"Aao Kabhi Haweli Par"

____A Short Story____

"Aise likhiye kahani apni,

Ki na chahte huye bhi;

Madhosh kar dein is kadar, 

Ki Kehna hi pade hume;

Aao Kabhi Haweli Par."

Tuntun Pur k ghane daravne jungle mein din k samay do log chehal kadmi kar rahe the. Dikhne se to ek ladka Or ek ladki lag rahe the. Haan ye wahi the. Ladka patla dubla sa jaise abhi abhi jalti angithi se nikli huyi lakdi jo bas raakh hone wali hai Or ladki Katrina Kaif ki chacheri behen si. Dikhne me khoobsurat lekin manne ka mann na kare..

"Baby tum mujhe ye kahan le aaye ho, isse accha to kisi hotel me hi chalte." Ladki ne narajgi jatayi. 

"Haan jaise hotel mere baap ka hai... Waise hi tera baby kadki me aa gaya hai... Ye to wahi baat huyi khaya piya abhi tak kuch nahi Or glass toda jeb phatne tak" Wo mann me budbudaya. 

"Tumne kuch kaha baby", ladki ne kuch sun kar shak jataya. 

"Nahi babu... Wo to mai puchh raha tha k mele babu ne thana khaya", ladke ne baat palti.

"Babu kyu na hum yehi", ladka bol hi raha tha k tabhi ladki ne use rok diya. 

"Itne khule me hargiz Nahi... Tumhe pata nahi pedo k bhi aankhe hoti hai" Jaise ladki ne ladke k armano pe chhuri chala di ho. 

Chalte chalte shaam hone ko aayi thi or wo Tuntun Pur k jangal ko paar kar chuke the Or aa pahuche the Tuntun Pur ki badi haweli k theek samne. Jo dikhne me purane khandhar si thi jiske aas paas bilkul sannata tha.

"Babu lagta apna kaam ban gaya", ladke ka chehra haweli dekh kar aisa tha jaise pyase ko pani mil gaya ho. Wo dono haatho me haathon me haath daal haweli k andar jaate hai. 

Tabhi unke andar jaate hi haweli ka darwaja apne aap band ho jata hai jis par likha tha. 

"Aao Kabhi Haweli Par"

@@@@

TunTun Pur se kayi kilometre door ek cafe me teen dosto me party chal rahi thi. 

"Yaar kab tak apna vacation isi cafe me coffee pite Or movie me popcorn khate huye gujarenge", ek ladke ne baaki dosto se kaha jiska naam tha Ramalingan

"To chalo kuch adventures karte hai", Bhoomi ne baat aage badhayi. 

"Ek kaam karte hai Goa ka plan banate hai", Ramalingan ne utsaahit ho kar futa hi tha. 

Tabhi ek 22 saal ka ladka coffee ka sip maarte huye cup niche rakhte huye bola, "Goa ka plan bante hi cancel hone k liye hai or pata ho jo chiz cancel honi uski baat hu kyu karna", uski baat pe Bhoomi thahaka laga deti hai. 

"To or kya socha hai Sandarbh Saahab ne? ", Ramalingan ne uski taraf dekh kar puchha

"Hum Ek adventure trip pe chalenge... Forest me outing karenge", Sandarbh ka idea Bhoomi ko pasand aa chuka tha bas Ramalingan sure hone ki soch raha tha. 

Jaha inke plan ban rahe the wahi dusri taraf TunTun Pur ki haweli me kisi ne already plan bana liya tha. Wo plan tha un ladka ladki ko darane ka or ye plan banaya tha 20 saal ke Nishu ne. 

"Nishu... Tum itne nithalle kaise ho sakte ho ... Jeete jee tum kuch kar nahi paaye or ab marne k baad bhi bilkul nakara ho" Ek dahadti awaaj ne kisi ko chaukaya tha. 

"Mujhe maaf kar dijiye Bhoot Raja... Mai kya karu koi mujhse darta hi nahi", Nishu rotalu jaisa bola. 

