..
Kunti - Kaise...? Or Tu to theek hai na?
Shyaam - Haan maa... Maine use rassi fenk kar use sahara diya.

Kunti - Very good... Aise hi acche kaam karna Or apne Nana or Papa ki tarha janta ko seva karna.
Shyaam - Bilkul maa.. Mai bhi apne Nana Or Papa ki tarha ek rajneta banunga... Or Kurukshetra ki satta sambhalunga..

Mai Ehsaas hoon....Sattadhari banne ki chha dono baccho me ufaan maar rahi thi. Lekin unka uddeshy alag thalag tha. Isi sapne ko dekhte huye... Mere saath samay bhi phank lagaye ud gaya Or 12 saal k bacche ab 22 saal k naujavaan ban gaye the Or apni padhai k liye collage jaane lage the jaha unhone naye naye Ehsaas ko anubhav karna shuru kar diya tha...

Inhi ehsaaso k saath kahani ka ye bhaag to yeha pura hua. Lekin sach kahu to asali kahani ab shuru hone jaa rahi hai jisme uski mahatta sabse jyada rang layegi... Jiski dhamak k na jaane kitne kadardaan hai... Kon hai wo.. Iska sabko pal bhar me lagne hi wala tha.

To be continue.....

Episode 4

Mai Ehsaas hoon...ehsaas kuch aisa jo dil ko chhu jaaye...isi ehsaas ka saath Shyaam or Suddhodhan dono ek hi kul me janme do alag alag vyaktitv ke the. Ek me prem ka beej pallavit ho rahe the to dusre me nafrat ki beej poshit huye the... Lekin is Kahani me ek teesra kirdaar bhi tha jo bharat k nav nirmaan ne ek ahem bhumika nibhane jaa raha tha  lekin woh is rajnitik parivesh se door kalatmak parivesh me khoya hua tha....

Kurukshetra se kuch hi kilometre door.....

Ek jagah se ghungroo ki chhanak chhanak kaafi awaaj aa rahi thi.
Ek bujurg -  aise nahi... Aise mudra banao...
Ek ladki - Ji guru ji...
Wo fir se nritya karne lagti hai. Lekin sahi se na kar paane ke karan wo bujurg use rok dete hai. Or kisi ko awaaj lagate hai.
Bujurg shaksh - Nagarjun... Nagarjun...
Ek 20 Saal ladka bhartiya paridhaan pehnne daudta hua aata hai. Uske pairo me bhi ghungroo bandhe the jo chhanak chhanak kar baj rahe the. Uske naine naksh salone or subhavare the.
Nagarjun - Ji guruji... Aapne bulaaya..
Bujurg shaks - Nagarjun... Apni kala ka pradarshan jara is bitiya ko dikhao.
Unke adesh par Nagarjun nritya shuru karta hai. Uske palte Or chakkar dekh sabhi k sabhi mohit ho jaate hai... Un bujurg shaksh k dance academy ka Nagarjun sabse finest dancer tha.
Jise uske guruji udhaaharan swaroop sabke saamne pesh karte the.

Bujurg shaksh - Bahut khoob Nagarjun ek din tum bahut acche Dancer banoge... Mera aashirvaad tumhare saath hai.
Nagarjun - Guru ji mujhe to bas apni khushi k liye dance karna hai. It's my hobby baaki apni padhai puri karne k baad jald hi ek acchi si nokari karni hai.
Bujurg shaksh - Tum jo bhi karna lekin apni kala ko kabhi mat bhoolna.
Nagarjun unke pair chhuta hua - ji bilkul guruji.

Nagarjun ghar aata hai jaha wo apni maa or chhote bhai k saath rehta tha. Pita ka jald hi swargvaas hone k karan Nagarjun apni umar se jaldi bada ho gaya tha. Ab uske upar jimmedaari thi lekin apne dance k hunar ko usne kabhi nahi chhoda. Uski lagan ko dekh kar uski maa ne bhi uska saath diya or apni sarkari pension me se uska sapna pura karne ki puri koshish ki. Is baat ko Nagarjun bahut khoob samajhta tha isliye usne padhai me kaafi maharat haasil ki or usi wajah se aaj wo college jaane k liye bilkul taiyar tha.

Kurukshetra ka ek college...

Nagarjun college me pravesh karta hai uski chal dhaal baaki ladko se thodi alag thi. Ek classical Dancer hone k saath riayaaz ne uska saath kahi bhi nahi chhoda or usko apne me puri tarha sama liya tha isliye wo aisa tha. Aas paas k log use dekh kar hus rahe the   lekin ab usko in sabki aadat ho chuki thi isliye yaha bhi usne kisi par dhyaan nahi diya..

Dusri taraf...

Sahani house...

Kunti - Shyaam... Shyaam..
Ek 22 saal ka hust pust ladka jaldi jaldi biche aata hai. Uske chehre par tej tha. Or aankho me chamak...
Kunti - aa gaye aap... Mujhe laga bhool gaye k aapka aaj college bhi hai.
Shyaam - sorry... Maa ... Pata nahi kaise nind nahi khuli.
Kunti - kaise khulegi... Kal raat aap itna late ghar jo aaye...
Shyaam - kya karu maa... College me  students election hone wale gai bas usi k prachaar me laga hua hoon...
Tabhi Bhishma waha aate hai.

Bhishma - Shyaam... Aapko is baar bhi pichhli baar ki tarha Student election jitna hai. Bhulna mat k kurukshetra ki satta paane ka anubhav aapko college election se hi aayega.
Shyaam haan me sari hilata hai.
Kunti - apne pita ki baat dhyan se suniyegaa... Shyaam aapko bhi apne pita or Nana ki tarha banna hai.

Shyaam usi college me chhatra sangh k sadasy tha jisme Nagarjun ne pravesh liya hai... Wo uska senior tha. Or ab college election me sakriy roop se laga hua tha.
Lekin koi or bhi tha jise is student election me dilchaspi thi.

Vanshi House..

Hansh Raj langdate huye aata hai. Wo dekhta hai k Shuddhodhan abhi tak utha nahi tha... Wo uske upar paani daalta hai. Jisse chaunk kar wo uth jata hai or kambal k hatte hi uske darshan hote hai.
Suddhodhan ab baccha nahi raha... Wo ab ek yuva ban gaya tha.. Jiske baal lambe or muhh pe daadi mucho ko rekahye ubhar si gayi thi... Wo ek chote k samaan najre gira raha tha.. Kaano me baali... Moti baaju pe taabeej aisa lag raha tha Usko pehli baar dekh kar koi bhi darr jaaye.

Suddhodhan garajti awaaj me - aapne mujhe kyu jagaya pita ji.
Hansh - Tu yaha so raha hai or waha wo Shyaam college ka election bhi jeet jayega.
Suddhodhan - kabhi nahi... Mere hote aisa kabhi nahi hoga...chhatra sangh ka adhyaksh is baar to mai hi banunga... Aap bas dekhte jariye.
Hansh - mujhe tumse yehi ummeed thi... Suddhodhan.... Saam daam dand bhed kuch bhi prayog karo lekin use Pita ji ki najro me gira k raho... Ek baar aisa hua to aage jaakar Bharat vanshi Kurukshetra ka naya chehra tumhe hi banayenge... Tab jaa kar jo mujhe na mila wo tumhe milega... Or us din pura hoga mera badla...

Suddhodhan nafrat bhari najro se uthta hai - aap fikar na kariye.. Aisa hi hoga.

Mai Ehsaas hoon... Kehne ko Hansh ka khel saaf tha.. Lekin use na pata tha. Uske raate me kayi rukaawate aane wali hai... Uski rukawat ab is kahani me pravesh karne jaa rahi thi.

Raaste par...

Ek patla dubla cute sa ladka bhagta hua aa raha tha... Or jaise taise kar wo chalti bus me chadh gaya.
Conductor - kaha ki ticket kaatu bhaiya?
Wo ladka muskura kar ek card dikhata hai.
Conductor - student ho.... Koi baat nahi... Tum hi logo k maje hai.
Wo ladka husta hua paas ki khali seat par baith jata hai. Or apne beg se kitaab nikal kar padhne lagta hai... Uske haath ki malayi par ek tattoo bana tha jis par likha tha... PARTH.

College me...

Nagarjun apni class ko dhundhta dhundhta apni class me aa pahuchta hai. Jaha sabki tarha wo bhi naya tha...jaha sab ek dusre se dosti karne me lage huye the...Wahi Nagarjun chup chaap baith jata hai. Na usse kisi ne baat ki na usne kisi se..

Tabhi ek awaaj use chauka deti hai.
Wo awaaj - kya mai yaha baith sakta hoon.
Nagarjun uski taraf dekhta hai...

To be continue.....

Episode 5

Mai Ehsaas sabse khaas... Lekin koi khaas tha jo aa chuka tha Nagarjun ki jeevan me kya naino k baan chalenge ya baan k teer dil ko cheer jayega.. Ye dekhna dilchasp hoga. Aaj Kurukshetra ki zameen bharma rahi thi. Sare sitare ek patal pe aa chuke the lekin ther ek dusre se anjaan dekhna dilchasp hoga kya hoga anjaam..

Ek ladka - Kya eye seat khaali hai.
Nagarjun pehle us ladke k haath par najar daalta hai jispar tattoo se likha tha Parth Or fir uske chehre par jispar thi muskan.

Nagarjun side hote huye - Ji bilkul.
Parth uske bagal me baith gaya.
Parth haath aage karte huye - hello... I'm Parth
Nagarjun - Mera naam Nagarjun hai.
Parth - kaafi lamba naam hai.
Nagarjun husne lagta hai.

