"Shanit"

Kehte hai jaha insaan ko pyaar milta hai wo wahi khicha chala jata hai, kabhi usi insaan ko pyaar or dosti me se kisi ek ko chunna ho to aksar wo pyaar ko hi chunta hai lekin kabhi kabhi kuch aise sarfire bhi mil jaate hai jo dosti nibhane k liye pyaar k khumar ko hi najar andaaz kar baithte hai... Jaise usne kiya.
Mai hoon aapka dost 'Nits'... Jo pehli baar aapke liye le k aaya hoon, ek aise ladke ki kahani jiske sapne har aam insaan ki tarha the lekin usko pura karne ka housla sadharan nahi tha, lekin usse ek choti si galti ho jaati hai jisse uski zindagi tabha ho jaati hai....
Ye kahaani hai pyaar k diwanepan or junoonbhari dosti k bich sangharsh ki....
To aayiye le k chalte hai aapko Lucknow sheher k ek bade se bangle me jaha subha subha gahr ka phone bahut der se baj raha hai...
'Ye Ramu pata nahi kaha marr gaya koi phone uthane wala bhi nahi hai' - ghar k malik Anand Diwan apne nokar ko dhundte huye badbadaye .
'Hello.. Anand Diwan speaking...'
Samne se ek bhari lekin meethi awaaz aayi -' Hello... mai tere gaav se tera dost Harbu bol raha hu ' Ye sun ke Anand Diwan ka chehra khil uthta hai
' Aur suna dost kaisa hai malum hua hai k tu gaav ka sarpanch ban gaya hai..Bahut bahut Mubarak ho '... Wo apnepan se bole.
' Haan yaar bas devi maa ki kripa hai.. Accha sun tujhse ek kaam tha... Mera beta Nitish Lucknow aake apni aage ki padhayi karna chahta hai, uska admission bhi kara diya hai bas agar tu kahe to use tere gahr me thodi si jagah mil jaaye to....' Anand Diwan tasalli dete huye bole - ' Aree isme puchne ki kya baat hai ye tera hi ghar samjh accha kis clg me admission karaya hai.'
Harbu - ' Lucknow University me jaha shayad tera beta bhi padhta hai'..' Haan haan Gyaan bhi yahi padhta hai, ek kaam kar tu use foran bhej de,'- Anand Diwan khush ho k phone rakhte hai or apne eklote bete Gyaan ko awaaz dete hai.
Gyaan Diwan, ek ameer baap ka bigda hua young ladka. Bachpan me maa ka saya sar se uth jaane se use sambhalne wala koi nahi tha. Shayad bigadne k piche ka karan bhi yahi tha. Uske liye uske dosto k saath moj masti karna hi maano jannat ho... Ho bhi kyu na uska best Frd Shahid jo tha jo bilkul usi ki tarha tha...
Gyaan apne dad ki ek awaaz pe shatabdi ki speed sa aata hua khada ho jata hai..
Gyaan- 'what happened dad?'
Diwan sahab -'Dhyaan se sun ek do din me mere gaav k dost ka beta yaha aake rehne wala hai or tere hi clg me admission liya hai usne to tu uska khayaal rakhna use koi problem nahi honi chahiye samjha '.... Ye bol k Anand Diwan chale jaate hai lekin Gyaan ye sun k dang reh jata hai k gaav ka ek jaahil ladka usi k ghar me rahega Or to or usi k clg me padhega, kyuki aisa hone ka matlab tha Uski reputation ki aisi tesi ho jaana, wo bhi uske dosto k samane jo uske cool dude look ko copy karte the. Lekin wo jaisa bhi ho, uske dad k samane uski bilkul bhi nahi chalti, jaisa Anand Diwan keh dete maano wo patthar ki lakeer ho.
Next day.....
Clg ki canteen me Gyaan chup chap baitha kisi soch me duba hai, tabhi uska best Frd Shahid use dhundta hua waha aa pahuchta hai... Shahid ek ameer muslim parivaar ka chota beta hai. dikhane me kisi hero se kam nahi ya ye kaho clg ka playboy hai jispe saari ladkiyan fida hai or ladke to maano use idol maante ho. Dikhne me dashing, handsome jitni taarif ki jaaye kam hai.
Shahid use uljha hua dekh k puchta hai - 'kya hua bhai udaas kyu baitha hai?'
Gyaan - 'kya batau yaar gaav se dad k dost ka beta hamari university me padhne aa raha hai'
Shahid ne curiosity se pucha - 'To isme tension ki kya baat hai.?'