"Agar darta nahi to dariya me doob maro", Bhoot Raja ne gusse me kahan jispar Nishu ko hasi aa gayi... Mai to already marr chuka hoon.... Hahahahah

" Chup kar budbak... Teri wajah se mai bhi yaha fasa hua hoon... Tere saath wale sabhi bhoot apna bhoot karm kar kab ka mukti paa chuke hai or ek tu hai do saal hone ko aaye abhi tak yehi latka hua hai... Jab tak tu kisi insaan ko darayega nahi tab tak tujhe mukti nahi milegi or teri wajah se mujhe bhi. Samjha bhootiye", Bhoot Raja ne use uska karm yaad dilaya tha. 

" Ji Bhoot Raja..." Uska itna kehna tha k Haweli k darwaje pe aahat si hoti hai. 

"Lagta shaitaan ne teri sun li... Le aa gaye tere naye assignment... Or sun is baar koi galti nahi honi chahiye..." Bhoot Raja un ladka ladki ko dekh kar bole. 

"Dekhna Bhoot Raja is baar mai inhe aisa daraunga aisa daraunga k aap bhi zinda hote to darr k fir marr jaate", Nishu apni Aasteen chadata hua aage badha. 

"Devil bless you my Ghost", Bhoot Raja ne mantra padha. 

@@@@@

Baby or uska babu ab Haweli k andar aa chuke the. 

"Wow baby kitni mast jagah hai", ladki khush huyi. 

"Haan hai to... Idhar apan honeymoon kas k manayenge.... Na tere baap ki khich khich na pados wali auntiyon ki mich mich", lakda caka chaundh sa puri Haweli ko ghoore jaa raha tha.

Tabhi use ek Halchal hoti dikhti hai. 

"Babu tumne kuch dekha... Aisa laga waha koi hai", ladke ne ungli dikhayi. 

"Ab mai is kursi ko apne haathon se upar utha leta hoon jisse inhe lage kursi hawa me udd rahi hai.", Nishu ne turant plan banaya Or us par amal kiya. 

Kursi hawa me udta dekh baby ki sitti bitti gum ho gayi thi. " Ye... Ye... Ye kurshi hawa me apne aap kaise ud rahi hai...  

"Kuch nahi....lagta hawa bahut tej chal rahi hai", ladki ne chocolate khate huye bilkul hairat nahi jatayi.

"Uff...Ye ladki bilkul normal nahi hai..." Ladka fir budbudaya lekin is baar ladki k kano me ju reng gayi thi Or wo bhadki. 

"Kya ... Kya kaha tumne... Abnormal... Ek kaam karo tum raho yehi mai jaa rahi hoon... Mujhe tumhare saath ek second bhi nahi rehna", wo gusse me jaane lagti hai. 

Idhar Nishu hairaan pareshaan sa khada tha.

" Ye log darne k wajah apas me kyu lad rahe hai... Arre mai bhoot hoon... Daro mujhse... Arree please ek baar darr jaao yaar", Nishu unhe convinced karne laga tha jabki uski awaaj tak un tak na pahuch rahi thi dikhna to door ki baat. 

Ladki badbadate huye Haweli k bahar aa jaati hai... Usko manaate manaate ladka bhi uske pichhe pichhe dum hilate bahar aa gaya.. 

"Ruko ruko...mai bhoot hoon mujhse daro...plz ek baar darr jaao", Idhar Nishu ki har yojna dhara shayi ho gayi. 

Bhoot Raja upar se ye sab najara dekh rahe the. " Is bhootiye ka kuch nahi ho sakta", unhone sar pita. 

@@@@@.

"Ab bas kijiye hasi thitholi humse,. Suna hai sheher me or bhi jokar hai".

Ramalingan shayri ki kitaab me duba hua tha jabki Sandarbh car drive kar TunTun pur k jangalon me pravesh kar chuka tha. Dekhte dekhte wo prakriti k saath is adventures trip ka aanand le rahe the. 

