"Dilbar Ka Dil"

........................
Pyaar wo jazbaat hai jo chhipaye nahi chhupte.. Lekin kabhi kabhi usi pyaar ko jatane ka tareeka itna dard bhara ho sakta hai ye use dekh k mehsoos kiya ja sakta hai.
Mai hoon sabka dost Niitss jo laya hu ek nayi pyaar ki kahani...
Ek bade se maidan me kafi bheed thi ...hajaro log uska naam chilla rahe the... Sab uske aane ka intezaar kar rahe the ... Sabki najare aasmaan me tiki huyi thi.. Un najaro me ek najar uski bhi thi. Jo Na jaane kab se uski raah tak rahi thi. Kuch der baad use aakash me badalo ko cheerte huye ek helicopter aata hua dikha. Maano uska intezaar ki ghadiya khatam ho gayi thi. Jab wo helicopter dhool udata hua zameen par utra to hazaro logo ki bheed uski taraf bhaagi usme se ek wo bhi tha... Wo bas daud k use ek baar chhu lena chahta tha. Wo jaise hi uske kareeb aaya tabhi....
"Aaaaaaa Marr gaya", Nilansh nind me bed se girte huye chillaya.
Itne me Nilansh ki maa Shalini uske room me bhagti huyi aayi.
"Kya hua? ", Shalini ne darr k pucha
"Kuch nahi... Wo bas aise hi", Nilansh ne khud ko sambhalte huye baatein chhupayi.
"Thik hai, jaldi se taiyar hokar niche aa jana... Aaj tujhe mere saath mandir jana hai", Shalini jaate jaate use order de chuki thi.
To ye tha Nilansh Awasthi... Ek middle class family ka nakara ladka. Aisa uske maa or Pita ka manna tha lekin Nilansh khud ko special maanta tha. Use yakeen tha k uski life ka motive kuch alag hai. Isliye wo apni zindagi apni sharto par jeena pasand karta tha. Lekin saath saath ghar walo ka ladla bhi tha. Or sabko jyada se jyada khushi dena pasand karta tha.
In Mandir
................
Shalini apne bete k liye bhagwaan se prarthana kar rahi thi.
"Hey bhagwaan mere bete ko thodi akal dena, uski jaldi se koi acchi nokari lagwa dena... Mai har Somvaar tujhe bog lagaungi", Shalini mannate maangne me lagi huyi thi.
"Maa bas karo, bhagwaan bhi bore ho chuke hai", Nilansh ne masti ki.
"Chup kar mandir me khade hokar aisa nahi bolte", usne use chup karaya.
"Arre maa..! Bhagwaan ko bhog lagane se accha hai k kisi bhuke ko khana khila do", usne bewaki se kaha.
"Tu chup hoga k nahi", Shalini use rok hi rahi thi k tabhi mandir k pandit ji bole.
"Behenji... Ye ladka kuch galat nahi keh raha hai, kuch to khaas baat hai is ladke me, dekhna aage chal kar ye kisi dusare k liye bahut bada kaam karega or Aapko bhi is par garv hoga ."
"Bas Pandit ji aisa hi ho", Shalini ne bhagwaan k saamne haath jod kar kaha.
................
Nilansh society k baccho k saath gali cricket khel raha tha... Tabhi uska best friend Ronak doudte huye uske paas aaya.
"Nilansh... Tujhe pata hai.. Humare sheher me kon aane wala hai", Ronak ne excitement me kaha.
"Abhi nahi... Baad me sununga, abhi meri bating chal rahi hai", Nilansh ne use ignore kiya
"Arre sun na", Ronak ne use apni taraf kheencha.
"Kya hai.. Meri bating chal rahi thi na", wo us par chillaya.
"Aree kaan la apna", Ronak ne uske kaan me kuch kaha jise sunkar uske chehre ka rang badal gaya... Or wo khushi se jhoom utha... Jaisa uska koi adhura sapna pura ho gaya ho. Wo gali k baccho sang gaane or naachne laga.
"Tinak tin tana woh dhun bajana
Dhinak dhin naachun main
Gaaye dil, jhoome zamana"
................
Subha se hi Nilansh apne kamre ko band kar kuch kar raha tha... Uski maa bhi hairaan thi k 4 ghante se ladka kar kya raha hai.. Lekin jab wo bahar aaya to sabke hosh ud gaye.