Gyaan ne explain karte huye use saari baat batayi. Ye sun k or apne pyaare dost ko tension me dekh k Shahid ne use promise kiya k wo us gaav k jahil bandar ko aisa sabak sikhayega k jald se jald apna boriya bistar baandh k wapas bhaag jayega... Ye ek frd ka uske best Frd se promise tha.
Do din baad.....
Lucknow station pe train aake rukati hai.. Jisme se 20-21 saal ka bhola bhala sa ladka aankhon me apne career k sapne sanjoye utarta hai. Wo bilkul simple or sadharan kapdo me gaav ka chora lag raha tha. Anand Diwan use ek baar me dekh k pehchaan lete hai wo bhi apne uncle ka pair chukar unse milta hai....kuch hi der me driver un dono ko lekar gahr aa jata hai... Aisa alishaan ghar dekh kar Nitish ki aankhen chamak jaati hai Kyuki gaav me aise ghar kaha dekhne ko milte hain.
Kuch der me Nitish fresh ho k khaane ki table pe aata hai jaha Diwan sahab or Gyaan pehle se uska wait kar rahe hai. Diwan sahab Gyaan or Nitish ka intro garamjoshi se karate hai lekin Gyaan upari tor pe muskura k apna khana finish kar apne room me chala jata hai kyuki Gyaan ko uska pehnawa, uska andaaz bilkul pasand nahi aaya. Nitish ko Gyaan ka aisa behaviour accha nahi laga lekin usne mind bhi nahi kiya.
Next day....
Gyaan ko na chahte huye bhi Nitish ko apni car se clg lana pada. Idhar Shahid or uske kuch dosto ne Nitish ko satane or yaha se bhagane ka plan already bana rakha tha.
So... Gyaan car park kar k or Nitish ko uski class room ka rasta samjha k waha se bahana bana kar chala jata hai. Nitish naye college me apni class room ka rasta talashane lagta hai. Tabhi Shahid ek dum uske saamne aa dhamkta hai jisse Nitish chonk kar darr jata hai.
Shahid - 'Hello.. Myself Shahid... Clg number one cool dude boy Nd Gyann's best Frd, what can I help you?' .
Nitish ko uski aadhi baate sar k upar se jaane wali lagti hai. Wo thoda insecure feel karta hai Fir bhi wo usse help maangta hai.
Nitish - 'ji mujhe computer science ki class me jana hai kya aap bata sakte hai kaha hai.' wo tehzeeb k saath bola
Sahaid -' aree ye to meri hi class hai aao mai tumhe le chalta hoon.'
Asal me ye Shahid or uske dosto ki chaal thi wo use class room ki jagah wash room me le gaye or use wahi band kar k bhaag gaye. Nitish jab tak kuch samjh pata wo washroom me lock ho chuka tha.
Wo akela pareshaan ho k bas tute shabdo me chillaye jaa raha tha or darwaaje pe joro se haath maare jaa raha tha .. Lekin koi usko sunne wala nahi tha, uske aankho me darr utar chuka tha tabhi awaaz sunkar waha se gujarte university k ek peon ne door khola or uski halat dekhte huye usi peon ne use uske class room tak drop kiya.
Jaha class start ho chuki thi.. Or professor attendance lene me busy the...tabhi Nitish dare huye lafzo me kehta hai.
' May I come sir' professor use aane ki permission dete hai... Or usse dekh k samjh jaate hai ye new student hai or class dhudne me late bhi ho gaya. Nitish baithne k liye aage badhta hai to pata chalta hai aage ki benches already full hai. Isliye wo na chahte huye piche ki bench pe baith jata hai jaha Shahid or uske Frd pehle se baithe hai.
Lecture start hota hai Or pure lecture me Shahid usko bahut pareshaan karta hai jisse wo dhyaan kendrit nahi kar pata, kabhi woh log uske sar pe maarte hai to kabhi ajeeb sa comment kar use bura se bura feel karate hai .... Lekin jaise taise naya atmosphere hone k karan wo shaant rehta haii.
Class over ho jaati hai or Nitish ko lagta hai jaise usne class nahi li koi jung ladi ho.
Pure din ke bure experience k baad Nitish Gyaan ka saath ghar aa jata hai Kyuki gaya bhi wo usi k saath tha.
Diwan sahab khushnuma andaaz me Nitish se puchte hai 'or bete....kaisa raha clg ka pehla din.'