"Hum yaha aa gaye hai lekin raat kahan bitaenge", Bhoomi ne chinta jatayi. 

"Maine pata kiya hai Is jungle k paar ek purani building hai... Waha humare liye rukne ki koi na koi vyavastha jarur ho jayegi", Sandarbh ne yakeen dilaya. 

Andhera kayam rahe... Yehi hone wali raat ne abhi kehna shuru kar diya tha jab wo teeno Tum Tun Pur ki Haweli k samne rukate hai. 

"Ye hai wo jagah... Ye to koi khandhar lag raha hai....isse accha to Goa hi chalte waha beach pe mai foreigners ladakiyo ke saath swimming karta ahahahhahahh", Ramalingan sapne me gum ho gaya tha jise Bhoomi ne toda... "Chup kar..."

Wo dono apni Tu Tu Main Main me vyast the jabki Sandarbh is Haweli ko gaur se dekh raha tha. Jis par likha tha... " Aao Kabhi Haweli Par", jaisa use koi bula raha ho. 

Wo andar jaane lagta hai uske pichhe pichhe Bhoomi or Ramalingan abhi bhi apne me chalu the. 

Darwaje ki fir aahat hoti hai. Ye sun kar Nishu jo hawa mein ulta latak kar dhyaan kendrit kar raha tha ek dam se sidha ho jata hai. 

"Lagta hai Devil ne meri sun li.... Koi insaan Itni jaldi bhej diya... " Wo dekhna hai yaha ek nahi balki trimurti thi. 

"Waah Bhoot Raja... Buy two get one free.. Ye moka mai marte dam tak nahi jaane dunga.....lekin ye maine kya bola mai to already marr chuka hoon.....kahir Ab dekhiyega Bhoot Raja mai kaise inhe dara kar mukti pata hoon", wo ye sab khud se ho bole jaa raha tha. 

Sandarbh andar aata hai... Wo idhar udhar dekhta hai use koi najar nahi aata. 

"Idhar udhar kya dekh raha hai bacche... Mai kisi ko dikhayi nahi deta hi... Hahahahaha.... Ab dekh mai tujhe hawa me kaise udata hoon", wo saamne se aa kar use gaud me uthane jaa hi raha tha tabhi... 

"Hey you... Suno", Sandarbh ne use Point out kiya. 

Nishu idhar udhar dekhne laga.. 

"Idhar udhar kya dekh rahe ho mai tumse baat kar raha hoon", Nishu ko yakeen ho gaya tha k samne khade handsome hunk ne use hi bulaya hai. 

"Ye mujhe kaise dekh sakta hai, kya ye bhi meri tarha bhoot hai... Ya mai mara hi nahi... HeHey devil kya kya shiyapa hota hai mere saath", wo barf ko silli sa abhi bhi wahi jama tha. 

"Sun... Ye jagah hume rukne k liye mil sakti hai... Ya aas paas koi or accha hotel hai jaha night aram se stay kar sake", Sandarbh uski taraf aage badhte huye bola. 

Nishu abhi bhi soch me tha aaj tak use kisi insaan ne nahi dekha fir ise kaise dikhayi de raha... 

" Kuch bolega bhi bhai ", Sandarbh ne uska kandha pakad k hilaya 

" Oh Devil... Ye mujhe dekh or sun hi nahi balki chhu bhi sakta hai", wo pasine pasine hua. 

Tabhi Darwaje pe fir se aahat huyi... Sandarbh dekhta hai ab Bhoomi or Ramalingan bhi andar aa chuke the. 

"Sandarbh... Tum hume bahar akela hi chhod kar andar aa gaye. " Bhoomi ne puchha

"Arre mai is ladke se baat karne laga tha", usne jawab diya 

"Kon ladka ", Ramalingan or Bhoomi donon ek saath bole. 

Wo sar ghuma k dekhta hai waha koi nahi tha.