Tabhi teacher aa jaate hai Or sab apni apni seat par sahi se baith jaate hai.
Teacher new batch ki pehli class lena shuru karte hai.
Teacher - To student... Aaj aap sabka pehla din hai so introduced yourself.
Sab ek ek kar apni pehchan Or dilchasp chije apne baare me batane lagte hai.
Ab baari Parth ki thi.
Parth - Hello... My self Parth I like everything whatever bi want to do.
Uska attitude or confidence dekh sab impress ho jaate hai yaha tak Teacher bhi
Teacher - very good Parth..Now next you...
Teacher Nagarjun ki taraf ishara karte hai jo usi k bagal me baitha tha.wo Ichkichate huye khada hota hai.
Nagarjun - Hello sir... Mera naam Nagarjun hai.
Uska patla dubla shareer or maheen awaaj sun kar sab husne lagte hai. Halaki Husi to Teacher ko bhi aayi thi lekin wo dikhana nahi chahte the.
Nagarjun chup ho jata hai. Tabhi class k darwaje par koi knock karta hai. Sabka dhyaan us taraf jata hai jaha ek hatya katta ladka Safed kurte or blue jeans me rubaab se khada tha. Sab usko gaur se dekhne lagte hai Nagarjun or Parth bhi.
Wo ladka - Sir may I come in?
Teacher - Aree Shyaam beta aao aao.
Bolo aaj kya announcement karne aaye ho.
Shyaam - Sir New student ko college election k baare me info deni thi.
Teacher use permission dete hai. Shyaam sabki taraf muhh ghumata hai to uski najar sidha Nagarjun se milti hai kyuki wo abhi bhi apni jagah par khada tha. Pehle se uncomfortable hua Nagarjun or bhi uncomfortable ho jata hai.

Shyaam - Hello... Mera naam Shyaam hai or mai aapka senior hoon. Mai aapko ye batane aaya hoon k college k election hone wale hai to aap bhi isme vote jarur dijiyega... Thank you.
Itna keh kar wo jaane lagta hai. Nagarjun abhi bhi use jaate huye goor raha tha tabhi Teacher ki awaaj uska dhyaan todti hai.
Teacher - so Nagarjun tell more about you.?
Nagarjun naam sun Shyaam k kadam class k darwaje par ek dum se ruk jaate hai Or wo Bahar se hi dekhne lagta hai.
Nagarjun - Sir mera naam Nagarjun hai Or mai ek professional classical dancer hoon. I'm feel free when my Ghungroo on.
 Classical dancer ka naam sun sab hairaan reh jaate hai kyuki ek ladke ka is tarah dance karna kisi ajoobe se kam na tha.
Teacher khushi se - everyone clap for him.. That's a good thing. Apne culture ko aage badhana wo bhi itni kathin kala rakhte huye bahut acchi baat hai.

Sabki taaliyaan sun kar uske andar ek nayi urja ka sanchaar hota hai. Uske chehre par khushi aa jati hai. Wo Parth ki taraf dekhta hai wo bhi proudly clap kar raha tha.

Bahar khada Shyaam sabko dekh kar hulki sir muskan hus chala jata hai.
Wo har class me jaa kar election ki campaign kar raha tha tabhi lobby me chalte chalte kisi se takra jata hai. Wo jisse takrata hai uske jeans Or black jacket pehli thi kaano me baali or bikhre lanbe baal kisi sher se kam nahi lag raha tha...

Shyaam - Aree Suddhodhan bhai... Aap?
Suddhodhan najre gadaate huye - Dekh kar nahi chal sakta.
Shyaam pyaar se - Sorry... Maine dekha nahi.
Itna keh wo aage badh jata hai use jaate dekh Suddhodhan use nafrat bhari najro se ghoor raha tha jo Hansh ne bachpan se uske jehen me bhar di thi...
Suddhodhan - Ek baar mere group jo College election jeet jaane do. Is college me tera chalna firna tak band karwa dunga.

Parth or Nagarjun ek saath college ko dekhne ke liye class se nikalte hai. Pura college election ki leher me magan tha.
Wo dono ek acche dost banne lage the.  Or Parth bhi uske talent awaaj impress tha kyuki wo khud ek classic ladka tha.
Jise har chiz me Intrest tha.

Sahani house me.

Bhishma apne me busy the tabhi Kunti aati hai.
Kunti - Humara Shyaam kitna jimmedaar ho gaya hai. Ab wo election ladne jaa raha hai.
Bhishma garv se - Akhir rajneeti uske rago me beheti hai. Or ye to bas uski rajneta banne ki shuruaat hai aage jaa kar use Kurukshetra ka Nav Nirmaan karna hai. Apne Nana  Bharat  ki leek ko aage badhana hai.
Kunti - bilkul.

Tabhi Ambalika aati hai. Ambalika Sahani house k naukro ki head thi jo baaki sabhi naukaro ko ye batati hai k kis kis ko kya karna hai.

Kunti - Kya hua ?
Ambalika - Wo bibi ji...aapse puchhne aayi thi k aaj khane me kya banau?
Kunti - Aaj bas Shyaam ki pasand ka khana banega bas?
Ambalika - Koi khaas wajah hai?
Kunti - Tu kitna sawaal karti hai ... Haan  Shyaam aaj apni pasand ka khana khaa kar khush ho jayega.

College me...

Parth or Nagarjun ek saath college me ghoom rahe the.
Parth - waise ek baat kahu bura na manna....tumhaari awaaj bilkul ladkiyon ki tarah hai ek pal ko to mai bhi dhokha khaane gaya k mai kisi ladki se baat kar raha hoon... Hehehehe. Or tum itne patle duble ho Or chalte aise ho jaise koi ladki...
Nagarjun kuch nahi bolta
Parth - Kya hua tum chup kyu ho gaye?
Nagarjun - Wo kya hai dance karte karte hum ladko ki body waisi ho jaati hai... Shayad ye tumhe pata nahi.
Parth ko mehsoos hota hai k uski baat use acchi nahi lagi isliye wo baat ko ghumanne ki koshish karta hai.

Tabhi kuch log jai ho jai ho k naare lagane lagte hai.
Nagarjun - Ye shor kaisa hai?
Parth - pata nahi chalo dekhte hai...
Wo dono bheed me dhkka mukki kar aage badhte hai to dekhte hai Shyaam sabke beecho beech khada bhashan de raha tha. Uski speech itni damdaar thi k   sabhi ko bahut prabhavit karti hai.

Nagarjun bhi uske vyaktitv se prabhaavit ho gaya tha. Shyaam apni speech khatm karta hai. To uski najar Parth Or Nagarjun par padti hai.
Shyaam unke paas aa kar - Tum dono new student ho na?
Parth - Haan... Sahi pehchana aapne aap humari class me aaye the.
Shyaam - Yes yes... I know.... Kisi bhi tarah ki help chahiye to humare group ko bata dena. Hum student ki har tarah ki help karte hai.

Wo Parth ki peeth thapthapa kar chala jata hai.
Nagarjun use jaate huye dekhne lagta hai.

Mai Ehsaas hoon... Lekin ek Ehsaas Nagarjun ko bhi hone laga tha. Lekin ye kya tha abhi kuch keh pana mumkin nahi tha. Lekin Shyaam Suddhodhan k Ehsaas se vanchit na tha... Kurukshetra k bhavishya ki lekhni college k is election se likhi jaani thi jiski shuruaat bas ho hi chuki thi.

To be continue..

Episode 6

Kurukshetra k college me election ki legee beh rahi thi. Shyaam Or uske group ka kaafi dabaaya tha jo Suddhodhan Or uske group k logo ko gawara nahi tha.

Parking laut me sab bike par baithe dera janate huye the.

Ek ladka - Bhai ji... Ye Shyaam Or uske group bahut jor shor se apna prachaar kar rahe hai.
Dusra Ladka - Haan bhai... Hume kuch karna hoga nahi to ye log election jeet jayenge.
Shuddhodhan unki baat chup chaap sun raha tha.
Ek or ladka - Bhai aap kuch bol kyu nahi rahe ho?
Wo bade style k saath bike se niche utarta hai.
Suddhodhan aadesh dete huye - Jaao... College me election ka mahual bhang kar do. Har class me itni tod fod karwao k Shyaam or uske group se sambhala na jaaye. Fir dekhte hai is aatank ka fayeda Hume kaise nahi milega.
Pehla ladka - Lekin Bhai ji... Agar hum pakde gate to election se kya College se bhi bahar ho sakte hai..
Suddhodhan - uski tension mat lo.. Yaha k professor se lekar pune tak me rajniti bhari padi hai. Wo sab ek hi thaali k chatte batte hai. Kisi ko khbar na lagegi. Tum bas bahar k ladko ko bulwa k college me aisa aatank failwao k sab dekhte rehte jaaye. Koi humara baal bhi banka nahi kar sakta.

Kuch hi der me bahut se anjaan log naqab pehne huye College me jabardasti daakhil hote hai. Wp sab jabardasti college me tod fod shuru kar dete hai. Jo bhi unhe rokne ki koshish karta wo bhi unke dando ki maar ka shikaar ho jata.

Class me...

Parth Or Nagarjun class ka lecture attend jar rahe the tabhi jaise hurkamp mach gaya... Kuch log dandanaate huye class me ghus gaye or tod fod karne lage. Sab apni jaan bacha kar bahar ki taraf bhaage. Parth or Nagarjun to dekhte hi reh gaye k aakhir ho kya raha hai.
Parth unhe rokta hua - Tum log kon ho, or ye sab kyu kar rahe ho... Ye sab galat hai.
Ek aadami - Ek chhore Hume na sikha kya sahi hai kya galat.. Chal nikal yaha se Hume apna kaam karne de.
Nagarjun - Parth chalo yaha se...
Parth - Ek minute... Ye log aise arajakta nahi faila sakte...
Usne itna kaha bhi na tha k un naqab posh logo ne parth k kandhe par danda maar diya tha jise use chote aa gayi thi.

Dusri taraf...

Koi aakar Shyaam k group k khabar deta hai k college me kuch anjaan log ghus aaya hai or tod fod kar rahe hai.
Shyaam jaldi se bhaag kar jata hai or dekhta har jagah hadkamp macha hai.
Wo or uske dost masoom students ki jaan bachane me or unhe bahar nikalne me madad karta hai.

