"Bawra Aheri"

"Mann bawra hua ja raha
Kaisi lagan yeh lagi
Mujh-mein kahin bhi main nahin
Tu hi tu hai mujh mein har kahin"
Uska bawra mann bas yahi keh raha hai, jab wo apni nam aankhon se use dur jaate huye dekh raha hai...
Mai hoon aapka dost ' Nits '...Jo aapke liye le k aaya hoon ek bawre ki dilkash kahani...
To aayiye le k chalte hai aapko Lucknow sheher k ek bade se ghar me jaha ka mahaul khushnumaar hai, pura ghar phoolo se saja or Roshani me nahaya hua hai...Gaane bajane ki awaje aa rahi hai...Jaise kisi ki shaadi ho. Ji Haan ye Nitesh ki shaadi ki chehel pehel hai jo do din baad hone wali hai, Wo bhi aisi waisi ladki se nahi balki Lucknow k sabse dabang parivaar or politician Veer Singh ki beti se.
Nitesh Vyas khud bhi ek rich political family se belong karta hai, parivaar ka chota beta hone k saath-saath wo 22 saal ka, chanchal mann ka ladka hai, Jisne jivan me jo chaha wo hasil kiya...Aaj usi ki sangeet ki raat hai, sab naach gaane k saath khushiya manane me lage huye hai...Lekin in khushiyon me Nitesh kahi najar nahi aa raha hai...Wo apne room me udaas baitha hai, Kyuki ye shaadi uski marzi k khilaaf ho rahi hai. Wo kisi ladki se shaadi nahi karna chahta. Uske liye ye shaadi nahi balki do politician family ka simply vote gain karne k liye ek political stunt se jyada kuch nahi hai...Jisme uski jindagi barbaad hone jaa rahi hai par afsos uski sunne wala bhi koi nahi hai.
Nitesh isi soch me duba hua hai tabhi uska phone bajta hai...Tring... Tring...
Nitesh - " Hello "
Dusari taraf se ek ladke ki awaaz aayi- " Hello Nitesh..." itna sunte hi Nitesh k udaas chehre pe halki si muskaan aa gayi.
" Raj...! kaha ho tum Raj...Tumne kaha tha k tum mujhe lene aaoge, pata hai na do din baad meri shaadi hai, or agar tum nahi aaye to ye log jabardasti meri shaadi kara denge ". wo bina ruke ek saans me kehta chala gaya.
Raj use dilasa deta hai, " Mai jald se jald aane ki koshish kar raha hu dear, tum to jaante ho US se India aana koi Lucknow se Delhi jaane jaisa to hai nahi jo chand ghanto me safar pura ho jaye...
Yaha se jab tak mera documents verify nahi hota mai nahi aa sakta...Try to understand dear".
Nitesh halato ko samjhta hai. " come soon, I am waiting for you, agar tum nahi aaye to mai marr jaunga lekin is tamashe ka hissa bilkul nahi banuga jo ye log meri jindagi k saath khelna chahte hai". " mai samjhta hu, jitna mai tumse pyaar karta hu usse kahi jyada tum mujhse pyaar karte ho belive me mai tumhe lene jarur aaunga ". Raj ne use aashwasan dete hume phone band kar diya. Nitesh fir se udaas ho kar apne future k baare me fikarmand hote huye sochne laga.
Raj ek Indian ladka hai, jo pichle kayi saalo se US me reh raha hai or ek multinational company me job karta hai. Dikhne me bilkul handsome. 2 saal pehele Wo or Nitesh ek social networking site pe mile the wahi dono me baatein huyi, dosti huyi, or ek dusare ko pasand karne lage. Or aaj aalam ye hai k dono ek dusare se behad pyaar karte hai or saath rehna chahte hai humesha humesha k liye. Lekin unki chahat par Nitesh k parivaar ki buri najar hai. Isliye wo jald se jald uski shaadi kar dena chahte hai apni political position or family status k faayede k liye...
2 din baad....