Nilansh ka rang roop bilkul badla hua tha... Wo kisi Raj Kumar se kam nahi lag tha...
"Kaha chali sawari wo bhi itna saj dhaj k? ", Shalini ne hairani se pucha.
"Maa aaj mai apne sapne se milne jaa raha hu", usne khayalo me khote huye kaha.
"Sapne se? ", Shalini ne fir pucha
"Aree mai aa kar batata hu.. Abhi mujhe late ho raha hai or haan aane me der ho jayegi", Itna kehte hi Nilansh hawa sa bhagta hua gahr se nikal gaya.
"Pata nahi kya karu mai is ladke ka itna bada ho gaya lekin bachpana abhi bhi nahi gaya... Na jaane kya karega jindagi me", Shalini k mann hi mann sochne lagi.
In stadium
...................
"Ronak..! Tune to kaha tha wo yaha aane wala hai, lekin yaha to Usse chhod kar sab najar aa rahe hai", Nilansh bheed me se gujarta hua aage badh raha tha.
"Uff... Wo aane wala hai isliye to itni bheed hai", Ronak ne uske sar par mara.
"Sar par mat maar mere baal kharab ho jayenge", Usne sar k baal ser karte huye kaha.
"Pata nahi logo ko kya ho gaya hai jaise koi kaam dhaam hi nahi hai chale aaye mere hero ko free me dekhne", usne masoomiyat se kaha.
Tabhi ek announcement huyi..
"Shashvat Singhal ka Rock concert kuch hi der me shuru hone wala hai. "
Ye sun kar Nilansh k chehre par badi se muskaan aa gayi or uska dil joro se dhadkane laga.
Tabhi Stage ka parda khula or Rock Star Shashvat Singhal haath me guitar le kar stage par aaya... Uski personality real me dekh kar Nilansh k to hosh hi ud gaye. Wo kisi Hero se kam nahi lag raha tha. Gathila badan... Teekhe naina. Isliye to uske itne chahane wale the jisme se ek naam Nilansh Awasthi ka bhi tha. Aaj tak usne use sirf TV par hi dekha tha lekin aaj usko saamne Dekh kar use ek baar fir se pyaar ho gaya...
Shashvat Singhal.. Ek jana mana Rock Star singer or laakho dilo ki dhadkan...
Jitne to Aakash me taare nahi the usse jyada to uske Fans the... Un fans me ek Nilansh bhi tha jiska dil uske liye pal pal dhadakta tha.
To ab uske dilbar ki dhadkan tej hone ka time aa gaya tha jab Shashvat ne gana suru kiya.
"Dilbar mera dil liye jaa rahe ho,
Dilbar mera dil liye jaa rahe ho,
Dil le kar kyu mera.....
.......sharma rahe ho.
Dilbar mera dil liye jaa rahe ho."
Uske gaano k lafzo me Nilansh kho chuka tha, usme wo khud ko Shashvat k saath imagine kar raha tha... Isi soch me gana kab khatam ho gaya or Shashvat kab chala gaya use pata hi nahi chala.
"Nilansh.... Nilansh..... Kaha khoya hai? ", Ronak ne use hilaya
"Sab kaha gaye or Shashvat kaha hai? ", Nilansh ne idhar udhar dekhte huye kaha
"hahahaha Sab gaye... Or tera hero bhi", Ronak ne huste huye kaha.
"Chala gaya... Aise kaise jaa sakta hai mujhse mile bina.... chal uska Autograph le kar aate hai", Nilansh excitement me back stage ki taraf bhaga.
"Ruk.. Waha jana khatre se khaali nahi hai", Ronak use rokne uske piche bhaga.
Wo dono jaise hi Shashvat ki vanity van k paas aaye security ne dono ko rok liya.
"Aap andar nahi jaa sakte", Security guard ne gusse se kaha.
"Bhaiya hume bas 2 minute ka kaam hai... Bas Shashvat Singhal se Autograph le kar chale jayenge", Nilansh ne request ki
"Nahi bola na... Sir kisi se vanity van me nahi milte", Security guard dahadte huye bola.
"Chal yaar... Is haathi ko gussa aa gaya to maar maar k haddi pasali ek kar dega", Ronak use khichne laga.
"Thand rakh... Mai kuch dimaag chalata hoon",
Usne tigdam bhidaya or moka dekh kar Sabse najare bachate huye van me jaa pahucha.