Bhagta bhagta wo ek class me jata hai. Jaha dekhta hai ek ladka jameen chot khaye par baitha tha dusra ladka jo dara hua sa tha use sahara de raha tha. Or baaki sab tod fod machane me lage the.
Shyaam chilaate huye - hey... Ruko..
Wo unhe rokta jab wo log nahi maante to wo unhe rokne k liye hathapaayi karne lagta hai. Wo unhe bahut maarta hai. Nagarjun or Parth ye dekh surakshit mehsoos karte hai k koi unki madad k liye aa gaya hai.

Bhishma ka office...

Bhishma apne sarkari office me baithe the tabhi Television par ek news chal uthti hai k Kurukshetra k college me hangama kuch log jabardasti college me ghuse.
Ye dekh wo darr jaate hai or Police ki ek team ko waha k logo ki raksha karne k liye jaane ka aadesh dete hai.

Dusri taraf

Hansh bhi ye news dekh raha tha. Or wo mann hi mann khush ho raha tha.
Hansh khud se - Ye to bahut chatpati khabar hai jisne bhi ye kiya hai ab iska fayeda mujhe milega... Is aatank k karan Bhishma ki satta par aisa aarop lagega k use satta chhodni hi padegi.

Tabhi Bahart aate hai.

Bharat - Hansh tumne suna Kurukshetra k college me kya chal raha hai. Mujhe to badi fikar ho rahi hai Suddhodhan or Shyaam dono usi college me hai kahi unhe kuch ho na jaaye.
Hansh - Suddhodhan ko kuch nahi hoga. Wo chattan hai uska koi baal bhi banka nahi kar sakta.
Bharat - Hmmm... Mai Bhishma se baat karta hoon. Jald se jald koi action lena hoga nahi to janta k mann me humare viruddh kayi sawal ghar kar jayenge.
Bhishma se madad ko baat sun kar uske tan badan me aag sir lag jaati hai.

Mai Ehsaas hoon... Or janta ka ehsaas satta me sarvopari hota hai. Usi janta ka vishwas kahi na kahi tutate huye najar aa raha tha. Unke bacche arajak mahual me fase the. Kya hoga iska parinaam kahi Bhishma ko satta se haath na dhona pade or aisa hua to Hansh ki nafrat jeet jayegi... Aise me kya College election ho payega. Ya Suddhodhan ka kiya kabhi bahar aayega. Ye janna dilchasp hoga.

College me...

Shyaam class me sabko jaisi taise rokta hai lekin wo log bahut saare the. Lekin Shyaam bhi unhe muhh tod jawab de raha tha...aise me use bhi kuch chot aati hai...lekin Use pehle students ki madad karni thi.
Shyaam - Tum log theek to ho na..
Nagarjun - Mai theek hoon lekin Prath ise bahut chot aayi hai.
Shyaam - Hume Ise hospital lekar jana hoga.
Parth - Lekin hum bahar kaise nikalenge. Bahar or bhi log honge.
Shyaam use dilasa dete huye - Tum fikar na karo mai hoon tum logo k saath.

Kuch hi der me Police ka ek dal college me pravesh kar jata hai use dekh kar sabhi Ghuspaithiye  bhagne k liye taiyar ho jaate hai. Kuch hi der me college me machi hulchul shaant ho jaati.
Police pura college khaali karwa kar sabji students ko bahar sahi salamat nikalti hai.
Shyaam Or uske dost bhi un police ki help karte hai sabko bachane me.
Shyaam Parth ko bhi hospital lekar jata hai jaha Nagarjun bhi saath me tha.

Hospital me....

Doctor Parth ki patti  karte hai.
Shyaam hausala dekar - Koi nahi dost tum jaldi theek ho jayega.
Parth - Thankyou... Hume bachane k liye.
Tabhi Nagarjun ki najar Shyaam k haath pe lagi chot par padti hai.
Nagarjun - Arre... Sir aapko bhi chot lagi hai.
Shyaam use chhipate huye - Ye kuch bhi nahi hai aisi chote lagti rehti hai.
Nagarjun - nahi dekhiye khoon bhi nikal raha hai..Doctor... Aap inki bhi bandagee kar dijiye.
Shyaam mana karta hai lekin Parth Or uske baar baar khene par use patti karwani hi padti hai.
 Shyaam muskura kar kuch sochne lagta hai.
Nagarjun - Aap kya soch rahe hai Sir?
Shyaam - Kuch nahi.

Sahani house.

Pure din ki hulchul k baad Shyaam raat ko ghar pahuchta hai. Use is haalat me dekh Kunti or Shakuntala ghabra jaate hai.
Kunti - hey krishna... Ye sab kya ho gaya.
Shyaam unhe sab batata hai.
Kunti - Haan news me dekha. Tab se tujhe phone laga rahi lekin tera phone band aa raha.
Shyaam - Us hangaame me mera phone tut gaya.
Kunti uske sari pe haath ferte huye - teri bahut fikar ho rahi thi. Tu sabki madad karne k liye khud ki jaan jokhim me kyu daalta hai...
Shyaam - yehi to sikha hai aapse Nana ji se or pita ji se dusaro k liye ladka.

Tabhi Bhishma bhi aa jaate hai.
Bhishma - Bilkul sahi kaha... Hum rajneta log janta ki madad karne se kabhi pichhe nahi hatate Or Tu fikar na kar maine police ko adesh de diya hai ye sab kisne kiya jald hi pata chal jayega or mere bete ko chot pahuchane walo ko mai chhodunga nahi.
Shyaam - darr to bas mujhe itna hai k aaj jo hua uske darr se students k parents apne baccho ko kahi voting karne se roke na.

Ek Sunsaan ilaake me kuch ladke jama the. Wo Shuddhodhan or uske dost the.
Ek ladka - Bhai... Aapne to aaj kamaal kar diya.. Students k mann me aisa darr paida ho gaya hai k koi bhi voting karne nahi aayega. Hahahaha
Suddhodhan - Na rahega na bajegi baansuri. Mai bhale student president na nanu lekin mai us Shyaam ko bhi nahi banne dunga. Jiske baap ne mere baap se satta chhini hai. Mai uska haq cheen lunga.

To be continue.....

Episode 7

Nagarjun apne nrity ka riyaaz kar raha tha lekin naachte naachte uske pair beech beech me ruk jaa rahe the. Uska dhyaan kahin or tha.
Gujuji - Nagarjun tumhara dhyaan dance me nahi hai agar aisa hai to jaa sakte ho.
Nagarjun - Sorry guju ji.
Wo fir se riyaaz karna shuru karta hai. Lekin fir se uska dhyaan dagmaga jata hai. Asal me wo Shyaam k baare me soch raha tha uski chont dekh kar use fikar sir ho rahi thi.
Guruji - Nagarjun maine kaha na agar tumhara dhyaan kahi or hai to tum jaa sakte ho. Tumhari wajah se baaki sabko bhi disturbance ho rahi hai.
Nagarjun na chahte huye bhi jaane lagta hai.
Nagarjun mann me - Ye mujhe baar baar Shyaam sir ka khyaal kyu aa raha hai. Shaayad mujhe ek baar unki chont ka haal chaal puchhna chahiye.

Next day...

Nagarjun aaj jaldi college aa pahucha tha. Lekin waha jyada log nahi aaye the kyuki kal k dange k baad sab dare huye the.
Nagarjun khud se - Shyaam Sir kahi nahi dikh rahe shayad wo aaj aaye nahi... Accha hai unhe rest karna chahiye...

Wo wapas jaane lagta hai. Tabhi use kisi k Khushfusahat ki awaaj aati hai. Jo kal k dange k baare me baatein kar raha the.
Ek ladka call par - Waah bhai waah aapne kya plan banaya... Dekha aaj kitne log darr kar college aaye hi nahi.
Un ladke ka phone speaker par tha jisse Nagarjun bhi sab kuch sun raha tha.
Dusri taraf se - aaj to kam log aaye hai lekin Voting day par ek parinda bhi nahi fatkega yaha par... Fir hum haar kar bhi jeet jayenge or wo Shyaam jeet kar bhi haar jayega..

Nagarjun sab kuch sun leta hai..
Nagarjun mann me - Iska matlab kal ka danga ek sochi samjhi saajish k tehet karaya gaya tha. Matalab ye log nahi chahte k college me student council ka election ho. Or inhi logo ki wajah se Parth or Shyaam Sir ko chont aayi hai. Hey krishana... Mujhe kuch karna hoga lekin kya... Ek kaam karta hoon Parth ko batata hoon.

Wo turat Parth ko call mila deta hai..
Nagarjun - Hello Parth.. Mujhe tumhe kuch batana hai..
Wo use saari baat batata hai.. Parth bhi samjh jata hai k lehro ki disha ulti beh rahi hai. Kuch log election k mahaul ko nakaratmak banane me lage huye hai...
Parth - Dekho Nagarjun sabse pehle to tum waha se niklo. Itne kharab mahaul me tumhe akele college nahi jana chahiye tha. Mai kal tak theek ho jaaunga... Fir sochte hai k kya karna hai.
Wo use ek acche dost ki tarha samjha kar ghar wapas bhej deta hai.

Sahani house....

Shyaam aone bade se room me bed par leta ek rajnithik kitaab padh raha tha. Uske haathon me abhi bhi patti bandhi huyi thi. Tabhi Ambalika juice lekar aati hai.
Ambalika - Uff bhaiya ji.... Aap rest nahi kar rahe agar ye baat bibi ji ko pata chalegi to mujhe daatengi.
Shyaam huste huye - Bas is book ka last chapter baccha hai wo khatam ho jaane do warna mujhe chain nahi milega.
Ambalika gusse me - Chain to mai un logo ka cheenungi jinhone aapko ghayal kiya hai.. Kalmuho ko narak me bhi jagah nahi milegi.

Tabhi Hansh ka aagman hota hai.
Hansh banawati husi hua kar - Bilkul theek kaha tumne chhori.
Shyaam khushi se - Arre mama ji aap?
Hansh - Maine socha apne eklote bhanje ka haal chaal puchh loon isliye aa gaya.
Wo Banawati husi hus raha tha lekin mann me usse khushi mil rahi thi Shyaam ko is halat me dekh kar.
Hansh nantr huye - Jisne bhi tumhara ye haal kiya hai ek baar pata chal jaaye to mai use chhondunga nahi.
Shyaam - Aap fikar na karo ye Mama ji bahut jald un naqaab posh dangaaiyo ka parda fash ho jayega.
Hansh mann me - Tu jitni koshish kar le chhore lekin aisa nahi hone payega.