Nitesh ka mann subha se bechain hai. Aaj uski shaadi hai. Bahar barat nikalne ki taiyaari joro shoro par hai.. Lekin idhar Nitesh Raj ko baar baar phone lagaye jaa raha hai lekin uska phone lag hi nahi raha... Akhirkaar bahut koshisho k baad uska phone lagta hai..
"Hello...Raj kaha ho tum... Mai kab se tumhe phone kar raha hoon....aur tumhare India aane ka kya hua? "... Nitesh ne gusse or fikarmand lehje me pucha.
Raj gambheer hokar bola, " dear, mai nahi aa sakta ".
Wo chonka, " kya bakwaas kar rahe ho, mai yaha tumhara kitne din se wait kar raha hu, tumne mujhse vada kiya tha k tum mujhe lene jarur aaoge or aaj jab meri shaadi hai to tum inkaar kar rahe ho, Aisa kyu kar rahe ho mere saath? " wo rote swar me bola.
Raj ne shaant mann se samjhaya , " Mera documents verification one week k liye postpone ho gaya hai isliye one week k baad hi India aa paunga. Nitesh nirasha se bhar utha or gusse me 'Fine' bolkar phone zameen pe de mara.
Ab use shaadi rokne k liye kuch to karna hai lekin kya?, wo isi soch me duba hai k achanak uske dimaag ki ghanti baji, " Hey, Shaadi k liye sabse jaruri do hi chiz hoti hai ek dulha or ek dulhan or agar dhula hi na ho to....!!!! "
Usne utsah se itna hi bola k tabhi door knock hua, usne door khola...uski maa shaadi ki shervaani haath me liye khadi hai, Maa k kahen pe Jabardasti hi sahi lekin use shervaani pehenni padi kyuki use to bas yaha se kaise bhi palayan karna hai, Lekin lekin...yaha se nikal bhaagna aasaan kaam nahi hai, Kyuki uski security k liye chaaro taraf police ka pehra hai... Lekin Nitesh bhi koi kam khiladi nahi hai usne jo thaan liya to use karna hi hai...Usne moka dekha or ek bag me jaruri samaan k saath khidki k raaste bhaagne me kamyaab ho gaya...
Jaate Waqt akhiri baar usne mud kar bhigi aankhon se apne ghar ko dekha, Us ghar ko jaha usse wo pyaar kabhi nahi mila jo usne humesha se chaha, jaha uske dil ki baat, uski bhavnaao ko samjhane wala koi nahi hai.
Barat nikalne ka time ho chuka hai sab dulhe raja ka wait kar rahe hai...uski maa use room me bulane jaati hai to waha use na prakar pareshaan ho jaati hai or tension me aa kar sabko bata deti hai... Ab Nitesh k gharwalo k saath saare mehmaano ko bhi pata chal gaya hai k Dulhe Raja gahr se nadarad h. Is bejjati pe Nitesh k pita aag babula ho kar police ko hukum dete hai - " Wo nalayak jaha kahi bhi mile foran dhund k laao..."
Nitesh ab khud ko azaad mehsoos kar raha hai wo un bandhano ko tod chuka hai jo uski khushiyon k aage roda bani huyi thi. Wo bas bhaag kar un sab se dur jana chahta hai...
Wo bhaag hi raha hai k achanak dekhta hai saamne se police ki jeep use nigalne aa rahi hai. Wo jaise taise jeep se najare bacha k paas k restaurant ki parking me khadi car ki diggi me chup jata hai par isse pehle police ki jeep waha se jaati wo car hi tej raftaar se nikal jaati hai or usi k saath Nitesh bhi.
Nitesh ab car ke saath Lucknow sehar ki sarhad k bahar nikal gaya hai...ab use kisi ka darr nahi... Par use kaha pata tha uske jivan ne kaisi karvat li hai. Wo apne aane wale kal se bilkul anjaan hai...
Ek ghante tak tez raftaar me chalne k baad wo car ekdam se ruki or tej break lagne se Nitesh bhi pura hil gaya jisse uske muh se halki cheekh nikli...Cheekh nikalte hi car ki diggi ka darwaza ekdum se khula, to usne saamne ek shaks ko paya, Waise to wo bahut bahadur banta tha par us shaks ko dekh uski cheekh nikal gayi...