Is par Gyaan thoda darr jata hai.. Lekin Nitish apne uncle ko kuch nahi batata ulta unse jhuth bolta hai k ' aaj ka din bahut accha tha. Or waha k log bhi bahut acche hai'
Gyaan sankoch se bhari najaro se Nitish ko ghurta hai lekin saath hi chain ki saans le kar apne room me chala jata hai. Or Nitish bahar garden me jaa kar apne pure din ko bhoolane ki kawayat me jut jata hai.
Room me aate hi Gyaan Shahid ko call karta hai.... Tring Tring.... Tring Tring
Shahid haste huye phone uthata hai - 'Suna dost, tere bin bulaye mehmaan ka kya haal hai, aaj jo uske saath kiya hai ab tak to usne train ki tikat booking bhi kara li hogi.. Hahhahahah...'
Gyaan- 'Saale husna band kar ..' Gyaan ne gusse me kaha . 'Wo dheet banda hai gaav ka hua to kya hua aisa banda maine aaj tak nahi dekha, itna sab kuch hone k baad bhi usne jaane ka naam tak nahi liya ulta dad se jhuth bol gaya... Such a big lier.' Shahid Gyaan ki baate hazam nahi kar pata or shocked ho jata hai... Use laga jaise jeetne k baad bhi haar ka muh dekhna pada ho. Woh chaalbaaj andaaz me kehta hai.. 'lagta hai ab ghee nikalne k liye ungali tedhi karni hi padegi'
Gyaan ne confuse hote huye pucha - 'kya matlab ?'
Shahid- 'abe tu aam kha ghuthaliya na gin, or maine tujhse promise kiya hai k us Nitish k bacche ko thikane laga k rahunga to mai apna vada nibhaunga, Tu fikr na kar New year tak wo tere ghar me to kya sheher k aas paas bhi dikhayi nahi dega...'
Gyaan uchalte huye kehta hai -' Thankyou yaar you are my real and supportive Frd... Lekin uske bacche nahi hai '.
Itne me dono thahake maar maar k shaitano ki tarha husne lagte hai.
Next day.....
Nitish class room me akela baith k notes bana raha hai jab Shahid uske side me aa kar biath jata hai.... Nitish ko darr sa lagta hai lekin wo uski taraf dhyaan na de k notes banane me busy rehta hai..
Shahid narm leheje me bolna shuru karta hai - 'Nitish..! kal k liye I'm sorry, kal jo hua wo bas chota sa Husi majak tha, jo hum har new student k saath karte hai jisse wo frank ho sake, tumhare saath bhi isiliye kiya... Agar tumhe sach me bura laga to tum meri complain bhi kar sakte ho..' Shahid ka aisa badla hua roop dekh k Nitish soch me pad jata h. kal jo ladka tha aaj uske opposite ladka uske saamne baitha tha.. Wo dhire se kehta hai - 'its ok'.
Shahid - 'aise nahi, tumhe mujhe maaf karne ki liye mujhse dosti karni padegi, or belive me mere saare Frds kehte hai k mai ek bahut accha Frd hoon chahe to aajma kar dekh sakte ho.'
Itna Sunne k baad Nitish ab Shahid k saamne sehaj mehsoos karne laga tha usne ek smile di or library jaane ka bahana bana ke chala gaya.
Idhar Shahid k dimaag me kya kya chal raha tha wo kisi ko pata nahi tha yaha tak k uske bestie Gyaan ko bhi nahi.
Aise hi din gujarte gaye...December k mahine ki shuruvat ho chuki thi or Lucknow ki thand apni charam seema pe thi..usi k saath Nitish or Shahid k jivan bhi us thand me jamta hua najar aa raha tha. Dono me ab baate bhi jyada hone lagi thi....Or Shahid Nitish ko help karne ka ek bhi moka nahi chodta... Or Nitish bhi uski help k bina kuch nahi kar sakta. kyuki use Lucknow aaye jyada din bhi nahi huye the....Wo dhire dhire Gyaan se dur hota gaya or Shahid k nazdeek aata gaya kyuki uske mutabik pure clg me ek Shahid hi tha jo usse samjhta ya usse baat karta tha.
Ek Din...
Shahid ne padhai ne dube Nitish k gale me haath daalte huye kaha - 'Hey Nitish...! what's up?'
Nitish ne uske haath ko saralta se hataya - 'kuch nahi exam aane wale hai so usi ki preparation kar raha hu'
Sahaid ne use chhedte huye kaha - 'yaar itna na padh nahi to top kar jayega Or fir mera tere jaisa ek or brilliant competitor paida ho gaya to mujhe to sanyaas hi lena padega...' Hahhahahah Sahaid ki baat pe Nitish jor se has deta hai. Nitish ko yu khul k husta dekh Shahid use ek tak najaro se bas dekhne lagta hai... Ye baat Nitish ne bhi notice ki k wo use ghoor raha hai.