"Jal Tu jalaal Tu, 

Aayi bala ko taal Tu;

Khod dein kuaa pakad le lota, 

Ittu bittu jin patuta"

Nishu waha se 9 2 11 ho kar ek pillar ki aad me chhup k insaan bhagau mantra padhne laga..... Kisi bhoot ko darte huye aaj pehli baar dekha hoga. 

"Yehi to tha... " Sandarbh use abhi bhi khoj raha tha. 

"Kuch bhi yaha koi nahi hai or jo jagah kisi ki nahi hoti wo sabki hoti hai.. Or hum yehi rahenge... Chalo room dekhte hai tab tak Sandarbh car se luggage nikal lana", Bhoomi ne rani ban order diya. 

Jiska hukum humesha uske sar aankhon pe rehta hai... Ho bhi kyu na wo Bhoomi ko pasand jo karta tha. 

@@@@

Bahar car ke paas door door tak andhera Or sannata tha. Jab Sandarbh luggage nikal raha tha.. Tabhi Nishu hawa se prakat hokar theek uske samane prasthaan karta hai. 

"Mai kuch help karu", Nishu bola. 

" Oye tu kahan gayab ho gaya tha.. " Sandarbh bola

"Jo pehle se gayab hai use kon gayab kar sakta hai bhala...kyuki mai bhoot hoon", 

Sandarbh ne na samajhne wala muhh banaya... 

" Nahi samjha... Abhi samjhata hoon... "

Nishu chal kar khud ko car k aar paar karta hai. Kabhi wo hawa me ulta latakta hai kabhi wo zameen me gayab hokar kisi or disha se nikalta hai ye dekh Sandarbh dang reh jata hai... Wo na cheekh paa raha tha na bhaagne k liye kadam badha paa raha tha. 

"Tu... Mera matlab aap kon hai...A...Aa...aap bhoot hai bhai sahab", ab uski sitti bitti gum ho chuki thi. 

"Haan.. Mujhe mare huye 2 saal ho chuke hai" Or yeh jagah bhi haunted hai".ye sun Sandarbh sar par pair rakh bhagne lagta hai or Wo use rokne k liye uske pichhe pichhe jata hai. 

"O God... Ye bhoot to mere pichhe hi aa raha hai lagta meri jaan lekar hi manega", usne speed badhayi. 

" Aree.. Ruko... Mai tumhe nuksaan nahi pahuchaunga bas ek baar meri baat sun lo", wo bhi haar manne walo me se na tha. 

Dekhte dekhte.... Dono Haweli se bahut door aa chuke the. Or ab Sandarbh thak gaya tha. Or wo khada hokar hafne lagta hai... Tabhi Nishu uske aankhon k saamne prakat hokar uske haath ko apni jakdan me le leta hai

" Plz mujhe jaane do mai kisi se kuch nahi kahunga... Plz abhi to meri Shadi bhi nahi huyi hai plz mujhe chhod do... Plz mujhe marna mat", Sandarbh uske pairo pe gir gaya tha. 

"Arre mai tumhe nuksaan pahuchane k liye tumhare pichhe pichhe nahi bhaag raha tha balki ye batana chha raha tha k mere marne k baad aaj tak mujhe kisi insaan ne nahi dekha... Sivaye tumhare...Tum pehle insaan ho jisko mai dikhayi deta hoon or tum pehle insaan ho jo mujhse dara hai", Nishu ki baatein usko bilkul samjh nahi aa rahi thi. 

"Mai to sidha sada ladka hoon... Bhala mera bhooto se kya vasta plz mujhe jaane do", Sandarbh ne haath jode. 

"Jaane dunga... Lekin meri puri baat suno", Nishu use Bhoot Raja se lekar Mukti paane tak ki sari kahani short me suna deta hai. 