Agle din...
 Nagarjun ka ghar....

Parth ab kaafi hadd tak theek ho chuka tha. Wo jaise taise chalkar Nagarjun se milne aata hai.
Nagarjun fikar karte huye - Arre Tum kyu aaye Parth... Mujhe batate mai aa jata.
Parth - koi baat nahi ab mai kaafi hadd tak theek hoon. lekin tum theek nahi lag rahe.
Nagarjun - Haan kya batau... Jab se mujhe pata chala hai k college me jo hua wo kisi ne karaya tab se mujhe darr sa lag raha hai. Mai is ladai dango se bahut door rehta hoon.
Parth - isme darne ki kya baat hai. Hum aaj hi principal sir k paas jaakar unhe sab bata denge. Wo jarur koi action lenge

College Principal office...

Nagarjun Principal ko sab kuch abtak deta hai jo usne us ladke k muhh se suna tha.
Principal - accha to ye baat hai... Mujhe isi baat ka shaq tha.
Parth - Sir un logo ko jald se jald pakdna hoga... Maine unhe paas se dekha hai mai jarur unhe pehchan lunga.
Principal - Ab is matter ne ek hi shaks humari madad kar sakta hai...
Nagarjun - Kon?
Principal - RajNeta Bhishma Sahani.

Sahani House...

Principal Nagarjun Or Parth ko lekar Sahani house pahuchte hai. Nagarjun unki kothi ko dekhta hi rehte jata hai. Aas paas kaake kapdo me gaurd lage huye the
Nagarjun mann me - Waah... Kitna alishan ghar hai. Maine aaj tak aisa ghar nahi dekha..

Mai Ehsaas hoon... Mere Ehsaas me Nagarjun ka ehsaas ghul sa gaya tha. Uska aagman Shyaam k ghar k saath usje jeevan hone jaa raha tha. Bharat Vashi k vansh ko nayi gatha likhne wo anjaana sa ladka unke chakra me aa pachuha tha.

 Hall me....

Ek gaurd unhe baithne ko bol kar Bhishma ko bulaane jata hai.
Parth Nagarjun se - Lagta hai kaafi damdaar log hai ye log.. Tabhi Principal sir Police k paas jaane se pehle inke paas aaye hai..

Kuch der baad.

Ek aadmi rubaru k saath tej kadmo se chalkar aata hai or unka haath jod kar abhivaadan karta hai. Parth or Nagarjun khade ho jaate hai or saath saath unke vyaktitv ko dekh chakachaundh rehte jaate hai.
Bhishma garajti awaaj me - Baithiye... Kahiye Principal sahab kaise aana hua.?
Principal unhe saari baat batate hai.

Bhishma Nagarjun se - Accha to tumne us ladke ka chehra dekha jo kisi se call pe baat kar raha tha.
Nagarjun sankochit hokar - Ji utna acche se to nahi lekin mai unhe ek baar dekhunga to pehchan lunga.
Bhishma - Hmmm
Wo Ambalika ko awaaj laga kar Shyaam ko bulane ka ishara karte hai.
Kuch der me Shyaam dheere dheere ghar ki seediya utarta hua niche aata hai.
Use dekh Parth or Nagarjun chonk jaate hai.
Parth dheere se - sir yaha.....Iska matlab ye Bhishma Sahani ka beta hai..
Nagarjun - mujhr bhi yakeen nahi ho raha... Itna suljha hua ladka itne acche parivaar se hi ho sakta hai.

Shyaam un sab k paas aata hai..

Shyaam - Aree principal sir... Or tum dono yaha kya kar rahe ho?
Bhishma Nagarjun ki taraf ishara karte huye - Is ladke ne us ladke ko dekha hai jo kal k dange karane me shaamil hai.
Shayaam khushi se - That's good news... To Nagarjun tum batao kon hai wo?.
Nagarjun - mai use bas shakal se pehchanta hoon.
Shyaam - Koi baat nahi... Tum uska sketch banne me humari madad kar do. Fir use pehchana mushkil nahi hoga.

Mai Ehsaas hoon lekin Suddhodhan  har ehi se bekhabar chain se baitha tha use nahi pata tha k kaal ki talvaar uske gale par latak rahi hai.

To be continue...

Episode 8

Sahani house...

Nagarjun us ladke ka sketch banane me Shyaam ki madad karta hai. Jo college me dange karwane me shaamil tha. Wo uska huliya sketch artist kk bata raha tha wahi thodi door par baitha Shyaam Nagarjun ki taraf ghoor ghoor kar dekh raha tha.
Uska dhyaan sirf usme me tha. Tabhi Ambalika aakar uska dhyaan todti hai - Bhaiya ji Chai.
Shyam chonkte huye - rakh do table par.
Ambalika mann me - Ye bahiya Ji itne dhyaan se us ladke ki taraf kyu dekh rahe hai.

Kuch der baad..

Sketch Artist - Ye lijiye ban gaya Sketch.
Shyam sketch hatho me lekar - Kya yehi hai wo?
Nagarjun - Ji sir...
Shyam - Thankyou humari madad karne k liye....
Wo usse haath milane k kiye haath aage badhata hai. Nagarjun bhi dheere dheere haath aage kar handshake karta hai. Un dono ka Ye touch kuch to rang laane wala tha.

Shyam kisi ko phone karta hai - Hello haan us ladke ka huliya pata chal gaya hai. Jaha bhi dikhe pakad lo.

Chappe chappe pe ab us ladke ka sketch lag chuka tha. Uski talash jaari thi. Lekin kahi to aag lagi thi jiska dhua utha tha.

Vanshi House.

Hansh sharan se bhara glass gusse me fenkte huye - Tune mujhe bata k ye sab kiya hota to aaj mai situation ko sambhaal leta. Lekin dekh teri nasanjhi k karan Tu musibato me ghir gaya hai.
Suddhodhan - Kya hua pita Ji?
Hansh sketch dikhate huye - ye dekh is ladke ka photo har Chaurahe par latak raha hai agar isne apna muhh khol diya to Tu bhi nahi bachega.
Suddhodhan - Ohh no.. Ab kya hoga? Ye baat bahar aayi kaise?
Hansh - Wo baad me sochenge filahaal to tujhe bachane k liye kuch karna padega?
Suddhodhan - Lekin kya kar sakte hai?
Hansh shaitani husi huste huye - Maar do saale ko... Na rahega baans na bajegi bansuri.
Dono shaitani husi husne lagte hai.

Agale din Kurukshetra k paas  wale jungle se polish ko ek laash milati hai. Jab wo us laash ka chehra dekhte hai to dang reh jaate hai. Wo wahi ladka tha jo college me dange karwane walo ka pata bata sakta tha.

Police inspector Bhishm k paas aate hai Or unhe sab kuch batate hai.
Bhishm - Iska matlab dange karwane walo ko pehle hi bhanak lag chuki thi k hum un tak pahuchane wale hai..
Tabhi Shyam bahar jaane k liye niche hall me aata hai.

Bhishm - Shyaam aapki halat aisi nahi k aap chal fir sake chont abhi gehri hai.
Shyaam - Janta hoon bauji lekin kya karu ab room me baitha nahi jata socha thoda bahar ghoom loon.

Tabhi Kunti bhi waha aa jati hai.
Kunti - Mai to is ladke ko samjha k thak gayi hoon aap hi kuch kahiye

Bhishm uae paas bulate hai - Shyaam idhar aaiye
Wo aata hai

Shyaam - Jis ladke k dwara hum un dangaiyon ki Pehchan karwane wale the kal uski laash jungle me padi mili hai.
Ye sun Shyam chonk jata hai.
Shyam - Kya... Iska matlab dangaiyon ko pata tha k hum un tak pahunchne wale hai isliye ye sab hua...
Bhishm - Haan... Or ab hume is baat ka darr hai k kahi wo log pakde jaane k darr se us ladke ko ka nuksaan pahuchaye.
Shyam - jis ladke ko?
Bhishm - Jisne is mare huye ladke ka sketch banwaya tha.
Nagarjuna pe khatre ki baat sun kar Shyam ko darr sa lagne laga tha.
Shyam khade hokar - uski fikar aap mat kariye.... College Student Council k log Nagarjun pe aanch tak aane nahi denge mai khud is baat ka khyaal rakhunga.

Itna keh kar wo dheere dheere chal kar bahar chala jata hai.
Kunti - Mujhe to is ladke ka darr laga rehta hai. Josh me kahi kuch galat na ho jaaye.
Bhishm - Hum janta wadi log hai. Or Rajniti me ye sab chalta hai. Wo abhi se dusaro ki seva karna nahi sikhega to aage chal is kursi ko kaise sambhalega. Wo ab bada ho gaya hai use apne faisale khud lene dijiye.

Nagarjun apne nirtya kendra me riyaaz kar raha tha. Ghungharoo ki chhanak taal pe taal maar rahi thi.

Tabhi uske nritya kendra par Shyam Parth k saath aata hai. Parth ne hi use uska rasta bataya tha. Nagarjun ko pata bhi na tha wo apni dhun me riyaz kar raha tha or Shyaam uske sundar nritya ko gaur se dekh raha tha.

"अटक-अटक झटपट पनघट पर
चटक मटक इक नार नवेली
गोरी-गोरी ग्वालन की छोरी चली
चोरी चोरी मुख मोरी मोरी मुसकाये अलबेली
कँकरी गले में मारी कंकरी कन्हैये ने
पकरी बाँह और की अटखेली
भरी पिचकारी मारी
भोली पनिहारी बोली"

Guru Ji - Waah... Kya baat hai ati uttam.
Nagarjun khush hokar guru Ji ka ashirwad leta hai tabhi uski najar Shyaam or Parth pe padti hai.
Nagarjun - Aree Parth tum... Or Shyam sir aap yaha?
Parth - Hume tumse kuch baat karni hai... Jis ladke ka tumne sketch banaaya tha kal uski maut ho gayi.
Ye sun Nagarjun Bahuchakka sa reh jata hai.
Nagarjun - Kya...hey bhagwaan.
Shayam - Haan... Or mujhe mera matlab hume fikar hai k tum pe hamla ho sakta hai Isliye mai tumhe batane aaya hoon k apna khyaal rakhna.
Nagarjun huste huye - Lekin koi mujhe nuksaan kyu pahuchayega mai ek sidha sada ladka hoon.
Shyaam uske paas aa kar - Jaanta hoon. Isliye mujhe tumhari or fikar hai. Kisi bhi protection ki jarurat ho to sidhe mujhse kehna.