" Aaaaaaaaaaaaa "...... Wo chillaya.
Usne apne haath se Nitesh ka muh band kiya ...Lekin uska khud ka muh khula ka khula reh gaya jab usne pehli baar Nitesh ka didaar kiya...
" Kisi raah bhi main chalun
Tujhse main aa ke miloon
Didaar karke tera
Taaron ki tarah mein khilun "
Tabhi achanak...
" Don't touch me, who are you?... Or mujhe chune ki tumhari himmat kaise huyi "... Nitesh piche hat te huye badbadaya.
'" Janab..! Aap jis car me aaram farma rahe hai wo meri hai..." Wo uspe chada.
" Kya "...Nitesh chonka
" Yes... Waise ab hum Lucknow sehar k bahar hai so ghabrayiye nahi police yaha nahi hai..." usne use relax feel karaya.
Nitesh dobara chonka.. " tumhe kaise pata k mai police se bhaag raha hoon, mai to tumhe jaanta bhi nahi."
" Maine aapko apni car me police se chupte huye dekh liya tha. Btw Hello... Myself Sahil... Sahil Kapoor." usne apna haath badhate huye kaha.
Nitesh ne darte huye lekin haath milaya " Mera naam Nitesh Vyas hai." Usne halki si smile dete huye kaha.
" So... Nitesh..nice to meet you. Waise tumhare get up se lagta hai tum apni shaadi se bhaage ho..." Sahil ne majakiya andaz me kaha.
Nitesh serious hote huye, " sahi pehchaana."
Ye thi Nitesh or Sahil ki pehli mulakaat... Sahil Kapoor...25 saal ka decent Or dikhne me behad sundar ladka jo Delhi me apni family k saath rehta hai. Kuch kaam se Lucknow aane k baad wapas Delhi jaa raha tha k achanak apni kismat se takra gaya.
Sahil ne frank hote huye kaha, " daro mat.. Ab aap safe ho.. Lekin aap bhage kyu?"
Nitesh gussaya...'" Mind your own business... Tumne mujhe police se bachaya.. Thanks to you
But ab apne kaam se kaam rakho. "
Sahil bhi chidchidaya..." Mujhe bhi koi shok nahi tumhe bachane ka..Tum sabhya ghar k lage to socha tumhari help kar du lekin itna attitude...Uhhh
h... bhalayi ka to jamana hi nahi raha."
Uska aisa behaviour Nitesh ko naagavaar laga.
Sahil ne bhi car start ki or use bich raaste chhod aage badh gaya...Nitesh bhi gusse me road kinare rakhe patthar pe baith k Raj ko yaad karne laga.
Thodi der baad usne dekha wahi car fir se uske saamne aa kar khadi ho gayi. Wo ghabraya..
Sahil ne car ka sheesha khol k kaha. " Sir... ye highway ka jungle hai aapka Lucknow sehar nahi jo aapk liye shaahi sawari aayegi... Kahiye to aapko kahi chhod du."
Nitesh ne muh tedha karte huye kaha.." No thanks..I'm ok. "
Nitesh k is andaaz pe sahil hus diya, jisse Nitesh or chid gaya.
Sahil bhi car se utar Nitesh k bagal me chup chaap aa kar baith gaya.
Kuch der k sannate k baad Nitesh ne jhijakte huye apni chuppi todi, " look... I'm sorry... Mujhe aapse aise baat nahi karni chahiye thi...mai pareshaan tha isliye misbehave kar gaya."
Sahil ne bhi muskura k kaha 'it's okay...I feel that'
Sahil ne sehej bhaav se kaha, "Aapko nadaano ki tarha ghar se bhaagna nahi chahiye tha"
Nitesh ne bhi uski misunderstanding door karne k liye apni kahani bayan ki k kaise uska parivaar jabardasti uski shaadi karana chahta tha Lekin apni kahani me usne Raj ka jikar kahi nahi kiya ...
Sahil ko uski baatein genuine lagi isliye usne uski help karni chahi, "Waise mai Delhi jaa raha hoon aap chahe to mere saath chal sakte hai if you feel safe with me.?"