"Matlab jab tak tumse koi darega nahi tab tak tumhe mukti nahi milegi... Lekin isme meri kya galti mujhe tum kyu dikhayi de rahe... Hey bhagwaan kahan fas gaya", wo rone jaisa ho gaya tha

"Ye hi to baat hai... Mujhe nahi pata mai tumhe kaise or kyu dikhayi de raha hoon... Lekin ab mai samjh gaya hoon k tum meri mukti ka marg khologe... Devil ne tumhe meri madad k liye hi bheja hai...tum meri help kar do badle jo tum chaho mai wo karunga...", Nishu ne uske kandhe pe haath rakh tasalli di. 

"Aisa kya karna hoga mujhe", Sandarbh do kadam pichhe hata. 

"Jyada kuch nahi... Bhoot Raja k samne tumhe mujhse darne ki acting karni hogi... Or unhe ye yakeen dilana hoga k tum mujhe jaanbujh kar nahi dekh sakte isse wo khush ho jayenge or mujhe Mukti mil jayegi. " Nishu ne fir se flop idea diya. 

"Or mujhe kya milega", Sandarbh ne kuch soch k puchha

"Jo tum chaho", Nishu ne dildaari dikahyi

"Ok done... Jo tum kahoge mai waisa hi karunga.. Or tum humare rehne khane k saath saath meri Setting ka bhi intejam kar dena", Usne handshake k liye haath aage badhaya

"Setting kaisi setting", use kuch samjha nahi. 

"Bhoomi meri friend tu use apne jaadooi karnamo se impress karne me meri help kar de .." Sandarbh ki baat Nishu ko samjh me aane lagi thi. 

"Ok done... Lekin hum Bhoot handshake nahi karte... Balki batti karte hai", dono ne apne haath ki sabse chhoti ungali mila li thi. 

Ek bhoot or ek insaan apne apne matlab k liye hi sahi lekin dost ban gaye the... Nishu ne un teenon k rehne or khane pine ka sara intejaam apne bhutiya jaadoo se kar diya tha... Jisse Bhoomi ne samjha Sandarbh ne sab karaya hai... Or wo impress hone lagi thi.. 

Dekhte Dekhte samay gujra or ab Sandarbh ki baari thi Nishu ki help karne ki.

Nishu ne Bhoot Raja ko niche bulaya... Or Tun Tun Pur k jungalo me chalne ki vinti hi. 

"Kyu be bhootiye... Mujhe kyu bulaya ", Bhoot Raja bhadke. 

"Aaj mai Bhoot Karm me paas ho kar dikhaunga Bhoot Raja... Aap bhi kahenge waah Nishu waah ja ji le apni maut...." Nishu kaafi Confidence lag raha tha. 

" Aaj tak tujhse ek insaan to daraya nahi gaya... Or ab is ghane jangalon me ped or pattiyon ko darayega kya... Tujhse kuch nahi hota keval time kharab karne k alawa", Bhoot Raja ko aaj bhi uspe shak tha k us nithalle se aaj tak kuch na ho saka to ab kya hoga. 

"Uff.... Aap yakeen to kariye mujh par", Nishu ne insist ki. 

" Theek hai ye tera aakhiri moka hai agar Tu kisi insaan ko nahi dara paya to mai tujhe humesha k liye yehi chhod kar mrityu lok chala jaaunga fir ghumte rehna zindgi bhar Ye Jawani Hai Dewani ka Ranbir ban kar. ", Bhoot Raja ne use akhiri hidayat di. 

"Aap dekhte to jaayiye is baar mai kya karta hoon", usne apne haath chalaki se masle. 

@@@@

Kuch der baad.... 

Sandarbh jo ki dhoti Or Baniyan pehne gata hua...ek Dood wala ban kar jungal se hota hua unki taraf chala aa raha tha. 

"Laga diyo paar, 

humari bhaisan ko;

Karayi diyo yaar, 

Thoda fashion unko"

"Dekhna Bhoot Raja kaise mai is dood wale ko din me taare Or Suraj ki Chandani dikhata hoon", wo itna keh kar dood wale ko taraf badha. 