Nagarjun ki husi gayab ho gayi thi. Wo Shyaam ki najro me kuch dekh pa raha tha wo thi uske liye fikar. Shyaam bahut gambheer mudra me tha. Parth unke Ehsaaso se mukt beech me bol padta hai.
Parth Sir aap fikar na kariye... Mai apne dost ka acche se khyaal rakhunga.
Shyaam - Mujhe ab chalana chahiye.

Wo jaane lagta hai tabhi Nagarjun use pichhe se awaaj lagata hai.
Nagarjun uske paas aa kar - Sir.. Ye lijiye?
Shyam - ye kya hai?
Nagarjun - Sir kal mera Stage show hai... Ye usi ka pass hai. Mujhse khushi hogi agar aap aayenge.
Shyam uska invitation khushi khushi accept kar leta hai.
Parth maskhari karte huye - Waah apne dost ko nahi bulaaoge?
Nagarjun hus kar - Mai jaanta hoon tum bin bulaye hi aa jaoge.. Waise bhi dosto ko invite nahi kiya jata.
Parth - Ye baat to hai. Hahahahahah.

Vanshi house...

Suddhodhan gusse me - Us ladke ki wajah se ek khoon ka kalank mere maathe lag gaya. Mai use chhodunga nahi.
Hansh - Tumhe josh se nahi hosh se kaam lena hoga. Jis ladke ne Bhishm ki madad ki hai wo tumhare liye aage bhi khatra ban sakta hai lekin abhi loha garam hai use thanda hone ka waqt do.
Gusse me aisa kuch na kar dena k baazi tumhare haath se nikal jaaye.
Suddhodhan - to mai kya karu pitaji..
Hansh - Filhaal College k president ki kursi bhool jaao..
Suddhodhan - ye aap kya keh rahe?
Hansh - kabhi kabhi kuch paane k liye kuch khona padta hai. Waise bhi mai tumhe Kurukshetra ki rajneta ki kursi pe baithna dekhna chahta hoon ye college president ki kursi bahut chhoti chiz hai.

Suddhodhan mann me - Lekin mai us ladke ko sabak sikha k jarur rahunga jo meri safalta me roda bana hai.
Wo kisi ko phone lagata hai or Nagarjun k baare me saari information nikalne ka aadesh deta hai.

To be continue.....

Episode 9

Mai Ehsaas hoon... Yu to mai bahut din se aapke ehsaason k saath tal mel nahi baitha paya. Lekin aapke ehsaason ne mujhe khud ko bhulne nahi diya.
Jis prakaar Kurukshetra ki bhoomi ne un dangaiyon ko bhoolne nahi diya. Ab uska sara daromadaar ek nrityak yaani Nagarjun pe aa gaya tha. Jaha Shuddhodhan Or Shyaam dono uske jeevan ki aor kheenche chale jaa rahe the. Ek prem ras me leen dusra dwesh ras me leen.

Dance Auditorium me....

Aaj Nagarjun ka dance performance tha jaisa ki usne chaha tha k Shyaam uska dance performance dekhne aaye waisa hua bhi wo aaya bhi. Lekin koi or bhi tha jo dhaak jamaye Nagarjun ko dekhne ko betaab tha wo or koi nahi balki Shuddhodhan tha.

Stage ka parda khulta hai or Nagarjun dhoti or ang vastr me saja stage per apni manmohak prastuti dene aata hai. Table or ghungharoo ki jhanak me lipt uska saundary dekhne wala tha jiska prabhav Shyaam k dil par pad raha tha. Wo tak taki lagate use nihaare jaa raha tha.

"Mrignayani chandramukhi
Mai hun tera prem deewana
Mrignayani chandramukhi
Sun rasiya man basiya mere
Sun rasiya man basiya mere
Mujhe tu bhool na jana
Mrignayani chandramukhi"

Shyaam mann me - Waah... Kitna accha dance karta hai Nagarjun. Aisa dance me meri ruchi aaj tak kyu nahi huyi...
Bagal me baitha Parth uski badbadahat sun leta hai magar samjh nahi pata.
Parth - Kya hua sir? Aapne kuch kaha?
Shyaam sankoch me naa me sar hila deta hai.

Wahi dusri taraf Shuddhodhan ki najar pehli baar Nagarjun pe padi. Wo use kroor roop me dekh raha tha jisne uska sara kaam bigaad k rakh diya tha.
Shuddhodhan mann me - To ye hai Nagarjun... Mera kaam bigaad kar khud kaise tha tha thai thai kar naach raha hai. Lagta hai ise dance se bahut pyaar hai.

Wo kisi ko phone lagata hai.
Shuddhodhan phone par - Hello... Shikaar mere saamne hai... Nahi use jaan se nahi maarna tumhe bas uski taange todni hai jisse wo kabhi dance nahi kar paaye... Usne meri pyaari chiz student person ki kursi mujhse chhini mai use kabhi naachne layak nahi chhodunga... Tum samajh gaye na tumhe kya karna hai.... Bahut sahi.

Shuddhodhan Hansh Raj k Ittelaah karne k baad abhi bhi apni chaal se baaj nahin aaya tha.

Udhar stage par Nagarjun ka dant khatam hone ko aaya tha . Sab jor daar taaliyon se uska abhivaadan karte hai. Shyaam to mantramugdh hokar khade hokar clap karne lagta hai jisse Parth ko dekh kar kuch ajeeb sa lagta hai.

Auditorium k bahar...

Nagarjun apne kapde Or makeup utaar kar Auditorium k bahar aata hai jaha logo ki bheed use mubarak baad dene me jut jaati hai. Wo sabko ek ek kar thankyou bol raha tha. Tabhi uski najar Shyaam par padti hai jo Parth k saath uska free hone ka intejaar kar raha tha.
Wo unke paas jata hai.

Nagarjun - Sir... Aap aayenge mujhe yakeen nahi tha.
Shyaam - Kaise na aata... Tumhara itna accha dance performance bhala kaise mai miss karta.
Parth - Sach me Nagarjun tumhare me kala koot koot kar bhari hai... Saraswati mata ka ashirwaad hai tum par.
Wo dono ko khushi se thankyou bolta hai or jaane ki baat kehta hai.
Nagarjun - Ab mujhe jana chahiye... Ghar pe maa or baaki sab mera intejaar kar rahe honge.
Shyaam - mai chhod du tumhe?
Nagarjun - Nahi sir... Mai chala jaaunga waise bhi aapka or Parth ka ghar dusri taraf hai or mera dusri.

Wo jaane ka bol kar road k kinare khada kar kisi sawari ka wait karne lagta hai. Tabhi door se ek tej se chalti huyi car uske paas aa kar use takkar maar kar chali jaati hai.

Ek cheekh ki awaaj aati hai. Parth or Shyaam najre ghuma kar dekhte hai Nagarjun road kinare lahu luhaan pada tha. Use dekh Shyaam ka jaise kaleja bahar aa gaya ho. Wo dono jhat se use sambhalne pahuchte hai.

Shyaam - Nagarjun.. Utho aankhe kholo.
Lekin koi jawaab nahi aaya.
Parth - hume abhi ise hospital lekar jana hoga.. Sir
Shyaam - Tum theek kehte ho.. Tum sambhalo ise mai gaadi lekar aata hoon.

Hospital me.....

Parth or  Shyaam bahar khade doctor k aane ka intejaar kar rahe the jabki doctor andar Nagarjun ka treatment kar rahe the.
Tabhi Nagarjun ki maa Satyavati  or Guru ji bhi  aa pahuchte hai. Jise Parth ne bula liya tha.

Guru ji - Kaisa hai mera Nagarjun wo theek to hai na?.
Parth - Doctor check up kar rahe hai.
Satyavati  - Kitna khush tha wo aaj apne Dance performance ko lekar.. Shayad use kisi ki najar lag  gayi.

Shyaam mann me sochne lagta hai shayad meri hi najar lag gayi Nagarjun ko. Stage pe uska roop dekh kar mai phoola na samaya.. Ye mujhe kya ho raha hai. Kya ho raha hai mujhe.

Dusari taraf... Vanshi House me...

Shuddhodhan khush tha k jaisa usne soch waisa hi hua.
Shuddhodhan phone par - waah tumne jaisa socha tha waisa hi kiya. Ab wo kabhi nachane layak nahi rahega...
Uski baat sun Hansh raj aa jaate hai.
Hansh Raj - Kon naachne layak nahi raha beta?
Shuddhodhan - wahi jiski wajah se mujhe college election se kadam pichhe karne pade. Wahi Namuraad ladka..
Hansh - tumne kya kiya uske saath?
Shuddhodhan - abhi to jyada kuch nahi kiya lekin use bhavishya me sabak jarur sikhaunga.
Hansh uski kutilta per bahut prasann hota hai.

Mai Ehsaas hoon... Shuddhodhan ne abhi bhavishya ki baat ki. Isse lagta hai uska badla abhi pura nahi hua ya kahe uska mann nahi bhara. Lekin  Nagarjun ka bhavishya hi use is dagar pe le aaya hai jaha wo Kurukshetra ki satta ka palat vaar karega.. In sab se door. Kunti Shyaam ki chinta me vileen thi.

Sahani House...

Kunti chita karte huye - Bahut raat ho gayi Shyaam abhi tak nahi aaya uska pair bhi abhi mushkil se sahi hua hai.
Bhishm - Aa jayega Kunti.... Tumhara beta doodh pita baccha nahi raha.. Akhir kitni baar tumhe samjhana padega.

