"LOVE WALA GURU"

"Ye Ishq nahi aasaan
Bas itna samjh lijiye
Ek aag ka dariya hai
Or doob k jana hai "
Mai hoon aapka dost 'Nits'... Jo ek baar fir se haajir hoon apni nayi soch wali nayi kahaani k saath.
Dosto...saccha pyaar ek aisa ehsaas hai jo kisi ko bhi, kahi bhi, kabhi bhi, kisi se bhi ho sakta hai. kabhi kabhi humare liye us pyaar ko pana itna jaruri ho jata hai k hum kisi dusare k bataye huye raaste par chalne se bhi nahi jhijhakte.
Lihaja aaj uski halat bhi kuch aisi hi thi. Wo thoda bechain, thoda ghabraya hua tha... Use kisi se milne ki jaldi thi. Wo traffic me fasi auto me baitha yahi soch raha tha k bas kisi tarha aaj uska kaam ho jaaye. Ye sochne ka silsila restaurant pahuchne tak bhi kam nahi hua tha. Wo akele table par baitha, kabhi apni ghadi ko nihaar raha tha to kabhi restaurant k main gate ko.
"Time to ho gaya hai, ab tak to use aa jana chahiye. ", usne ghabrahte huye kaha.
Wo Janab itna darre huye the k ghabraht me pair hilane se puri table par bhukamp jaisa mahaul ban aaya tha.
Tabhi ek bhaari awaaj ne use chonkaya, "Are you Naitik?"
Apna naam sun kar wo ekdum se khada ho gaya.
"Haan.. Mai Naitik hoon ", Wo apne samne khade hatte katte Stylish ladke se bola. Jo jeans or T-shirt me hunk body k saath kya lag raha tha or uspe kala Chashma uske gore mukhde par khoob jach raha tha.
"Hello... I m Sakasham", us ladke ne apna parichay dete huye haath aage badhaya.
Naitik usse handshake karne aage badha lekin ghabraht or jald baazi me table se takra kar Sakasham par jaa gira.
"I m sorry, I'm sorry..", usne jaldi jaldi khud ko sambhalte huye kaha
"Relax dude.. Take it easy", usne bhi uske bhari shareer ko sahara diya.
Naitik sharminda hote huye apni chair par baith gaya or Sakasham bhi uske saamne wali chair par apna Chashma utarte huye baitha.
"To shuru kare?", Sakasham ne poocha.
Nikhil ne chuppi todte huye apni kahani kehna shuru kiya.
Flashback...
In College...
"Naitik... Naitik... Pata hai, aaj maine kya dekha. ", Aadi canteen me bhagta hua aakar table par baitha.
'kwwww Wekha?' Naitik ne burger se bhare muh ko hilaya.
"Yaar Rishab k haath me chot lagi hai.",
Aadi ki ye baat sunkar Naitik jhat se bahar ki taraf bhaga or Aadi bhi uske piche bhaga.
Naitik door khada Rishab ko dekh raha tha.
'Chal jaa uska haal chaal puch k aa', Aadi ne use dhakka mara.
Naitik do kadam aage badha or chaar kadam piche ho liya.
"Nahi... Yaar uske saamne meri bolti nahi nikalti", usne sada sa muh banate huye kaha.
"Tu bhi na, tu shareer se hi nahi akal se bhi mota hai", Aadi ne matha pitate huye gussaya.
Naitik ek bhola-bhala sa lekin mota or bedol ladka tha Jise do cheeje sabse jyada pasand thi pehla Khana or dusra college ka sabse handsome boy Rishab.
Kuch din baad.... In basketball fort
Rishab apne basketball tournament ki practice kar raha tha Jisse dekhne wo bhi aaya tha.
Practice se thak kar Rishab aa kar Naitik k bagal me bench par baith gaya. Naitik ko aisi feeling aayi jaise kisi ne uske sukoon ka kidnap kar liya ho.
"Hii...Tum bahut accha kehlte ho ", Naitik ne daant nikalte huye kaha.
"Thanx", Rishab bhi use dekh muskuraya.
"Waise tum kab se basketball khel...." Naitik apni baat puri bhi nahi kar paya tha k Rishab k dost ne use bula liya or wo use ansuna kar chala gaya. Yaha Naitik k tan badan me aag lag gayi.
In Naitik's Home...
"Naitik tu bhi na ek number ka duffer hai, kya jarurat thi jyada bolne ki ", Naitik apne room me khud ki hi class le raha tha.