Nishu dood wale bane Sandarbh k saath ajeeb ajeeb harkate karne lagta hai... Kabhi uska dood ka bartan gira deta hai kabhi use hawa me utha deta hai... Sandarbh bhi is natak me uska barabar saath dete huye darne ki puri real Acting kar raha tha... Idhar Bhoot Raja samne chal raha tamasha dekh kar chonke huye the k " Is Bhootiye ne do saal se kisi ko nahi dara paya to aaj aisa kya hua..."

.

Dekhte dekhte Dood wala Urff Sandarbh apna bartan chhod bhaag khada hota hai... 

"Kyu kahiye Bhoot Raja dara diya na ", Bhoot Raja ko abhi bhi yakeen nahi ho raha tha

"Kya soch rahe hai... Yehi na ka mujhe mukti kab dengein", Nishu over confidence me choor tha. 

"Ye kaise hua... Maine apne hajaro saal k Bhooto k career me aisa achambha pehle kabhi nahi dekha... ", Bhoot Raja khud ko manane ki puri koshish kar rahe the. 

"Bhoot Raja", Bhoot Raja dare... Jab Nishu ne unhe hilaya.. 

"M.. Ma..Mai tumhe Bhooto k karm me paas karta hoon, tum jab chaho mukti le sakte ho.... Okay bye... ", Bhoot Raja darte huye jaldi jaldi bolkar gayab ho jaate hai. 

"Aaj to Maine Bhoot Raja ko bhi dara diya tabhi udan chhu ho gaye... Hahahhahah" Idhar Nishu khushi se nachane laga 

@@@@

Haweli ki chhat par Nishu akela baitha dhalte sooraj ko dekh raha tha. Wo sukoon me tha k ab jab chahe wo is lok ko chhod ko mrityu lok jaa sakta hai. Lekin wo abhi tak nahi gaya tha kyuki use Sandarbh ka shukriya ada karna tha wo bhi uski help kar k... Akhir uski wajah se ye use Mukti ka permit mila tha. Wo use yaad hi kar raha tha k pichhe se ek awaaj aati hai. 

"Bhhhaaawww"

Nishu bilkul darr gaya tha tabhi wo dekhta hai... Sandarbh uske pichhe khada tha jo thahake maar maar kar has raha tha. 

"Ek bhoot ko darte huye pehli baar dekha hai jise ek Insaan ne daraya ho... Hahahahaha", wo uske bagal me aake baith jata hai 

Dono dhalta suraj dekhne lagte hai or baatein karne lagte hai. 

"Tum abhi tak yehi ho... Mujhe laga kab ka Mukti vimaan me sawar hokar nikal liye hoge", Sandarbh ne hasi thitholi ki. 

"Jaane ka socha tha fir ek dost ko diya vada yaad aa gaya to kuch time k liye ruk gaya.." Nishu ne uski taraf dekha. 

"Dost kon ...mai....", Sandarbh ne khud ko ishara kiya 

"Haan tum... Tum nahi jante tumne meri kitni badi help ki hai... Ab jo tum kahoge mai wo karunga... Tumhe kabhi koi takleef nahi hogi ab tum mere sabse khaas dost ban gaye ho... Jis tarha ek insaan hokar tumne ek Bhoot ko samjha aaj tak mujhe koi Insaan to kya Bhoot Raja tak samjh nahi paaye.... Thankyou... ", bolte bolte Nishu emotional ho gaya tha. 

"Awww... Bhoot bhi rote hai aaj pehli baar dekha... Waise Fikar not I am hot... Or mujhe to bhagwaan ne bheja hai tumhari help karne k liye warna mujhe tum kyu dikahyi dete.. Waise hum insaan bahut selfish hote hai humse tum bhoot hi acche.....

Kyuki... Bhoot bhi Kabhi insaan tha. 

Hahahaha", Wo uska mood light karne ka bharpoor koshish kar raha tha.

Tabhi Nishu ne apne haath ki chhoti ungali uski taraf badhayi... Ye dekh kar wo uske gale hi lag gaya... " Humare insaano me dosto ko gale lagate hai.."