Nitesh jhijaka, "No, mai aapke saath kaise"
Sahil ne friendly hote huye kaha, "No need to worry, police ka mattar solve hone tak waha aap safe rahenge or meri family ko bhi accha lagega."
Nitesh k paas na phone tha, na jyada paise na rehne ka thikana, Raj k India aane tak use kahi na kahi khud ko chupana tha isliye usne Delhi jana hi sahi samjha.
Kuch hi der me express way pe unki car tez raftaar se dodne lagi. Do ajnabee ek anjaane safar pe nikal gaye, or kuch ghanto k safar me wo dono ek dusare ki basic life k baare me bhi jaan gaye... Baaton baaton me Delhi kab aa gaya pata hi nahi chala.
Sahil ka gahr...
Ghar pahuchte hi usne Nitesh ko apni maa or chote bhai Rohan se as a Lucknow friend introduced karaya ... Nitesh ko bhi un dono se mil kar apnapan laga. Lekin wo dono Nitesh ko ghoor rahe hai kyuki usne dulhe ki shervaani pehni hai...Rohan k puchne par Nitesh haklaya lekin Sahil ne situation sambhalte huye kaha, "Nitesh direct apne ek frd ki shaadi se aa raha hai.'" Nitesh ne Sahil k bagal me aakar dhire se kaha, "Thankyou" ispe Sahil ne sar hila k smile di.
In night...
Dinner ka time ho chuka tha, sabne bade pyaar se Nitesh ki khatirdaari ki, Sahil ki maa ne uske liye chhapan bhog banaye... Nitesh ko bhi unka saath paa kar bahut khushi huyi kuch samay k liye to apne parivaar or apni saari tension ko bhul gaya... Lihaza use waha wo apnapan mila jo wo humesha apne parivaar se chahta tha...ye sab dekh k uski aankhen bhar aayi... Sahil ne bhi Nitesh ka chehra padh liya tha. Dinner k baad Nitesh guest room me ruka... Poore din ki afra tafri ke baad jab sone k liye jaise hi usne aankhen band ki k wo achanak utha... Use yaad aaya k usne Raj ko to bataya hi nahi k wo kaha hai or kaisa hai...
Sahil apne room me roj ki tarha apni personal diary me kuch likh raha hai k tabhi kisi ne door knock kiya, usne door khola tu saamne Nitesh khada tha.
"Wo mai aapko Thankyou kehne aaya hoon, aapne meri itni help ki.. "
Sahil jor se husa, "Aapke paas agar Thankyou ka stock jyada hai to thoda hume bhi de dijiye"
Is pe dono thahake maar k hus dete hai,
"Kya mai aapka phone use kar sakta hu?" Nitesh ne request ki.
"Sure, why not.." Sahil ne pocket se phone nikal k de diya.
Nitesh ne bina time waste kiye Raj ka number Rajdhaani ki speed se milaya.. Tring Tring... Tring Tring...
"Hello"...! Raj ne phone receive kiya.
" Raj '' ....Nitesh ki awaaz sun kar maano Raj ki saans me saans aayi.
''Dear... Kaha ho tum?, tumhara phone switch off kyu hai?, tumhari shaadi?, tum thik to ho na?''...
Raj ne firkmand hote huye sawalo ki jhadi laga di.
Nitesh ne pure din ki aapbiti use sunayi k kaise wo Lucknow se Delhi aa pahucha. Raj ne bhagwaan ka dil se shukriya adaa kiya, uska pyaar sahi salamat hai or abhi bhi uska hai...usne use jald India aane ka aashwaan diya.
''come soon Raj and Love you to'', Udasi uske chehre par saaf jhalak rahi hai. Nitesh phone cut kar k jaise hi muda usne saamne Sahil ko paya jo use hi ghoor raha hai. Wo ghabraht me
phone dete huye Good Night bola.
Sahil ne bhi use good night wish kiya or dono aapne room me chale gaye.
Next day...
Nitesh room me udaas baitha hai, wo apni family or Raj dono ko bahut miss kar raha hai.