Sahaid apna dhyaan todte huye kehta hai - ' accha ab hasana band kar or chal mere saath aaj mai bahut bore ho raha hu koi mast movie dekhne chalte hai '.
Nitish use samjhate huye kehta hai - 'yaar mai nahi aa sakta mujhe apna pehle ka slybus bhi cover karna hai, tum Gyaan ko kyu nahi le jaate apne saath'
Shahid use force karte huye kehta hai - ' Gyaan apni gf me busy hai usne mana kar diya isliye to tere paas aaya hu Ab bhaav na kha or chal chup chaap... Nahi to utha k le jaunga'
Na chahte huye bhi Nitish ko movie dekhne jana padta hai or issi tarha saath me bitaye precious time ki wajah se wo dono ek dusre k or close aa jaate hai. Aise hi din bitane lagte hai....15 - 20 din ki jaan pehchaan k baad Wo dono ek dusre ke ek bahut acche dost ban gaye. .. Nitish ko Shahid pe pura trust ho gaya tha..
Christmas k Next day...
Diwan sahab Gyaan or Nitish se kuch gambheer baat karne k liye un dono ko ghar k study room me bulate hai...
Anand Diwan bolna shuru karte hai - 'Dekho baccho, mujhe do din baad business tour k liye Europe jana hai...' Ye sun k Nitish thoda ghabra jata hai jabki Gyaan sthir rehta hai, Diwan sahab Nitish k chehre ko bhaap lete hai isliye samjhate huye kehte hai... 'ghabrao nahi bas 2 mahine ki baat hai isliye mai pure ghar ki jimmedaari tum dono ko de k ja raha hu acche se rehna or apna or ek dusare ka khayaal rakhna... Or Gyaan tum Nitish ko jyada pareshaan na karna '
Ye sun k Nitish thoda tension me aa jata hai Kyuki Gyaan k saath uski bilkul nahi banti thi fir bhi Nitish ne Anand Diwan ko aaswasan dete huye kaha..' uncle aap fikr na kare hum apna khayal rakhenge.'
Idhar Gyaan mann hi mann fula nahi sama raha tha kyuki jab bhi Diwan sahab gahr se bahar jaate the Gyaan ko bina rok tok k kuch bhi karne ki puri azaadi mil jaati thi... Is baar bhi aisa hi kuch hone wala tha...
Isi azaadi ka fayda utha k Gyaan ne new year party ghar pe hi celebrate karne ka plan banaya... Jisme usne clg k sabhi student ko invite kiya... Laazmi si baat hai k Shahid ka is party me aana banta hi hai...
31 December night.....
New year Celebration Party me mostly saare guest aa chuke tha.... Pura atmosphere lighting, Dj sound, dance, masti, alcohol, se taro taza tha. Sab apni masti me jhum rahe the. Lekin koi tha jo kone me baithe sab kuch chup chap dekh raha tha. Ji Haan wo Nitish tha, usne aisi party pehle kabhi bhi attend nahi ki thi ye uske liye bilkul alag experience tha...
Wo apne ajnabipan se lad raha tha tabhi uski najar uski taraf aate huye Shahid pe padti hai jise dekh k uski jaan me jaan aa jaati hai...
Shahid - 'Or jaan-e-mann yaha kya kar raha hai chal dance karte hai'
Nitish - 'nahi tum jaao mujhe ye sab bahut ajeeb lag raha hai'.
Shahid uska majak banate huye kehta hai...' pagal hai kya kabhi aisi party nahi dekhi.' iske saath hi wo uska haath pakad k jabardasti khinchta hai jisse wo dono ek dusare k bilkul kareeb aa jaate hai.
Nitish ki najare Shahid ko itna kareeb dekh k usi pe tik jaati hai.. Or uske perfume ki smell uske rom rom ko mehka deti hai.
Tabhi Shahid uska dhyaan todta hai... Or use Dj floor pe lake uske saath jhumne lagta hai.
Party apne pure shabaab pe thi, sab apne me magan the....
Isi Ka fayda dekh k Shahid Nitish se kuch jaruri baat karne k liye akele side me aane ko kehta hai.