Sandarbh ne use aise gale lagaya maano uske shareer me 440 volt ka current daud gaya ho... Wo madhosh hone laga tha... Use kuch ajeeb ehsaas hone laga tha. 

"Waise tum or kya chahte ho mai kaise tumhari help kar sakta hoon Bhoomi ko patane me.." Uska itna kehna tha... K Sandarbh udaas hota hua pichhe hat gaya. 

"Nahi yaar... Kuch rishte dosti tak hi rahe to accha hai use pyaar ya koi or naam nahi dena chahiye... Tumne humare rehne ka itna accha or jadooi intejam kiya wahi bahut hai... Ramalingan to pagal sa ho raha hai.. Jaise Goa se duguni khushi use yaha mil rahi ho... Sach me Nishu ye meri life ka first or best adventures trip hai ho bhi kyu na mujhe ek pyaara bhoot dost k roop me mila hai... 

Uski baatein Nishu me dil pe ghar kar rahi thi wo sharam se laal hua jaa raha tha...

"Waise ek baat batao... Tum 20 saal k lagte ho... Itni kam umar me tum mare kaise", Sandarbh ne utsukata se puchha. 

"Mai mara nahi balki mujhe mara gaya hai", jaise uske kuch purane ghaav hare hone wale the. 

"Matlab ", wo chaoka

"Mai ek Gay hoon" Ye sun Sandarbh ko jhatka laga. 

"Kya tum Gay ho", Uske pairo se zameen khishak chuki thi

"Kyu ye duniya bas straight or heterosexuals ki hai" Nishu k sawal se Sandarbh nishabd ho gaya. 

Wo aage kehna shuru karta hai 

"Jab zinda tha to mai ek ladke se pyaar karne laga tha. Hum online dating site se mile the... Jab mai usse first time milne gaya to wo ladka wo nahi nikla jise dekh kar maine baat ki thi.. Baad me mujhe pata chala wo ek fake profile se mujhse baat karta tha... Usne or uske dosto ne mujhe lootna chaha...Band Car me mere saath jabardasti karne ki koshish ki or jab nahi kar paye... To chalti car se mujhe bhahar fenk diya or ek truck se kuchal kar meri maut ho gayi... Tab se aaj tak mai apni mukti k liye do saal se idhar udhar bhatak kar ye prayaas kar raha hoon k kaise Bhoot Raja mujhse khush ho... Tabhi tum aa gaye....... Ek Insaan ki wajah se meri jaan gayi or Dusre Insaan ki wajah se mujhe mukti mili ", Uske haste chehre k pichhe chhipi dard bhari kahani sun Sandarbh ko usse humdardi hone lagi thi. 

"Sach me mai aaj tak sochta tha k Insaan hi acche ya bure hote hai lekin ye chalan bhooto me bhi hota hai ye pehli baar dekha.. Mai samjhta tha bhoot bas bure hote hai lekin tum acche bhoot ho.... I love U"

Sandarbh ne use fir gale se laga liya... 

Lekin uske I love u ye shabd Nishu k kano me goonj gaye the. 

"Aayi hai wo bahar, 

Jo zinda reh kar naa aayi, 

Pyaar gaaya hai kisi ne, 

Kahi fir se mar na jaaye harjaayi."

Kahi na kahi Nishu ko Sandarbh me wo pyaar dikhne laga tha jo use jeete jee na mil saka... Jiski talaash me wo zinda reh kar bhatka or marne k baad bhi... Kisi ne use pyaar nahi kiya. 

Wo use I Love U Too kehne hi jaa raha tha k kuch soch kar khud ko rok leta hai.

"Chalo ab mujhe jana hoga... " Wo pichhe hatate huye bola. 

Jane k pal aane pe Sandarbh bhi udaas ho gaya tha kyuki use Nishu jaise dost ki sakht jarurat thi lekin ek insaan or Ek bhoot ka saath akhir kab tak ka hoga. 