"Waise tu mota hai, lekin itna bhi nahi k Rishab ko na impress kar paye", usne khud ko sheeshe me dekhte huye kaha.
"Idea "... Wo chutki bajate huye chillaya
Next day..... In College....
"Bhai...Tu kitna accha hai meri kitni help karta hai. Cheating karane me, Canteen ke bill pay karne me.", Naitik Aadi ko acche se makkhan polish laga raha tha.
"Waah... Meri Tareef, Kamine kaam bol? ", Aadi uske irade acche se samjhta tha.
"Yaar tune bataya tha na k tera cousin ek pyaar wale Guru koi janata hai", ye baat Naitik ke muh se footi hi thi.
"Pyaar wala Guru...!!? ", Aadi confuse hua.
"Arre wahi jo Pyaar karne waalo ko milwate hai ", usne samjhya.
"Acchhaaa....Tu Love Guru ki baat kar raha hai haan janta hoon, Lekin uska kya karna hai.? ", Aadi ko baat abhi bhi palle nahi padi thi.
"Yaar plz apne cousin se bol na k usse mera appointment fix karaye, mujhe uski help chahiye", Naitik ne request ki
"Tu Pagal ho Gaya hai, mai ye sab nahi karne wala, or Waise bhi wo Gay cases nahi leta", Aadi ne is matter se khud ko bachane ki koshish ki.
"Dekh agar tune meri help nahi ki to tere English me zero aane se khud shakespeare bhi nahi rok sakte", Naitik ne dhamkaya.
Uske itne insist karne par thak haar kar Aadi ne Sakasham- The Love Guru se uski meeting fix karayi.
Naitik khushi se uchhal pada lekin usko darr bhi tha k uske Gay hone ki baat sunkar Sakasham kaise react karega... Uski help karega ya nahi.
Yahi baat auto me baithne se lekar restrourent pahuchne tak uske dimaag me ghoom rahi thi. Lihaja wo ghabraya hua tha.
Present Day...In restaurant...
Naitik ne ghuma fira k hi sahi lekin Rishab k liye apne dil ka haal Sakasham k aage pesh kiya.
Uski story sun Sakasham pehle to dang reh gaya or fir achanak hi jor jor se hasne laga. Ye dekh Naitik ko accha nahi laga.
"Isme itna husne wali kya baat hai ", wo chidchidaya.
"Dude tum samjh bhi rahe ho k kya keh rahe ho", Sakasham ne uska majak banaya.
"Nahi, tum nahi samjh rahe ho, jaruri nahi pyaar sirf ladka or ladki me ho, pyaar humanity ka dusara naam hai jo kisi me bhi ho sakta hai, or ye pasand par depend karta hai, kis baat k Love Guru ho tum pyaar ka hi majak bana rahe ho.. Huuuuh ", Naitik ne gusse me lamba chouda bhashan Sakasham ko de dala tha.
"Chalo tumhari baat maan lete hai.... Lekin, Dude....! khud ko dekho.. Or us ladke ko dekho jiski tumne pic dikhayi hai, kaha wo Model type or kaha tum jaisa kadd...", Sakasham bolte bolte ekdum se ruk gaya.
"Ruk kyu gaye... Bol do na mai Kaddoo jaisa dikhta hoon, aadhi duniya to kehti hi hai tum bhi keh do", Naitik ko Sakasham ki baatein hurt kar gayi thi.
"Nahi mera wo matlab nahi tha", Sakasham ne safayi di.
"Tumhara matlab mai acche se samjhta hoon, meri hi galti thi k tumse help ki umeed ki, Thankyou so much yaha aane k liye", Naitik dahadte huye waha se utha or chalta bana.
Kuch kadam jaane k baad wo wapas aaya or plate me bacche huye pakodo ko uthate huye bola "bade aaye Love wale Guru... Huuuuh", or unhe khate huye restaurant se bahar nikal gaya.
Sakasham uski is maasoom harkat ko aankhe fadkar dekhta hi reh gaya.
In Night...
Naitik k phone par Sakasham ka number jhilmilaya,
"Mujhe aapki help nahi chahiye ", Naitik ne saaf inkar kiya.
"Rishab ko mote log pasand nahi hai isliye kal se subha 6 baje Care Gym pahuch jana ", Itna keh kar Sakasham ne phone kaat diya or Naitik apne bed par khushi se disco dance karne laga.