Shahid najaro k saath sar jhuka k kehna shuru karta hai - 'aaj is saal ki last night hai or kuch hi time baad ek naya din aa jayega... Naye saal ka naya din... isliye naya saal aane se pehle mai apne dil ki baat tumse kehna chahta hu'
Nitish sankoch se puchta hai - 'kya?'
Shahid - 'I love u'
Nitish ye line sun k shocked ho jata hai use aisi baat Sunne ki bilkul ummeed nahi thi.
Nitish use samjhate huye kehta hai - 'Dekho yaar... I respect your feeling but we are boys, or ladko me ye sab sahi nahi...Ye tumhara sirf attraction ho sakta hai or tum mere Frd ho ek true Frd.'
Shahid gusse me uska haath pakad k kehta hai - 'accha, to mai sirf tumhara Frd hu to us din movie dekhte huye baar baar mujhe kyu dekh rahe the, or har baar mujhse help kyu lete the jabki clg me kitne students hai.'
Nitish is baat ko chupane ki naakaam koshish karta hai - 'Becoz you are my Frd or chhodo mera haath mujhe dard ho raha hai'
Shahid uska haath chhodte huye kehta hai - 'Accha to mujhe pyaar nahi karte to isi waqt mujhe ek gaal pe thappad maaro... Nahi to kiss me right now...'
Mujhe thappad maro.... Or agar pyaar karte ho mujhe abhi k abhi kiss karo.. slap me otherwise kiss me' Nitish ko samjh nahi aata k Shahid ko ho kya gaya hai.
Shahid ka diwanapan dekh k Nitish khud ko rok nahi pata hai uske baar baar force karne par apna aapa kho deta hai or bina soche samjhe uske narm hontho pe apne honth rakh deta hai.
Shahid bhi Nitish ko kiss karne ka moka haath se jaane nahi deta... Dono kiss karte karte ek dusare me itna kho jaate hai k unhe aas paas k logo ki bhi sudh nahi rehti.... Kehte hai na pyaar jo na karaye wo kam hai..
Ye kissing un dono k sacche pyaar ki nishaani thi kyuki kahi na kahi Nitish bhi use pasand karta tha ... Ek lambe kiss k baad dono ek dusare se alag hote hai... Or Shahid dhire se Nitish k kaan me kehta hai 'Thankyou jaan-e-mann,apne pyaar ka izhhaar itne khoobsoorat dhang se karne k liye' ..Nitish uski baat sunke sharma jata hai.
Uski issi sharm ko dur karne k liye Shahid uska haath pakad k room me le aata hai...
Waha aake wo usse kehta hai 'Aaj saal ki akhiri raat mujhe ek haseen tohfa de do.... Nitish aaj ki raat tum mujhme kho jaao or mujhe khud me kho jaane do. Itna kehte hi wo Nitish ko fir se kiss karna shuru kar deta hai lekin is baar unki kissing smooching me badal jaati hai... Dono ek dusare se beinteha mohobbat karte hai...
Sahaid Nitish k har ek ang ko apna banana chahta hai isliye wo uske jism se ek ek kapde ko ang se alag kar deta hai or aisa karne se Nitish bhi use nahi rokta... Dono pyaar karte karte kab bed pe aa jaate hai dono ko hi pata nahi chalta.
Idhar Shahid bhi khud k kapdo se khud ko juda kar deta hai... Wo chandani raat thi or us chandani me dono k jism chamak rahe the lekin ye chamak ek dusare ka ho jaane ki jyada thi.
Jab Shahid Nitish k naajuk ang ko apne haathon se sparsh karta hai to maano Nitish machal uthta or puri tarha se khud ka jism Shahid ko samarpit kar deta hai... Bahar party me sab apne me masgool the or andar December ki thandi raat me do garm jism ek dusare k hone me lage huye the.... Or wo dono kab thak k ek dusare ki baahon me lipat kar so jaate hai... Pata hi nahi chalta.
"Na hai yeh pana
Na Khona hi hai
Tera Na hona jane
Kyun hona hi hai
Tum se hi din hota hai
Surmaiye shaam aati hai
Tumse hi tumse hi
Har ghari saans aati hai
Zindagi kehlati hai
Tumse hi tumse hi
Aankhon mein ankhen teri
Bahoon mein baahein teri
Mera na mujh mein kuch raha hua kya
Baaton mein baatein teri
Raatein saugatein teri
Kyun tera sab yeh ho gaya
hua kya
Mein kahin bhi jata hoon
Tumse hi mil jata hoon
Tumse hi tumse hi
Shor mein khamoshi hai
Thodi se Behoshi hai
Tum se hi tum se hi"
Next Morning....