.Hospital me...

Doctor treatment kar bahar aate hai.
Satyavati - kaisa hai Nagarjun?
Doctor - wo theek hai bas pair me chont aayi hai.
Guru ji darr kar - Kya pair me.. Waise Wo dance to kar lega.?
Doctor - Dance.... Mujhse nahi lagta jis tarha se use gaadi ne takkar maari hai wo aage aane wale mahine me theek se chal le to bahut badi baat hai dance to door ki baat hai...

Guruji k muhh se ahhh nikalti hai. Une priya student ki aisi halat unse dekhi nahi jaa rahi thi.

Shyaam ailana karte huye - Doctor ...Nagarjun ki dekh bhal me koi kami nahi chahiye jo bhi chiz ki jarurat ho mujhse kahiyega... Bas use jald se jald theek kar dijiye..

Parth Satyavati Or Guruji ko jaane ko keh kar khud hospital apne dost k paas rukne ki baat kehta hai. Tabhi..
Shyaam - Parth... Tum akele kyu pareshan hote ho... Mai bhi rukta hoon.
Parth - nahi sir... Aapka jakhm bhi abhi abhi bhara hai aap ghar jaaiye.. Mai hoon yaha...
Shyaam - theek hai lekin  kal mai jarur aaunga tab tak koi bhi emergency ho mujhe call kar lena.

Na chahte huye bhi use Nagarjun se door hona padta hai.

Sahani House...

Shyaam der raat ghar aata hai.
Kunti - Shyaam tum aa gaye kaha reh gaye the itni raat ko?
Shyaam unhe saari baat batata hai.
Kunti - ye to us ladke k saath bura hua lekin Shyaam tumhe khud ka khyaal bhi rakhna chahiye... Dekh rahi hoon tum dusro ki dhun me khud ka ghar or saath me khud ko bhoole jaa rahe ho.

Shyaam unki mamta samajh raha tha isliye dilasa deta hai k wo aage se dhyaan rakhega lekin  uska dhyaan to Nagarjun pe hi atka tha.

To be continue....

Episode 10

Mai Ehsaas hoon or mai ye batana chahta hoon k Jis prakaar surya apni kirnon k madhyam se acche khaase insaan ki aankhe band  karwa deta hai usi prakaar Nagarjun ki fikar Shyaam ko sab kuch bhoolne pe majboor kar de rahi thi.

Sahani house...

Sab daining table par baith breakfast kar rahe the.. Lekin Shyaam jaise kisi soch me dooba apne khane k saath khel raha ho.
Kunti - Shyaam kya hua... Breakfast karo?
Ambalika thitholi karte huye - lagata hai bhaiya ji ka dhyaan kahi or hai.. Akhir kis ladki k khayalo me khoye hai bhaiya ji.
Shayam hosh me aata hai lekin usme paas kuch kehne ko na tha. Wo uth kar hospital jaane k liye nikal jata hai.

Kunti - Tu bhi na Ambalika... Kuch bhi bolti hai.
Ambalika - nahi bibi ji... Shayam bhaiya ki umar me ladko ka haal aisa hi ho jata hi. Jab unhe koi pasand aane lagta hai to unka mann aise hi vichlit ho uthta hai. Waise bhi humare Shyaam bhaiya hai hi laakho me ek. Koi pasand aa gaya hoga unhe ... Usi k khayaalon me khoye honge.. Hehehehe.

Kunti - Tu jaa yaha se kuch bhi bolti hai.

Kunti ko Shyaam ka badla vyavhaar kuch alag sa lag raha tha.
Kunti Bhishm se - Aapko Shyaam aajkal badla badla nahi lagata?
Bhishm - Tum jyada soch rahi ho Kunti.
Kunti - Pata nahi... Mujhe bhi kisi ladki ka chakkar lagta hai. Apko nahi lagta m Shyaam ki umar ho gayi k uski shaadi ki baat chalayi jaaye..Mujhe to darr hai k koi aisi waisi ladki Sahani khandaan se jud gayi to kya hoga...
Bhishm - Shyaam aane wale samay me nav nirmarak banne wala hai uske liye  usi prakaar ki ladki ko chuna jayega.. Or tum apne Shyaam ko jaanti hoon wo humare marji k bina koi galat kadam nahi uthayega...

Kunti chintit hokar - fir bhi.
Bhishm - accha theek hai... Tum kehti ho to uske liye acchi se ladki dekhna shuru karo... Tab tak uski padhai bhi puri ho jayegi or wo party k kaam kaaz sambhalne layak ho jayega... Tabhi sahi waqt dekh uski shaadi bhi kar denge.

Kunti unki baato par vishvaas kar leti hai. Lekin Shyaam ka mann to ab vichalit sa tha. Kyu tha wo bhi na jaanta tha.

Hospital me..

Parth Nagarjun ki dekh bhaal me haazir tha. Ek acche dost ma kartavya usne bhali bhaanti nibhaya tha.. Tabhi Shyaam bhi aa jata hai.

Shyaam Nagarjun ko dekhta hai jo kamjori me leen bed par leta tha
Parth - Sir aap aa gaye?
Shyaam - Kaise ho Nagarjun?
Nagarjun muskura k - Theek hoon sir... Lekin aapne yaha aane ki pareshani kyu ki ?
Parth - Shyaam sir to raat bhar rukne ki baat keh rahe the....
Nagarjun unki taraf dekhta hai or unhe pyaar se usko hospital le kar aane k liye Thankyou bolta hai.
Shyaam - Please... Shuroo adaa mat karo...Kurukshetra k har logo ka khayal rakhna mera farz hai
Parth - chalo Nagarjun utho... Doctor ne tumhe discharge kar diya hai lekin aage ane wale dino me no dance or no chalna firna..
Dance na kar paane ki baat jaankar wo thoda udaas sa ho uthta hai.
Shyaam or Parth use apne kandho pe sambhalte huye bahar gaadi tak laate hai.

Shyaam baar baar Nagarjun ko fikar ki aankhon se dekh raha tha. Ek do baar to Nagarjun ko bhi kuch mehsoos hua.
Wo dono use sambhaal kar gaadi me bithate hai.

Shyaam  agar ek baar wo gadi wala mujhe mil jaaye jisne tumhara accident kiya to usko mai...
Nagarjun - jaane dijiye sir... Waise bhi Kurukshetra ki road pe kitne musafir chalte firte hai kab kiska dhyaan kaha ho or kuch anhoni ho jaaye kya pata. Jo bhi hua anjaane me hua.

Vanshi house me..

Bharat bhara garden me baithe apne phone me kuch dekh rahe the. Tabhi Hansh aata hai.
Hansh - Itni subha subha kya dekh rahe hai pita ji.
Bharat - Kunti Beta ne kuch ladkiyon ki photo bheji hai usi ko dekh raha hoon pabe Shyaam k liye.

Shyaam ka naam sun Hansh k tan badan me aag sir lag jaati hai.
Hansh - Waah pita ji... Aapko Shyaam ki kitni fikar hai lekin aap bhool gaye k aapka ek Pota bhi hai uski aage aane wale jeevan k liye kuch socha nahi aapne.
Bharat - tum itna nakaratmak kaise soch lete ho... Mere liye Jaise Shyaam waise Shuddhodhan hai. Or Shuddhodhan ki fikar hai mujhe bhi..

Hansh - accha hua aapne aisa kaha.. Warna mujhe sandeh rehta k use Sautele hone ka dand na bhogna pade.
Bharat - uff tum or tumhara dimaag.
Wo humesha ki tarah uski baato ko ignore karta hai.

Nagarjun ka ghar...

Shyaam Nagarjun ko uske ghar tak chhodne aata hai.
Satyavati - Shyaam or Parth aap dono ne sahi samay pe Nagarjun ko hospital le jaakar mujh pe or Nagarjun pe dono pe hi bahut upkaar kiya hai.
Shayam ukna haath thaam kar - Aisi baat nahi hai Aunty... Har jaruri ko madad karna yehi yehi maine pane papa Bhishm Sahani se sikha hai.
Satyavati - Kitne uchhe ghar se ho lekin kitne samaan vichar hai tumhare beta..
Parth - Nagarjun to humara dost hai bhala usme upkaar ki kya baat aunty.

Shyaam - Accha mujhe ab jana hoga.
Wo ek baar Nagarjun ko taraf dekh jhat se chala jata hai..

Raste me...

Shyaam apne me khoya tha or khud se puchh raha tha - Kyu mujhe Nagarjun ko us halat me dekh accha nahi lag raha. Chaar baar ki mulakaat kyu aisi ho gayi jaise mai use barso se jaanta hoon kya ho raha hai mujhe...

Isi soch me wo Sahani house tak aa pahuchta hai. Jaha Kunti or Ambalika Shyaam k liye ladki pasand kar rahe the.

Kunti - Shyaam jara idhar aao or dekh kar batao k ye photos kaisi hai..
Shyaam unki taraf aata hai or photos dekhta hai sab ki sab ladkiyon ki photo thi.
Shyaam - ye sab ladkiyon ki photo kyu maa?
Ambalika - aap samjhe nahi bhaiya... Bibi ji aapki shaadi ki baat chalane ki soch rahi hai.
Shyaam thoda soch me pad jata hai - Maa.. Meri Shaadi itni jaldi..abhi to na meri padhai puri huyi na mai apne pairo pe khada bhi nahi hua ?
Kunti - off fo mai kaha tujhe aaj hi ghodi pe chadha rahi hoon. Acchi ladki dekhne or thok baja k rishta karne me ek se aadha saal to chutki me nikal jayega.

Ambalika maje lete huye - haan.. Or agar koi ladki aapko pasand hai to bibi jo ko bata dijiye wo aapki shaadi karwa dengi..
Shyaam k paas kuch kehne ko na tha.
Shyaam aone room me jaane lagta hai or jaate jaate keh jata hai - Jaisa aapko sahi lage aap kariye aapki pasand me meri pasand.