Next Morning....In Gym...
"Aahhhh... Aaahhh...Or kitna Sakasham itna to mai school race me bhi nahi bhaga", Naitik treadmill par haafte huye bola.
"Tumhe kya laga pyaar ko pana itna aasaan hai", Sakasham ne huste huye kaha.
"Ye Ishq nahi aasaan
Bas itna samjh lijiye
treadmill ki machine hai
Or bhaagte huye jana hai"
"Waise use Gay mera matlab ladke pasand to hai na? ", Sakasham ne apna shaq door karna chaha.
"Mujhe Kya pata maine aaj tak usse baat hi nahi ki ", Naitik ne befikri se kaha.
"Kya.. jab tumhe pata hi nahi k use ladke pasand hai bhi ya nahi fir bhi tum uske liye ye sab kar rahe ho... Tum pagal ho ", Sakasham bhadka
"Arre cool yaar... Pyaar ko kisi proof ki jarurat nahi hoti, mai uske kaabil ban kar dikhaunga fir to use mujhse pyaar karna hi hoga", Naitik ne use aankh maarte huye. Uski aisi baat par Sakasham use ghoorta hi reh gaya.
Kuch din baad...
"Hmmm... 25 kg less.. Good", Sakasham ne use thumbs-up karte huye kaha, is par Naitik khush ho gaya.
"Waah...Chalo isi baat par party karte hai mai cold drink or samose order karta hoon ", Naitik kuch jyada hi khush ho gaya tha.
"Ruko ruko... Aaj se tumhara junk food band ab tum dieting par ho ", Sakasham ne apna farmaan sunaya.
"Kya... Yaar kis baat ki saja de rahe ho", Naitik badbadaya.
"Pyaar karne ki.. Hahahaha... Or Waise bhi kal se tumhe dancing class bhi join karni hai kyuki Rishab ko dance bahut pasand hai wo bhi high class wala", Sakasham jor se huste huye bola.
"Oh shit yaar.. Ab ye bhi.. Tumne to Rishab par PhD kar daali ", Wo apna sir padak kar reh gaya.
In Dancing class...
Naitik dance karne ki nakaam koshish kar raha tha. Or dance teacher ko bhi use dance sikhane me pasine chhutne lage the.
"Nahi yaar... Ye mujhse nahi hoga", Naitik ne give up kar diya tha.
Sakasham ne uska haath pakad or use dance floor par jabardasti le aaya.
"Mera haath pakdo or jaisa mai karu waisa waisa karte jaao", Sakasham ne uski aankho me aankhe dalte huye kaha.
Naitik ne bhi waisa waisa kiya jaisa usne kaha... Or dono kab taal se taal milane lag gaye dance teacher bhi dekhte reh gaye.
"Left leg aage aage, right leg peeche peeche
Aaja yaar lets start ve
Sar ko ghuma le round, pair zara up down
Itni se yeh bath ve
Woh banda ki kya hai, jo naache na gaaye
Aa hathon mein tu haath tham le
Ooye dance pe chance mar le
Oh soniya dance pe chance mar le"
On road...
Naitik aaj itna khush tha k wo bich raaste me bhi nache jaa raha tha.. Or use dekh Sakasham ko bhi anjaani si khushi ho rahi thi.
"Mujhe pata hi nahi tha mai naach bhi sakta hoon", Naitik uchaalte huye bola
Hahahahaha... Sakasham use dekh bas khush huye jaa raha tha.
"Ye Ishq nahi aasaan
Bas itna samjh lijiye
Ek dance ka floor hai
Or naach k jana hai"
"Tumhe kabhi kisi se pyaar hua hai? ", Naitik ne usse yuhi pucha
"Haan unfortunately mujhe bhi ek ladka pasand tha.. Lekin wo mera ho kar bhi mera nahi hai", Sakasham ne kuch sochte huye use apni sacchai batayi.
"Matlab...to us din restaurant me mera majak kyu udaya ? ", Naitik ne bhave sikodi
"Mai dekhna chahta tha k tum apni feelings ko le kar kitna serious ho ". Usne kaha
"Ohh.. Aakhir love wale Guru jo hai Janab ", Wo hasa.
"Waise ab kaha hai tumhara pyaar? ", usne curiosity se pucha.
"Wo mere jitne kareeb hai mai usse utna hi door hoon", Sakasham ne upar aasmaan ki or ishaara karte huye kaha
"Ohh... I'm sorry... Mujhe pata nahi tha", Use ab afsos ho raha tha.