Aaj naye saal ka pehla din hai... Nayi subha naya pyaar, naye sapne.... Suraj dhire dhire apni kirne bikherte huye Nitish ki khidki pe dastak deta hai.... Jiski roshani uske chehre pe padti hai or woh dhire dhire apni aankhen kholta hai... Is nayi subha me uska chehra pichli raat se jyada pyaara lag raha hai... Lekin jab wo najare ghumata hai to khud ko room me akela pata hai. Wo khud ko bed sheet se dhakta hua khada ho k washroom me Shahid ko dekhta h. Lekin na wo tha, na uska mobile, na uske kapde. Wo use call bhi karta hai lekin sirf ring hi jaa rahi hai. Isliye wo kuch soch k fresh ho k niche aa jata hai. Gyaan ko ghar me na paa kar wo Ramu se puchta hai to use pata chalta hai k Gyaan aaj jaldi clg chala gaya hai to wo bhi bina breakfast kiye to wo bhi Shahid se milne clg k liye nikal jata hai.
In Collage.....
Nitish pura clg chaan marta hai lekin use Shahid kahi nahi dikhta. Isliye wo na chahte huye bhi Shahid k dosto se uski khabar puchta hai... Jisme ek dost use batata hai k Shahid abhi abhi canteen gaya hai... Isliye wo bhi canteen ka rukh leta hai.... Jab wo canteen me pahuchta hai to uske kadam ek dum se ruk jaate hai Kyuki jo najara wo dekhta hai usse uski aankhon pe yakeen nahi hota.. Shahid ghutano k bal baitha haathon me ring liye huye clg ki sabse hot or beautiful ladki ko propose kar raha hai.. Ye dekh k Nitish ko dhakka sa lagta hai..
Wo kuch samjh nahi pata hai k ye sab ho kya raha hai... Wo pura tamasha chup chaap dekh k sehen kar leta hai. Tabhi Shahid ki najar rote huye Nitish par padti hai. Dono ek dusare ko sawaliya najaro se dekhte hai. Lekin Nitish waha se bhaag jata hai on Shahid bhi uska picha karta hai. wo uska haath kas kar pakad k rok deta hai.
Nitish rote huye tute fute Shabdo me bolna shuru karta hai - 'chhodo mera haath... Maine kaha chhodo mera haath... tum dhokhebaaz ho. Mere saath itna bada fareb karte tumhe sharm nahi aayi..kal raat ko bistar pe mere saath or aaj ek ladki se pyaar ka izhhaar kar rahe ho chii... Tumse aisi umeed nahi thi.'
Sahaid rubab se bolta hai - 'Tera Melo drama khatam ho gaya to mai kuch bolu.. Haan Maine tere saath pyaar ka natak kiya, abe gadhe tune hi to kaha tha koi ladka kisi ladke se kaise pyaar kar sakta hai... Jo tere saath kiya wo bas ek plan tha tujhe yaha se bhagane ka.. Or sun agar agale do ghante me tu Lucknow sheher chhod k wapas apne gaav nahi gaya to.'
Nitish uska collar pakdte huye bhadka -' to kya karoge bolo itna sab to kar chuke ho ab meri zindagi barbaad karne k liye or kitna giroge '
Shahid shaitani hasi huste huye -' hahahahha... Jyada kuch nahi karunga bas kal raat ko jo tera Mms banaya tha wo social sites pe upload kar dunga or iske jimmedaar tum hi hoge is liye apni izzat pyaari hai to yaha se no do gyaarha ho ja.'
Ye jaankar Nitish k pairo tale zameen nahi rehti wo ab puri tarha se tut jata hai.. Pyaar me dhokha to use mila tha lekin ab uske or uske parivaar ki ijjat pe baat aa gayi thi isliye wo kuch kar bhi nahi sakta tha... Wapas jaane k alawa uske paas dusra raasta bhi nahi tha....Isliye who gahr aake apna saman baandh k jaane ki taiyari karta hai. Wo gahr se nikalta hi hai k Diwan sahab ki tasveer ki or dekh k rote huye leheje me bolta hai 'uncle aap agar yaha hote to meri aisi haalat kabhi nahi hone dete. Lekin mere pas yaha se jaane k alawa dusara koi raasta nahi hai. Ye sheher k log bahut kharaab hai Inme bhavna naam ki chiz nahi hai. Pyaar k naam pe sirf dhokha dena aata hai inhe, ek aap hi hai jinhone mujhe bete se badh kar pyaar diya lekin mujhe ab yaha se jana hoga.. Plz mujhe maaf kar dijiye Plz '
Idhar clg me Shahid Gyaan se kehta hai - 'Congratulation dude..! Tere raaste ka kaanta saaf ho gaya hai.. Tere ghar se us khatmal ko Bhaga diya hai ab tak to wo Lucknow ka outer bhi cross kar chuka hoga. Abhi Anand uncle bhi nahi hai To tu akela malik hai jaa enjoy kar..'