Jaha Shashvat akela baitha guitar k saath geet gunguna raha tha.
"Dilbar mera dil liye jaa rahe ho,
Dil le kar kyu mera sharma rahe ho"
Nilansh use chupke se dekhe jaa raha tha.
Or mann hi mann muskura raha tha. Uska sapna aaj sach ho gaya tha. Lekin ek cheekh ne uske khayalo ko tod kar rakh diya ye cheekh Shashvat ki thi jo Nilansh ko dekh kar uske muh se bas nikali hi thi.
Nilansh bhaag kar aaya or uske muh ko apne haathon se band kiya. Ab dono ek dum kareeb aa chuke the. Dono ki aankhen ek dusare ko ghoore jaa rahi thi. Jaha Shashvat ki aankho me darr tha wahi Nilansh ki aankho me pyaar.
"In yaadon me rehte ho har ghadi,
Aankho me neendein rehti nahi,
Hoti hai aankho se halat bayaan,
Ye jubaa kuch kehti nahi."
"Plz... Chillana mat... Mai bas tumhara Autograph le ne aaya tha", Nilansh ne use dilasa diya
"Ye kya tarika hai... Tum jaante nahi mai kon hoon. Or door hato mujhse" , Shashvat gusse me bhadka
"Dekho... Mai tumhara bahut bada fan hoon, bas tumhara Autograph le ne aaya tha", Nilansh ne samjhane ki koshish ki lekin Shashvat sahab to kuch samjhne ki halat me nahi the
"Abhi ruko security ko bulata hoon", lihaza usne security ko bula hi liya or security guards ne bhi un dono ko dhakke maar kar bahar kar diya.
"Bas mil gaya Autograph...bola tha maine bade log aise hi ghamandi hote hai", Ronak ne apna gussa utara
"Dekh tu mere Shashvat ko kuch nahi kehna... Kitna pyaara hai wo", Nilansh to khayali kheer banane me laga hua tha.
Ab chal ghar "Ronak ne apna gussa utara. Or wo bhi niraas ho kar gahr chal diya.
...............
Nilansh ko bhale hi Shashvat Singhal ka Autograph na mila tha lekin use ek khushi mili thi k usne usse chu liya tha. Jo adhura sapna wo har subha dekhta tha wo biti raat ko pura ho gaya tha. Uske maano pair hi jameen par nahi tik rahe the.
"Kya chakkar hai jab se tum dono aaye ho kuch jyada hi khush lag rahe ho", Shalini ne Ronak or Nilansh se puchna.
"Kuch nahi Aunty... Bas yu hi", Ronak ne husi debate huye baatein banayi.
"Haan Maa... koi baat nahi hai... Hume kon sa kisi security guard ne dhakke de kar Bhagaya hai jo dukhi hoye ",Nilansh ki jeebh fisali
"Kya matlab", Shalini chonki
"Kuch nahi Aunty... Ise to aadat hai bak bak karne ki", Ronak ne baatein ghumayi
"Uff tum dono ladkon ki baatein", Itna kehte hi wo room se bahar nikal gayi
"Pagal ho gaya hai tu ", Ronak ne uske sar par ek baar fir mara
"Haan yaar pagal ho gaya hu Shashvat k pyaar me jab se use chhua hai kuch kuch hone laga hai",Nilansh bed par girte huye khayalo me kho chuka tha.
................
Aaj ka din kuch boring tha... Isliye Nilansh TV se mann behla raha tha. Chanel change karte huye uski najare ek news channel par tik gayi.
Uske pairo tale zameen khisak gayi jab usne khabar padhi k Shashvat Singhal hospitalised hai.
Uski duniya maano tam si gayi... Wo bina samay gavaye Ronak k paas gaya.
"Ronak... Tumne news suni Shashvat hospital me hai", Nilansh ne diwangi me kaha
"To Kya hua, chhoti si baat hogi", Ronak ne use lightly liya.
"Nahi... Baat itni chhoti nahi hai... Maine suna usko heart problem hai isliye wo hospitalised hai
Chal na dekh k aate hai", Nilansh pura pagal ho chuka tha.
Ek dost hone k naate Ronak ko bhi uske pagalpan me saath dena pada. Isliye dono us hospital me gaye jaha Shashvat admit tha.
Wo hospital tak ka raasta kaise guzra tha ek Saccha Pyaar karne waala hi samajh sakta hai.