Mai Ehsaas hoon ......Shyaam ne to bina soche samjhe keh diya tha lekin uski pasand kya or kisme thi ye abhi tak use bhi samajh nahi aaya tha. Wo to nadi k samaan tha jo ek bahav me beh jaa raha tha...

Kuch din isi soch vichaar me gujar gaye or udhar Nagarjun bhi apne pairo pe dheere dheere chalne laga tha lekin dance na kar paane ki wajah se wo udaas tha. Roj apne Guru ji k paas jata or baaki sabko nrity karta dekh santosh kar leta...

Kurukshetra ka college bhi fir se shuru ho gaya tha Dango k baad college ki rangat fir se laut aayi thi or saath hi laut aayi thi student election me yuva neta ka chunaav karne ki jisme... Sabne Shyaam k group ko chuna or Shuddhodhan k saath baaki or group ki muhh ki khani padi.

Parth - Congratulation Sir... Ab to aap yuva neta kehlayenge... Har student aapse apni pareshaani kahega.
Shyaam Parth ka shukriya adaa karta hai saath me uske dost Nagarjun k haal chaal k baare me puchhta hai.
Tabhi ek awaaj aati hai - Aap khud hi dekh lijiye sir...

Wo najre ghuma kar dekhta hai saamne Nagarjun apne pairo pe khada tha. Wo kaafi dino baad college aaya tha. Wo dheere dheere chal kar unke paas aata hai.
Shyaam - Aree tum itni jaldi college kyu aaye thoda or araam kar lete.
Nagarjun - Aapko badhai dene chala aaya... Waise bhi ab mai theek hoon.

Shuddhodhan Un sab ko saath khush dekh mann hi mann jal raha tha.
Shuddhodhan ka dost - Kya hua Shuddhodhan kya dekh rahe ho?
Shuddhodhan - dekh raha hoon unki sabki khush...

Wo rubaru se chal kar Shyaam k paas aata hai jaha Nagarjun Or Parth pehle se khade the.
Shuddhodhan Shyaam ko gale laga kar - Mere bhai ko yuva neta banne ki khushi me bahut bahut badhai.
Shyaam - Shukriya Shuddhodhan.
Usne use bhai k naate nahi ek saanp k bhanti gale lagaya tha.
Shyaam - Nagarjun... Parth... Mere bhai se milo Suddhodhan...

Shuddhodhan - un dono se haath milata hai lekin jab wo Nagarjun se haath milata hai to uske andar ka gussa foot padta hai or wo uska haath kas k daba deta hai... Nagarjun jald se apna haath kheenchta hai.
Shuddhodhan mann me - Abhi tonye Shuruvaat hai dard ka silsila yuhi jaari rehne wala hai.....

Shyaam or Nagarjun uski har chal se bekhabar the.

To be continue....

Episode 11

Mai Ehsaas hoon or itne Ehsaaso ko samet kar aaj mai khada or dekh Kurukshetr k college k bahar or dekh raha hoon aaj yaha darr ka sannaata nahi pasra balki yuvao ki bheed umad aayi hai. Fir se husi chehel  pehele ka daur aa gaya tha. Pichhale dinon huye college me dango ki awaaj kahi gum ho gayi thi or fir se college ki raunak laut aayi thi. Iska shrey jata hai Shyaam Sahani ko jo ab college ka sirf student nahi balki student council ka head ban gaya hai ya kahe yuva neta jo aage ki satta sambhalne k liye apna pehla kadam rakhne jaa raha hai. Isliye college k principal bhi use bina bataye koi kaam nahi karte. Isi wajah se aaj use apne cabin me bulaya hai.

Principal Office...

Shyaam - Sir aapne bulaya?
Principal - aao Shyaam... Actually ek important notice hai sabhi student k liye mai chahta hoon as a Student Head tum unhe batao.
Shyaam - Kaisi notice sir?
Principal - Ummm pichhale dino jo kuch bhi hua usse college ka mahaul kharab ho gaya hai student abhi bhi thoda dare sehme rehte hai or isliye college trust ne decide kiya hai k sabhi student ko ek tour pe le jaana chahiye isse unka mahaul bhi badlega or wo fress feel karenge.
Shyaam - Ye to bahut acchi baat hai sir....
Principal - isliye tum he sabko inform karna hai or itna hi nahi Sabhi students tumhare under honge... Kyuki tum unme se hi ho isliye wo tumhari baat bhi manenge..
Shyaam khushi se - Sure sir...

College Garden me.....

Parth daud kar aata hai or dhapaak se kitaab padhte Nagarjun k bagal me baitha jata hai jisse Nagarjun thoda  disturb ho jata hain
Nagarjun chidh kar - Kya kar rahe ho Parth? Mujhe disturb ho raha hai.
Parth uski kitaab band kar - Ye sab chhodo or tour pe chalne ki taiyari karo.
Nagarjun - Kaisa Tour?
Parth - Lo pure college me khabar fail  gayi pr tumhe nahi pata... Hamara college ek tour pe jaa raha hai Panchgani.. Chalne ki taiyari karo...

Nagarjun - Nahi Parth mai nahi jaa paunga...
Parth chounk kar - Kyu?
Nagarjun - mere accident k baad se maa bahut chinta karti hai meri wo mujhe akele nahi jaane dengi...
Parth - aunty se mai baat kar lunga...
Nagarjun hickichaate huye - Nahi  Parth... Try to understand...
Tabhi Shyaam bhi waha aa jata hai.

Shyaam - Hello... Nagarjun... Hello Parth... Tumhe tour ki information mili?
Parth khushi se - Yes sir... I m so excited... Bas ye Nagarjun na jaane k bahane bana raha hai.
Shyaam pyaar se - Kya baat hai Nagarjun...?
Nagarjun sankoch karte huye - Actually...sir wo
Shyaam - bolo..mujhse kuch bhi kehne se mat socho mai students ki preshaniyo ko sunne k liye head bana hoon.
Nagarjun - Actually sir.. Mere paas utne paise nahi hai k mai is tour ki fees afford kar saku... Already mere ilaaj me maa k bahut paise lag gaye unse Or paise maangne ka dil nahi karta.
Shyaam - Bas itni si baat...

Wo apne jeb se paiso ki gaddi nikalta hai or Nagarjun k haatho me thama deta hai.
Shyaam - Ise rakho.. Or chalo humare saath.. Ye tour ek excursion hi hai jo tumhare liye benifitial hoga.
Nagarjun ko Shyaam ka aise paise dena nagawara sa lagta hai.
Nagarjun - Nahi sir mai ye aapse nahi le sakta...
Shyaam hua kar - Mai jaanta hoon... Tum ek siddhantwadi insaan ho isliye apni problem share karne me itna sankoch kar rahe the. Lekin yakeen mano ye paise de kar mai tumhe nicha nahi dikha raha tumhari help kar raha hoon. Tum chahe to baad me ye paise dheere dheere wapas kar dena.. Lekin agar ye tour ka moka chala gaya to wo wapas aana mushkil hai.

Parth - ab to maan jaa yaar.. Mai tere bina akela kya karunga...
Nagarjun un dono k force karne par Panchgani jaan ke liye haan kar deta hai.

Unki har pratikriya par Suddhodhan door se najar rakh raha tha.
Suddhodhan - Ye sala Shyaam mere baap ki punji ko kaise shaan se uda raha hai.. Jab se ye Student head bana hai tab se sabko patane me laga hai.
Suddhodhan ka ek dost - Ye to kuch bhi nahi ... Suna hai college ek tour le kar jaa raha hai jisme sabhi student ki jimmedaari principal ne us Shyaam ko hi di hai.
Suddhodhan - Tab to mai bhi jarur jaaunga Or tour ka aisa kaam tamaam karunga k Shyaam sabki najro me gir jayega.
Suddhodhan ka dost - ye sahi kaha... Or aapka badla bhi pura karne ka accha moka hai..
Suddhodhan - Badla..?
Suddhodhan ka dost - Suna hai Panchgani me bahut uchhi uchhi pahadiya hai or Nagarjun bhi chal raha hai to.....
Suddhodhan Nagarjun ki taraf dekhte huye - Waah....ye to ek pant do kaaj ho jayenge..ab  Ek student ki jaan jaane ka
bojh liye Shyaam kaise kaise student council ki kursi sambhalega... Hahahahaha.... Chalo Panchgani...

Mai Ehsaas hoon...Nagarjun Satyavati se ijajat le kar Panchgani jaane k liye nikal jata hai. Satyavati ne use nahi roka kyuki Parth ne ek acche dost ki tarha unse vada koya tha k wo uska bahut khayaal rakhega...

Sahani House..

Shyaam Panchgani jaane k liye ghar se nikal raha tha tabhi Kunti use rokti hai.
Kunti - Shyaam tum kabhi kuch bata k nahi karte Ab achanak mujhse door jaa rahe ho..
Shyaam - Maa mai kon sa humesha k liye jaa raha hoon kuch din me aa jaaunga..
Kunti - Or jo maine tumhare liye ladkiyon ki tasveer dekhi uska kya?
Shyaam ladkiyon ka naam sun chup ho jata hai..
Shyaam - Uff maa. Abhi Shaadi ki baat side me rakho or mujhe baaki kaam karne do. Mere upar jimmedaari hai..
Wo unhe gale laga kar ghar se nikal jata hai..

Kunti mann me - Ye ladka kabhi apne baare me nahi sochta isi chiz ka darr laga rehta hai.
Tabhi Ambalika aa jaati hai.
Ambalika - ek baar bhaiya ji ki shaadi hhi jayegi uske baad wo khud pe bhi dhyaan dene hehehe..
Kunti mann me - Aane do ise Panchgani se wapas... Tab tak iske liye ek acchi si ladki chun k rakhungi.

Panchgani k liye college se bus nikal chuki thi... Sabhi student masti karte huye apni majil ki aur badh rahe the. Shyaam bhi apni jimmedaari bakhubi nibha raha tha or Parth bhi... Parth apni jimmedaari pe Nagarjun ko apne saath laya tha. Gaate bajate sab aage badh rahe the lekin Suddhodhan or uske dost shaitani husi huste huye ek hadse ko anjaam dene ki soch liye is tour pe aaye the... Jaise Sone me nakli pile ratan ko pehchana mushkil hota hai usi tarha Suddhodhan ki husi ko baaki masoom husi me pehchan mushkil tha.
Lekin uski husi Shyaam ki aankho se ojhal thi kyuki Shyaam ka dhyaan jyadatar Nagarjun pe hi jaar raha tha. Wo uski taraf aakarshit sa ho raha tha.