Gyaan uchalte huye - sach me yaar.. Thank you.... Thankyou so much... You are my real brother.... Lekin ye sab tune kiya kaise?'
Shahid - abe dost ko bhi koi Thankyou bolta hai, dost ki dosti k liye kuch bhi.. Or tujhe bola tha aam kha ghuthaliya na gin... Chal ja enjoy kar... Mai bhi chalta hu. '
"JISKA PYAAR HAI DIL ME NISHANI KI TARAH,
WO TOH BHOOL GAYE HUME KAHANI KI TARAH"
Or isi tarha Pyaar me dhokha kha kar Nitish gaav wapas aa jata hai use Shahid se jyada khud se nafrat ho rahi thi kyuki wo use khud se jyada pyaar karta tha. jin sapno ko pura karne k liye wo sheher gaya tha aaj wo sapne puri tarha se tut chuke the... Saath me wo khud bhi... Chhuttiyo ka bahana bana k wo jab ghar aaya to Ghar walo ne uski halat pe gor nahi kiya kyuki wo upar se hasta or andar se rota tha.
Isi K saath samay gujarta gaya.. Nitish ko gaye ek mahina ho chuka tha...seher ki chaka chondh me sabne Nitish ko bula diya Hala ki use yaad bhi kon karta...
Lekin nahi aisa hua nahi koi to tha jo ab bhi use yaad kar raha tha ... Jo uske hasmukh chehre ko soch k akele me husta tha ... Wo or koi nahi balki Shahid tha Ji Haan Shahid.. Woh kuch badla badla sa lag raha tha... Jab se Uski gf k saath uska break up hua hai wo apne dosto se bhi kata kata rehta... Sahyad uske mann me bhi hulchul mach rahi hai lekin wo hulchul kya thi kisi ko nahi pata tha...
Shahid din me ek baar hi sahi lekin Nitish k bhole chehre ko yaad jarur karta... Or uski vedio jo usne previous year ki last night pe dhoke se banayi thi use dekhe bina maano uska din hi pura nahi hota.
Ye sab koi normal baat nahi thi kyuki kahi na kahi wo Nitish ko pasand karne laga tha... Ya sahayd use saccha pyaar ho gaya tha ... Pata nahi. Jo bhi tha kuch to alag sa tha.
Ek din apne bed room me.....
Wo ab is udherbun me soch rha tha k kya hua hai use, use khud se nafrat or Nitish se humdardi kyu hone lagi hai, akhir kya hai ye.. Tabhi uske achanak saamne Nitish ka aks khada ho jata or wo uspe jor jor se hasta hua kehta hai, 'hahahahha... Pyaar ho gaya hai re tujhe, hahahahha is gawar se pyaar ho gaya hai. Dekh mai haar k bhi jeet gaya or tu... Tu to jeet k bhi haar gaya.. Hahahahha' huste huye wo aks na jaane kahaan gayab ho jata hai... Or Shahid ko is baat pe yakeen ho jata hai k ye kuch or nahi pyaar hai.
Aaoge Jab Tum Saajna
Aaoge Jab Tum Saajna
Angana Phool Khilege
Barsega Saawan, Barsega Saawan
Jhoom Jhoom Ke
Do Dil Aise Milenge
Aaoge Jab Tum Saajna
Angana Phool Khilege
Naina Tere Kajrare
Naino Pe Hum Dil Hare Hai
Anjane Hi Tere Naino Ne
Waade Kiye Kaie Saare Hai
Saanso He Leher Madam Chale
Tose Kahe Barsega Saawan
Barsega Saawan Jhoom Jhoom Ke
Do Dil Aise Milenge
Aaoge Jab Tum Saajna
Angana Phool Khilege
Ab bas Shahid ko ek hi dhun sawar thi k kuch bhi kar k Nitish se maafi maanga or use apne sacche pyaar ka yakeen dilana..Isliye wo Gyaan se Nitish ka address baato baato me pata kar leta hai or Isi k saath dil me aarzoo liye wo Lucknow se Nitish k gaav tak ka safar taye karta hai...