Itne me Naitik ka ghar aa gaya tha.
"Ok bye... Kal milte hai ", Naitik ne kaha
"Kal nahi, mai kuch din k liye city se bahar jaa raha hoon, ek naya case mila hai", Sakasham ne sad hote huye kaha
"Oh.. Accha.. Lekin mai tumhare bina Rishab ko kaise impress karunga ", Naitik bhi thoda dukhi hua.
"Koi ghabrane ki baat nahi hai, bas jaisa maine bataya hai uske aage waise hi behave karna ", Sakasham ne use tasalli di.
Naitik halka sa muskuraya or dono ne ek dusare ko bemann se bye bola.
Ek din...
Naitik ne Rishab k saamne bilkul waise waise behave kiya jaisa Sakasham ne bataya tha or ab to Rishab bhi use notice karne laga tha jab se usne apna weight loose kiya tha. Ab wo pehle se jyada cute or smart lagne laga tha.
Kuch din baad....
"Hello Naitik...", Rishab ne usse khud aa kar baat ki.
"Hi Rishab...Kaise ho...aaj yaha kaise.?" usne normal way me kaha.
"Tumhe pata hai na k college me prom night party hone wali hai", Rishab ne baat aage badhayi
"Haan.. Pata hai ", Usne use attitude se ignore karne acting ki.
"To Kya tum mere dance partner banoge "
Rishab ki ye baat sunkar Naitik k mann me khushi se laddu footne lage the lekin achanak use Sakasham k instructions yaad aa gaye.
"Nahi mai nahi ban sakta kyunki maine already kisi ko haan bol diya hai ", Naitik ne bahana banaya
"Ok.. Koi baat nahi... Bye ", Rishab dukhi ho kar chala gaya.
Kuch din baad...
Naitik ne Sakasham ko call kiya jo aaj hi wapas aaya tha.
"Hey... Kaisa chal raha hai sab? ", Sakasham ne excited hote huye pucha Naitik ne bhi use pichle dino ki saari details di.
"Tum pagal ho sara plan bigad diya, tumne use mana kyu kiya or ab prom night party me kiske partner banoge? ". Sakasham ne pucha
" Tumhare ", Naitik bina kuch soche fat se bola.
"Mere ", Sakasham chonka
"Ab hero se pyaar ka ijhaar karwana hai to use jealous feel to karana hi hoga kyu", Naitik ne maskari andaz me kaha.
"Hmmm... Accha mujhe kaam hai bye ", Sakasham ne use ignore karte huye call cut kar diya kyuki use ab Naitik ka Rishab k kareeb jana accha nahi lag raha tha.
In prom night party...
Aaj college campus ka mahaul pura badla hua tha. Sab saj dhaj k apne apne dosto or partner k saath dance, masti, fun kar rahe the or disco songs or dj lights us par chaar chaand laga rahe the.
Jab naitik ne entry li to usne sabka dhyaan apni taraf khich liya. Wo blank suit or red t-shirt me bahut handsome or pehle se bahut slim dikh raha tha. Aadi, Rishab k saath saath saare log uska badla hua roop nihaar rahe the.
Lekin saath me uske koi or bhi tha, Wo or koi nahi Sakasham hi tha jo aaj uska partner bana hua tha. Ye dekh Rishab ko gussa aa raha tha. Aadi Rishab par puri najar rakhe hua tha or uske jealously ka para chadhne ka updation Naitik ko time to time de raha tha.
"Ye Ishq nahi aasaan
Bas itna samjh lijiye
Kisi k nazdeek aana hai
Kisi ko jala k jana hai."
"Sakasham chalo dance karte hai", Naitik use dance floor par khich laya.
Wo dono floor par jhoomne lage the lekin Sakasham ko Naitik k plan ki bilkul khabar nahi thi, Wo jab jab uske kareeb aata Rishab gusse ka ghut pi kar reh jata.
Idhar Sakasham ko bhi uske kareeb aane par kuch kuch hone laga tha... Wo usse jitna door ja raha tha wo uske utna kareeb aa raha tha. Andhere or dj light me koi kisi par dhyaan nahi de raha tha sab apne me magan the.