Uska pal pal bhari ho raha tha.
Waha jaa kar pata chala Shashvat ki halat bahut nazuk hai use heart ki problem hai jo kayi saalo se thi lekin ye baat uske kareeb k logo k siway or koi nahi jaanta tha.
Jo Shashvat Singhal laakho dilo ki dhadkan tha wahi aaj apne dil se lad raha tha. Jald se jald use heart transplant karne ki jarurat thi nahi to kabhi bhi kuch bhi skata tha. Lekin uska blood group "O Negative" hone ki wajah se problem or badh gayi thi kyuki "O Negative" blood group 10 logo me ek ka hi hota hai jo milna bahut rare tha.
Hospital me security bahut tight thi... Jis wajah se Nilansh or Ronak andar bhi nahi jaa paaye.
Nilansh ka waqt maano tham sa gaya ho. Aaj uske ek tarfa pyaar ki zindagi khatre me thi.
Usne Ronak ko ghar bhej diya or khud Mandir me bhagwaan se Shashvat k liye pray karne gaya. Waise to wo khud se kabhi Mandir nahi jata tha lekin uske pyaar k liye aaj usne ye bhi kar diya... Wo aankh band kar prarthana kar hi raha tha k use wo baatein yaad aayi jo Pandit ji ne uski maa se kahi thi.
Flashback Start
............................
"Behenji... , kuch to khaas baat hai is ladke me, dekhna aage chal kar ye kisi dusare k liye bahut bada kaam karega or Aapko bhi is par garv hoga."
Flashback End
.........................
Ab Nilansh ko sab kuch samjh aa gaya tha k use kya karna hai, uske jivan ka kya uddeshaya hai.
Usne muskura k bhagwaan ka ashirwaad liya.
Or gahr chala gaya.
.........................
Shashvat ko hospital se discharge huye 5 mahine ho chuke the. Aaj wo puri tarha se thik ho chuka tha. Use khud me kuch naya pan mehsoos ho raha tha jaise shareer to uska ho lekin mann kisi or ka use aaj tak khud pe itna pyaar pehle kabhi nahi aaya jitna ab aa raha tha... Uski chahte, pasand bhi badal chuki thi.
Use khud nahi pata chal raha tha uske saath kya ho raha hai.
Idhar Nilansh k gahr me sannata pasra hua tha.
Shalini Nilansh k kamre me baithi huyi khud me khoyi huyi thi. Uske haath me Nilansh k blood report thi jisme uska blood group "O Negative" tha. Saath me ek latter tha jisme likha tha
"Maa mai nakara nahi hoon, maine wo kaam kiya hai jo koi nahi kar sakta tha. Maine kisi ko zindagi di hai. Ya moka bhagwaan ne mujh jaise sadharan insaan ke diya hai, shayad ab aapko mujh par garv hoga."
Shalini har roj uske kamre me aakar apne bete k hone k ehsas ko mehsoos karti hai jo ab is duniya me nahi tha. Or har roj foot foot kar roti hai. Lekin aaj use apne bete par garv bhi tha.
Idhar Ronak Nilansh ki baat maan kar khud ko hi doshi maan raha tha k kyu usne Nilansh k heart ko Shashvat me transplant karne me uski madad ki. Kyu usne Nilansh ko aisa karne se nahi roka.
Agar wo aisa na karta to aaj uska dost uske saath hota. Ronak dukhi tha.. Or baar baar us pal ko yaad kar raha tha jab Nilansh ka dil usne khud apne haathon se Doctor ko diya tha jisse Shashvat ki zindagi bach paayi.
Shashvat ko to pata hi nahi tha k uske seene me jiska dil hai wo Nilansh ka hai. Us Nilansh ka jo usse behad pyaar karta tha jo uska Sabse Bada fan tha.
Shayad yahi hai sacche pyaar ki taqat k ek celebrity ko usne sadharan sa insaan bana diya.
Jo ab baccho k saath kehlta tha... Mann marzi jindagi jeeta tha. Jaise kabhi Nilansh jeeta tha. Wo tha to celebrity Shashvat Singhal lekin uske andar masoom sa Nilansh Awasthi apni zindagi jee raha tha.
Bas.... Yahi tha Dilabar or uske Dil ka Afsana.. Dilabar k Dil ka tarana...
"Dilbar mera dil liye jaa rahe ho."

....The End....

Writer - Nits