Uske gaav pahuch k jab uske ghar.... ghar kya kothi keh sakte hai, kothi k bahar pahuchta hai to uska dil jor se dhadakta hai Kyuki wo mahine baad use dekhne wala tha...Or use ye bhi darr tha k Nitish use maaf kar k uske pyaar ko swikarega ya nahi... Isi soch wo gahr ka darwaja knock karta hai... Ghar ka door khulta hai or saamne ek bujurg mahila khadi hai jo sahayd Nitish ki maa hai..
Shahid- 'Hello aunty' wo unhe namaste kehna chahta tha lekin ghabrahat me Hello bol gaya.
Wo aage kehna shuru karta hai 'ji mai Lucknow se aaya hoon Or Nitish ka dost hu'
Itna sunte hi wo use andar aane k liye kehti hai.. Shahid bhi andar aake sofe pe baith jata hai..
Shahid puchta hai - 'Aunty Nitish'?'
Wo itna hi keh pata hai k uski maa dukhi mann se bolna shuru karti hai, ' Dekho Na beta jivan kya kya khel dikhata hai. Kon kahega jo ladka itna hasmukh tha wo aaj ... Wo aisa bhi kuch kar sakta hai. Pata nahi usne aisa kyu kiya, kyu usne apne parivaar k baare me, humare baare me ek baar bhi nahi socha '...itna keh kar maa ki aankho se aansuo ki dhara behne lagti hai... Shahid kuch samjh nahi pata h k kya hua hai or ye ro kyu rahi hai or Nitish ko kyu nahi bula rahi... Itne me hi uski najar Diwar pe phool chadi tasveer pe jaati hai jisse Shahid ek tak dekhta hi reh jata hai, na kuch bolta hai, na samjhta hai... Kyuki wo tasveer Nitish ki thi jo is duniya se jaa chuka tha.... Uska astitav bas yaade ban chuki thi... Shahid murti bane us tasveer ko dekhe ja raha tha, uske aansu nikalne k jagah sukh chuke the... Na dard tha na pyaar... Bas ek kathor shareer tha... Ab iske aage use na kuch kehna tha na kuch sunna... Wo chup chap dhime kadmo se chal kar bahaar aa jata hai.... Use yakeen ho gaya tha k Nitish ab is duniya me nahi hai... Usne suicide kar liya hai wo bhi uski wajah se.... Apni ijjat k nilam hone k darr se usne khud ko is dhokhebaaz duniya se azaad Kar diya.... Wo pyaar me dhokha bardasht nahi kar saka.... Jis ladke k itne sapne the.. Apne future ko le k, apne parivaar ko le k, apne pyaar ko le k wo sab kahi piche choot chuke the... Or wo khud sabke liye ek sapna ban chuka tha...
jab Diwan sahab ghar aaye to Nitish ki asliyat jaan k dang reh gaye. Uhne bahut  dukh hua k kaise wo ek huste huye bacche ko chhod k gaye the or ab wo Husi kho gayi thi.... Lekin Uhne ye kabhi nahi pata chala k unki peethh k piche us maasoom pe kya keher dhaya gaya hai. Uske is duniya se jaane ka karan ek raaz hi raha. Gyaan ko Nitish k ghar aane par jab khushi nahi hui to is duniya se jaane pe kya gam hota... Wo apni nizi jivan me masgool ho gaya.
Shahid ki halat aisi ho gayi k na wo jee paa raha tha na marr pa raha tha...use khud se ghin aane lagi .. Usne marna chaha lekin uske pachtave ne use mout bhi naseeb nahi karayi Usne apni saari umar isi koshish h me bita di k wo Nitish ko humesha jinda rakhega apne Mann me, apne sapno me or apni yaadon me, yahi uske liye sabse badi saja thi...
Ek Raat Ki galati ne dono ki zindagi tabha kar di thi....Shahid, Gyaan ki dosti ki kasauti pe to khara utra lekin us dosti ko nibhane k liye usne naasamjhi me apne pyaar or uske vishvas ka khoon kar diya....
Ye dosti ka junoon hi tha jisne pyaar ko kho diya.....
Nitish ko na Shahid ka pyaar mila, na Shahid ko Nitish ka saath mila...
Dono adhure reh gaye.... Ek marne k baad adhura hai or ek jeete jee adhura hai..... .
Shayad.... Isi adhure milan, isi adhurepan ka prateek dono ka adhura naam "SHANIT" hai.

The End

Writer - Nits