Naitik Rishab ko jalane k liye Sakasham k or kareeb aaya. Lekin is baar Sakasham bhi piche nahi hata or wo dono itne kareeb aa gaye k Kab Naitik madhosi me Sakasham ki aankho me dub gaya pata hi nahi chala... dono ab dance floor par khade ek dusare ko dekh rahe the, or unke hoth dheere dheere nazdeek aane lage, aankhe band hone lagi or saanse tej. Ek samay aisa aaya jab dono ne ek dusare ki khushboo me kho gaye. Sakasham ne Naitik ko apni baahon mein bhar ke kiss karna shuru kar diya Naitik ne bhi use nahi roka.
Ye chiz Rishab se dekhi nahi gayi or gusse me usne dono ko alag kiya, or jabardasti Naitik ka haath pakad kar bahar le aaya.
Sakasham ne bhi use nahi roka kyuki wo janta tha galti usse hi huyi hai or Naitik uska nahi balki Rishab ka hai.
"Wo sab andar kya ho raha tha... Tumhe kya lagta hai mujhe pata nahi k tum or Aadi kya khichdi paka rahe ho", Rishab ka para high tha.
"Kya Tumhe Love wale Guru ki baat pata thi ", Naitik shocked hua
"Haan, tumhara Bewakoof dost itna chilla chilla k baat karta hai k kisi behre ko bhi sunayi de jaye or ye bhi pata hai k tumhe humesha se mujh par crush raha hai, or ab jab mai bhi tumhe pasand karne laga hoon to tum kisi or k saath chhiii... Shame on you ", Rishab ka gussa bdhata hi gaya.
"Ab mujhe sab samajh aa gaya Mr. Rishab tum mujhse nahi meri personality se, meri physics se, Mere badle behaviour ko pasand karte ho, agar tumhe pehle se pata tha to tum pehle hi mujhse apne pyaar ka elaan kar dete lekin tab mai mota tha tumhare kaabil nahi tha or ab to mai tumhare layak ho gaya hoon na.
"To tumhe kya laga mai kisi aire gaire aate ki bori se pat jata", Rishab ne besharmi se kaha.
Is baat par Naitik ne use thappad raseed diya.. "Chataaaaaak"
"Galati meri hi thi, maine hi tum jaise galat insaan ko chuna, tumhare liye bawra raha, khud ko badla..",wo rote rote bol raha tha.
"Tumhari himmat kaise hi mujhe maarne ki ", Rishab ne uske upar haath uthaya.
Tabhi Sakasham ne jaldi se aakar uska haath pakad liya.
"Chale jaao yaha se isse pehle k mai tumhari haddi pasali tod kar churma bana doon", Sakasham uspe bhapka.
"Dekh lunga mai tum dono ko,, I'll show you nd destroy both of you", Rishab waha se darr bhari dhamki deta hua bhaag gaya.
Naitik rote huye Sakasham se aise lipat gaya jaise chandan k ped se naag lipta ho.
"Mujhse bahut badi galti ho gayi Sakasham... Mai uske pyaar me khud ko bhool hi Gaya tha.", Wo rote huye bol raha tha.
"Kabhi kabhi hum khud k liye galat insaan ko chun lete hai... Maine kayi cases dekhe hai... Isme tumhari galti nahi, halato ki hai ", Sakasham bhi use dilasa de raha tha.
"tumne mujhpe kayi ehsaan kiye hai Lekin ek ehsaan rahega jise mai kabhi bhool nahi paunga... Accha hua tumne mujhe kiss kiya warna mai kabhi samjh nahi pata k mai kya chahta hoon", Naitik ne uski aankho me dekhte huye bola.
"Ab mai apne dil ki baat sunne ja raha hoon ", Itna kehte hi usne apne honth uske honth par rakh diye.
Suhane aalam k bicho beech dono ek dusare ko kiss karne lage... Aaj dono ne hi bina kuch kahe apne dil me ek dusare k liye panape pyaar ko samjh liya tha... Itne din k saath ko aaj naam mil gaya tha.. Pyaar ka naam.
Aadi door se un dono ko dekh kar khush ho raha tha or mann se apne dost k liye dua kar raha tha.
Sakasham k liye wo Naitik to banawati tha uska asli pyaar to Kaddoo jaisa dikhne wala ladka tha. Or Naitik k liye bhi uska asli pyaar Rishab nahi balki Love wala Guru tha.
"Ye Ishq nahi aasaan
Bas itna samjh lijiye
Ek aag ka dariya hai
Or doob k jana hai"

.........THE End...........

Writer - Nits