Nitesh ki udasi Sahil se dekhi nahi gayi. Usne uska mood thik karne ka plan banaya.
''Nitesh...! aap jaldi se taiyaar ho jaao'' Wo utsaahpurvak bola.
''Lekin kyu?...Hum kahi jaa rahe hai..?'' Nitesh ko kuch samjh nahi aaya.
"Haan, maine socha aap Lucknow walo ko apne sheher k darshan karaya jaaye'' Wo cheheka.
''Nahi Sahil ji.. Mera mann nhi hai''... Usne bahana banaya.
''Aap ne pehli baar mujhe naam se pukara hai, ab to aapko chalna hi padega'' usne force kiya.
Nitesh use mana nahi kar paya or dono Delhi ki sair par nikal pade. Pure din k sair sapate k baad jab wo dono ghar aaye to Nitesh ka chehra khila hua tha, usne aaj Sahil ki company khub enjoy ki, ek pal k liye uski saari udasi chumantar ho gayi. Sahil ko bhi Nitesh k roop me ek accha dost mil gaya. Aise hi din gujarne lage.
Do din baad...
Sahil ki maa kuch pareshaan lag rahi hai, Raat k 11:00 baj rahe hai or Sahil ka kuch pata nahi hai. Na hi uska call lag raha hai. 11 se 12 hone ko aaye hai, ab to Nitesh ko bhi uski fikr hone lagi h...
Kuch hi der me door bell bajati hai, Rohan darwaza kholta hai... Saamne Sahil hi hai.. Lekin uske sar pe patti kaisi... Sab apne mann me yahi sawal puch rahe hai, Tabhi Rohan or Nitesh ne use sahara dete huye room me la k bed par litataya.. Sabke chehro par sawaliya nishan hai.. Sahil ne sabko samjhate huye kaha.. ''koi darne ki baat nahi hai, wo bas chota sa accident ho gaya tha ab mai thik hu.'' ye sun kar sab sakpakaye saath hi use sahi salamat dekh k chain ki saans bhi li.
Next Morning...
Sahil so raha hai..achanak suraj ki chamkili kirno ne uski aankho pe prahaar kiya. Jisse chid kar usne blanket se muh dhak liya.
'Good Morning Sahil ji...''Nitesh chilla k bola. Uski madhur awaaz sun kar wo ekdum se uth baitha. Subha k taja mausam me Nitesh ka chehra khilkhilaya hua lag raha hai. Sahil bhaut pyaar se usko dekhe jaa raha hai tabhi Nitesh uska dhyaan todta hai..
''Kiske khayalo ne khoye ho dost?" Nitesh ne tafri me puchna.
"Nahi...kahi nahi wo bas yuhi.. Aap ho, mujhe laga maa hai''... Sahil hichka
''Haan..wo Aunty ne hi bola aapko jagane k liye'' usne kaha
'' Waise aaj aap bahut khush lag rahe hai, baat kya hai.?'' Sahil ne baat palatte huye kaha.
''Haan, wo one week pure hone me do din baki hai isliye'' Nitesh apni sudh me kehta chala gaya.
''Kya matlab''... Sahil confuse hote huye bola
Nitesh ne baat sambhalte huye kaha..''kuch nahi, kuch nahi.''
Nitesh ka is tarha subha subha use aakar jagana Sahil ko bhaut bhaaya. Jaise uska din ban gaya ho. Poore din Nitesh ne Sahil ki bahut dekhbhaal ki ek acche dost ki tarha. Shayad Nitesh uska ehsaan chukana chaa raha hai jo usne uspe kiya hai apne ghar me rakh k. Wo dono din bhar ek dusare se baatein karte rahe... Kabhi bachpan ki to kabhi school / college time ki. jab Nitesh husta to use husta dekh Sahil k dil ko ajeeb sa sukun milta. Wo use taktaki baandhe dekhe jaa raha hai or mann hi mann bawro ki tarha jhoomte huye keh raha hai....
"Jab se teri sangat hui
Duniya meri jannat hui
Badalne lagi rut jaise
Khuda ki ibaadat hui"
In night...