"Apna khyaal rakhna or humesha khush rehna... Mai dua karta hoon k jo pyaar is lok me insaano k beech reh kar na mila wo tumhe mrityu lok me bhooto k beech mil sake", Sandarbh ne uske gaal pe pyaar se haath fera

Bas yehi bahut tha Nishu k liye... Ab wo ek ek kadam pichhe jaane laga tha. Chalte chalte wo dhalte Sooraj me khota jaa raha tha... Sandarbh use haath hila kar bye bye kar raha tha... Or Suraj dhalte hi... Nishu ki aatma bhi mukt ho gayi thi or ab wo kahi kho chuka tha. 

Ye dekh Sandarbh k aankhon se bhi aansu ki do boond tapak padi... Or wo apne haath se use pochhta hai. 

Tabhi Bhoomi or Ramalingan aa jaate hai. 

"Of ffo kahan ho tum subha se... Kitna dhunda tumhe... Chalo ab raat hone wali hai hume chalna chahiye ya ek or din bitane ka irada hai is Haweli me", Bhoomi ne kahan.. 

"Mujhe to yaha Goa kya jannat jaisa feel aaya hai", Ramalingan ne angdaayi li. 

" Ye sab Sandarbh or uske network ka kamaal hai", Bhoomi ne uski tareef ki. 

Lekin use is baat se koi farak nahi pada tha... 

"Ye sab maine nahi kisi farishte ne kiya hai", uski baat kisi ko samjh nahi aayi thi. 

" Uff ab paheliyaan bujhana band karo or chalo wapas chalte hai", wo Dono Sandarbh ko lekar wapas jaane lage. 

Car ready thi sara luggage rakh diya gaya tha... Sab car me baith chuke the.. Tabhi akhiri baar Sandarbh Haweli ko gaur se dekhta hai.. Yaha uski anokhi yaadein ban gayi thi tabhi uski najar us jagah padti hai jaha likha tha... "Aao Kabhi Haweli Par"...

Wo car se utar kar likhe huye k paas jata hai... Waha ab Aao Kabhi Haweli Par ki jagah kuch or likha tha or wo tha

"Kuch rishte dosti tak hi rahe to accha hai use pyaar ya koi or naam nahi dena chahiye."

Sandarbh ko yaad aata hai ye wahi lines jo usne Nishu se kahi thi... 

Wo iska matlab bhi samjh jata hai. 

Jis tarha wo Bhoomi se pyaar ka ijahar karna chahta tha lekin apne rishte ko dosti ka naam dena jyada uchit samjha... Usi tarha Nishu ko bhi usse pyaar ho gaya tha lekin usne pyaar ka ijhaar karne se accha samjha ek dost k roop me bida lena. 

Akhir kaar Sandarbh Nishu k dil ki baat samajh chuka tha... Ab uske chehre pe halki sir muskan thi. 

Wo car start karta hai or teeno khushi khushi apni manjil k liye nikal padte hai. 

Ab sawal ye uthata hai k Aao Kabhi Haweli Par ki jagah Sandarbh ki kahi lines kaise aayi 

Tabhi Aasmaan me Bhoot Raja ki chhavi nikharti hai 

 

"Tujhe kya laga Nishu tujh jaisa nittalla nakara itna bada jhol karega or mujhe pata nahi chalega... Mai aise hi nahi Bhooto Ka Raja bana hoon... Lekin mai teri or Sandarbh ki pyaar roopi dosti dekh kar khush hua isi wajah se tujhe mukti mil gayi. 

Ek Bhoot or Ek Insaan k beech ka ye anokha rishta akhir kahan dekhne ko milta hai....

Hahahha...Lekin ek baat jarur kahunga Nishu !.....sach mein tu tha ek number ka BHOOTIYA...

Isi k saath Bhoot Raja bhi andehri raat me aasmaan ki kaalima me kho jaate hai. 

"Aise likhiye kahani apni,

Ki na chahte huye bhi;

Madhosh kar dein is kadar, 

Ki Kehna hi pade hume;

Aao Kabhi Haweli Par."

_______The End________

Writer - Nits