Kuch hi der me.. Bus apne destination par pahuch jaati hai... .

Mai Ehsaas hoon... Or mera Ehsaas mujhe le aaya prakriti k nikat jaha Chidiyon ki chechaahat, jharno ki kal kal or suraj ki chamkili kirne thi.
Nagarjun - Waah... Kitne uchhe or manoram  pahad hai..
Suddhodhan mann me - Jis pahad ko tum itne pyaar se nihaar rahe ho bahut jald wo pahad hi tumhari samadhi banne wale hai...

Shyaam uchhi awaaj me - Saathiyon to ye  hai Panchgani ... Or ye hai humara camp place.. Jaha hum agle kuch din k liye sab kuch bhool kar bahut masti karne wale hai. Ab humare guide hume is camp ki jaruri baatein batayenge.

Sabhi student chilla kar apna utsaah jaahir karte hai.

Guide ki baat sunne se pehle hi Parth Nagarjun ko kheench kar apne saath le jata hai - Wo dekho waha se Aasmaan kitna ujjwal dikh raha hai Chalo waha chalte hai.

 idhar... Shyaam Nagarjun ko idhar udhar dhoond raha tha.
Shyaam - Ye Parth Or Nagarjun kaha chale gaye.. Bola tha abhi sabke saath me rehna..pata nahi Kaha chale gaye...?
Wo bhi un dono ko dekhne k liye chala jata hai or guide k instructions nahi sun pata.

To be continue...

Episode 12

Mai Ehsaas hoon.... Or is baar mai le aaya aap sabko Panchgani ki un wadiyon me jaha ka najara kuch adbhut hai. Unhi Najaro me gum Parth or Nagarjun apne aane wale kal se anjaan the. Unhe Kurukshetra k bhavishya ka to kya aane wale kal ka bhi andaja nahi tha k Suddhodhan k mann me uthta toofan un par barasane wala hai.
Lekin  wahi Shyaam bhi jo apni kirti sthapit kiye aane wale kal ka rakshak tha. Dekhna ye hai k kya Kurukshetra ka bhavishy Bharat Vanshi k haathon se nikal raha hai ya naye Maha nirmaan ki gatha me likhte huye Shyaam use sambhaal payega....

Panchgani me...

Shyaam - Offo Parth Or Nagarjun tum dono yaha ho or waha Guide jaruri baatein bata rahe hai.
Nagarjun - Sorry sir... Mujhe yaha Parth kheench le aaya.
Parth - Haan sir... Mai kuch jyada hi excited ho gaya tha.
Shyaam huste huye - Koi baat nahi... Sabke saath me hi rehna...
Wo waha se chala jata hai. Lekin Suddhodhan ki najar baaz ki tarha Nagarjun par tiki thi.
Suddhodhan ka ek dost - Kya soch rahe ho Suddhodhan?
Suddhodhan - Soch raha hoon is ladke Or isi pahadi se niche fenk doon. Iski haddiya ko churma bana doon jisse isse ghar wale bhi na pehchan sake. Lekin iska dost gud me makkhi ki tarha iske saath chipka rehta hai.
Suddhodhan ka dost - sabar rakho... Apna time bhi aayega.

Tabhi Shyaam unke paas aata hai.
Shyaam pyaar se - Aree Suddhodhan... Tum yaha kya kar rahe ho or tumhara muhh kyu utra hai.
Suddhodhan natak karte huye - Aisi koi baat nahi mere bhai. Mai to bahut khush hoon tum Student leader ban gaye ho. Akhir jaise mere pita ki kursi tumhare pita ko de di gayi unhe samman diya gaya...waise hi tumne student leader ban kar yash paya hai.

Waise to Suddhodhan chasani me lapet kar jeher ugal raha tha lekin uski baat Shyaam samajh nahi paya..
Shyaam huste huye - Ye sab to pal do pal ki jimmedaari hai asli jimmedaari to kurukshetra k rajneta ki hai jo mere papa sambhaal rahe hai.... Kahir chalo mai room me jaa raha hoon thoda araam tum bhi kar lo.
Shyaam chala jata hai. Uske jaate hi wo daant pees kar reh jata hai.
Suddhodhan - Bhishma Sahani khairat me mili satta kya sambhalega... Usma alsi haqdaar mere pita the Or uska bhavishya mai hoon...or mai apna bhavishya apne haath se likhunga...

Sahani House..

Ghar me Bharat Vanshi or Hansh Raj ka aagman hota hai.
Kunti - Papa ji.... Hansh bhaiya aaiye.. Bahut din baad aana hua?
Hansh kataksh karte huye - Kya kare... Meri behen to mujhe yaad nahi karti socha mai hi yaad kar lu..
Bharat - Aisi baat nahi hai beti... Aaj hum Bhishma se jaruri baat karne aaye hai.

Tabhi Bhishma bhi aa jate hai.
Bhishm - Kya baat hai Papa ji...?
Bharat - Tum to jaante ho.. Chunaav aane wala hai. Or Kurukshetra ki janta ab party ka naya chehra dekhna chahti hai... Bhale hi Shyaam abhi padhai kar raha hai lekin tum usko Mahanayak to ghosit jar sakte ho.. Ye humari party k liye hitkari hoga.

Shyaam ko maha nayak banne ki baat Hansh Raj ko nagavaar saabit hoti hai.. Wo andar se tilmila jata hai.
Hansh - Lekin pita ji... Shyaam hi kyu.. Maha nayak to Suddhodhan bhi ban sakta hai.. Kyuki ji kursi mere pyaare jija ji baithe hai wo to meri thi na or mera Suddhodhan meri tarha nahi hai jo Maha Nayak banne k layak na ho.

Hansh Raj ki baat katte huye Bharat Vanshi uski baat ka virodh karte hai kyuki wo apne bete ki bas bas se waakif the.
Bhishm - hune Hansh ki baat pe vichaar karna chahiye... Suddhodhan bhi humare vansh ka sitara hai use najarandaaj nahi kiya jaa sakta.

Bhishm ki baat ka samarthan Kunti bhi karti hai - Mujhe lagta hai is baat ka faisla Suddhodhan or Shyaam k  Panchgani se kaane ka baad karna chahiye.

Barat ko unki baat bhi sahi lagti hai. Lekin Hansh ki pehli chal kaamyaab ho gayi thi
Hansh Mann me - Maine jis din k liye ek paraye ko apna muhh bola beta banaya us din ki khushi milne me jyada din nahi lag rahe hai mujhe... Hehehehe... Sattadhari  banega Suddhodhan or raaj karunga mai.. Hahahaha..

Panchgani...

Nagarjun hotel k garden me raat ko chehel kadami kar raha tha. Tabhi uske saamne Suddhodhan virat roop liye khada ho jata hai jisse dekh Nagarjun darr jata hai.
Suddhodhan - Tum mujhe dekh itna darr kyu jaate ho mai to tumhara dost hoon jaise  Shyaam hai.
Nagarjun sankoch me - Nahi aisi baat nahi hai... Actually mujhe kuch kaam hai.
Wo bahana bankar jaane lagta hai.
Lekin Suddhodhan use baato baato me jaane nahi deta.
Suddhodhan uska haath kas k pakad kar - Arre ruko na... cigarette piyoge?

Uske haath ki jakdan se use bahut dard hota hai or saath hi uske liye cigarette pina gandi aadaton me shumaar tha.
Nagarjun khud ko chhudate huye - Nahi nahi... Mujhe nahi pina

Lekin Suddhodhan jaan kar uske saath cigarette pine ki jabaradasti karne lagta hai jo Nagarjun ko bilkul accha nahi lagta hai. Uski vivashta dekh Suddhodhan mann hi mann bahut khush ho raha tha.
Suddhodhan - ye lo piyo na piyo.
Nagarjun apna muh idhar udhar karte huye - Nahi mujhe nahi pina mujhe accha nahi lagta...
Cigarette ka dhyan uski naak se takra kar uska jaise uska damm ghot rahe ho.
Suddhodhan - Heheheh... Lo piyo  ... Plz piyo na...
Nagarjun - nahi chhodo.. Mujhe nahi pina... Mujhe pasand nahi

Tabhi Parth Nagarjun ko dhundte aa pahuchta hai. Use aata dekh Suddhodhan pichhe hat jata hai. Or Nagarjun apni jaan bacha baagh khada hota hai.

Parth - Nagarjun.. Kya hua tumhari saans kyu ukhadi ukhadi hai.. Or itni jaldi me kaha bhaage jaa rahe ho?
Nagarjun hadbadi me - Mujhe apne room me jana hai...
Wo bina kuch kahe bina kuch sune chala jata hai.
Parth khud se - Ise achanak kya ho gaya...?

Suddhodhan mann me - Hahahah... Isi tarha or darraunga or pareshaan karunga tujhe ladke... Jis tarha mai tadap raha tujhe bhi Tadpaaungaa or fir baari aayegi mere piry bhai ki.. Hehehehe..

Nagarjun ka room...

Parth bahar khade uska darwaja peet raha tha..
Parth - Kya hua Nagarjun darwaja kholo.
Nagarjun - Mere sar me dard ho raha hai please tum jaao parth.. Mujhe sona hai.
Parth - mai dawai doon.
Nagarjun - Nahi tum jaao.. Please.
Parth khud se - Achanak ise sari me dard kyu hone laga... Ye meri baat aise nahi manega... Shyaam sir ko batata hoon.

Nagarjun khud ko band kar baitha tha wo sidha sada ladka tha Cigarette or sharaab ki gandh to door use chhuna pasand nahi karta tha.. Lekin aaj uske usool tutate huye najar aaye.
Nagarjun khud se - Mujhe yaha anaa hi nahi chahiye tha... Maa sahi keh rahi thi.

To be continue....