Sahil roj ki tarha apni personal diary me kuch likh raha hai. Uske chehre pe badi si muskaan hai. Raat k chaand ne kuch sarghoshi to ki hai. Wo jaise hi diary k panno par pen rakhta, use panno me Nitesh ka husta hua chehra najar aata. Shayad use pyaar k pehredaaro ne gher liya hai. Ji Haan ye pyaar hi hai. Wo pyaar k haathon giraftaar ho chuka hai. Sahil ne humesha dimaag se socha lekin aaj dil ne dimaag ko dhoka de diya...
"Noor chaand mein hai naya
Nayi hai fiza mein nami
Tum jo aaye the na meri
Zindagi mein thi har kami"
Wo Nitesh k khayalo me kho kab so gaya use pata bhi na chala.
Next day....
Sahil doudta hua Nitesh k room me aaya.
''Nitesh...! tumhare liye kisi Raj ka call aaya hai.'' Sahil ne use phone pakdaate huye kaha.
Nitesh ne jaldi se phone chhina or balcony me jaa kar baat karne laga jabki Sahil wahi room me khada use pyaar se ghoore jaa raha hai.
Nitesh jab baat khatam kar k room me aaya to Sahil ne bebaaki h puch liya.. '' Ye Raj Kon hai? ''
Nitesh ko ab kuch bhi chupana sahi nahi laga usne serious hote huye bolana shuru kiya.. ''Sahil ji....! Maine aapse ek baat chupayi hai.''
'' Baat? ''.. Sahil ne anjaanepan se pucha.
'' Sahil ji... Baat ye hai ki...ye hai ki... hai ki... I m Gay." Nitesh ne pehle sankoch me or fir ek dum se usse apni sachchai bayan kar di.
Sahil k chehre pe koi bhaav nahi hai... Wo ye baat sun kar sthir ho gaya or dusare hi pal mann me khushi se umadate bhaav ko debate huye bola, "To ismein chupane wali kya baat hai ''.
''Mujhe laga aap mujhe nahi samjhenge ''...Nitesh ne masumiyat se kaha.
''Dekho Nitesh... Mai aaj k jamane ka open minded ladka hu in sab baaton ko samjhta hoon''... Usne uska support kiya.
Inta sunte hi Nitesh ne apne or Raj k pyaar ki danstaan ka bakhaan Sahil k saamne saralta se kar diya.
Ye sunte hi Sahil chonka.. Uska dil chhan se tuta. lekin is tutan ki awaaj Nitesh k kaano tak nahi pahuchi. Wo apni or Raj ki kahaani kehne me mashgool hai. Idhar Sahil ka dil chubh raha hai, uske ashk behen ko taiyaar hai or udhar Nitesh khushi se jhum raha hai.
Kaisa virodhabhaas hai... Ek dil khushi k sagar me hilore kha raha hai or ek dil gam k sagar me doob raha hai. Sahil ne waha se jana uchit samjha wo apne aansu Nitesh ko nahi dikhana chahta tha.. Isliye chup chaap uske room se bahar aa gaya. Nitesh jab palta to usne dekha Sahil ja chuka hai.
In night..
Aaj Sahil k room ki light jaldi band ho gayi shayad wo jaldi so gaya hai ya shayad apne gamo ko andhere me chupane ki koshish kar raha hai...Wo Isi udherbun me tha tabhi uska door knock hua... Usne darwaza khola. Saamne Nitesh tha..
''Wo mai aapse kehne aaya hoon k mai kal yaha se jaa raha hu, kal Delhi airport pe Raj mujhe lene aane wala hai... Mai aapko din me hi batane wala tha lekin aap ja chuke the''... Usne kaha.
''Haan Mujhe ek jaruri kaam yaad aa gaya tha''..Sahil ne bahana banaya.
Nitesh itna keh k waha se jaane laga tabhi Sahil ne use roka.
''Ji boliye''... Nitesh palta.
''Nahi... Kuch nahi... Good Night''... Sahil budbudaya.
'' Good Night ''.. Nitesh lambi smile de k chala gaya.
Sahil bechara wahi khada use niharta reh gaya...
"Saajan saajan main karoon
Mhaaro saajan jeev jadi
Soorat likha doon, jood le
Baachun ghadi ghadi"
Next day....
Aaj ka din judai ki bela saath le kar aaya hai...Aaj Sahil se juda ho uska pyaar saat samundar paar jaane wala hai. Saat din ki dosti bikhanre ko taiyaar hai. Nitesh Rohan or uski maa se akhiri baar mil raha hai.. Kuch hi der me use Airport k liye nikalna hai.
Sahil use Airport chhodne k liye gadi me wait kar raha hai. Kuch hi der me unki gaadi airport k raaste pe chal padti hai. Sahil bilkul shant hai jabki Nitesh hi idhar udhar ki baatein kiye jaa raha hai. In hi baaton me airport bhi aa gaya.
In airport
Nitesh curiosity se apne Raj k aane ka wait kar raha hai. Khushi or darr uske chehre par saaf jhalak rahe hai. Kyuki aaj wo pehli baar apne pyaar ko rubaru dekhne wala hai.
Uski najare usse talash hi rahi hai k achanak saamne se aata Raj dikhayi deta hai. Blue jeans white shirt k saath wo bilkul hero lag raha hai. Nitesh bhaag kar uske gale lagta hai.. Or idhar Sahil apni aankhen moond leta hai.
"Khataa maaf Rabba kare
Sajde mein tere jhukoon
Teri ek hansi pe yara
Bina mol hi main bikoon"
Dono sahil k paas aate hai. Nitesh sahil se Raj ko milawata hai. Or Raj Sahil ko uske pyaar ka khayaal rakhne k liye abhaar prakat karta hai.
''Nitesh...! chalo humari flight ka time ho gaya hai. '' Raj ne kaha.
Nitesh ab Sahil se juda hone ko taiyaar hai. Wo pehli baar uske gale lag kar kehta hai.. ''Aaj mai aapko Thankyou nahi kahunga kyuki mere paas Thankyou ka stock bahut kam baccha hai ''
Ye sun kar Sahil ka dil bhar aata hai. Wo use chura k rakh lena chahta hai lekin use pata hai wo kisi or ki amanat hai.
Sahil Nitesh ko ek gift box dete huye kehta hai..
''Ye Meri taraf se aapke liye chota sa gift... Humesha aise hi rehna''.
Itni der me Raj Nitesh ka haath pakad kar use Sahil or India dono se door le jane lagta hai.... Sahil nam aankho se use jaate huye dekh raha hai.... Pal pal uska dil kat raha hai. Or ek time aisa aaya jab wo uski najaro se ojhal ho gaya or Sahil waha akela khada reh gaya.
Nitesh ki flight take off kar jaati hai... Plane me use us gift ka dhyaan aata hai jo Use Sahil ne diya tha... Wo use jaise hi kholta hai to shocked ho jata hai. Us box me Sahil ki personal diary k wo panne the jisme usne uske liye pyaar bhari shayari likhi thi. Use padh kar uski aankho se aansuo ki dhara behne lagti hai.. Sahil k saath bitaye dosti k har acche bure pal uski aankho k saamne nachne lagte hai. Kaise wo sahil se mila, kaise dono Delhi aaye, Kaise usne uska khayaal rakha...lekin Raj ki khatir wo apni bhavnao ko niyantrit karta hai. Or un panno ko us box me humesha humesha k liye dafna deta hai.
Sahil nam aankho se aakash me Nitesh k plane ko dur jaate dekh raha hai . Uska bawra mann bas yahi keh raha hai.
'Mann bawra hua ja raha.
Kaisi lagan yeh lagi,
Mujh-mein kahin bhi main nahin.
Tu hi tu hai mujh mein har kahin... '
Dimag se sochne wala Sahil...ek tarfa pyaar me Bawra ho chuka tha. Chanchal mann k Nitesh ne masoom Aheri bankar pyaar k baan (teer) se uska shikaar kiya tha...
Bas itni si thi do ajnabeeyo ki kahani...
" Bawra or Aheri " ki kahani...

The End

Writer - Nits